A A A A A

God: [Time]

2 Corintios 6:2
Arunacapansti saraquiwa: “Mä suma asqui horasanwa ist'sma, khespiyasiñ urunwa yanapt'aracsma” sasa. Jichhapï uca asqui horasajja; jichharaquipï uca khespiyasiñ urojja.

1 Juan 2:17
Acapachajj tucusiriquiwa jan wali luräwinacapamppacha, ucampis cawquïritejj Diosan munañap lurqui ucajj wiñayataquiw jaqui.

Eclesiastés 3:11
Diosasti horasaparuwa take cunsa suma luri; uqhamaraquiw jupajj jaken chuymaparu amuyt'ayi cunatï wiñayäqui uca, janisay jakejj takpacha amuyt'cpan Diosan luratanacapa, uqhamaraqui cuntï lurcani ucanacata.

Jeremías 29:11
Nayasti yatiractwa cuna amtäwinacatejj jumanacataqui utjquitu ucanacjja, uca amtäwinacasti jumanacan asquinacamataquiwa, janiw jumanacan jan walt'apjjañanacamataquïquiti, uqhamat khepa urunacanjja wali suma jacasipjjañanacamataqui, suyt'añanacansa phokhantataraqui. Naya Tatituw ucjja arsta.

Juan 3:16
“Diosajj acapachar wal munatap laycuw mä sapa Yokapar qhitani, take qhitinacatejj jupar iyawsapqui ucanacajj jan chhakañapataqui, jan ucasti wiñay jacañanïñapataqui.

Juan 9:4
Urüquïpanjja lurañajjawa qhititejj qhitanquitu ucan lurañanacapa. Arumajj jutasquiwa, ucansti janiw qhitis irnakcaspati.

Proverbios 16:9
Jakejj chuymapanjja sarnakañapatwa lup'isqui, ucampis sarnakäwipjja Tatituw irpasqui.

Proverbios 21:5
Suma amuyt'ampi cuna amtäwinaca waquichatasa sumaquiwa phokhasi, ucampis mäqui waquichata amtäwinacajja aynacht'añaruwa puriyi.

Proverbios 27:1
Kharürutjja jan jach'a jach'a tuccamti; janiw yatctati kharürojj cunatejj pascani ucjja.

Salmos 31:15
Jacañajjajj amparamanquiwa: nayar arcnaker timanacajjat khespiyita;

Salmos 90:12
Jacañ urunacajjay jaqhuñ yatichapjjeta, amuyunacajjan yatiñ cancañ jicjjatañapataqui.

Romanos 13:11
Take acanacjja amuyasipjjam, cuna urunacantejj jacctan uca, iquit sartasiñajja horasäjjewa. Jiwasan khespiyasiñasasti sinti jac'anquiwa cunapachatejj suma arunacar iyawscäyätan ucqhat sipansa.

Ester 4:14
Jichhasti jumatejj amuct'asïta, janitejj cunsa camscäta ucajja judionacan khespiyasiñapajja yakha toketwa jutani. Ucampis jumasa, uqhamarac awquiman familianacapasa jiwarayatäsipcaquïtawa. ¡Inasa jumajja reinaru puriscsta jiwasanacaru aqham llaquisiña horasana yanapt'añataqui!” sasa.

Marcos 13:32-33
[32] “Ucampis uca urumpita horasampitjja, janiw qhitis yatquiti, ni quicpa alajjpachanquir angelanacas yatquiti, ni Diosan Yokapasa, jan ucasti Dios Awqui sapaquiw yati.[33] “Uqhamasti jumanacajj suyapjjam, amuyasipjjam, [Diosat mayisipjjaraquim] janiraquiw yatipctati cuna horasar puriniñapsa.

2 Pedro 3:8-9
[8] Ucampis jilatanaca, jan jumanacajj armasipjjamti, Tatitutaquejj mä urojja waranka marampi sasiwa, waranka marasti mä urumpi sasiquiraquiwa.[9] Tatitojj janiw armt'asquiti arunacapar phokhañjja, cunjämtï mayninacajj amuyapqui uqhama, jan ucasti jupajj suma chuymampiw suyt'asquistu; jupasti janiw munquiti qhitin chhakañapsa, jan ucasti muniwa takeninsa Diosar cutcatañapa.

