A A A A A

Sins: [Apostasy]


2 Tesalonicenses 2:3
Jan cunäquipansa sallkjayasipjjamti. Janïra uca urojj purinquipanjja Dios contra sayt'añaw jutañapa, cunapachatejj ñankha jakejj uñstancani cawquïritejj t'unjañataqui juchañchatäqui uca.

Daniel 9:27
Mä semanataquiquiw jupajj walja jakenacampi suma arust'äwinacar mantani, ucampis chica semanarusti sacrificionaca, ofrendanaca loktasiñanacjja chhaktayjjaniwa jan mayampitaqui. Sacrificio loktasiñ altara nayrakatansti mä jach'a jan waliraquiw lurasini, uca t'unjäwejj amtatäqui ucajj qhitinacatejj jan walinac lurapqui ucanacjjaru puriñapcama.’ ”

1 Timoteo 4:1
Kollan Ajayojj khanacwa sasquejja, khepa urunacajj yakhepanacajj iyawsäwitjja cutekjjapjjaniwa, sallkjeri ajayunacar arcasina, uqhamarac ñankhanacat jutir yatichäwinacaru arcasina.

Hebreos 3:12
Jilatanaca, amuyasipjjam, jan jumanacatjja qhitis jan wali chuymanïpati uqhamat jacquir Diosat jithektañapataqui jupar jan iyawsatapata.

Lucas 8:13
Kala taypiru jalantirïqui uca jathasti acawa: qhitinacatejj Diosan arupa ist'apqui, uqhamarac cusisiñamp catokapjje, ucampis janiw wali saphintatäquiti, mä kawkha pachataquiquiw iyawsapjje. Yant'anaca purinjjepanjja jithektjjapjjaquiwa.

Hebreos 6:4-6
[4] Qhitinacatejj Diosan khanapan sarnakapjjäna, Diosajj churqui ucsa mallt'apjjaraquïna, uqhamarac Kollan Ajaysa catokapjjaraquïna,[5] Diosan suma arunacapsa mallt'apjjaraquïna, jutir jacañan ch'amapsa suyt'apjjaraquïna,[6] jupanacatejj Tatitut jithektapjjaspa ucapachajja, janiw jupanacar wasitat cutiquipstayancsnati, jupanacpachaw Diosan Yokaparojj ch'accatasipqui, jakenacan larusiñapataquiw uchapjjaraqui.

2 Pedro 2:20-22
[20] Qhitinacatejj Tatit Jesucristo Khespiyiriru uñt'asin uca jan wali luräwinacat jaltanjjapjje, ucatsti khepatjja juchar cutt'asina jucha lurañanacampi atipjayasipjjaraqui ucanacajja, nayra jacañanacapat sipansa juc'ampi jan walëjjapjjewa.[21] Uñt'jjasina uca suma Diosan arunacap apanucuñat sipansa, jupanacataquejj asquïsapänwa jan uca cheka thaqui uñt'apjjañapa.[22] Ucampis ucanacampejj cunatejj sisqui ucaw phokhasisqui ucatsti siwa: “Anojj wak'sutaparuw cutjjatasjje, ucqha jarekat qhuchisti wasitatwa ñek'eru sunt'sjjaraqui” sasa.

Hebreos 10:26-29
[26] Cunatejj chekäqui uca aru yatcasina juchachasiscaquiñäni ucajja, janiw juc'amp sacrificiojj utjcjjeti juchanacasatjja.[27] Jan ucasti taripäwimpi, akquir ninampiquiw suyt'jjestu, Diosajj uñisirinacaparojj uqhamwa t'unjani.[28] Cunapachatejj maynejj Moisesan leyipjja jan yäkchejja, ucatsti pani jan ucajj quimsani testigojj jupa toke sayt'iri utjchi ucajja, jan sintisisa jiwayatawa.[29] Uqhamajj ¿cunja jach'a mutuñsa catokañapäni qhitinacatejj Diosan Yokaparu, uqhamarac wilaparus jisc'achapjje, munasir Diosan Ajayuparus jisc'achapjje ucanacajja? Uca wilaw arust'äwi cheka tucuyejja, ucampiraquiw jupanacajj Diosatac yakhachatäpjje.

