A A A A A

Good Character: [Courage / Brave]

1 Crónicas 28:20
Ucatsti Davidajj Salomonarojj sänwa: “¡Ch'amañchasim, janirac mayjt'asimti, uqhamarac jichhajj lurañaru uscusim! ¡Janipun ch'am thayjtayasimti, ni ajjsaramsa, Tatitu Diosajjasti jumampïscatap laycu! Jupasti janiw jaytanuccätamti, ni apanuccätamsa, take lurañanacajj Tatitur sirviñataqui templona tucusiñapcama.

1 Corintios 15:58
Uqhamasti munat jilatanaca, jumanacajj Tatitumpejj sum sayt'asipjjam, janirac sarakapjjamti. Irnakasipcaquim juc'ampi juc'ampi Tatitun luräwipanjja; jumanacajj yatipjjaractawa Tatitumpi mayaqui irnakapjjatamajj janiw inamayäquiti.

Deuteronomio 31:6-8
[6] Ch'amañcht'asipjjam, sayt'asipjjaraquim, jan ajjsarapjjamti ni sustjasipjjamsa jupanacampi nuwasiñataquejja, Tatitu Diosamaw jumanacampïsqui uca laycu, janiraquiwa jaytapcätamti ni apanucupcätamsa.”[7] Ucatsti Moisesajj Josué chacharuw jawsäna, take Israel marca nayräjjana aqham sasa: “Ch'amacht'asim, sayt'asiraquim, jumaw aca jakenacar irpäta, cawquïri oraktï Tatitojj arupampi arsusin jumanacan awquinacamar churämaw siscän ucaru, ucatsti jumaraquiwa uca orakenac laquintäta.[8] Tatitu pachpaw juman nayram sarani, jumampiraquïniwa, janiraquiw jaytcätamti ni antutcaraquïtamsa, uqhamasti jan ajjsaramti, janirac lajllasimsa.”

Efesios 6:10
Jichhajj jilatanaca, ch'amañchasipjjam Tatitumpi, uqhamarac jach'a ch'amapampisa.

Isaías 54:4
Jan ajjsaramti, janiw mä p'enka uñjascätati, janiw cuna jan wali arunacsa sapcätamti, janiraquiw cunatsa p'enkascätati. Tawako cancañaman p'enkachatäcäyät ucjja armasjjätawa, janiraquiw mayampsa ijma cancañam jisc'achapcäyätam ucsa amtascjjätati.

Juan 14:27
“Samarañwa jaytapjjsma. Nayan samarañajjwa churapjjsma, ucampis janiw nayajj samarañjj churcti cunjämtejj acapachajj churqui uqhama. Jan llaquisipjjamti ni ajjsarapjjaraquimsa.

Salmos 27:1
Tatituw khanajjasa, khespiyasiñajjasa, ¿qhitirurac ajjsarästi? Tatituw jacañajjar arjjati, ¿cunarurac ajjsarästi?

Salmos 56:3-4
[3] Ajjsarcay urun waytasita, nayajj jumaruquiw alcatsma.[4] Diosaruw takpach chuymamp iyawsta, arunacap jach'ar aptaracta; Diosaruw takpach chuymamp alcatta, janiw cunarus ajjsarcti: ¿Camächaraquitan jakesti?

2 Timoteo 1:7
Diosajj janiw ajjsarañ ajayu churquistuti, jan ucasti ch'amani, munasiñani, chekapar amuyt'aña ajaywa churistu.

Josué 1:9-11
[9] Nayasti sismawa: Ch'amani sayt'asim, jan ajjsaramti, janirac mayjt'asimsa. Naya Tatitu Diosamaw jumampïscä cawqharutï sarcäta ucqhanacana” sasa.[10] Ucatsti Josué chachajj marcanquir jilïrinacaruw lurapjjañapataqui aqham säna:[11] “Jumanacasti sarapjjam take campamentpacharu ucatsti take jakenacar sapjjam: Mank'añ waquichasipjjam, acat quimsa ururuw Jordán jawira maqhatasin catuntañäni cawquïri oraktï Tatitu Diosajj churquistani uca” sasa.

Isaías 41:10-13
[10] Jan ajjsaramti, nayaw jumampïscta, jan ajjsaramti, nayäsctwa juman Diosamajja. Nayaw ch'amañchascäma, nayaraquiw yanapascäma, atipjiri amparajjampiraquiw uywascäma.[11] Take qhitinacatejj uñisipctam ucanacajj p'enkachata, jisc'achjataraquiw uñjasipjjani; jumampi nuwasirinacasti k'ala tucjataw uñjasipjjani.[12] Uñisirinacamarojj thakascätawa, ucampis janiw jicjjatcätati; jumampi nuwasirinacas, janis utjapcaspa uqhamaw tucusipjjani.[13] Naya, juman Tatitu Diosamaw, jumarojj amparat wayjjarsma, irparacsma; nayaw saracsma: ‘Jan ajjsaramti, nayaw yanapascäma.’ ”

1 Corintios 16:13
Suyapjjapunim, iyawsañanacamansti ch'aman sayt'apjjam, chachjama sarnakapjjam, ch'amañchasipjjaraquim.

Salmos 27:14
Tatitur takpach chuymamp iyawsam, ch'amañchasim, jan ajjsaramti, ¡Tatitur takpach chuymamp iyawsam!

Proverbios 3:5-6
[5] “Tatitur take chuymamampi catuyasim; juman ch'iqhi cancañamaruquejj jan alcatasimti.[6] Take luräwinacamanjja Tatitutjja amtasipunim, ucatsti jupajj cheka thaquinjamwa irpascätam.

Salmos 23:1-4
[1] Tatituw awatirejjajja, janiw cunats t'akhescäti:[2] suma ch'ojjña pastonacaruw samart'ayitu; k'oma uma thiyanacaruw awatitu,[3] jupaw machak ch'am churitu, cheka thaquinjam irpitu, sutipar jach'añchañ laycu.[4] Ajjsarcay lajja ch'amac chekawja sarcasasa, janiw cunarus ajjsarcäti, nayamp chic saratam laycu: lawamasa, thujrumasa, ch'am churitani.

Marcos 5:36
Jesusasti uqham parlir ist'asajja, sinagoganquir jilïrirojj sänwa: —Jan ajjsaramti, iyawsaquim —sasa.

Filipenses 1:28
uñisirinacamampis jan sustjayasisa. Ucasti jupanacataquejj mä khanañchäwiwa chhakañaru sarascatanacapajja, ucampis jumanacataquejj khespiyasiñajj Diosat jutatapa uñacht'ayi.

Salmos 112:7
Jan wali yatiyäwinacarojj janiw ajjsarquiti, chuymapajj Tatituncasajj wali thurt'atawa.

Josué 1:6
Jumasti wali ch'amani sayt'asim janirac ajjsaramti. Aca marcaru orak laquiñajj jumaruw wact'tam; ucasti nayajj: ‘Herencia churä’ siscäyata awquinacaparu ucawa.

Salmos 31:24
Tatitur suyt'irinaca, ch'amañchasipjjam, jan ajjsarir chuymanïpjjaraquim.

Aymara Bible 1997
Biblia Aymara ©Sociedad Bíblica Boliviana 1997