A A A A A

Church: [Womens Roles]


Gálatas 3:28
Jupancjjasinjja janiw utjcjjeti judiosa, griegosa, esclavosa, libresa, chachasa ni warmisa. Cristo Jesusar mayachatäjjasinsti take jumanacajj mayaquëjjapjjtawa.

1 Timoteo 2:9-15
[9] Uqhamaraqui warminacajj cunatejj isisiñäqui ucac isisipjjpan; janirac sinti jiljañampis ñic'utanacapsa c'achachasipjjpati, ni korimpisa, perlanacampisa, ni wali jila alan isinacampisa,[10] jan ucasti suma luräwinacampi c'achachasipjjpan, Diosar catuyata warminacjama.[11] Warminacajj yatichäwinacjja amuc ist'apjjañapawa, take jaysañampi.[12] Nayasti sistwa, warminjja janiw waquisquiti yatichañapa ni chacharu apnakañapasa, jan ucasti amuquïscañapawa.[13] Diosajj nayrakatjja Adanaruw luräna, ucjjarusti Evaruraqui,[14] Adanajj janiw sallkjatäcänti, jan ucasti warmiwa; sallkjayasisinsti jucharuw jalanti.[15] Ucampis warmejj wawanïsina, uqhamarac lurañanacapa phokhasinwa khespiyasini, jupatejj iyawsañampi, munasiñampi, k'oma cancañampi suma amuyt'ampiraqui sarnakani ucajja.

1 Timoteo ௨:௧௨
Nayasti sistwa, warminjja janiw waquisquiti yatichañapa ni chacharu apnakañapasa, jan ucasti amuquïscañapawa.

Génesis 3:16
Warmirusti saraquïnwa: —Wawachasiña horasansti t'akhesiñampwa yapt'ämajja, wali t'akhesiñampiw wawachasiraquïta. Ucampisa munañamajja chachamataquïniwa, juparaquiw jumarojj apnakätam —sasa.

1 Corintios 11:3
Ucampis nayajj muntwa jumanacajj acanac amuyt'apjjañama: Cristowa take chachan p'ekepajja, chachasti warmin p'ekeparaquiwa, cunjämatejj Diosajj Criston p'ekepäqui uqhama.

Lucas 8:1-3
[1] Aca pasatatsti, Jesusajj jach'a marcanacana, uqhamarac jisc'a marcanacanwa sarnakäna Diosan arunacap yatichasa, uqhamarac Diosan reinopat parlasa. Tunca payan discipulonacaparaquiw jupamp chica sarnakapjjäna.[2] Uqhamaraquiw yakhep warminacajj, qhitinacarutejj jupajj c'umaraptaycatayna ñankha ajayunacata, usunacata, ucanacas sarapjjaraquïnwa. Jupanac chicasti sararaquïnwa Magdalena sat Mariajja, qhitittejj pakallko ñankha ajayunacajj mistcatayna ucajja.[3] Uqhamaraqui Cuzan warmip Juana, Cuzasti Herodesan mä apnakeripänwa; Susana, uqhamarac yakha warminacamp cuna, qhitinacatï yänacapampi sirvipcäna ucanaca.

Génesis 2:18
Ucjjarusti Tatitu Diosajj saraquïnwa: “Janiw walïquiti jaken sapaquïñapajja. Nayajj jupataquejj mayni jupampi chica jaquiri, uqhamaraqui yanapt'iri lurarapï” sasa.

