A A A A A

Life: [Aging]


1 Timoteo 5:8
Maynitejj jupanquirinacatjja jan llaquiscchejja, uqhamarac pachpa familiapar yanapt'añatsa jan llaquiscchi uquïrejja, iyawsäwjja jan uñt'iriwa tucu, mä jan iyawsirits juc'ampiwa.

2 Corintios 4:16
Ucatwa janipuni nanacajj mayjt'asipcti: Janchinacajjajj sapürusa aynacharus sarjjchi ucasa, ajayunacajjajj sapürutjamaraquiw machakar tucusqui.

Deuteronomio 32:7
“Uñtam khepa tokeru, amuythapisiraquim nayra maranacatsa; awquimarus mayiraquim ucat parlañapataqui, uqhamaraqui jilïri jakenacampi parlayasim:

Deuteronomio 34:7
Moisesasti pataca pä tuncani maranïnwa cunapachatï jiwjjäna ucapachajja. Jiwañapcamasti suma nayrani, suma c'umaraquïscaraquïnwa.

Eclesiastés 7:10
Janipun jisct'asimti, “¿Cunatsa nayra maranacajj ancha sumäna?” sasa. Uca jisct'asti janiw ch'iqhin jisct'apäquiti.

Éxodo 20:12
“Awquimaru, taycamaru jach'añcham, uqhamata Tatitu Diosamajj churcätam uca orakena jaya maranac jacañamataqui.

Génesis 6:3
Uqham uñjasinsti Diosajj sänwa: “Janiw jakerojj wiñayataqui jacaycjjäti, jupasti janchiquiwa. Uqhamasti pataca pä tuncani maranacaquiw jacani” sasa.

Génesis 25:8
ucatsti cunapachatejj sinti chuymanëjjän ucqhaw jiwawayjjaraquïna. Uqhamaw nayra tiempo awquinacapampi chicachasjjäna.

Isaías 40:29
Jupaw karitarojj ch'am churi, pisi ch'ama jakerusti ch'am yapt'araqui.

Isaías 46:4
Chuymani jakenacäjjapjjät ucqhajj nayajj pachpaquïscäwa; kaka p'ekëjjapjjät ucqhasa uñjasipcaquïmawa. Nayaw jumanacarojj uscusipjjsma, nayaraquiw uñjasipcäma, nayaw uywasipcäma, khespiyapjjaraquïma.

Job 5:26
Chuymani jakëñarusti take ch'amaniw puriscaraquïta, suma pokt'ata trigo pichur uñtata.

Job 12:12-20
[12] Chuymani jakenacajj suma yatiñanïpjjewa, walja maranaca jacataw jupanacarojj uca yatiñ cancaña churi.[13] Ucampisa Diosajj wali ch'amani, yatiñaniraquiwa, jupajj uca suma amtatanacapjja phokheriwa.[14] Cuntejj Diosajj t'unjqui ucjja janiw qhitis wasitat sayt'aycaspati; qhitirutejj Diosajj jist'antqui ucarojj janiw qhitis antutcaspati.[15] Jupatejj jallu jan apayancchi ucapachajj take cunaw wañsuwayjje; jallu apayanqui ucqhasti take orakpachaw umampi phokhantata uñjasi.[16] Ch'amapajj atipjayapuniwa, jupan apnakataraquiw sallkjayasirisa sallkjirisa.[17] Jupaw amuyt'ani jakenacarus amuyt'añanacapjja apakjje. Juezanacarus lokherayaraqui.[18] Reyinacarusti munañanïñapjja apakewa, ucatsti k'alala, catuntatwa yakha marcaru apayjjaraqui.[19] Sacerdotenacarusa lurañanacapjja apakewa, qhitinacatejj munañanïpqui ucanacarusa jakokaraquiwa.[20] Amuyt'a churirinacarusti jan arunwa antuti, chuymani jakenacatsa suma yatiñanacapjja apakaraquiwa.

Job 32:7
Nayasti saraquïyätwa: ‘Aca jakenacajj wali amuyt'anïpjjewa jilïrïpjjatap laycojja, walja maranaca jacapjjatapampisti wali yatiñanïpjjaraquiwa’ sasa.

