A A A A A

Allah: [Nemət]


Luka 6:38
ورئن، سئزه ده ورئلر؛ اؤلچولوب-بئچئلمئش، سئلکَله‌نئب-باسيلميش، دولوب-داشميش بول بئر اؤلچو ائله سئزئن اَته‌يئنئزه تؤکولر. چونکي هانسي اؤلچو ائله اؤلچه​سئنئز، او اؤلچو ائله ده سئزه اؤلچولر."

Matta 5:4
خوش ياسلي اولانلارين حالينا، چونکي اونلار تسلّي تاپاجاقلار.

Filipililərə 4:19
و منئم تاريم، مسئح عئسادا اؤز شؤوکتئنئن وارليليغينا موطابئق، سئزئن بوتون احتئياجلارينيزي فراهم اده​جک.

Zəbur 67:7
قوي تاري بئزه برکت ورسئن، دونيانين بوتون نهايتلري اوندان قورخسون.

Saylar 6:24-25
[24] «رب سئزه برکت ورئب، سئزي قوروسون؛[25] رب اؤز نورلو اوزونو سئزه ساچسين. سئزه عئنايت گؤرسدسئن؛

Filipililərə 4:6-7
[6] هچ بئر شي اوچون نئگاران اولمايين، آمّا هر شيده خاهئشلرئنئزي دوعا، ائستئغاثه و شوکورله تارييا بئلدئرئن.[7] و تارينين هر فهمدن افضل اولان باريشي، مسئح عئسادا، اورکلرئنئزي و فئکئرلرئنئزي موحافئظت اده​جک.

Yaqubun 1:17
هر بئر ياخشي شي و هر کامئل عطا يوخاريدان، نورلارين آتاسيندان نازئل اولور کي، اوندا نه ديئشئلمک وار نه ده دؤنمکلئک کؤلگه​سي.

Yeremya 17:7-8
[7] آمّا خوش او آدامين حالينا کي، ربّه بِل باغلايير، ربّی اؤزونه آرخا سايير.[8] او، سولار کناريندا اَکئلمئش آغاج کئمي اولاجاق. اِله آغاج کي، چاي قيراغيندا کؤک سالار، ائستي گلنده قورخماز، يارپاغي همئشه ياشيل قالار، قوراقليق اولان ائل نئگارانليق چکمز، ميوه ورمکدن ده قالماز."

Yeşaya 41:10
قورخما، چونکي من سنئنله‌يم، دهشته گلمه، چونکي تارين منم. سني قووّتلَندئره‌جيم، سنه دوغرودان کؤمک اده‌جيم. صالح صاغ اَلئمله دوغرودان سني توتاجاغام.

Yəhya 1:16
اونون دولولوغوندان هاميميز فيض اوستونه فيض آلديق.

Yaradılış 22:16-17
[16] "رب ديئر: اؤز وارليغيما آند ائچمئشم کي، سن بو ائشي اتدئيئنه و يگانه اوغلونو قييماديغينا گؤره[17] سنه بؤيوک بئر برکت وره‌جيم، نسلئني گؤيده‌کي اولدوزلار و دهنز ساحئلئنده‌کي قوم قدر آرتيريب چوخالداجاغام. سنئن نسلئن اؤز دوشمنلرئنئن شهرلرئنه صاحئب اولاجاق.

Yaradılış 27:28-29
[28] تاري سنه گؤيلرئن شِحئني، تورپاغين شئره‌سئني، بول بوغدا و چوخلو تزه شراب ورسئن.[29] خالقلار سنه قوللوق اتسئنلر، مئلّتلر سنه باش اَيسئنلر. اؤز قارداشلارينا آغا اولاسان، آنانين اوغوللاري سنه باش اَيسئنلر. سنه لعنت ادنلره لعنت گلسئن، سنه برکت ورنلر برکت آلسينلار."

Zəbur 1:1-3
[1] خوش او آدامين حالينا کي، پئس آداملارين مشورتئنده گزمز، گوناهکارلارين يولوندا دورماز، ائستِهزا ادنلرئن مجلئسئنده اوتورماز؛[2] لاکئن ربّئن شرئعتئندن حظّ ادر، گجه-گوندوز اونو درئن دوشونر.[3] او، سو آرخلارينين يانيندا اکئلمئش آغاج کئمي‌دئر کي، باريني اؤز واختيندا ورر. اونون يارپاغي سولماز، اتدئيي هر ائش ياخشي گدر.

Zəbur 23:1-4
[1] رب منئم چوبانيمدير، هچ بئر شيه مؤحتاج اولمارام.[2] او مني ياشيل اوتلاقلاردا ياتيردير، آرام سولار قيراغيندا گزدئرئر،[3] جانيمي تزه‌له‌يئر، اؤز آدي اوچون مني صالحلئک يوللاريندا هئدايت ادئر،[4] ظولمت دره‌سئنده گزسم بله، شردن قورخوم يوخدور، چونکي سن يانيمداسان. سنئن دَيَنکئن، سنئن ال آغاجين منه اورک ورئر.

2 Şamuel 22:3-4
[3] تاريم قايامدير، اونا پناه آپاريرام، اودور قالخانيم، گوجلو خئلاصکاريم، بورجوم، سيغيناجاق يِرئم. خئلاصکاريم؛ سن منی قدّارليق اَلئندن قورتاريرسان![4] حمدلره لايئق اولان ربّی چاغيريرام، دوشمنلرئمدن خئلاص اولورام.

1 Yəhyanın 5:18
بئلئرئک کي، تاريدان دوغولان هر کس گوناه اتمز. عکسئنه، تاريدان دوغولان اؤزونو ساخلار و شرئر اونا توخونا بئلمز.

Zəbur 138:7
مشقّت ائچئنده گزسم بله، دوشمنلرئمئن قضبئندن مني ساخلاييرسان، ساغ الئن منه نئجات ورئر.

2 Korinflilərə 9:8
و تاري قادئردئر کي، بوتون فيضي سئزه بول اتسئن، اِله کي، هر شيده همئشه کئفايتئنئز اولوب هر خيئر عمل اوچون دؤولتلي اولاسينيز.

Filipililərə 4:7
و تارينين هر فهمدن افضل اولان باريشي، مسئح عئسادا، اورکلرئنئزي و فئکئرلرئنئزي موحافئظت اده​جک.

Azerbaijan Bible 2008
Southern Azeri translation. Copyright © 2008 Elam Ministries