Efesios 5:22-33
[22] Warminaca, chachanacamarojj ist'apjjam Tatiturjama.[23] Chachajj warmin p'ekepawa, cunjämatejj Cristojj iglesian p'ekepäqui uqhama. Cristojj iglesian khespiyiriparaquiwa; iglesiasti jupan cuerpoparaquiwa.[24] Ucampis cunjämatejj iglesiajj Cristoru ist'ejja, uca pachparaquiw warminacajj take cunansa chachaparojj ist'añapa.[25] Chachanaca, munasipjjam warminacamaru, cunjämtejj Cristojj iglesiaru munasi, uqhamarac jacañapsa jupa laycu apt'asiwayi uqhama.[26] Acjja iglesiaru Diosatac yakhachasawa luri, umampi uqhamarac arupampi k'omachasina,[27] jupan nayrakatapar jach'añchat iglesia irpcatañataqui, jan k'añuchata, jan cuna phullch'uni, jan cunamp camacht'ata, jan ucasti suma k'oma Diosatac yakhachata.[28] Uqhamwa chachajj warmiparojj munasiñapa, pachpa janchiparjama. Qhititejj warmiparojj munasqui ucajj jupa pachpaw munasi.[29] Janiw qhitis pachpa janchiparojj uñisquiti, jan ucasti mank'ayiwa uqhamarac imaraqui. Cristojj uca pachparaquiw iglesiampejj luri,[30] cuerpopätap laycu, jiwasajj uca cuerponquiriraquïtanwa.[31] “Ucatpï chachajj awquip taycap jaytanejja warmipampi mayachasiñataquejja, ucatsti paninitjja mä sapaquïpcaspas uqhamaw tucupjjani.”[32] Acajj wali jach'a jan amuyt'cañawa. Nayajj sistwa, acajj Cristompita uqhamarac iglesiapampitwa parli.[33] Ucampis: sapa mayni jumanacajj warminacamaru munasipjjañamawa juma pachpas munascasma uqhama, warmisti chacharojj ist'añaparaquiwa.

1 Timoteo 2:11-15
[11] Warminacajj yatichäwinacjja amuc ist'apjjañapawa, take jaysañampi.[12] Nayasti sistwa, warminjja janiw waquisquiti yatichañapa ni chacharu apnakañapasa, jan ucasti amuquïscañapawa.[13] Diosajj nayrakatjja Adanaruw luräna, ucjjarusti Evaruraqui,[14] Adanajj janiw sallkjatäcänti, jan ucasti warmiwa; sallkjayasisinsti jucharuw jalanti.[15] Ucampis warmejj wawanïsina, uqhamarac lurañanacapa phokhasinwa khespiyasini, jupatejj iyawsañampi, munasiñampi, k'oma cancañampi suma amuyt'ampiraqui sarnakani ucajja.

Lucas 10:38-42
[38] Jesusasti sarjjänwa, ucatsti mä jisc'a marcaruw purïna, ucansti Marta sat mä warmiw utapar catokt'äna.[39] Martasti mä cullacaniraquïnwa, ucasti María satänwa. Jupasti Jesusan cayupawjaruw kont'asi cuntï siscän uc ist'añataqui.[40] Ucampis Martajja walja lurañanacamp mayjt'atänwa, ucat Jesusar jac'achasisin saraqui: —Tata, ¿waliquiti jumataquejj cullacajjan nayaru sapac take lurañamp apt'atapajja? ‘Yanapt'itpan’ sarapitaya —sasa.[41] Jesusasti juparojj saraquïnwa: —Marta, Marta, walja lurañanacamp mayjt'atäsctawa.[42] Ucampis mayaw waquisejja. Mariajj sumïrïquis ucwa ajllisi, janiraquiw ucjj qhitis apakcaniti —sasa.

Tito 2:3-5
[3] Uqhamaraqui jilïri warminacajj suma sarnakerïpjjpan. Janiraqui aru apnakerïpjjpati ni machirïpjjpasa. Mayninacataquisti mä sumar uñtatäpjjañapawa.[4] Uqhamat tawak warminacarus chachanacapar munañ yatichañataqui, uqhamarac wawanacapar munañsa.[5] Suma amuyunïpjjañapawa, k'oma chuymaninaca, uqhamarac utapsa sum apnakerinaca, suma chuymaninaca, chachanacaparus ist'irinaca, jan qhitisa Diosan arupatjja jan wali parlañapataqui.

