Instagram
English
A A A A A

God: [God's Timing]


1 Timoteo 3:15
inampis jan janc'a jutquirista, jumajj yatiñamawa Diosan familiapjama cunjäma sarnakañamasa Diosan cheka arunacap catjjäsqui arjjatcaraqui uca iglesiana.

Juan 6:54
Qhititejj nayan janchejj mank'qui, wilajjsa umcaraqui ucajja, wiñay jacañaniwa, nayapï khepa urunjja jacatatayaraquëjja.

Juan 8:32
Uñt'apjjaraquïtawa cunatejj chekäqui ucjja, uca cheka cancañasti khespiyat sarnakasiñ churapjjaraquïtam.

Isaías 40:31
ucampisa take qhitinacatejj Tatitur iyawsapqui ucanacasti machak ch'amanacanïpjjaniwa; pacalinacar uñtataraquiw thoktapjjani, jalanakasinsti janiw karipcaniti, sarnakasas janiraquiw ch'amtayapcaniti.

Habacuc 2:3
Janiraquiw horasäquiti aca uñjäwin phokasiñapajja; ucasti phokasipuniniwa. Amuyatajj janisay janc'äcpa, suyascaquim, purisincaniwa horasaparu.

Eclesiastés 3:1
Aca orakenjja take cunas horasaniquiwa; take luräwinacataquisa mä horasaw utji:

Salmos 27:14
Tatitur takpach chuymamp iyawsam, ch'amañchasim, jan ajjsaramti, ¡Tatitur takpach chuymamp iyawsam!

Marcos 6:3
Acajj Marian carpintero yokapaquïchejjaya. Jilanacapasti Jacobo, José, Judas, Simón. Cullacanacapasti jiwasanacamp chicaraquiw jacasipcaraqui —sasa. Ucatwa jupanacajj Jesusar jan yäkapcänti.

Juan 12:48
Qhititejj nayaru jisc'achquitu, ucatsti janiraqui arunacajjarjam lurquiti, ucan juchañchiripajj utj-jjewa. Cawquïr arunactejj nayajj arsctjja ucanacaw juchañchascani juparu khepa urunjja.

Juan 1:1
Cunapachatejj take cuna kalltcäna ucqhajja, Arojj utjapunïnwa; qhä Arusti Diosampïnwa, uca Arusti Diosänwa.

Gálatas 6:9
Uqhamajja asqui lurañanjja janiw karjasiñasäquiti, janitejj karjtcañäni ucajja, horasaparuw cosechjja apthapiñäni.

Salmos 31:15
Jacañajjajj amparamanquiwa: nayar arcnaker timanacajjat khespiyita;

Gálatas 1:19
Tatitun Jacobo jilaparuquiw uñjaractjja, ucat juc'amp apostolonacarojj janiw uñjcti.

Malaquías 1:11
Take acapach orakenwa nayarojj jach'añchapjjetu, uqhamaraquiwa take chekanacan incienso naqhayapjje nayar jach'añchasa, ucatsti k'oma ofrendanacrac loktapjjetu.

2 Pedro 3:8
Ucampis jilatanaca, jan jumanacajj armasipjjamti, Tatitutaquejj mä urojja waranka marampi sasiwa, waranka marasti mä urumpi sasiquiraquiwa.

Salmos 37:7
Tatitun nayrakatapan amuct'am; jupan yanapap llamp'u chuymamp suyam, ñankha lurir jaken atipjatapat jan k'apisimti; ñankhanac amtir jakets janirac mayjt'asimti.

Eclesiastés 3:11
Diosasti horasaparuwa take cunsa suma luri; uqhamaraquiw jupajj jaken chuymaparu amuyt'ayi cunatï wiñayäqui uca, janisay jakejj takpacha amuyt'cpan Diosan luratanacapa, uqhamaraqui cuntï lurcani ucanacata.

Lamentaciones 3:25-26
[25] Tatitojj asquiwa jupar iyawsirinacataquejja, qhitinacatejj juparu jac'achasipqui ucanacataquejja.[26] Tatitur suyt'ascañaquiw walejja, Tatituna yanapapa suyt'añaquiw walejja.

