A A A A A

Good Character: [Integrity]


Proverbios ১১:৩
Cheka sarnaker jakenacarojj cheka cancañapawa irpi; c'ari sarnaker jakenacarusti c'ari cancañapawa tucji.

Proverbios 28:6
Sallkjasiri kamir jaquïñat sipansa, juc'amp asquiwa pobrëscaña, uqhamarac cheka lurirïñasa.

1 Pedro 3:16
Chuymanacaman samaratäñataquejja sum sarnakapjjam, uqhamata jumanacan Cristor iyawsapjjatam laycu, uqhamarac asqui luräwinacamat jan wali parlir jakenacajj jan wali parlatanacapatjja jupanacpacha p'enkasipjjañapataqui.

Proverbios ১২:২২
Tatiturojj c'ari parlirinacajj ajjtasiyiwa, ucampis cheka parlirinacajja cusisiyiwa.

Proverbios 21:3
Sacrificionaca loktañata sipansa, juc'amp asquiwa Tatitutaquejj cheka cancañana sarnakañamajja.

2 Corintios ৮:২১
Take cunsa chekaparuw lurañ munapjjtjja, janiw Tatitu nayrakatanacti jan ucasti jakenac nayrakatanraqui.

Juan ১৪:৬
Jesusajj saraquïnwa: —Nayätwa thaquejja, chekasa, jacañasa. Naya tokequiw Awquin ucar puriñajj utji.

Proverbios 4:25-27
[25] Nayrakatarupuni uñtam, nayräjjat uñtaraquim.[26] Sum amuyasim cawqharutejj tact'ctajj uca chekjja, ucatsti suma chekarupuniw tact'ätajja.[27] Thaquimatjja jan maysaru saranucumti; jan wali sarnakäwinacanjja janipun sarnakañ munamti.

Hebreos ১৩:১৮
Orapjjamay nanacataqui. Yatisipjjaractwa nanacan chuymanacajjajj waliquïscatapa take cunans sum sarnakañ munapjjatanacajj laycu.

Lucas ৬:৩১
Cunjämtejj jumanacajj mayninacampejj lurayasiñ munapctajja, uqhamarac jumanacajj jupanacarojj lurapjjam.

Salmos 41:11-12
[11] Timasirejjajj jan atipjquitan ucapachaw yatï, juman nayar munasiscatamjja.[12] Nayarusti chekap sarnakatajjatjja, amparamar catoketa, nayrakataman wiñay jacayaraquita.

Filipenses ৪:৮
Ucjjarojj, jilatanaca, lup'ipjjam cunatejj chekäqui, cunatejj maynïr asqui uñjañäqui, cunatejj wali sumäqui, cunatejj k'omäqui, cunatejj muncañäqui, cunatejj aytat luräwinacäqui. Lup'ipjjam, take cunatejj sumäqui yupaychañataquïqui ucanacata.

Isaías 26:7
Asqui jakenacan sarnakäwinacapajj chekapawa; Tata, jumaraquiw jupanacan thaquipsa qhusqhachtajja.

Aymara Bible 1997
Biblia Aymara ©Sociedad Bíblica Boliviana 1997