2 Timoteo 4:3-4
[3] Niya purininiwa cunapachatejj jakenacajj jan asqui yatichäwinac catokañ munapcani uca urunacajja; ucampis jupanacan munañanacaparjamaquiw walja yatichirinac thakapjjani, cunjämtejj jupanacajj yatichayasiñ munapjje uc ist'añataquiqui.[4] Cheka arunacataquejj mayswa uñtapjjani, ucat sipana c'ari arunacaruw ist'apjjani.

Juan 15:6
Qhititejj jan nayampi mayaquïcchi ucajja, jaksutäniwa, ucatsti cunjämatejj mä waña layminacajj apthapita ninaru phichhantatäñataquejja uqhamäniwa.

1 Timoteo 4:1-2
[1] Kollan Ajayojj khanacwa sasquejja, khepa urunacajj yakhepanacajj iyawsäwitjja cutekjjapjjaniwa, sallkjeri ajayunacar arcasina, uqhamarac ñankhanacat jutir yatichäwinacaru arcasina.[2] C'ari chuyman jakenacaruw ist'apjjani, ucanacan chuymanacapajj janiw cuns amuycjjeti, parintat fierrompis nacsutäcaspa uqhama.

2 Pedro २:१
Ucampis Diosan Israel marcapanjja utjaraquïnwa c'ari profetanaca, uqhamaraquiw jumanac taypinjja c'ari yatichirinacajj utjaraquini. Jupanacasti jan wali amtäwinacapjja jamasanacanwa yatichapjjani, khespiyiri Tatituparus jan uñt'ir tucusa, uca yatichäwipampisti jupanacpachaw mäqui t'unjtasipcani.

Mateo 24:10-12
[10] Uca urunacansti waljaniraquiw nayar iyawsatanacapjja chhaktayasipjjani, jupanac puraraquiw maynis mayni contra catuntayasipjjani, uñisisipjjaraquini.[11] Walja c'ari parlirinacaraquiw sartani, Diosatsa parlapcaspa uqhama, ucanacasti waljaniruraquiw sallkjapjjani.[12] Uca take t'akhesiñanac utjipanjja yakhepanacajj munasiñapjja chhaktayasiniw maynit maynir munasiñäquis ucjja.

2 Pedro ३:१७
Ucatpï munat jilatanaca, niyaquitejj jumanacajj acanacjja jichhatpach yatjjapjjstajja, ucatsti amuyasipjjam jan uca sallkjirinacampi apayasiñataqui, uqhamata walïcasin jan aynacht'añataqui.

Juan 6:66
Ucqhatpachaw waljani Jesusan arquirinacapajj jaytanucus sarjjapjjäna, janiw juc'amp jupampejj sarnakjjapjjänti.

2 Pedro २:१७
Uca jakenacajj mä jan umani phujur uñtatawa, thayan apnakata kenayanacar uñtatäpjjaraquiwa; jupanacasti wiñayan wiñayapataquiw ch'iyara ch'amacancapjjani.

1 Timoteo 4:1-3
[1] Kollan Ajayojj khanacwa sasquejja, khepa urunacajj yakhepanacajj iyawsäwitjja cutekjjapjjaniwa, sallkjeri ajayunacar arcasina, uqhamarac ñankhanacat jutir yatichäwinacaru arcasina.[2] C'ari chuyman jakenacaruw ist'apjjani, ucanacan chuymanacapajj janiw cuns amuycjjeti, parintat fierrompis nacsutäcaspa uqhama.[3] Aca jakenacajj sapjjewa: “Janiw casarasiñasäquiti” sasa, uqhamarac yakhep mank'anac mank'añsa jarc'apjjaraquiwa. Diosawa mank'añanacjja luri iyawsirinacana uqhamarac cheka uñt'irinacan mank'añapataqui, Jupar yuspagarasina.

1 Corintios 10:12
Uqhamajja, qhititejj ch'amanïtapa amuyasejja, wal amuyt'aspan ucatarac tincuscaspan.

Mateo 24:9-10
[9] “Jumanacarusti catuntayapjjaraquïtamwa t'akhesiyañataqui, ucatsti jiwayapjjaraquïtamwa. Take jakenacaraquiw jumanacarojj uñisipjjätam nayar arcapjjatam laycu.[10] Uca urunacansti waljaniraquiw nayar iyawsatanacapjja chhaktayasipjjani, jupanac puraraquiw maynis mayni contra catuntayasipjjani, uñisisipjjaraquini.

