A A A A A

Əlavə: [Qırılan Ürək]


1 Korinflilərə 13:7
محبّت هر زادي اؤرتر، هر شيه ائنانار، هر شيه اومئد باغلار، هر زادا تاب گتئرر.

1 Peterin 5:7
و هامي نئگاراچيليقلارينيزي اونون اوستونه قويون، چونکي او، سئزئن قيدئنئزه قالاندير.

1 Şamuel 16:7
لاکئن رب سمويئله ددي: "اونون گؤرونوشونه و اوجا بويونا باخما، من اونو ردّ اتمئشم. اونا گؤره کي، رب ائنسانين گؤردويو کئمي گؤرمَز، چونکي ائنسان ظاهئره، رب آمّا اوره‌يه باخار."

2 Korinflilərə 5:7
چونکي گؤرونوشله يوخ، ائمانلا رفتار ادئرئک.

2 Korinflilərə 12:9
و ربّ منه ددي: "منئم فيضئم سنه بسدئر، چونکي منئم قودرتئم ضعئفلئکده کامئلله‌شئر." بونا گؤره، داها چوخ اؤز ضعئفلئکلرئمده فخر اده​جه‌يم کي، مسئحئن قودرتي منده ساکئن اولسون.

İbranilərə 13:5
شخصئيّتئنئز پولپرستلئکدن آزاد اولسون، نه‌يئنئز وارسا، اونونلا کئفايتله‌نئن. چونکي تاري اؤزو ديئب: "سني هچ واخت بوراخمارام، سني هچ واخت ترک اتمه‌رم."

Yeşaya 6:1
پادشاه عوزئيّا اؤلَن ائل، من پروردئگاري گؤردوم. او، اوجا و عظمتلي تختده اوتورموش و پالتارلارينين اَته‌يي معبدئن دؤشَمه‌سئني اؤرتموشدو.

Yeşaya 41:10
قورخما، چونکي من سنئنله‌يم، دهشته گلمه، چونکي تارين منم. سني قووّتلَندئره‌جيم، سنه دوغرودان کؤمک اده‌جيم. صالح صاغ اَلئمله دوغرودان سني توتاجاغام.

Yeşaya 57:15
چونکي اوجا و عظمتلي اولان، ابدی ياشايان، آدي موقدّس اولان، بله ديئر: "من اوجا و موقدّس يرده ساکئنَم، قلبي سينيق اولانلارلا‎يام، روحدان دوشوکلرله‌يم، اِله کي، روحدان دوشوکلرئن روحلاريني، قلبي سينيق آداملارين قلبلرئني تزه‌لَندئرئم.

Yeremya 29:11
چونکي سئزئن باره‌نئزده اولان فئکئرلرئمي اؤزوم بئلئرم.» رب بويورور. «من سئزئن پئسلئيئنئز يوخ، سالاماتليغينيز باره‌ده دوشونورم، نئيّتئم بودور کي، سئزه بئر اومئد و بئر گله‌جک ورئم.

Yəhya 3:16
چونکي تاري دونياني اله سودي کي، اؤز يگانه اوغلونو فدا اتدي. اونا گؤره کي، اونا ائمان گتئرن هرکس هلاک اولماييب، ابدي حياتي اولسون.

Yəhya 12:40
تاري اونلارين گؤزلرئني کور اتدي، اورکلرئني داشا دؤنده‌ردي. اونون اوچون ده نه گؤزلری ائله گؤرمه‌يه قادئر اولدولار، نه اورکلری ائله آنلاماغا، نه ده منه طرف دؤنمه‌يه کي، من اونلارا شفا ورئم.

Yəhya 14:1
اوره‌يئنئز اوزولمه‌سئن. تارييا ائمان گتئرئن، منه ده ائمان گتئرئن.

