Instagram
English
A A A A A

Sins: [Procrastination]
1 Corintios 14:40
Take cunsa sum lurapjjam maynit maynita.

Eclesiastés 9:10
Cuna lurañatejj jumataqui utjcani ucjja ch'amamarjam luram, jumajj sepulcror sarcätas ucanjja janiw cuna lurañas utjquiti, cuna lup'iñasa, uñt'añasa, janiraquiw yatiñanïñasa utjquiti.

Eclesiastés 11:4
Thayar uñch'uquirejja, janiw yapuchcaniti, uqhamarac kenayar uñch'uquirisa, janiw achunac apthapcaniti.

Gálatas 6:9
Uqhamajja asqui lurañanjja janiw karjasiñasäquiti, janitejj karjtcañäni ucajja, horasaparuw cosechjja apthapiñäni.

Hebreos 12:11
Chekpachansa janipuniraquiw cuna mutuyäwi catokasas —Walic mutuyitojj —sisctanti, jan ucasti usustuwa, qhitinacatejj uca mutuyäwi toke yatekapjje ucanacajj mä suma asquin samarañanracwa jacapjje.

Hebreos 10:12
Ucatsti Jesucristojj mä cutiquiw wiñayataqui take juchanacat sacrificiot loktasiwayi, ucatsti Diosan cupëjjapan kont'asiraqui.

Santiago 4:17
Qhititejj asqui lurañ yatqui ucatsti janirac lurquiti ucajja, juch lurasqui.

Juan 9:4
Urüquïpanjja lurañajjawa qhititejj qhitanquitu ucan lurañanacapa. Arumajj jutasquiwa, ucansti janiw qhitis irnakcaspati.

Lucas 12:35
“Waquicht'asit suyt'apjjam isthapita, lamparanacams khantayasisa.

Lucas 12:40
Uqhamaraquiy jumanacajj waquichatäpjjamjja; Jaken Yokapasti cuna horasatï jan amuyasipcäta, ucqhaw jutani.”

Mateo 6:33
Uqhamasti, nayrakatajj Diosan reinopa munapjjam, uqhamarac cunatejj chekäqui jupan nayrakatapanjja ucanaca, ucatsti take aca yänacajja jumanacarojj churataquïpjjätawa.

Filipenses 4:13
Criston ch'amapampejj take cunaruw saycatirista.

Proverbios 10:4
Juc'a irnakeri jakesti, pobrequiw jaqui, wali irnakeri jakesti kamiriptaraquiwa.

Proverbios 12:24-25
[24] Irnakeri jakejj apnakaniwa, ucampis jayra jakejja apnakatäniwa.[25] Llaquejj jakerojj mayjt'ayiwa; suma arusti cusisiyiwa.

Proverbios 13:4
Jayra jakejj walwa cunsa muni, ucampis janiw jicjjatquiti; k'apha jakesti walja yänacwa jicjjati.

Proverbios 14:23
Take ch'ama tucutat jilpacha catokañajj utji, ucampis wali parlatatjja pobrernucstañaquiw utji.

Proverbios 18:9
Jopana jayrasiri jakejj, ¡tucjirina jilapawa!

Proverbios ২০:৪
Jayra jakejj kholliña horasajja janiw khollquiti, ucampis yapu apthapi horasajj thaktaniwa, ucatsti janiw jicjjatcaniti.

Proverbios 21:17
Qhititejj sarnakqui cusisiñanacana, machañanacana, suma k'aphinaca uchasiñanacana ucajja, pobrernucstaniwa.

Proverbios 27:1
Kharürutjja jan jach'a jach'a tuccamti; janiw yatctati kharürojj cunatejj pascani ucjja.

Romanos ৭:২০-২১
[২০] Uqhamajj cuntejj jan muncta ucac lurascta ucajja, janiw nayatäcjjeti jan ucasti cawquïr juchatï nayan utjquis ucaw ucjja luri.[২১] Uqhamajj take acanacapï nayarojj pasasquitojja: cunapachatejj asqui lurañ muncta ucajja, nayanjja ñankhacwa jicjjatta.

Efesios 5:15-17
[15] Uqhamajj sarnakäwinacamanjja sum amuyasipjjam. Yatiñ cancañampi jacapjjam, janirac jan yatirinacjamajja.[16] Jan tiempjja ina ch'usaru tucuyapjjamti, urunacajj jan walëjjatap laycu.[17] Jan lokhëpjjamti, jan ucasti cunäquitejj Tatitun munañapajja uc amuyañaru uscusipjjam.

Lucas ৯:৫৯-৬২
[৫৯] Jesusajj mayniruw saraqui: —Arquita —sasa. Jupasti sänwa: —Tata, nayrakat awquejjar imt'asinjjä ucat arcäma —sasa.[৬০] Jesusajj juparojj sascaquiwa: —Jiwatanacajj jiwat masiparojj imascpan sam. Jumasti saram, ucatsti Diosan reinopat yatiyanim —sasa.[৬১] Ucat maynejj saraquïna: —Tata, arcañ munsma, ucampis nayrakat utanquirinacat qhitharpayasinim sita.[৬২] Jesusasti juparojj sänwa: —Qhititejj arado catt'atäcasin khepar uñtqui ucajja, janiw Diosan reinopataquejj asquiquïti —sasa.

Proverbios 24:30-34
[30] Jayra jaken yapu jac'apwa pasawayta, pisi amuyt'an jaken uva yapup jac'a.[31] Ucatsti yapupwa uñjta ch'aphinacampi chhaktayata, kala uyupasa liju tucjataraqui.[32] Uqham uñjasinsti chuymajjanjja amthapistwa; uc uñjasinsti aca yatichäwi yatekta:[33] jumajj juc'ampis ict'ascactawa, amparanacamsa khomjjarusiscactawa sum iquiñataqui,[34] uccañcamasti pobrernucstañawa acatjamata catuntätam, mä muyuycu jakjama wali ch'amampi.

Aymara Bible 1997
Biblia Aymara ©Sociedad Bíblica Boliviana 1997