1 Corintios 11:2-16
[2] Jilatanaca, jumanacajj nayatjja amtasipjjapunistawa uqhamaraqui cuntejj yatichapcäyäsma ucarjamaraquiw sarnakasipcta, uqham lurapjjatanacamatjja wal cusista.[3] Ucampis nayajj muntwa jumanacajj acanac amuyt'apjjañama: Cristowa take chachan p'ekepajja, chachasti warmin p'ekeparaquiwa, cunjämatejj Diosajj Criston p'ekepäqui uqhama.[4] Mä chachatejj culton oración lurchi jan ucajj Diosan arunacapsa parlchi p'ekepa ch'okt'asisa ucajja, Cristotaquejj uca ch'okasiñajja p'enkawa.[5] Ucampisa mä warmitejj jan p'eke ch'okt'asisa oración lurchi jan ucajj Diosan arunacapsa parlchi ucajja, jan ch'okt'asitapajj p'enkaraquiquiwa chachapataquejja, k'alsa ñic'uta mururascaspa uqhamawa.[6] Mä warmitejj jan p'eke ch'okatäñ muncchi ucajja, walïspawa k'al ñic'utapa mururasjjañapajja. Ucampis warmitaquejj ñic'ut mururasiñatejj p'enkächi ucqhajja, p'ekep ch'okt'aspanaya.[7] Chachajj janiw p'ekjja ch'okasiñapäquiti, jupajj Diosar uñtasitätap laycu, Diosan jach'a cancañaparacwa uñstayejja. Warmisti chachan jach'a cancañapwa uñstayaraqui.[8] Cunapachatï Diosajj jaker lurcän ucqhajja, janiw chachjja warmita lurcänti jan ucasti chachatwa warmjja luränjja.[9] Warmisti chachïpanwa luratänjja, janiw chachati warmïpanjja.[10] Ucatpï warmejj p'ekepjjarojja mä jach'a cancañjama apañapajja, chachapan munañapancatapa uñacht'ayañataqui angelanac laycu.[11] Ucampis Tatituncjjasinjja chachajj janiw utjcaspati jan warmïpanjja, warmisa jan chachäpanjja utjcaspati.[12] Warmejj chekpachan chachat apsusin uscutäcchin ucasa, mä toketjja chekaraquiwa chachajj warmitwa naciraqui; ucampis take cunasa Diosatwa jutaraqui.[13] Jumanacpach sapjjam, ¿waliquïsquiti warmin jan p'eke ch'okt'asisa oración lurañapajja?[14] Yatitäjjaraquiwa chachataquejj p'enkätapa ñic'uta jach'a jilayasiñajja.[15] Ucampis warmitaquejj mä honorawa jach'a ñic'utanïñajja, uca jach'a ñic'utasti p'eke imjjatasiñataqui churataraquiwa.[16] Ucampis maynitejj aca toket ch'ajjwañ munchejja yatiñapawa, janiwa jiwasas ni Diosan iglesianacapas yakha luräwjja uñt'ctanti.

Hechos 18:26
Sinagogansti jupajj jan ajjsarasaw parlañ kallti. Ucampis Priscilamp Aquilampejj jupar parlir ist'asinjja, utaparuw irpapjje. Ucatwa Diosan thaquipjjatjja juc'amp suma khana amuyt'ayapjjaraquïna.

1 Corintios 14:33-35
[33] Diosasti janiw alek ch'ajjwañ Diosäquiti, jan ucasti sumancaña Diosawa. Take iglesianacansa jilatanacarojj yatichatawa:[34] “Warminacajj jan parlapjjpati cultonjja” sasa. Jupanacarojj janiw: “Parlapjjam” satäquiti. Jan ucasti warminacajj ist'asirïpjjañapawa cunjämtï Diosan arunacapajj sisqui uqhama.[35] Cuns yatiñ munapjjchi ucqhajja, chachanacaparuw utan jisct'asipjjañapa. Mä warmin culton parlañapasti janiw sumäquiti.

1 Timoteo 2:11
Warminacajj yatichäwinacjja amuc ist'apjjañapawa, take jaysañampi.

Efesios 5:22-24
[22] Warminaca, chachanacamarojj ist'apjjam Tatiturjama.[23] Chachajj warmin p'ekepawa, cunjämatejj Cristojj iglesian p'ekepäqui uqhama. Cristojj iglesian khespiyiriparaquiwa; iglesiasti jupan cuerpoparaquiwa.[24] Ucampis cunjämatejj iglesiajj Cristoru ist'ejja, uca pachparaquiw warminacajj take cunansa chachaparojj ist'añapa.

