A A A A A

Good Character: [Trust]

Isaías 12:2
Diosaw nayar khespiyirejja, juparuw iyawsta, janiw cunsa ajjsarcäti. Tatituw nayan arjjatirejjajja, nayar ch'amañchirejjasa, jupaw khespiyirejjajja.”

Isaías 26:3-4
[3] Tatay, jumaw sum uñjtajja qhititejj mä sapa amtañaniquïqui ucarojja, jupan jumaru iyawsatap laycu,[4] Tatiturupun iyawsapjjam, jupaw jiwasan wiñay arjjatirisajja.

Isaías 41:10
Jan ajjsaramti, nayaw jumampïscta, jan ajjsaramti, nayäsctwa juman Diosamajja. Nayaw ch'amañchascäma, nayaraquiw yanapascäma, atipjiri amparajjampiraquiw uywascäma.

Jeremías 29:11
Nayasti yatiractwa cuna amtäwinacatejj jumanacataqui utjquitu ucanacjja, uca amtäwinacasti jumanacan asquinacamataquiwa, janiw jumanacan jan walt'apjjañanacamataquïquiti, uqhamat khepa urunacanjja wali suma jacasipjjañanacamataqui, suyt'añanacansa phokhantataraqui. Naya Tatituw ucjja arsta.

Juan 10:10
“Lunthatajj jutiwa lunthatasiñataqui, jiwayañataqui, tucjañataqui, ucampis nayajj juttwa jacañanïpjjañamataqui, uqhamarac jilarquir jacañanïpjjañamataquiraqui.

Juan 14:1
“Jan jumanacajj llaquisipjjamti. Iyawsapjjam Diosaru, nayarus iyawsapjjaraquita.

Josué 1:9
Nayasti sismawa: Ch'amani sayt'asim, jan ajjsaramti, janirac mayjt'asimsa. Naya Tatitu Diosamaw jumampïscä cawqharutï sarcäta ucqhanacana” sasa.

Filipenses 4:19
Nayan Diosajjawa take cunatejj jumanacan jan utjquisa ucjja churapjjätam Cristo Jesusan walja c'ajquiri kamir cancañaparjama.

Proverbios 29:25
Jakenacar ajjsarañajj sipitar uñtatawa, ucampis qhititejj Tatitur iyawsqui ucawa imatäni.

Salmos 9:10
Tatay, sutim yatirinacajj jumaruw iyawsapjjtam, jumar thakerinacarojj janipuniw apanucctati.

Salmos 20:7
Yakhepanacajj nuwasiñ carronacaruw alcatapjje, yakhanacasti walja caballonacaruw chuym uchapjje; jiwasanacasti Tatit Diosasaruw art'asipjjtan.

Salmos 28:7
Tatituw ch'amajjajja, arjjatirejjasa: juparuw takpach chuymamp iyawsta, jupasti yanapt'ituwa. Chuymajjajj cusisitawa, Tatituruw k'ochü, yuspagararaquï.

Salmos 32:10
Ñankha lurir jakenacajj llaquinacampiw t'akhesipjjani; Tatitur iyawsir jakenacarusti qhuyapayasiñapaw muyunti.

Salmos 37:5
Tatitun amparapar sarnakäwim catuyasim, jupar take chuymamp alcatam, jupasti yanapätamwa.

Salmos 46:10
“Amuct'jjapjjam, nayan Diosätajj uñt'apjjam: Nayajj marcanacat juc'ampïtwa, oraket juc'ampiraquïtwa.”

Salmos 118:8
Jaker alcatañat sipanjja, Tatitur alcatañaw juc'amp sumajja.

Salmos 143:8
Willjtanacajj munasiñam ist'ayita, take chuymamp jumar iyawsatajj laycu. Sarañajjäqui uca thac uñachayita, jumar almajj catuyasitajj laycu.

Romanos 8:28
Yatiractanwa Diosajj jupar munirinacarojj take cunsa asquitaquiw waquicharapi qhitinacatejj jupan amtataparjam jawsatäpqui ucanacataquejja.

Romanos 15:13
Uca suyt'añ churiri Diosajja, cusisiñampi, sumancañampi jumanacar phokhantpan juparu iyawsapjjatam laycu, uqhamat uca suyt'añanjja phokt'atäpjjañamataqui Kollan Ajayun ch'amap toke.

Salmos 56:3-4
[3] Ajjsarcay urun waytasita, nayajj jumaruquiw alcatsma.[4] Diosaruw takpach chuymamp iyawsta, arunacap jach'ar aptaracta; Diosaruw takpach chuymamp alcatta, janiw cunarus ajjsarcti: ¿Camächaraquitan jakesti?

