A A A A A

Life: [Hell]

Apocalipsis 21:8
Ucampis ajjsaririnaca, jan iyawsirinaca, uñisisirinaca, jake jiwayirinaca, wachoka juchan sarnakerinaca, laykasirinaca, c'ari diosanacar yupaychirinaca, take c'arisirinacampisti nina kotaru jakontatäpjjaniwa, cawqhantï asufrempi naqhqui ucqharu, ucasti payïri jiwawa” sasa.

Mateo 25:46
Jichhajj wiñay t'akhesiñaruw jupanacajj sarapjjaraquini, asqui jakenacasti wiñay jacañaruraquiw sarapjjani.”

Salmos 9:17
Ñankha lurir jakenacampi, Diosar jan uñt'irinacampejj jiwañ mic'ayaruw chhaktapjjani, Diosat armt'asir jakenacajj wiñay jiwampiw tucusipjjani.

2 Tesalonicenses 1:9
Acanacajj wiñay t'unjañampi mutuyatäpjjaniwa, Tatitun nayrakatapatsa jakokanitäpjjaniwa, uqhamarac jach'a cancañapatsa ch'amapatsa,

Mateo 13:50
Jan walinacarusti nina akquir hornoruw jakontapjjani, ucanwa wararipjjani laca ch'aqhsa t'urusipjjaraquini.”

Hechos 2:27
Ucatpï jumajj nayan almajj-jja jiwatanac taypir jan jaytcätatejja. Janiraquiw muncätati munat sirviriman janchip ñusjañapsa.

Marcos 9:43
Amparamatejj juchar puriyañ munstamjja, walïspaw qharekjjañamajja, ucatsti juc'amp sumäspaw wiñay jacañar ch'ulla amparan mantañamajja; pä amparanpacha infiernor mantañamat sipansa, jan jiwarir ninan naqhañat sipansa.

Judas 1:7
Uqhamaraqui Sodomampi Gomorrampi uca jac'a marcanacampejja, uca angelanacjamaraquiw wachoka jucha lurañar catuyasipjjäna. Ucatsti cunayman jan amuyt'cañ vicionacampi apayasisa, ucatsti taken amuyt'asiñapataqui uchatäpjjewa, wiñay akquir ninan t'akhesisa.

Proverbios 15:24
Jacañar irpir thaquejj amstaruwa sari, ucatsti yatiñan jakerusa khespiyaraquiwa jiwaña aynacharu puriñatsa.

Proverbios 23:14
wawarojj chekachäta ucajja, jiwañatwa khespiyascäta.

Mateo 13:42
Jupanacarojj nina akquis uca hornoruw jakontapjjani, ucanwa wararipjjani, laca ch'aqhsa t'urusipjjaraquini.

Mateo 25:41
“Ch'ekäjjapancquis ucanacarojj saraquiniwa: ‘Nayat jithektapjjeta maldicitanaca, wiñay akquir ninar sarapjjam cawqhatejj waquichatäqui supayataqui angelanacapampitaqui ucaru.

Apocalipsis 19:20
Uca jach'a ajjsarcañ animalasti c'ari profetamp chica preso catutäjjänwa. Uca c'ari profetasti milagronaca lurirïtaynawa uca ajjsarcañ animal nayrakatanjja. Jupasti uca milagronacampiraquiw qhitinacatejj uca jach'a ajjsarcañ animalan chimpupampi uscuyascatayn ucanacarojj sallkjatayna. Ucatsti c'ari profetasa, uqhamarac uca ajjsarcañ animalasa asufrempi akasquiri nina kotar jacquirpacha jakontatäpjjänwa.

Proverbios 15:11
Tatitutejj sum uñjchi, yatiracchi cunatï jiwañansa, sepulcronsa ucjja, ¡ucat juc'ampwa Tatitojj jakenacan chuymapjja uñt'i!

Mateo 16:19
Churaraquïmaw Diosan reinopan llavenacapsa. Cuntejj jumajj acapachan chint'cätajj ucajja, alajjpachan chint'ataraquïniwa, cuntejj jumajj acapachan jararcätajj ucajja, alajjpachan jararataraquïniwa —sasa.

2 Pedro 2:4
Diosajj janiw jupa contra juch lurir angelanacarus perdoncänti, jan ucasti infiernoruw jakontänjja, ch'amacanacaruraquiw jayti cadenanacampi ñach'antata taripäwi urutaqui.

Apocalipsis 20:13-14
[13] Lamar kotasti jupan ucan jiwirinacwa catuyjjäna. Jiwañasa, jiwatanac catjjäscän ucasa, kawkhatï jupan utjcäna ucjpachwa catuyjjaraquïna. Take maynisa luräwinacaparjama taripatäpjjaraquïnwa.[14] Jiwañasa jiwirinacan utjäwipasa nina kotaru jakontatäjjänwa. Aca nina kotasti payïri jiwawa.

Mateo 10:28
Jan jumanacajj janchir jiwayirirojj ajjsarapjjamti, ucampis almarojj janiw jiwayapcaspati. Qhititï almampiru janchimpiru infiernojj t'unjcaspas ucaru ajjsarapjjam.

Ezequiel 18:20
Qhititejj jucha lurqui ucaw jiwascanejja. Wawajj janiw awquin juchapatjja phokcaniti, awquis janiw wawan juchanacapatjja phokcaraquiniti. Asqui jakejj asqui lurataparjamaw suma wajjt'asïwi catokani, ñankha jakesti ñankha lurataparjamaraquiw mutuyäwi catokaraquini.

Aymara Bible 1997
Biblia Aymara ©Sociedad Bíblica Boliviana 1997