Yəhya 14:27
سئزئن اوچون باريش قويورام. اؤز باريشيمي سئزه ورئرم. دونيا ورن کئمي يوخ، من سئزه ورئرم. اوره‌يئنئز اوزولمه‌سئن. قورخمايين.

Yəhya 16:33
بو شيلري سئزه ددئم کي، منده باريشينيز اولسون. بو دونيادا زحمت آلتينداسينيز، لاکئن جسور اولون! من دونيايا قالئب گلمئشم."

Luka 24:38
لاکئن عئسا اونلارا ددي: "نه اوچون وحشت ادئرسئنئز؟ نه اوچون اورکلرئنئزه بله شکلر دوشور؟

Mark 11:23
دوغروسونو سئزه ديئرم، هرکس بو داغا دسه: «قالخ، دهنزه آتيل!» و اوره‌يئنده شوبهه اتمه‌يئب ددئيئنئن اولاجاغينا ائنانسا، ددئيي کئمي اولاجاق.

Matta 5:8
خوش اوره‌يي تمئز اولانلارين حالينا، چونکي اونلار تاريني گؤره​جکلر.

Matta 11:28
اي بوتون يورغونلار، اي يوکلري آغير اولانلار، منئم يانيما گلئن و من سئزه راحاتليق وره​رم.

Süleymanın Məsəlləri 3:5
بوتون اوره‌يئنله ربّه توکّول ات و اؤز آنلاغينا دايانما.

Zəbur 34:18
رب اوره‌يي سينميش آداملارا ياخين‌دير و روحو ازئلمئش آداملارا نئجات ورر.

Zəbur 51:17
تارييا مقبول اولان قوربان سينميش روحدور، سينميش و ازئلمئش اورکدئر؛ بولاري سن اي تاري حقئر گؤرمزسن.

Zəbur 55:22
يوکونو ربّه بوراخ، او، سني پايدار ادر؛ صالح آدامين ييخيلماغينا هچ واخت ائجازه ورمز.

Zəbur 147:3
اوره‌يي سينميشلاري صاغالدار، اونلارين يارالاريني باغلايار.

Yəhyanın Vəhyi 21:4
سونرا او منه ددي: «تامام اولدو! ”الف“ و ”ي“، باشلانيش و آخير منم. من، سوسوز اولانا، حيات سويونون بولاغيندان موفته سو وره​جه‌يم.

Romalılara 8:28
و بئلئرئک کي، تاري بوتون شيلري، اونو سِوَنلر اوچون و اونون هدفئنه گؤره دعوت اولونانلار اوچون اونلارين خيئرئنه بئرلئکده ائشله‌دئر.

Romalılara 12:2
و بو دونيايا بنزه​مه‌يئن، لاکئن فئکرئنئزئن تمئزلنمه‌‌سئله ديئشئلئن کي، تارينين ياخشي، مقبول و کامئل ائراده​سئنئن نه اولدوغونو بئلئب، يرئنه يتئره‌سئنئز.

Süleymanın Məsəlləri 4:23
هر شيدن چوخ، بوتون جهدله اؤز اوره‌يئني حئفظ ات، چونکي حيات چشمه‌سي اودور.

Süleymanın Məsəlləri 3:5-6
[5] بوتون اوره‌يئنله ربّه توکّول ات و اؤز آنلاغينا دايانما.[6] بوتون يوللاريندا اونو تاني؛ او، سنئن يوللاريني دوز ادر.

1 Korinflilərə 6:19-20
[19] و يا مگر بئلمئرسئنئز کي، تاريدان آلديغينيز بدن، سئزده ياشايان موقدّس روحون معبدي​دئر و سئز اؤزونوزونکو ديئلسئنئز؟![20] چونکي سئز چوخ باها بئر قئيمته آلينيبسينيز. اونا گؤره ده، تاريني بدنلرئنئزده عئزّتلندئرئن.