Romanos 16:1
Achict'asipjjaracsmawa Febe cullacajjar sum uñjarapipjjeta, jupasti Cencrea iglesianwa sirvisqui.

Tito 2:4-5
[4] Uqhamat tawak warminacarus chachanacapar munañ yatichañataqui, uqhamarac wawanacapar munañsa.[5] Suma amuyunïpjjañapawa, k'oma chuymaninaca, uqhamarac utapsa sum apnakerinaca, suma chuymaninaca, chachanacaparus ist'irinaca, jan qhitisa Diosan arupatjja jan wali parlañapataqui.

Efesios 5:22
Warminaca, chachanacamarojj ist'apjjam Tatiturjama.

1 Timoteo 5:14
Ucatwa muntjja tawako ijma warmin casarasiñapa, wawanacanïñapa, utapsa sum apnakañapa, uqhamat uñisirinacaparojj amuct'ayañataqui.

Mateo 27:55-56
[55] Ucancapjjaraquïnwa walja warminaca qhitinacatejj jayatac uñch'uquisipcäna, jupanacasti Galileatpachwa Jesusarojj arcapjjatayna, yanapt'apjjaraquitaynawa.[56] Ucanacamp chicasti ucancaraquïnwa María Magdalena, Joseanpin Jacobompin taycap Mariasa, Zebedeon yokanacapan taycapasa.

1 Corintios 14:34-35
[34] “Warminacajj jan parlapjjpati cultonjja” sasa. Jupanacarojj janiw: “Parlapjjam” satäquiti. Jan ucasti warminacajj ist'asirïpjjañapawa cunjämtï Diosan arunacapajj sisqui uqhama.[35] Cuns yatiñ munapjjchi ucqhajja, chachanacaparuw utan jisct'asipjjañapa. Mä warmin culton parlañapasti janiw sumäquiti.

Jueces 4:4
Qhä urunacasti israelitanacajja mä Diosat parliri warmina apnakatäpjjänwa, uca warmejja Débora satänwa, chachapasti Lapidot sataraquïnwa.

Romanos 16:7
Marca masinacajj Andronicompir, Juniasampir aruntarapipjjaraquita. Jupanacajj nayamp chicaraquiw carcelancapjjäna. Apostolonaca taypinjja wali aytatäpjjewa, jupanacasti nayat nayra Tatiturojj iyawsapjjäna.

Efesios 5:21
Maynit maynicama, Diosar ajjsartasina purapat ist'asirïpjjam.

Tito 2:1
Cuntejj parlctas ucajj mayaquïñapaw k'oma yatichäwimpejja.

1 Corintios 11:7
Chachajj janiw p'ekjja ch'okasiñapäquiti, jupajj Diosar uñtasitätap laycu, Diosan jach'a cancañaparacwa uñstayejja. Warmisti chachan jach'a cancañapwa uñstayaraqui.