Hechos 1:7
Jesusasti jupanacarojj sänwa: —Janiw jumanacarojj wact'apctamti take ucanacjjata yatipjjañamajja. Alajjpachanquir Awquiquiw take cuns lurani munañaparjama.

Gálatas 4:4
Ucampis cunapachatejj tiempojj phokhasiwayjjejja, Diosajj Yokapwa qhitani mä warmi toke yurisa, mä judío jakjamaw leyir phokhasa jacaraquïna.

Efesios 5:16
Jan tiempjja ina ch'usaru tucuyapjjamti, urunacajj jan walëjjatap laycu.

Juan 3:3-5
[3] Ucjjarusti Jesusajj juparojj sänwa: —Khanacwa sisma, qhititejj jan wasitat nascani ucajja, janiw Diosan reinopjja uñjcaspati —sasa.[4] Nicodemosti ucjjarojj jisct'araquïnwa: —Uqhamasti, ¿cunjämrac mä chachajj chuymanëjjasinjja wasitat nacispa? ¿Taycapan puracaparuti wasitat mantaspa naciñataquejja? —sasa.[5] Jesusasti ucjjarojj saraquïnwa: —Khanacwa sisma, qhititejj umampita Ajayumpita jan nascani ucajj, janiw Diosan reinopar mantcaspati.

Hebreos 12:14
Takenimpis suman sarnakasiñ thakapjjam, k'oma jacañan sarnakasa, jan ucampisti janiw qhitis Tatitur uñcatcaspati.

Génesis 1:1
Take cunan kalltäwipanjja Diosajj alajjpacha, uqhamarac acapacha luräna.

Lamentaciones 3:25
Tatitojj asquiwa jupar iyawsirinacataquejja, qhitinacatejj juparu jac'achasipqui ucanacataquejja.

Salmos 145:15
Takenin nayranacapaw jumarojj uñch'uquisipctam, jumaw waquisitarjam mank'añ jupanacar churtajja.

Eclesiastés 8:6
Chekpachansa, take cuna lurañataquisa utjiwa mä horasa, uqhamarac cunjäma lurañataquisa, ucampis jaken mä jan walt'añapaw utji;

Romanos 8:28
Yatiractanwa Diosajj jupar munirinacarojj take cunsa asquitaquiw waquicharapi qhitinacatejj jupan amtataparjam jawsatäpqui ucanacataquejja.

Proverbios 3:5-6
[5] “Tatitur take chuymamampi catuyasim; juman ch'iqhi cancañamaruquejj jan alcatasimti.[6] Take luräwinacamanjja Tatitutjja amtasipunim, ucatsti jupajj cheka thaquinjamwa irpascätam.

Efesios 1:10
Aca amtäwirjamawa phokhasini cunapachatejj uca urojj purcani ucqhajja. Diosasti mayachthapiniwa take cunsa, alajjpachanquirinacsa aca orakenquirinacsa, Criston munañapancañapataqui.

Juan 16:13
Cunapachatejj Kollan Ajayojj jutcani ucqhajja, jupaw take cunatejj chekäqui uca yatichapjjätam. Janiraquiw jupa pachpat parlcaniti, jan ucasti cuntejj ist'qui ucwa sani, yatiyapjjaraquïtamwa cunanacatejj pascani ucanacsa.

Gálatas 4:19
Wawanacajja, wasitampiw jumanac laycojj t'akhesiñan jicjjatasta, cunjämatejj mä taycajj wawachasiñataquejj t'akhesi uqhama, t'akhesiscaquipunïwa Cristojj jumanac taypin sayt'añapcama.

Mateo 16:18
Nayasti saracsmawa, jumajj Pedrötawa, nayasti aca kaljjaruw iglesiajj sayt'ayasï, ucarusti janiraquiw jiwañan munañapas atipcaniti.