Filipililərə 4:6-7
[6] هچ بئر شي اوچون نئگاران اولمايين، آمّا هر شيده خاهئشلرئنئزي دوعا، ائستئغاثه و شوکورله تارييا بئلدئرئن.[7] و تارينين هر فهمدن افضل اولان باريشي، مسئح عئسادا، اورکلرئنئزي و فئکئرلرئنئزي موحافئظت اده​جک.

Matta 11:28-30
[28] اي بوتون يورغونلار، اي يوکلري آغير اولانلار، منئم يانيما گلئن و من سئزه راحاتليق وره​رم.[29] منئم يوغومو گؤتورون و مندن اؤيره‌نئن: چونکي من حلئم و اورکدن تواضؤعکارام. و جانينيزا راحاتليق تاپارسينيز.[30] چونکي يوغوم آسان و يوکوم يونگولدور."

Zəbur 34:1-22
[1] هر زامان ربّه ثنا اده‌جيم، اونون حمدي همئشه آغزيمدا اولاجاق.[2] جانيم ربّه حمد اوخوياجاق، قوي فاغير آدام اشئدئب سوئنسئن.[3] گلئن بئرلئکده ربّئن بؤيوکلويوندن دانيشاق، اونون آديني بئرلئکده اوجالداق.[4] ربّي آختارديم و منه جاواب وردي؛ مني بوتون قورخولاريمدان خئلاص اتدي.[5] اونا باخانلار شفقلندئلر؛ اونلارين اوزو خجالتلي اولمادي.[6] بو يازيق آدام اونو چاغيردي، رب اونون سسئني اشئتدي؛ رب اونو بوتون دارليقلاريندان نئجات وردي.[7] ربّئن مله‌يي اوندان قورخانلارين دؤوره‌سئنده اوردو قوروب اونلاري خئلاص ادر.[8] دادين و گؤرون رب نه ياخشي‌دير! خوش او آدامين حالينا کي، اونا پناه گتئرر.[9] سئز، اي اونون موقدّس آداملاري، ربدن قورخون، چونکي اوندان قورخانلار هچ بئر شيه مؤحتاج اولمازلار.[10] جاوان آصلانلار مؤحتاج اولوب آجليق چکرلر، لاکئن ربّه آرزو چکنلرئن هچ بئر نعمتي اسکئک اولماز.[11] گلئن اؤولادلاريم، منه قولاق آسين؛ ربّئن قورخوسونو سئزه اؤيرده‌رم.[12] حياتا آرزو چکن کئمدئر؟ شاد گونلر گؤرمک ائسته‌ين کئمدئر؟[13] دئلئني شرّدن و دوداقلاريني يالاندان ساخلا.[14] پئسلئکدن ال چک و ياخشيليق اله. صولحو آختار و اونون دالينا دوش.[15] ربّئن گؤزلري صالحلرئن اوستونده‌دئر، قولاقلاري اونلارين فريادلارينا آچيق‌دير.[16] ربّئن اوزو پئسلئک ادنلرئن ضئدّئنه‌دئر کي، ير اوزوندن اونلارين ذئکرئني ده کسسئن.[17] صالحلر ربّي چاغيرارلار، رب اونلارين فرياديني اشئدر؛ رب اونلاري بوتون دارليقلاريندان خئلاص ادر.[18] رب اوره‌يي سينميش آداملارا ياخين‌دير و روحو ازئلمئش آداملارا نئجات ورر.[19] صالح آدامين دردلري چوخدور، لاکئن رب اونو هاميسيندان قورتارار.[20] اونون هامي سوموکلرئني موحافئظت ادر؛ اونلاردان بئري ده سينماز.[21] پئسلئک پئس آداملاري محو ادر، صالح آدامدان نئفرت ادنلر محکوم اولارلار.[22] رب اؤز قوللارينين جانيني قورتارار، و اونا پناه گتئرنلرئن هچ بئري محکوم اولماز.

Azerbaijan Bible 2008
Southern Azeri translation. Copyright © 2008 Elam Ministries