Mateo 26:14-16
[14] Tunca payani discipulonacapatjja maynïriwa sacerdotenacan jilïrinacapan ucaru saräna, sutipasti Judas Iscariote satänwa.[15] Jupasti saraquïnwa: “Jesusar catuyapjjerisma ucajja, ¿kawkhsa churapjjetasma?” sasa. Jupanacasti quimsa tunc kollke churapjjäna.[16] Judasasti ucürutpachwa Jesusar cunjämat catuntayañataquis thakascäna.

1 Timoteo 1:19-20
[19] Mayninacajj chuymanacapar jan ist'apjjatapatwa, iyawsäwinacapanjja aynacht'apjje.[20] Himeneompi Alejandrompejj uqhamaraquiw lurapjje, ucanacarusti nayajj Supayaruw catuyta arunacapampi Diosar jan juc'amp jisc'achapjjañapataqui.

1 Juan 2:19
Jupanacajj jiwasanaquirï taypitwa mistuwayapjje, ucampis chekpachansa janiw jiwasanacanquirïquiti; jiwasanacanquirïspa ucajja, mayaquïscasänwa. Ucampis uqhamaw lurasiwayi takenis jan jiwasanquirïtapa khanañchañataqui.

Hebreos 10:25-31
[25] Janiraquiw tantachasïwinacasar janejj sarañasäquiti cunjämtejj yakhepanacajj jan sarapquiti uqhama, jan ucasti maynit mayniruw waytt'asiñasa, Tatitun jutäwipa jac'ancjjatapa yatisinsti juc'ampïñapawa.[26] Cunatejj chekäqui uca aru yatcasina juchachasiscaquiñäni ucajja, janiw juc'amp sacrificiojj utjcjjeti juchanacasatjja.[27] Jan ucasti taripäwimpi, akquir ninampiquiw suyt'jjestu, Diosajj uñisirinacaparojj uqhamwa t'unjani.[28] Cunapachatejj maynejj Moisesan leyipjja jan yäkchejja, ucatsti pani jan ucajj quimsani testigojj jupa toke sayt'iri utjchi ucajja, jan sintisisa jiwayatawa.[29] Uqhamajj ¿cunja jach'a mutuñsa catokañapäni qhitinacatejj Diosan Yokaparu, uqhamarac wilaparus jisc'achapjje, munasir Diosan Ajayuparus jisc'achapjje ucanacajja? Uca wilaw arust'äwi cheka tucuyejja, ucampiraquiw jupanacajj Diosatac yakhachatäpjje.[30] Yatiractanwa Tatitun satapa: “Nayaruw wact'itu mutuyañajja, nayaw jupanacaru cutt'ayascäjja.” Ucatjj saraquiwa: “Tatituw marcaparu juchañchascani” sasa.[31] ¡Wali ajjsarcañawa jacquir Diosan amparaparu jalt'añajja!

Jeremías 17:5-6
[5] Tatitusti saraquiwa: “Maldecitäpan qhitin chuymapatejj nayat jayancqui ucajja, uqhamaraqui jakenacaru alcatasipqui ucanacasa, uca jakenacan yanapapa thakerinacasa.[6] Ucasti wasaranquiri ch'aphiru uñtataraquïniwa, janiw qhitis jupatjja amtascaraquiniti, cunjämatejj uca ch'aphejj kalanac taypina jili, jayuni orakena, cawqhantejj jan qhitis jacqui ucana.

Ezequiel 3:20
Uqhamaraquiw utjaspa asqui jakejj uca asqui cancañapa apanucjjaspa, ucatsti jan walinaca lurañaru uscusjjaspa, nayasa juparojj liwisiyañaru uscuraquirista; ucampisa jumatejj jan uca jakerojj amuyt'aycäta ucapachajj jupajj jiwaniwa. Nayataquisti uca asqui luratapajj janiw cunäcanisa, juchap laycuw jiwascaraquini, ucampisa jiwatapatjja jumaruw wayt'araquïma.