Proverbios 31:10-31
[10] “Suma warmejj janiw jicjjatañjamäquiti; ¡jupajj suma c'ajquir kalanacat sipansa juc'amp valoranïtap laycu![11] Chachapajj juparojj takpach chuymaw catuyasi; jupasti janipuniw cunapachas pist'añanacan sarnakquiti.[12] Jupasti chachaparojj yanapiwa suma asquinac lurasa, take jacäwipa urunacana.[13] Jupajj t'awra, lino ucanac thakeriw sari, ucatsti cusisiñampiwa amparamp lurañanacjja luri.[14] Jupajj mank'anac apanir barcor uñtatawa; mank'añanacjja wali jayata utapar apani.[15] Ucatsti wali alwata sartasisinaracwa wawanacaparojj mank'a churi, uqhamarac uywatanacaparusa.[16] Oraksti suma uñjasinwa alasi, ucatsti jicjjatatanacapampiwa uvas alinacjja ayrusi.[17] Jupajj ch'amañchasiwa, ucatsti take chuymampiwa irnakañatac waquichasi.[18] Jupajj aljasiñanacapjja sumaruwa sarayi, arumcamawa irnake, janiw ch'am jiwt'ayasquiti.[19] Amparapampiwa t'awra kapu, sawuraqui.[20] Pobrenacarusa, uqhamarac pist'ayasiñan jicjjatasqui ucanacarusa qhuyapt'ayasipuniraquiwa.[21] Janiw familiapatjja llaquiscaraquiti, cunapachatï qhununti ucqhajja, familiapan suma thuru isinacampi isthapita sarnakapjjatap laycu.[22] Jupa pachpawa iquïñanacjja sawusiraqui, ucatsti suma telat lurat isinacampiw isisiraqui.[23] Chachapasti marcanjja suma uñt'atawa, marcana wali aytata jilïri chachanac taypinquirïtap laycu.[24] Jupajj isinaca, wac'anaca lurasinjja, alirinacaruwa alji.[25] Jupajj ch'amañchasiwa, asquin sarnakañampi, ucatsti janiw ajjsarquiti jutir jan walt'añ urunacarojja.[26] Jupajj yatiñampiwa parli, ucatsti munasiñampiw yaticharaqui.[27] Ucatsti jupajj sumwa uñjasiraqui utapajj cunjamäsquisa ucjja, janipuniw ina ch'usata jicjjatata mank'jja mank'quiti.[28] Wawanacapasa, chachapasa juparojj jach'añchapjjewa, aqham sasa:[29] “Walja suma warminacaw utjapjje, ucampis jumajj take uca warminacat sipansa juc'amp sumätawa” sasa.[30] C'ariquiwa suma uñnakani warmejja, jiwaquïñasa inamayaquiwa, ucampis Tatitur ajjsariri warmiwa jach'ar aptatajja.[31] ¡Take jakenac nayrakatana juparojj jach'añchapjjam! ¡Take luratanacaparu jach'añchapjjaraquim!

1 Timoteo 2:13-14
[13] Diosajj nayrakatjja Adanaruw luräna, ucjjarusti Evaruraqui,[14] Adanajj janiw sallkjatäcänti, jan ucasti warmiwa; sallkjayasisinsti jucharuw jalanti.

1 Timoteo 3:2
Ucatpï cawquïritejj obispöchi ucajja, jan qhitins camscayaw jacañapa. Mä sapa warmini, mä suma jacañan jacañapawa, take amuyt'ampi uqhamarac respetompi. Utapar sart'irinac catokañataquejja waquicht'atäñapawa, yatichañataquis asquïñaparaqui.

1 Timoteo 3:11
Uca pachparaquiw warminacas respetompi sarnakapjjañapa, jan arunac apnakeriraqui, suma amuyumpi sarnakasa, take cunans chekap lurasaraqui.

Génesis 1:27
Cunapachatejj Diosajj jake usccäna ucapachajj jupar uñtasitwa uscüna; chacha, warmi,

Efesios 5:23
Chachajj warmin p'ekepawa, cunjämatejj Cristojj iglesian p'ekepäqui uqhama. Cristojj iglesian khespiyiriparaquiwa; iglesiasti jupan cuerpoparaquiwa.

Tito 2:3
Uqhamaraqui jilïri warminacajj suma sarnakerïpjjpan. Janiraqui aru apnakerïpjjpati ni machirïpjjpasa. Mayninacataquisti mä sumar uñtatäpjjañapawa.

1 Pedro 3:7
Chachanacasti warminacamampejj suma chuymanïpjjaraquim. Jumanacasti jach'aru aptapjjam, cunjämarutejj waquisqui uqhamaru, janiw warmin pisi ch'amätap laycuquiti, jan ucasti Diosajj munasiñapanjja mayacwa jacañjj churapjjtam uca laycu. Uqham lurapjjam Diosat mayisitanacamajj ist'atäñapataqui.

Colosenses 3:18-19
[18] Warminaca, chachanacamaru ist'apjjam, uqham lurañanacamaraquiw Diosanquirjamajj wact'apjjtam.[19] Chachanacasti warminacamarojj munapjjaraquim, janiraqui jupanacataquejj khorüpjjamti.

