| Mateo 5:22 |
| Ucampis nayajj sapjjsmawa, qhititejj jilapampi colerasinejja, jilïrinacan tantachasïwipanjja juchañchatäniwa, uqhamarac qhititejj jilapar tokjjani ucasti jach'a jilïrinacan tantachasïwipan juchañchatäniwa. Uca quicparaqui ñankha arunacampi ñankhachani, jilapar jan walinac sirejja infierno ninataquïñapawa. |
|
| Proverbios 1:7 |
| Yatiñ cancaña jicjjatañataquisti nayrakatajj waquisiwa Tatitur ajjsaraña; pisi amuyt'an jakenacasti jisc'achapjjewa yatiñarusa, yatichäwirusa. |
|
| Proverbios 3:35 |
| Yatiñan jakenacan churäwipajj aytat cancañawa, ucampis jan amuyt'an jakenacajj p'enkachatäniwa. |
|
| Proverbios 10:8 |
| Yatiñanïqui ucajj yatichäwi arunacjja catokasiwa; jan wali parlir jakesti tucusiñaruwa puri. |
|
| Proverbios 10:23 |
| Jan yatiñan jakejj juchanac lurasawa cusisi; yatiñan jakesti, yatiñ cancañatwa cusisi. |
|
| Proverbios 12:16 |
| Jan amuyt'an jakejj mäquiwa cunatsa colerasi, ucampis ch'iqhi jakejja jan wali chuyma uscay arunacarojj janiw yäkquiti. |
|
| Proverbios 13:20 |
| Suma yatiñan jakenacamp chica sarnakerejja, suma yatiñaniraquïniwa; jan amuyt'an jakenacamp chica sarnakeristi, jan walt'añaruwa puriraquini. |
|
| Proverbios 17:28 |
| Jan amuyt'an jakejja yatiñanïcaspas ch'iqhïcaspas uqhamaw amuyasi, mäwjana amuqui kheparatapata. |
|
| Proverbios 18:2-7 |
| [2] Jan amuyt'an jakejj janiw yatekañ munquiti; jan ucasti jupan amuyt'äwipacwa parlañ muni.[3] Ñankha lurañanjja p'enkachäwiquiwa utji; jach'a jach'a tucuñanjja jisc'achayasiñaquiw utji.[4] Jaken arunacapasti walja umanacar uñtatawa, jalir jawirjamawa, jacañ churir phuch'uraquiwa.[5] Janiw asquïquiti taripirinacan juchan jaket arjjatañapajja; janiraquiw asquïquiti jan juchan jaken sarnakasiñaparus janiw sañajja.[6] Jan amuyt'an jakejj parlatanacapampejja jan walt'añaruwa manti, jan wali parlatapatwa jawk'jatas uñjasiraqui.[7] Jan amuyt'an jakejj parlatapampejja jupa pachpa tucjatäñaruwa purisqui; parlatapampejja mä lazompjamawa cuncaparu uchantasisqui. |
|
| Proverbios 20:3 |
| Mä suma jach'añchäwiwa qhititejj ch'ajjwañanacaru jan mantqui ucataquejja; ucampis jan amuyt'an jakejja uca ch'ajjwañanacarojja mantañ munaquiwa. |
|
| Proverbios 23:9 |
| Jan amuyt'an jakerojj jan parlamti, ch'iqhi arunacamatjja jupajj sawcasïtamwa. |
|
| Proverbios 26:19 |
| uqhamawa amigopar sallkjir jakejja, ucatsti saraquiwa: “Alekaw sawct'asiscsma” sasa. |
|
| Proverbios 28:26 |
| Jan amuyt'an jakewa, jupa pachpan amuyt'aparu alcatasqui ucajja, ucampis qhititejj yatiñ cancañampi cunsa lurqui ucawa khespiyatäni. |
|
| Proverbios 29:9 |
| Janiw walïquiti mä yatiñan jakena jan amuyt'an jakempi ch'ajjwañapajja; jan amuyt'ani jakejj colerasiwa, sawcasiraquiwa, ucatsti janiw cuna ascsa jupampejj apscaniti. |
|
| Proverbios 29:11 |
| Jan amuyt'an jakejj mäquiwa cunatsa colerasi, ucampis yatiñan jakejja colerasiñapjja mäquiwa apanucu. |
|
| Salmos 14:1 |
| Ñankha amuyun jakenacajj sapjjewa: “Janiw Diosajj utjquiti” sasa. Takeniw ñankha lurir tucupjje; cunayman ñankhanac lurapjje; janiw qhitis asqui lurirejj utjquiti. |
|
| Proverbios 14:16 |
| Yatiñan jakejj jan walirojja ajjsariwa, ucatsti jithektaraquiwa, ucampis jan yatiñan jakejj ch'amaparuquiw alcati. |
|
| Proverbios 15:18 |
| Mäqui colerasir jakejj nuwasiñanacwa utjayi; qhititejj llamp'u chuymanïqui ucasti, pachparuwa ch'ujtayi. |
|
| Proverbios 15:20-21 |
| [20] Yatiñan wawajj awquiparu, taycaparojj cusisiyiwa; jan yatiñan wawasti awquiparu, taycaparojj jisc'achiwa.[21] Jan amuyt'an jakesti jan wali sarnakatapatjja cusisiwa; ch'iqhi jakesti sarnakäwinacapjja chekachasiwa. |
|
| Proverbios 14:7-9 |
| [7] Jan amuyt'asiri jaketjja jithektam; jupan arunacapanjja janiw yatiñ cancaña jicjjatcätati.[8] Yatiñ cancañajja yatiñan jakerojj amuyt'ayiwa sarnakañapanjja, ucampis jan amuyt'an jakerojj pachpa jan wali luratanacapaw sallkji.[9] Jan amuyt'an jakenacajj juchapatjja janis cunäcaspa uqhamwa jan yäkapquiti, ucampis cheka lurir jakenac taypinjja suma jacañawa utji. |
|
| Aymara Bible 1997 |
| Biblia Aymara ©Sociedad Bíblica Boliviana 1997 |