Salmos 62:7-8
[7] Diosat khespiyasïwejjampi, jach'a cancañajjampejj juti, jupaw suma thurt'at karkajjajja, juparaquiw imantasiñajjasa.[8] Marcajjay, jupar take chuymamp iyawsam, chuymanacam jupar jist'arapjjam, Diosaw jiwasan imantasiñasajja.

Salmos 91:1-2
[1] Alajjpachanquir Take atipirin imat sarnaker jakejja,[2] Tatiturojj siwa: “Jumätaw imantasiñajjajja, jarc'akasiñajjasa, Diosajjay, jumaruw takpach chuymamp alcatsma” sasa.

Salmos 112:6-7
[6] Asqui jakejj janipuniw cunapachas aynacht'caniti. Asqui jakejj aytatapunïniwa.[7] Jan wali yatiyäwinacarojj janiw ajjsarquiti, chuymapajj Tatituncasajj wali thurt'atawa.

1 Juan 5:14-15
[14] Utjistuwa Diosar iyawsañasajja, yatiractanwa cuntejj Diosarojj mayiñäni munañaparjama ucjja jupajj ist'istuwa.[15] Cunjämtï yattanjja Diosajj oracionanacasarojj ist'istuwa, uca pachparaquiw yattanjja cuntejj mayctanjja ucajj niyaw utj-jjestu.

Salmos 46:1-2
[1] Diosaw imantasiñasajja, ch'amañchirisasa, jupaw chijinacan arjjatirisajja.[2] Uca laycuw jan ajjsarapcañäniti, orakes qhathatiscpan, kollunacas lamar kotar tincuntascpan,

Proverbios 3:5-6
[5] “Tatitur take chuymamampi catuyasim; juman ch'iqhi cancañamaruquejj jan alcatasimti.[6] Take luräwinacamanjja Tatitutjja amtasipunim, ucatsti jupajj cheka thaquinjamwa irpascätam.

Mateo 6:25-26
[25] “Sapjjaracsmawa, jan llaquisipjjamti, cuntejj mank'apcäta, umapcaraquïta, isisipcäta ucanacatjja. ¿Janiti jacañajj mank'at sipansa juc'ampi sumäqui, janchisti isitsa juc'ampïcaraquejja?[26] Uñtapjjam jamach'inacajj jalasqui uca, janiw jupanacajj satapquis ni apthapipcaraquisa, janiraquiw juyranacsa pirwanacarus imapquiti, ucampis alajjpachanquir Awquimaw ucanacarojj mank'ayi. Uca jamach'inacat sipansa jumanacajj juc'amp munatäpjjtawa.

Jeremías 17:7-8
[7] “Ucampisa, kollanawa cawquïri jaketejj nayaru iyawsquitu, uqhamaraqui take suyt'añapsa nayaru usccaraqui ucajja.[8] Jalir umani jawir thiyaru ayruntata kokjamäniwa, saphinacapasti uca uma tokeru saphintataraquiwa, cunapachatejj lupejj purinqui ucqhasti janiw ajjsarcaraquiti, laphinacapasa take horasansa ch'ojjñaquïscaniwa. Waña horasa purinipansti janiw mayjt'ascaniti, take horasansa achuniquïscaniwa.

Josué 1:5-9
[5] Take jacañamansti janiw qhitis atipañ puedcätamti. Nayaw jumampïscä cunjämatejj Moisesampïcäyätjja uqhama; janipuniw jaytcämati ni apanuccaraquïmasa.[6] Jumasti wali ch'amani sayt'asim janirac ajjsaramti. Aca marcaru orak laquiñajj jumaruw wact'tam; ucasti nayajj: ‘Herencia churä’ siscäyata awquinacaparu ucawa.[7] Nayasti sismawa: Ch'amani sayt'asim, ucatsti phokharaquim Moisés sirvirejjajj ley jaytawayctam take ucanacaru. Cuntï sisqui ucanacatjja janipuni maysar saranucumti, uqhamat take luräwinacamajj sumaqui sarañapataqui.[8] Amtasipunïtaw cuntï Diosan leyi libropanjja sisqui uca, uqhamaraqui uruy arumaraquiw lup'iraquïta cuntejj librojj sisqui uca lurañamataqui. Uqhamatwa take luräwinacamajj sumaru sarani.[9] Nayasti sismawa: Ch'amani sayt'asim, jan ajjsaramti, janirac mayjt'asimsa. Naya Tatitu Diosamaw jumampïscä cawqharutï sarcäta ucqhanacana” sasa.

Aymara Bible 1997
Biblia Aymara ©Sociedad Bíblica Boliviana 1997