Mateo 18:15-18
[15] “Jilamatejj cuna jan wals lurätam ucajja, jupampi sapa pur parlt'am, saraquim cuna jan waltejj lurctam uca. Uca ewjjt'amarutejj ist'ätam ucajja, jilamampejj sumancthapjjtawa.[16] Janitejj ist'cätam ucasti, mä pani jan ucajj maynimpsa jawsasin saram cuntejj parlcäta ucajj jupanacan ist'atäñapataqui, testigöpjjañapataquiraqui.[17] Janipuni jupanacarus ist'cjjani ucasti iglespachar jawsthapim, ucat janiraqui jupanacarus ist'cjjani ucasti, Diosar jan iyawsquis uqhamaru uñj-jjapjjam, jan ucajj impuesto cobrir uñisita jakerjamasa.[18] “Khanacwa sapjjsma, cuntejj jumanacajj acapachan chint'apcäta ucajja, alajjpachan chint'ataraquïniwa; cuntejj jumanacajj acapachan jararapcäta ucajja, alajjpachan jararataraquïniwa.

Efesios 1:22-23
[22] Take cunsa Criston munañaparuw uchawayi, uqhamaraqui iglesian p'ekëñapataquejj Cristo pachparuraquiw uchawayi.[23] Uqhamajj iglesiajj pachpa Criston cuerpopawa, Cristojj take cunawa, Cristojj take cunwa phokt'araqui.

Efesios 5:23
Chachajj warmin p'ekepawa, cunjämatejj Cristojj iglesian p'ekepäqui uqhama. Cristojj iglesian khespiyiriparaquiwa; iglesiasti jupan cuerpoparaquiwa.

Hechos 4:32
Diosar iyawsirinacasti waljanïnwa. Jupanacasti mä chuymaquïpjjänwa, mä amtañaniquiraqui. Cunanacapatejj utjcäna ucanacatjja janiraquiw qhitis siscänti: “Nayanquituwa” sasajja, jan ucasti take cunanacapas takenincänwa.

1 Corintios 1:10
Jilatanaca, Jesucristo Tatitusan sutipjjaruw achict'apjjsma, maya amtañaniquïpjjam, jan jumanac taypin yakhachasiñajj utjcpanti. Jan ucasti, mä wawac sarnakasipjjam; mä sapa amtañani, mä chuymaniquiraqui.

Juan 14:6
Jesusajj saraquïnwa: —Nayätwa thaquejja, chekasa, jacañasa. Naya tokequiw Awquin ucar puriñajj utji.

