A A A A A

Good Character: [Modesty]


1 Corintios 12:23
Cuerposansti cawqhawjanacarutejj jan wali munctan ucawjanacaruw sum isthapiytanjja. Cawqhanacatejj jan yäkañajj waquisqui ucawjanacaruw wali yäktanjja. Cuerposanjja wali yäkatäqui ucajja janiw waquiscjjeti yäkaña.

1 Timoteo 2:8-10
[8] Ucatwa muntjja takewjan jakenacajj Diosar mayipjjañapa, k'oma chuymampi amparanac aptasina, jan colerasisina ni tokesisina.[9] Uqhamaraqui warminacajj cunatejj isisiñäqui ucac isisipjjpan; janirac sinti jiljañampis ñic'utanacapsa c'achachasipjjpati, ni korimpisa, perlanacampisa, ni wali jila alan isinacampisa,[10] jan ucasti suma luräwinacampi c'achachasipjjpan, Diosar catuyata warminacjama.

1 Pedro 3:3-4
[3] Jumanacan c'achachasiñanacamasti jan patjjataquïcpati ñic'utanaca c'achachasiñanacampi, kori yänacampi, ni wali jila alani isinacampisa,[4] jan ucasti suma chuymanïpjjam, ucaw jan tucusquiri, suma muncañajja, llamp'u chuymani. Dios nayrakatansti ucajj wali asquiwa.

Romanos 12:2
Janiy jumanacajj acapacha saräwinacarjamajja jacjjapjjamti, jan ucasti amtañanacamanjja machakat amtasjjapjjam, uqhamat jumanacan jacañanacamajj sumäjjañapataqui. Uqhamatwa jumanacajj Diosan munañapjja yatipjjäta, cunatejj asquïqui, cunatejj Diosarojj cusisiyqui, k'omäcaraqui ucanacsa.

Mateo 5:28
Ucampis nayajj sapjjsmawa, qhititejj mä warmirojj munapayañataqui uñtejja, niyaw chuymapanjja jupampi wachoka juchjja lurjje.

Deuteronomio 22:5
“Mä warmisti janiw mä chachan isipjja uchasiñapäquiti, ni mä chachas warmin isipampejj uchasiñapäquiti, Tatitu Diosataquejj ucanac lurañajj ajjtasiñätap laycu.

1 Pedro 3:3
Jumanacan c'achachasiñanacamasti jan patjjataquïcpati ñic'utanaca c'achachasiñanacampi, kori yänacampi, ni wali jila alani isinacampisa,

1 Samuel 16:7
Ucampis Tatitojj sänwa: “Jan jumajj uñnakapataqui, uqhamarac jach'a tansätapatacsa ajllimti, nayajj ucanacjja maysaruw apanuctjja. Janiw cuntejj jakejj uñcatqui uqhamäcaniti; jakejj uñnakacwa uñjejja, ucampisa nayajj jaken chuymapwa yatiractjja, ucwa uñjaractjja.”

1 Corintios 6:19-20
[19] ¿Janit jumanacasti yatipcta jumanacan janchinacamajj, cuntejj Diosajj churapctam uca Kollan Ajayun utjäwipätapsti, uqhamaraqui Kollan Ajayus jumanacan jacatapsa? Jumanacajj janiw jumanacpachata munañanïcjjapjjtati,[20] jan ucasti Diosaw jumanacarojj jila alampi alapjjtam. Ucatpï Diosarojj wakaychapjjañamajja janchinacamana, ajayumana ucanacasti Diosancaraquiwa.

1 Corintios 10:31
Uqhamajj mank'apjjamsa, umapjjamsa jan ucajj cunsa lurapjjam, ucampis take cunsa Diosar jach'añchañataquiqui lurapjjam.

Proverbios 7:10
Ucatsti mäquiwa uca warmejj jicjjatiri mistuni, jan wali sarnaker warmjam isthapita, c'arintañ amtäwinacampi phokt'ata.

Proverbios 31:30
C'ariquiwa suma uñnakani warmejja, jiwaquïñasa inamayaquiwa, ucampis Tatitur ajjsariri warmiwa jach'ar aptatajja.

1 Timoteo 3:2
Ucatpï cawquïritejj obispöchi ucajja, jan qhitins camscayaw jacañapa. Mä sapa warmini, mä suma jacañan jacañapawa, take amuyt'ampi uqhamarac respetompi. Utapar sart'irinac catokañataquejja waquicht'atäñapawa, yatichañataquis asquïñaparaqui.

Lucas 17:1
Jesusajj discipulonacaparojj sänwa: “Utjapuniniw cunanacas jaker juch lurayirejja, ucampis ¡ay cunaquïcani, qhiti jaketejj mayniru juchar puriyqui ucajja!

Proverbios 11:22
Jan amuyt'ani warmejj jiwaquïcchisa, cunjämatï mä qhuchhejj nasapana kori anillompi uchatäcaspa uqhamaquiwa.

Efesios 2:10
Diosaw jiwasanacar luristu, Cristo Jesusampi asqui luräwinac lurañasataqui, jupan nayratpach waquicht'ataparjama.

Romanos 14:13
Uca laycupï jan jiwasanacanjj maynit mayniru jisc'achasiñajj utjañapäquitejja, ucat sipana jan munapjjamti jilaman lanctañapjja cunäquipansa, ni jucharus puriyapjjaraquimti.