Colosenses 4:5-6
[5] Qhitinacatejj jan iyawsirïpqui ucanacampejj suma amuyt'ampi sarnakapjjam, take horasanacansa asquinac lurapjjam.[6] Parlatanacamasti sumäñapapuniwa jan qhitirus coler churirjama, sapa mayniru cunjäm arusjjatañsa yatipjjañamaraquiwa.

Efesios 5:15-17
[15] Uqhamajj sarnakäwinacamanjja sum amuyasipjjam. Yatiñ cancañampi jacapjjam, janirac jan yatirinacjamajja.[16] Jan tiempjja ina ch'usaru tucuyapjjamti, urunacajj jan walëjjatap laycu.[17] Jan lokhëpjjamti, jan ucasti cunäquitejj Tatitun munañapajja uc amuyañaru uscusipjjam.

1 Tesalonicenses 5:1-3
[1] Ucampis janiw waquisquiti jumanacaru kellkaniñajjajja cunürutejj jutcani ni cuna horasarusa uca toketjja.[2] Jumanacajj asquiw yatipjjta, Tatitojj purininiwa cunürutejj jan suycañäni ucüru, cunjämatejj mä lunthatajj arum jutqui uqhama.[3] Cunapachatejj jakejj aqham siscani: “Take cunas sumaquïsquiwa, janiw cunas pascaniti” sasa, ucqhawa acatjamata jupanacjjaru t'unjäwejj jutani, cunjämtejj mä usur warmerojj parto usojj catuntqui uqhama; ucatjja janiw jaltapcaniti.

Proverbios 6:6-8
[6] “Jayra jake, q'isimiranacar uñjam; cuntï lurapqui ucanaca uñjam, yatikasiraquim.[7] Jupanacajj janis jilïrinïpcchi ucasa,[8] ucampis jupanacajj mank'añjja imcatasipjjewa, yapu apthapi pachana.

Santiago 4:13-17
[13] Qhitinacatejj aqham sapjjta: “Jichhürojj jan ucajj kharürusa uca marcaruw sarañäni, ucansti maraw utjañäni, alaquipa lurañäni, kollke jicjjatañäni” uc sirinacajj ist'apjjam:[14] janiw yatipctati cunatejj kharürojj pascani ucjja. ¿Cunaraqui maynin jacañapasti? Mä urpjamaquiw uñstani ucatsti chhaktawayjjaquiwa.[15] Ucampis aqhama sapjjañamawa: “Dios munani ucqhajja, jaccasinjja uc ac lurañäni” sasa.[16] Ucampis jumanacajj jach'achasiñanacaman mantatajja cuns parlañ munapjjactawa, take uca jach'achasiñ chuymasti janiw walïquiti.[17] Qhititejj asqui lurañ yatqui ucatsti janirac lurquiti ucajja, juch lurasqui.

Eclesiastés 3:1-8
[1] Aca orakenjja take cunas horasaniquiwa; take luräwinacataquisa mä horasaw utji:[2] Naciña horasa, jiwjjaña horasa. Ayrunac ayruñ horasa, uca ayrutanac jiq'iraña horasa.[3] Jiwayañ horasa, kollañ horasa. Tucjañ horasa, utachañ horasa.[4] Jachañ horasa, laruñ horasa. Llaquisiñ horasa, cusisincaña horasa.[5] Kalanac willtañ horasa, kalanac apthapiñ horasa. Khomantasiñ horasa, jaljtañ horasa.[6] Thakañ horasa, chhakayañ horasa. Imañ horasa, jaktañ horasa.[7] Ch'iyanokañ horasa, ch'ucthapiñ horasa. Amuct'añ horasa, parlañ horasa.[8] Munasiña horasa, uñisiñ horasa. Nuwasiña horasa, sumancañ horasa.

Aymara Bible 1997
Biblia Aymara ©Sociedad Bíblica Boliviana 1997