Génesis 1:26-28
[26] Ucatsti saraquïnwa: “Jichhajj jake luraraquiñäni. Uca jakesti jiwäsar uñtasitäniwa, ucatsti kotan utjir chawllanacarusa, jamach'inacarusa, uywañ animalanacarusa, pampanquir animalanacarusa, orakenjam katatnaktir animalanacarusa apnakaraquiniwa” sasa.[27] Cunapachatejj Diosajj jake usccäna ucapachajj jupar uñtasitwa uscüna; chacha, warmi,[28] ucjjarusti bendiciraquïnwa: “Jichhajj wali mirantapjjam, aca orakerusti phokhantapjjaraquim, apnakapjjaraquim; take chawllanacarusa, jamach'inacarusa apnakapjjam, uqhamaraqui orakenjam katatnaktir animalanacarusa” sasa.

1 Pedro 3:1-7
[1] Uqhamaraqui jumanacajj warminaca, chachanacamar ist'asa sarnakapjjam, uqhamata inas cawquïri chachas Tatitur jan iyawscchi ucajj jumanacan sarnakäwinacam toke Tatitutaqui jicjjatatäñapataqui jan cuna arumpisa,[2] jan ucasti jumanacan suma sarnakatam uñjasaqui.[3] Jumanacan c'achachasiñanacamasti jan patjjataquïcpati ñic'utanaca c'achachasiñanacampi, kori yänacampi, ni wali jila alani isinacampisa,[4] jan ucasti suma chuymanïpjjam, ucaw jan tucusquiri, suma muncañajja, llamp'u chuymani. Dios nayrakatansti ucajj wali asquiwa.[5] Nayra pachanacanjja, Diosar ajjsartir warminacajj uqhamwa c'achacht'asipjjäna. Jupanacajj Diosaruw iyawsapjjäna, ucatsti chachanacaparojj ist'apjjaraquïnwa.[6] Uqhamaw Sara warmejja Abraham chachaparojj ist'äna: “Tatay” sasa. Jumanacasti jupan wawanacapäpjjtawa, asctejj lurapjjäta, ucatsti janirac cunsa ajjsarapcätati ucapachajja.[7] Chachanacasti warminacamampejj suma chuymanïpjjaraquim. Jumanacasti jach'aru aptapjjam, cunjämarutejj waquisqui uqhamaru, janiw warmin pisi ch'amätap laycuquiti, jan ucasti Diosajj munasiñapanjja mayacwa jacañjj churapjjtam uca laycu. Uqham lurapjjam Diosat mayisitanacamajj ist'atäñapataqui.

Proverbios 12:4
Asqui lurir warmejj chachaparojj jach'aruw apti, ucampis jan wali warmejja chachaparojj jisc'achayiwa.

1 Corintios 14:34
“Warminacajj jan parlapjjpati cultonjja” sasa. Jupanacarojj janiw: “Parlapjjam” satäquiti. Jan ucasti warminacajj ist'asirïpjjañapawa cunjämtï Diosan arunacapajj sisqui uqhama.

Colosenses 4:15
Laodiceanquir jilatanacar aruntt'apjjam, Ninfarusa, uqhamarac utapan tantachasipquis uca jilatanacarus aruntt'apjjaraquim.

Filipenses 4:2-3
[2] Evodiarusa Sintiquerusa achict'aractwa jupanacajj sumancapjjañapataqui Tatitunquir suma cullacanacjama.[3] Jumarusti, wali munat nayampi chica irnakeri, achict'assmawa jumajj yanapt'amaya uca cullacanacarojja, jupanacajj nayampi chicaraquiw khespiyasiñ arunaca yatiyañanjja, irnakapjjänjja. Clementempi cunaraquiw irnakapjjänjja, uqhamarac mayni yanapirinacajjampi. Jupanacan sutinacapasti jacañ libron kellkatäjjewa.

Aymara Bible 1997
Biblia Aymara ©Sociedad Bíblica Boliviana 1997