Joel 2:28
“Take acanaca khepatsti, nayajj take jakenacjjaruwa ajayojj qhitanï; yokanacamasa, phuchanacamasa nayjjatwa parlapjjani, chuymani jakenacasti samcanacwa samcapjjani, waynanacasti unañchäwinacwa uñjapjjaraquini.

Levítico 19:32
“Jilïri jakenac nayrakatansti sayt'asisina jupanacarojj mä suma ajjsart'aña uñacht'ayaraquim. Tatitu Diosamaru ajjsartatamsa uñacht'ayaraquim. Nayätwa Tatitojja.

Filemón 1:9
ucampis munasiñat jumarojj achict'assma. Naya Pablosti niya chuymanëjjtwa, uqhamarac jichhajj Cristo Jesús laycuw catuntatäscaracta.

Salmos 71:9
Janiquiy ch'ama karit toker jisc'achistati, ch'amajjajj tucusisquiwa, janiquiy jaytanucustati.

Salmos 71:18
Diosajjay, ch'ama karit pachan uñjascasasa, jank'o ñic'utan pachanccasasa, janiquiy jaytanuct'asistati, jutir mita jakenacar ch'amamat yatiyañajjaw wact'asquitu.

Salmos 73:26
Chuymajjasa, janchejjas tucusisquiwa, ucampis Diosaw wiñay catokäwejjajja, jupaw chuymajjarojj catjjäsisqui.

Salmos 90:10-12
[10] Yakhepanacajj pakallk tunc maraw jacapjje, ch'amaninacasti quimsakallk tunc maracamaw puripjje, ucatak jacañasti, jan walt'añanacamp, khathami sarnacañampic apani. ¡Urunacasti jakenacjamaw janc'ac tucusiraqui![11] ¿Qhitirac k'apisiñamamp lurjatanac yatisti? ¿Qhitirac k'apisiñam uñt'isti?[12] Jacañ urunacajjay jaqhuñ yatichapjjeta, amuyunacajjan yatiñ cancañ jicjjatañapataqui.

Salmos 91:16
walja maranacaw jacayä, ¡khespiyäwejjampiw jupar cusisiyaraquï!”

Proverbios 17:6
Chuyman awquinacan coronapasti allchhinacapawa; wawanacajj awquip taycapatwa alawt'asi.

Proverbios 20:29
Jach'a jach'a tucuñasti waynanacanjja ch'amanacapanquiwa; chuyman awquinacanjja jank'o ñic'utanacapawa mä jach'añchäwejja.

Proverbios 23:22
Ist'am jumar jathasir awquimaru; taycamajj chuymanëjjani ucqhajja jan jisc'achamti.

Salmos 37:35
Ñankha lurir jakeruw jach'achasir uñjta, ch'ojjña kokjam jilantasquir uñjaracta;

1 Crónicas 29:28
Jupasti jiwjjänwa suma awqui horasana, walja maranacani, kamir cancañani, jach'achäwinacani. Jupa lantisti Salomón yokapaw apnakjjäna.

1 Reyes 3:14
Jumatejj nayan munañajja luräta, uqhamarac leyinacajjsa, camachi arunacajjsa phokharaquïta, cunjämatï David awquimajja lurcäna uqhama, ucatjja jaya maranaca jacañwa churäma” —sasa.

Salmos 103:5
Tatituw asquinacamp cusisiyitu, pacar uñtat machakar tucuyaraquitu.

Tito 2:3
Uqhamaraqui jilïri warminacajj suma sarnakerïpjjpan. Janiraqui aru apnakerïpjjpati ni machirïpjjpasa. Mayninacataquisti mä sumar uñtatäpjjañapawa.

1 Timoteo 5:1-2
[1] Chuymani awquinacarojj jan tokemti, ucampis suma ewjjanac churam awquimäcaspas uqhama, waynanacarojj jilamarjam uñjam.[2] Chuymani taycanacarusti taycamarjam uñjam, tawakonacarusti cullacamarjam uñjaraquim, take k'oma chuymampi.