Ezequiel 18:24
“Ucampisa, asqui jaketejj asqui luräwinacapa apanucuni, ucatsti cuntejj ñankha jakejj ajjtañanac lurqui ucanaca luraraquini, ucatsti ¿jumanacajj amuyapjjtati ucan jacascañapjja? Nayasti janiw amtascjjäti cuna asquinactejj jupajj lurcän ucanacatjja, jan take chuymampi arcatap laycu jucha luratanacap laycuw jiwani.

Mateo 13:20-21
[20] Kalawjar purqui uca jathajja, qhitinacatejj janc'aqui wali cusisiñampi catokapqui ucanacawa,[21] ucampis jan suma saphinïtap laycojja, janiw jaya acht'quiti. Cunapachatejj t'akhesiñanacajj uqhamarac jan walt'añanacas juti ucqhajja, janc'aquiw uca suma arunacatjja mayjt'asjje.

1 Corintios 9:27
Jan ucasti, nayajj janchejjan munañaparojj t'akhesiytwa jaysayasiractwa uqhamata yakhanacar yatichcasina jan apanucutäñajjataqui.

Hebreos 6:4-8
[4] Qhitinacatejj Diosan khanapan sarnakapjjäna, Diosajj churqui ucsa mallt'apjjaraquïna, uqhamarac Kollan Ajaysa catokapjjaraquïna,[5] Diosan suma arunacapsa mallt'apjjaraquïna, jutir jacañan ch'amapsa suyt'apjjaraquïna,[6] jupanacatejj Tatitut jithektapjjaspa ucapachajja, janiw jupanacar wasitat cutiquipstayancsnati, jupanacpachaw Diosan Yokaparojj ch'accatasipqui, jakenacan larusiñapataquiw uchapjjaraqui.[7] Jupanacasti cunjämatejj orakejj jallu catokejj sapa cuti jallu puripanjja uqhamäpjjewa. Uca oraketejj sum achchi irnakerinacataqui ucqhajja, Diosan bendicionapwa catoke.[8] Ucampis ch'aphinacaqui, uqhamarac jan wali koranacampiqui achuscchi ucajja, janiw cunataquis walïquiti; ucasti Diosan maldicitäniwa, tucuyarusti ninar phichhantatäniwa.

Hechos 21:21
Jumatsti sapjjtamwa: ‘Moisesan leyinacapar jan ist'as lurañwa jakenacarojj yatichi’ sasa. Sapjjaractamwa: ‘Yakha marcanacan utjasir judionacarus wawanacapar jan circuncidatäñwa yatichi, uqhamarac jan saräwisanacasar phokhañaraqui’ sasa.

Gálatas 5:4
Jumanacat maynïrinaca: “Leyiru phokhatas laycuwa Diosampi catokatätan” sirinacajja, Cristotjja jayancapjjewa, Diosan munasiñapatsa jayancapjjaraquiwa.

1 Corintios 6:9
[9-10] ¿Janit yatipcta jucharar jakenacan jan alajjpachar mantañapjja? Jan sallkjayasipjjamti, wachoka juchan sarnaker jakejj janiw Diosan marcapar mantcaniti, ni yakha diosanacar yupaychirisa, wachoka juchan sarnakerisa, chacha pura jan wali sarnakerinacasa, lunthatanacasa, mich'anacasa, machirinacasa, masipjjat parlasirinacasa, sallkjañampi aparirinacasa mantapcaniti.

Hebreos 10:26
Cunatejj chekäqui uca aru yatcasina juchachasiscaquiñäni ucajja, janiw juc'amp sacrificiojj utjcjjeti juchanacasatjja.

Mateo 13:41
Jaken Yokapasti angelanacaparojj qhitaniraquiniwa, Diosan reinopata take juchanacar tincuyiri jakenacar apthapiri, uqhamarac qhitinacatejj jan asqui lurapqui ucanacarusa.

2 Timoteo 4:3
Niya purininiwa cunapachatejj jakenacajj jan asqui yatichäwinac catokañ munapcani uca urunacajja; ucampis jupanacan munañanacaparjamaquiw walja yatichirinac thakapjjani, cunjämtejj jupanacajj yatichayasiñ munapjje uc ist'añataquiqui.

