A A A A A

Life: [Beauty]


1 Pedro 3:3-4
[3] Jumanacan c'achachasiñanacamasti jan patjjataquïcpati ñic'utanaca c'achachasiñanacampi, kori yänacampi, ni wali jila alani isinacampisa,[4] jan ucasti suma chuymanïpjjam, ucaw jan tucusquiri, suma muncañajja, llamp'u chuymani. Dios nayrakatansti ucajj wali asquiwa.

2 Corintios 4:16
Ucatwa janipuni nanacajj mayjt'asipcti: Janchinacajjajj sapürusa aynacharus sarjjchi ucasa, ajayunacajjajj sapürutjamaraquiw machakar tucusqui.

Efesios 2:10
Diosaw jiwasanacar luristu, Cristo Jesusampi asqui luräwinac lurañasataqui, jupan nayratpach waquicht'ataparjama.

Génesis 1:27
Cunapachatejj Diosajj jake usccäna ucapachajj jupar uñtasitwa uscüna; chacha, warmi,

Isaías 40:8
Korajj wañsuwayjjaquiwa, pankaras ancuntawayjjaquiraquiwa; ucampis Diosan arunacapasti wiñayataquipuniw jacaraquini.”

Filipenses 4:8
Ucjjarojj, jilatanaca, lup'ipjjam cunatejj chekäqui, cunatejj maynïr asqui uñjañäqui, cunatejj wali sumäqui, cunatejj k'omäqui, cunatejj muncañäqui, cunatejj aytat luräwinacäqui. Lup'ipjjam, take cunatejj sumäqui yupaychañataquïqui ucanacata.

Salmos 139:14
Jumaruw yuspagarsma, muspharcañpun nayataquejj lurtajja, ¡ucsti sumpun yatista!

Romanos 8:6
Acapachancquis ucanacat llaquisiñajja jiwañar apiriwa, ucampis Ajayun jacañat llaquisiñajja wiñay jacañaru, uqhamarac sumancañaruw api.

Cantar de los Cantares 4:7
¡Munatajjay, jumajj muncañätawa, cayut p'ekecama jiwaquipunïtawa! ¡Jumansti janiw cuna jan walis jicjjatasquiti!

Mateo 6:28-29
[28] “¿Cunatsa jumanacajj isinacamat wal llaquisipjjtajja? Uñjapjjam cunjämtï pampan pankaranacajj jilasqui uca, jupanacajj janiw kapupquisa ni cuns lurapcaraquiti.[29] Nayasti sapjjsmawa, janiw rey Salomonas uca pankaranacjamajj sum isthapiscänti take utjirinïtap laycusa.

1 Timoteo 2:9-10
[9] Uqhamaraqui warminacajj cunatejj isisiñäqui ucac isisipjjpan; janirac sinti jiljañampis ñic'utanacapsa c'achachasipjjpati, ni korimpisa, perlanacampisa, ni wali jila alan isinacampisa,[10] jan ucasti suma luräwinacampi c'achachasipjjpan, Diosar catuyata warminacjama.

1 Samuel 16:7
Ucampis Tatitojj sänwa: “Jan jumajj uñnakapataqui, uqhamarac jach'a tansätapatacsa ajllimti, nayajj ucanacjja maysaruw apanuctjja. Janiw cuntejj jakejj uñcatqui uqhamäcaniti; jakejj uñnakacwa uñjejja, ucampisa nayajj jaken chuymapwa yatiractjja, ucwa uñjaractjja.”

Eclesiastés 3:11
Diosasti horasaparuwa take cunsa suma luri; uqhamaraquiw jupajj jaken chuymaparu amuyt'ayi cunatï wiñayäqui uca, janisay jakejj takpacha amuyt'cpan Diosan luratanacapa, uqhamaraqui cuntï lurcani ucanacata.

Gálatas 3:26-27
[26] Jumanacajj iyawsañ token takeniw Diosan wawanacapäjjapjjta, Cristo Jesusamp mayachatäpjjatanacam laycu.[27] Take jumanacajj Cristompi mayachasiñataqui bautisasipjjta ucanacajja, jupampejj mä isimpi isthapitäpcasmas uqhamäpjjtawa.

Proverbios 3:15-18
[15] Yatiñ cancañajj perlanacata sipansa juc'amp jila alaniwa, ¡janiw wali munatäqui ucanacampisa chicachayat uñjascaspati![16] Cupi amparampisti walja maranac jacañwa churi, ch'eka amparampisti kamirïñampi, jach'achatäñampwa churaraqui.[17] Jupan sarnakäwipar arctañasti asquiwa, thaquipan sarnakañasa suman jacañaraquiwa,[18] Yatiñ cancañajj jicjjatiripataquejj jacañawa; ¡cusisiñaniwa uca yatiña catjjäsipqui ucanacajja!

Ezequiel 28:17-18
[17] Sumätam laycusti wali jach'a jach'aw tuctajja, c'ajquir cancañamasti, yatiñ cancañamjja t'unjaraquiwa, nayasti orakeruw liwinucuracsma, mä p'enka liwinucuracsma take reyinac nayrakatana.[18] Walja juchanacpunwa lurtajja, alaquipa luratamampisti walpun k'añuchsusiractajja, templonacamsa taquisiractawa. Ucatpï nayajj juma taypinjja mä nina nactaytjja, uca ninaw naqhantaraquïtamjja; jichhasti takeniw jumarojj uñjapjjaraquïtam, oraker waranucuta, khellar tucuta.

Santiago 1:23
Qhititejj alekaqui uca arunac isch'uqui, ucatsti janiraqui phokquiti ucajja, cunjämtejj mä jakejj ajanup espejot uñcatasquejja uqhamaquiwa.

Mateo 23:28
Uqhamaraquiw jumanacajja ankäjjatjja wali k'oma tucupjjta jakenac nayrakatanjja, ucampis chuymanacamanjja jan wali luräwinacampi ñankha amtañanacampi phokhantatäpjjtawa.

Proverbios 31:30
C'ariquiwa suma uñnakani warmejja, jiwaquïñasa inamayaquiwa, ucampis Tatitur ajjsariri warmiwa jach'ar aptatajja.

Aymara Bible 1997
Biblia Aymara ©Sociedad Bíblica Boliviana 1997