Juan 14:6-28
[6] Jesusajj saraquïnwa: —Nayätwa thaquejja, chekasa, jacañasa. Naya tokequiw Awquin ucar puriñajj utji.[7] Jumanacatejj nayaru uñt'apjjetasmajja, Awquejjarojj uñt'apjjaraquismawa; jichhatpachaw uñt'apjjaracta, uñjasipcaraquïyätawa.[8] Felipesti ucjjarojj sänwa: —Tata, Awquiru uñacht'ayapjjeta, ucampejj waliquëjjaniwa —sasa.[9] Jesusajj ucjjarojj saraquïnwa: —Felipe, acqha maranacaraquis jumanacampïtanjja, ¿janit jichhacam uñt'quista? Qhititejj nayar uñjquitu ucajj Awquirojj uñjaraquiwa, uqhamasti ¿cunatsa mayista: ‘Awquiru uñacht'ayapjjeta’ sasajja?[10] ¿Janit iyawsapcta nayajj Awquincatajja, Awquisti nayancatapa? Cunanactejj sapjjsma ucjja, janiw naya pachpatacti sapcsma, nayan jacqui uca Awquiwa luräwinacap lurasqui.[11] Nayajj Awquinctwa, Awquisti nayampiraquiwa ucjja iyawsapjjeta, jan ucajj luratanacajj uñjasinacsa iyawsapjjeta.[12] Khanacwa sapjjsma, qhititejj nayar iyawsquitu ucajja, luraraquiniwa cuntejj nayajj lurctjja ucanaca, juc'amp jach'a luräwinacampwa lurani, Awquejjajj cawquincquitejj ucaru saratajj laycu.[13] Take cuntejj jumanacajj sutejjaru mayipjjäta ucjja, nayajj luräwa, Yokajj Awquin jach'a cancañap uñacht'ayañapataqui.[14] Cuntejj nayan sutejjaru mayipjjäta ucjja, nayajj take cunsa luräwa.[15] “Jumanacatejj munapjjchistajja, camachinacajj phokhapjjam.[16] Nayajj Awquirojj achict'äwa jumanacaru yakha Chuymachiri qhitaniñapataqui, jupasti jumanacampejj wiñayataquïniwa.[17] Ucajj cheka Ajayuwa, acapachanquirinacasti janiw jupar catokcaspati, jan uñjatapa ni uñt'atapa laycu, ucampis jumanacajj uñt'jjapjjtawa, jupasti jumanacampïsquiwa, ucatsti jumanacanwa jacani wiñayataqui.[18] “Janiw wajcha jaytapcämäti, nayajj cutt'anïwa jumanacampïscañataqui.[19] Mä juc'ampitjja jakenacajj janiw juc'ampi uñjcjjapjjetaniti, ucampis jumanacajj uñjasipquitätawa, jumanacajj jacapjjätawa nayan jacascatajj laycu.[20] Ucüruwa jumanacajj Awquincatajja yatipjjäta, jumanacasti nayancatajjaraqui, nayasti jumanacampïtajjaraqui.[21] Qhititejj camachinacajj yatquejja, uqhamarac phokcaraqui ucajja, uñacht'ayiwa chekpach nayar munatapa. Awquejjasti munasiraquiniwa qhititejj nayar munasquitu ucarojja, nayasti juparojj munasiraquïwa, ucatsti uñacht'ayasiraquïwa.”[22] Judasajj (aca Judasajj janiw Iscariote ucäquiti) Jesusarojj sänwa: —Tata, ¿cunatsa nanacarojj uñacht'ayasipjjetäta, acapachanquir jakenacarusti janirac uñacht'ayascätati? —sasa.[23] Jesusasti saraquïnwa: —Qhititejj munasquitu ucajja, cuntejj nayajj siscta ucwa luri; Awquejjasti munasiniwa, Awquejjampi nayampejj jupamp jakeriw jutapjjä.[24] Qhititejj jan munquitu ucajja, cuntejj nayajj sisctjja ucjja janiw lurquiti. Aca arunac ist'apcta ucajja janiw nayan arunacajjäquiti, jan ucasti qhitanquitu uca Awquejjan arunacapawa.[25] “Acanacjja sapjjsmawa jumanacampïcasina.[26] Awquejjaw nayan sutejjaru Kollan Ajayu qhitanini, jumanacar yanapañapataqui, uqhamarac chuymachañapataqui. Jupaw jumanacar take cuns yatichapjjätam, amtayapjjaraquïtamwa cuntejj nayajj jumanacaru sapjjsma ucanaca.[27] “Samarañwa jaytapjjsma. Nayan samarañajjwa churapjjsma, ucampis janiw nayajj samarañjj churcti cunjämtejj acapachajj churqui uqhama. Jan llaquisipjjamti ni ajjsarapjjaraquimsa.[28] Jumanacajj ist'apjjestawa: ‘Sarjjäwa, ucatsti wasitampiw jutä jumanacampïñataqui’ siri. Chekpachantejj munasipjjetasmajja: ‘Awquin ucaruw sarascta’ uc siri ist'asinjja cusisipjjasamänwa, jupajj nayatsa juc'ampïtap laycu.

Salmos 37:7-9
[7] Tatitun nayrakatapan amuct'am; jupan yanapap llamp'u chuymamp suyam, ñankha lurir jaken atipjatapat jan k'apisimti; ñankhanac amtir jakets janirac mayjt'asimti.[8] K'apisiñ apanucum, chuym ch'amact'ayasiñ jaytanucum, ñankha jan lurascañamataquejj jan k'apisimti,[9] ñankha luririnacajj oraket jakonucutäpjjaniwa, Tatitur suyt'irinacasti oraken jacasipjjani.

Salmos 49:1
Takpach marcanaca, aca arunac ist'apjjam, acapachan jaquirinaca, sum ist'apjjam:

Aymara Bible 1997
Biblia Aymara ©Sociedad Bíblica Boliviana 1997