A A A A A

Kilsə: [Kilsəyə Qatılmaq]


İbranilərə 10:24-25
[24] گلئن بونون قيدئنه قالاق کي، بئربئرئمئزي نجه محبّت و ياخشي ائشلر اتمه‌يه تشوئق ادک.[25] و بعضئلرئن عادتي کئمي بئربئرئمئز​له بئر يره ييغيلماغي ترک اتمه‌يک و بئربئرئمئزي داها دا چوخ تشوئق ادک، علل​خوصوص گؤرورسونوز ده کي، او گون ياخينلاشير.

Matta 18:20
چونکي هارادا ائکي و يا اوچ نفر منئم آديمدا بئر يره ييغيلسالار، من اورادا، اونلارين آراسيندايام."

Koloslulara 3:16
قويون مسئحئن کلامي بوتون دؤولتلئيئله سئزده ساکئن اولسون. بئربئرئنئزه بوتون حئکمتله تعلئم و نصئحت ورئب، مزمورلار و ماهني‌لار و روحاني نغمه​لر و اورکلرئنئزده شوکورلرله تارييا اوخويون.

Efeslilərə 4:11-13
[11] و او، بعضئلري حوارئلر، بعضئلري نبئلر، بعضئلري موبشّئرلر، بعضئلري ده شبانلار و موعلّئملر تعيئن اتدي کي،[12] موقدّسلر، خئدمت ائشئني يرئنه يتئرمک اوچون سئلاحلانيب، مسئحئن بدنئني بئنا اتسئنلر.[13] او قدر کي، هاميميز ائماندا، تاري اوغلونون معرئفتئنده بئرلئيه چاتيب، مسئحئن دولولوق قامتئنئن اؤلچوسونه قدر بؤيوموش بئر ائنسان اولاق.

Həvarilərin İşləri 2:42
اونلار اؤزلرئني حوارئلرئن تعلئم و رفاقتئنه، چؤرک بؤلمک و دوعايا وقف اتمئشدئلر.

Romalılara 10:17
بلجه ائمان اشئتمکدن، اشئتمک ده مسئحئن کلامي ​ائله‌​ دئر.

Matta 16:18
من ده سنه ديئرم کي، سن پطروس​سان و من کئلئسامي بو داش اوستونده بئنا اِده​جه‌يم و اؤلولر دئيارينين قاپيلاري اونا قالئب گله بئلمه‌يه​جکلر.

Həvarilərin İşləri 9:31-32
[31] بلجه کئلئسا، بوتون يهودئيه​ده، جلئلده و سامئره​ده آرامليق تاپيب قووّتله‌نئردي؛ ربّئن قورخوسوندا، موقدّس روحون تشوئقئنده ياشاييب چوخاليردي.[32] پطروس هر طرفي گزن واخت، لئدّه​ده ياشايان موقدّسلرئن ده يانينا گلدي.

Matta 6:33
لاکئن سئز اوّلجه تارينين پادشاهليغيني و اونون صالحلئيئني آختارين و بونلارين هاميسي سئزه آرتيقليقلا ورئله​جک.

Yaqubun 1:22
آمّا ثابئت ادئن کي، آنجاق کلامي اشئدئب اؤزلرئني آلداتان ديئلسئنئز، کلاما عمل ادنلرسئنئز.

2 Timofeyə 4:2
کلامي وعظ ات، واخت-بِواخت حاضير اول، بؤيوک صبر و نصئحتله ائصلاح ات، توبئخ ات، تشوئق ات.

Matta 28:19-20
[19] اونا گؤره گدئن و بوتون خالقلاري منه شاگئرد ادئن. و اونلاري آتا، اوغول و موقدّس روحون آدي ائله تعمئد ورئن.[20] اونلارا اؤيره‌دئن کي، سئزه امر اتدئيئم بوتون شيلري ساخلاسينلار. باخين، من دونيانين آخيريناجاق هر گون سئزئنله وارام."

Azerbaijan Bible 2008
Southern Azeri translation. Copyright © 2008 Elam Ministries