2 Tesalonicenses 2:3-4
[3] Jan cunäquipansa sallkjayasipjjamti. Janïra uca urojj purinquipanjja Dios contra sayt'añaw jutañapa, cunapachatejj ñankha jakejj uñstancani cawquïritejj t'unjañataqui juchañchatäqui uca.[4] Acawa take cunatejj Diosancquis uca contra sayt'iri uñisirejja. Jupasti Diosan templopan kont'asiñcamaw puri Diosäcaspas uqhama, ucatsti jupa pachpaw Diosat uñt'ayasiraqui.

Juan 1:14
Qhä Arusti janchiruw tucu, jiwasanac taypinwa jacaraquïna. Jiwasanacajj uñjtanwa jach'a cancañapa, uca jach'a cancañasti alajjpach Awquin mä sap Yokapan jach'a cancañapänwa, munasiñampi asquimpi phokhantataraqui.

Deuteronomio 13:13
jakenacan Diosaru jan jaysapjjatapa, uqhamaraqui uca marcan jakenacaru Diosat jithektayascatapa yakha jan uñt'at diosanacaru yupaychayasa.

1 Timoteo 4:10
Ucataquiraquiw irnaktan, uqhamarac toketas t'akhesiwaytan, jacquiri Diosaru suyt'äwis uscutas laycu, cawquïritejj takenin Khespiyiripäqui, juc'ampis qhitinacatejj jupar iyawsapjje ucanacana.

1 Pedro 3:17
Juc'amp sumaw asqui lurasin t'akhesiñajja, Diosatejj munchi ucajja, ñankha luräwinac toke t'akhesiñat sipansa.

1 Tesalonicenses 2:3
Yatichäwinacajjanjja janiw pantjatäpcäyätti, janiraquiw jan wali amtäwimpisa parlapcsmati ni sallka amtäwimpisa.

Deuteronomio 32:15
“Ucampis Jesurún ucasti liq'intänwa, mat'akt'araquïnwa, (wali liq'intasinsti lliphipiscaquïnwa), lurasir Diosaparusti apanucuraquïnwa, arjjatiri khespiyiriparusti, jisc'acharaquïnwa.

Ezequiel 18:26
Asqui jaketejj asqui luräwinacap apanucusin ñankha luräwinaca lurjjchi ucasti jiwaniwa, uca jan walinac luratap laycu.

1 Timoteo ๔:๒
C'ari chuyman jakenacaruw ist'apjjani, ucanacan chuymanacapajj janiw cuns amuycjjeti, parintat fierrompis nacsutäcaspa uqhama.

Marcos 10:11
Jesusasti jupanacarojj sänwa: —Qhititejj warmipampi jaljtasin yakhampi casarasi ucajja, warmip tokwa wachoka juch luri.

Lucas 22:3-6
[3] Ucapachaw Supayajj Judasar manti, qhititejj Iscariote satäcaraquïna, jupasti tunca payan apostolonacat maynïrïnwa.[4] Aca Judasaw sacerdotenacan jilïrinacaparu, temploncquis uca jilïrinacaru uñjiri saräna, ucat jupanacamp parläna cunjämat Jesusar catuyañataquisa.[5] Jupanacasti cusisipjjänwa, ucat Judasarojj kollke churañ amtapjjaraquïna.[6] Jupasti iyaw sasaw catokasïna, ucatwa jupajj ucqhatpacha cunjämat catuyañataquis thakascäna jan jakes utjqui uca horasanacana.

Mateo 12:31-32
[31] “Ucatpï sapjjsmajja, jakenacarojj take juchanacapas perdonatäniwa, take jan wali arsutanacapasa; ucampis Kollan Ajayu contra jan walinac parlchi ucajja janiw perdonatäcaniti.[32] Qhititejj Jaken Yokap contra parlcan ucajja, perdonatäniwa, ucampis qhititejj Kollan Ajayu contra jan walinac parlcanejja, janiw perdonatäcaniti, acapachansa ni qhäpachansa.

Aymara Bible 1997
Biblia Aymara ©Sociedad Bíblica Boliviana 1997