Salmos 71:8-9
[8] Lacajjajj sapüruw khapak cancañamatjja, jach'añchäwi k'ochunacamp phokt'atäsqui.[9] Janiquiy ch'ama karit toker jisc'achistati, ch'amajjajj tucusisquiwa, janiquiy jaytanucustati.

Filipenses 3:20-21
[20] Ucampis jiwasanacajj alajjpachanquir jakenacäpjjtanwa, Khespiyiri Cristo Tatitun alajjpachat jutañapwa suyasipcaractanjja.[21] Jiwasanacan jan wali janchisjja jupaw trocani, jupancquis uqham c'ajquir janchipar uñtata. Uqhamsti cawquïr ch'amapampitejj take cunsa apnakqui uca ch'amapampiw uqham tucuyani.

Isaías 46:3-4
[3] “Jacobon wawanacapa, ist'apjjeta, take qhitinacatejj Israel marcat jilt'apcta ucanaca. Janïraw jumanacajj nacipctati ucqhatpachwa k'epnakapjjsma, amparajjaruw ichusipjjsma.[4] Chuymani jakenacäjjapjjät ucqhajj nayajj pachpaquïscäwa; kaka p'ekëjjapjjät ucqhasa uñjasipcaquïmawa. Nayaw jumanacarojj uscusipjjsma, nayaraquiw uñjasipcäma, nayaw uywasipcäma, khespiyapjjaraquïma.

Salmos 92:12-15
[12] Asqui jakenacajj palma kokanacjamaw jilapjjani, Líbano orakenquir cedro kokanacjamaw jiltapjjani.[13] Tatitun utapan ayruntatäpjjewa, Diosasan uyupan pankarapjje;[14] ch'ama karita tokerus achu churasipcaquiniwa, suma laphintata, ch'umintataw sayt'apjjani,[15] Arjjatir Tatitojjan asquïtap yatiyapjjani, imasirejjan jan ñankha lurirïtap arsupjjani.

Eclesiastés 12:1-7
[1] Waynäcasina jumar irnoker Diosamat amtasim, janïra ch'ama tucuña urunacajj, uqhamarac maranacasa purinquipana cunapachatejj siscasma: “Sarnakäwejjanjja janiw cunas cusisiyquituti” sasa.[2] Jichpach luram janïra intisa, phajjsisa, warawaranacasa ch'amact'quipana, uqhamarac jallu pasatatsa kenayajj utjquipana.[3] Mä uruw purinini, ucansti palacion uñjirinacajj qhathatipjjaniwa, uqhamarac jan ajjsaririnacasa c'umjtapjjaniwa; molinonacasti juc'aquëjjatap laycojj janiw sum molcjjapjjaniti, uqhamarac ventanat uñch'uquirinacasa juyct'apjjaniwa.[4] Uca urojj purincani ucqhasti caller mistuñäqui uca puncunacajj jist'antasjjaniwa; molinon ojjotapasti sapa cutiw amuct'jjani; jamach'inacajj k'ochupjjaniwa, ucampis k'ochutanacapajj janiw ist'ascjjaniti;[5] kollu patanacasti ajjsarayaniwa, ucatsti thaquinjja jan walt'añanacaw utjani. Almendrojj pankarañ kalltani, t'ijut'ijusti jathiw tucjjani, alcaparrasti janiw cunataquis asquïcjjaniti. Ucampis jakejj wiñay utjasïwiparuw sarjjani, callenjja niyaw jiwatat jachatanacajja ist'asjje.[6] Jumar irnoker Diosamat amtasim janïra kollket lurat cordonajj t'akasquipana, kori phucus p'aquisquipana; janïra wacullas phuju lacan p'aquisquipana, janïra phujun qhiwiñapas p'aquisquipana.[7] Uca pasatatsti lak'acäna ucajj lak'aruw cuttjjani, cunjämäcäntejj nayrajj uqhama, ajayusti Diosan ucaruraquiw cutt'jjaraquini, qhititejj churcäna ucaru.

Aymara Bible 1997
Biblia Aymara ©Sociedad Bíblica Boliviana 1997