1 Pedro 3:3-5
[3] Jumanacan c'achachasiñanacamasti jan patjjataquïcpati ñic'utanaca c'achachasiñanacampi, kori yänacampi, ni wali jila alani isinacampisa,[4] jan ucasti suma chuymanïpjjam, ucaw jan tucusquiri, suma muncañajja, llamp'u chuymani. Dios nayrakatansti ucajj wali asquiwa.[5] Nayra pachanacanjja, Diosar ajjsartir warminacajj uqhamwa c'achacht'asipjjäna. Jupanacajj Diosaruw iyawsapjjäna, ucatsti chachanacaparojj ist'apjjaraquïnwa.

1 Pedro 1:14
Ist'asir wawanacjamajja, jan munañanacamarjam sarnakapjjamti, cunjämtï janïra Diosar uñt'casajj sarnakapcäyätajj uqhamjja.

1 Samuel 9:21
Saúl waynasti saraquïnwa: —¡Nayajj Benjamín tribunquirïtwa, ucasti Israel marcan take tribunacat sipansa sinti jisc'aquiwa! Uqhamarus familiajjajj take Benjamín tribunquir familiat sipansa sinti jisc'a familiaquiraquiwa. ¿Cunatarac take acanac sistasti? —sasa.

Ester 1:11-12
[11] Vasti reinaru, reyin nayrakataparu irpapjjañapataqui suma coronani uqham isthapita, uqhamata take marcanquir jakenacasa, jach'a jilïr jakenacasa reinaru jiwaquïtap uñjasinjja muspharapjjañapataqui, jupasti wali jiwaquïnwa uca laycu.[12] Ucampis reinajja janiw ist'aña muncänti, reyejj cawquïr arunactejj eunuco sat jakenacap tokejj yatiycäna uca arunacaparojja. Ucatsti reyejj walpun colerasïna,

Job 32:4-7
[4] Cunjämtejj Eliú chachajj takenit sipansa juc'ampi waynaquïnjja ucatwa suyt'äna Job chachampi parlañ tucuyañapcama.[5] Ucampisa jupanacan Job chacharu jan suma arunacampi arusjjatapjjatapa uñjasasti colerasïnwa, janiw juc'ampi chuymapanjja amuquïñ muncänti.[6] Ucatwa parlañ kalltaraqui: “Cunjämtejj nayajj sullcäsctjja, jumanacasti chuymani jakenacäpjjaracta, ucatwa nayajj jan cunsa arscäyätti.[7] Nayasti saraquïyätwa: ‘Aca jakenacajj wali amuyt'anïpjjewa jilïrïpjjatap laycojja, walja maranaca jacapjjatapampisti wali yatiñanïpjjaraquiwa’ sasa.

1 Pedro 3:1-4
[1] Uqhamaraqui jumanacajj warminaca, chachanacamar ist'asa sarnakapjjam, uqhamata inas cawquïri chachas Tatitur jan iyawscchi ucajj jumanacan sarnakäwinacam toke Tatitutaqui jicjjatatäñapataqui jan cuna arumpisa,[2] jan ucasti jumanacan suma sarnakatam uñjasaqui.[3] Jumanacan c'achachasiñanacamasti jan patjjataquïcpati ñic'utanaca c'achachasiñanacampi, kori yänacampi, ni wali jila alani isinacampisa,[4] jan ucasti suma chuymanïpjjam, ucaw jan tucusquiri, suma muncañajja, llamp'u chuymani. Dios nayrakatansti ucajj wali asquiwa.

1 Juan 2:16
Take cuntejj acapachajj churañatac uñacht'ayqui ucajja, janiw Dios Awquit jutquiti, jan ucasti acapachatwa juti. Janchin jan wali munañanacapa, cuntejj nayrajj uñjquis ucansa munañanaca, jach'a jach'a tucuñanaca, take ucanacwa acapachajj churañ muni.

Romanos 12:1
Uqhamasti jilatanaca, Diosan qhuyapayasiñap laycuw achict'apjjsma, jumanacajj Diosarojj jacquir ofrendjamay loktasipjjam, Diosar cusisiyquiri loktata. Ucawa Diosataquejj ajayu token chekpach Diosar sirviñajja.

Proverbios 31:25
Jupajj ch'amañchasiwa, asquin sarnakañampi, ucatsti janiw ajjsarquiti jutir jan walt'añ urunacarojja.

1 Timoteo 4:8
Janchin ejercicio lurañajj cunataquis asquiwa, ucampis Dios chuymäñawa juc'ampi take cunataquis asquejja, acapachan jacañataquisa uqhamarac jutiri urun jacañataquisa.

Filipenses 2:5
Cunjäm amuyunïcäntejj Cristojj uca pachpa amuyunïpjjaraquim.

1 Pedro 3:4
jan ucasti suma chuymanïpjjam, ucaw jan tucusquiri, suma muncañajja, llamp'u chuymani. Dios nayrakatansti ucajj wali asquiwa.

1 Timoteo 2:10
jan ucasti suma luräwinacampi c'achachasipjjpan, Diosar catuyata warminacjama.

Aymara Bible 1997
Biblia Aymara ©Sociedad Bíblica Boliviana 1997