A A A A A

Bad Character: [Bullying]


1 Juan 2:9
Cawquïritejj: “Khananctwa” sasqui, ucatsti jilapar uñisiscaraqui ucajja ch'amacancasquiwa.

1 Juan 3:15
Take qhititejj jake masipar uñisqui ucajj jake jiwayiriwa. Jumanacajj yatipjjaractawa janiw qhiti jake jiwayirinsa wiñay jacañapajj utjcaspati.

2 Timoteo 1:7
Diosajj janiw ajjsarañ ajayu churquistuti, jan ucasti ch'amani, munasiñani, chekapar amuyt'aña ajaywa churistu.

Deuteronomio 31:6
Ch'amañcht'asipjjam, sayt'asipjjaraquim, jan ajjsarapjjamti ni sustjasipjjamsa jupanacampi nuwasiñataquejja, Tatitu Diosamaw jumanacampïsqui uca laycu, janiraquiwa jaytapcätamti ni apanucupcätamsa.”

Efesios 4:29
Jan wali arunacjj jan parlapjjamti, jan ucasti suma arunacamp parlapjjam, uqhamata ist'irinacamajj jiltañana yanapt'atäñapataqui, uqhamarac bendicitäñapataqui.

Efesios 6:12
Janiw jakenac toketi nuwasctan, jan ucasti alajjpachanacanquiri ñankha ajayunac tokewa, qhitinacatejj aca ch'amac oraken munañampi apnakapqui ucanac contraw nuwastanjja.

Levítico 19:18
“Jake masimarusti janipuni cuna luratasa phoksusiraquimti, janiraqui jupa tokesa colerasiñamjja chuymamaru imjjäsimti. Jake masimarusti juma quipcarjama munaraquim. Nayätwa juman Tatitumajja.

Mateo 5:11
“Cusisipjjam cunapachatejj jakenacajj take jan wali arunacampi, uqhamarac janchiru chhojjriñchañanacampi uñisipjjätam, sapjjaraquïtam take jan walinaca nayar arcapjjatam laycu ucqhajja.

Proverbios 17:9
Qhititejj jan wali luratata perdonqui ucajja, juc'ampi suma munasiñwa utjayi; qhititejj jan wali luratata parlascaqui ucajja, jake masiparojja juc'ampiwa jithekayi.

Proverbios 22:10
Ñankha jakeru jakonucum, ucatsti tucusjjaniwa jachjayasiñanaca, uqhamarac ch'ajjwañanacasa, tokesiñanacasa.

Proverbios 24:16
asqui jakejj pakallk cutis aynacht'canejja, cutjtascaquiniwa, ucampis jucharar jakejj jan walt'añapanjja k'alawa aynacht'ani.

Salmos 138:7
Chijinacar purcta ucapachajja, jumaw jacañajjar imtajja; ch'amamampiw timanacajjan amparapat khespiyistajja.

Romanos 2:1
Take ucanac luratam laycusti jumajj jan cuna arsusiñaniw uñjastajja jumajj qhitïscamsa. Jakenacarusti juchañcharactawa uqham juchañchasinsti juma quipcaw juchañchastajja, juman uca quipca luratam laycu.

Romanos 12:18-19
[18] Cawquicamatejj jumanacan ch'amanacamajj utjqui, ucacamajj takenimpis sumancapjjam.[19] Munat jilatanaca, jumanac purajj jan uqhamat uqham lurjasipjjamti, jan ucasti Diosar jaytapjjam, jupawa mutuyascani. Kellkatanjja siwa: “Nayaruw wact'itu mutuyascañajja, nayaraquiw phokhascäjja, siw Tatitojja.”

Romanos 12:20-21
[20] Juc'amp saraquiwa: “Uñisirimatejj mank'at awtjatächejja, mank'añ churam, umat pharjatäch ucasti, um churaraquim,” ucjja jupan amthapisisa p'enkasiñapataquiw lurasctajja.[21] Jan ñankhampejj atipjayasimti, ucatsipan ñankharojj asquimpi atipjam.

Lucas 6:27-28
[27] “Ucampis qhitinacatejj ist'apquista ucanacarojj sapjjsmawa: Uñisirinacamarojj munapjjam, uñisipctam ucanacarojj asc lurapjjam,[28] bendicipjjam maldicirinacamarojja, jumanacar jan wali parlirinacataquis orapjjaraquim.

Mateo 5:44-45
[44] Ucampis nayajj sapjjsmawa: Uñisirinacamarojj munapjjam, [maldicirinacamarojj bendicipjjam, uñisirinacamarusti asqui lurapjjam,] Diosat mayirapipjjaraquim qhitinacatejj [jumanacar tokepctam,] uqhamarac jan walinacs lurapctam ucanacataquisa.[45] Uqhamatwa jumanacajj alajjpachanquir Awquiman wawanacapäpjjätajja. Jupasti takenitaquiw intsa jalsuyani, uqhamarac asqui jakenacataquisa, jan asqui jakenacataquisa jallsa puriyaniraqui.

Isaías 41:11-13
[11] Take qhitinacatejj uñisipctam ucanacajj p'enkachata, jisc'achjataraquiw uñjasipjjani; jumampi nuwasirinacasti k'ala tucjataw uñjasipjjani.[12] Uñisirinacamarojj thakascätawa, ucampis janiw jicjjatcätati; jumampi nuwasirinacas, janis utjapcaspa uqhamaw tucusipjjani.[13] Naya, juman Tatitu Diosamaw, jumarojj amparat wayjjarsma, irparacsma; nayaw saracsma: ‘Jan ajjsaramti, nayaw yanapascäma.’ ”

Mateo 5:38-41
[38] “Ist'apjjaractawa cunatï satäcänsa ucjja: ‘Uñcatatajja, uñcataraquim; tokjjatajja, tokjjaraquim’ sasa.[39] Ucampis nayajj sapjjsmawa: Jan jumanacajj jan wali jakerojj cutcatapjjamti, jan ucasti maynitejj maysa ajanut t'ajjllintätamjja, maysa ajanumppacha uñacht'ayaraquim.[40] Maynitejj quejantasin camisam aparañ munstamjja, sacomamppach churawayjjam.[41] Jumarutejj mä ucch'a k'epiyañ munstam ucajja, mä ucch'ampi jumajj k'epirapim.

Salmos 34:12-18
[12] ¿walja maranac jacañ munasmati?, ¿take cunan phokt'at jacañ munasmati?[13] Ñankha arsuñat lajjram jarc'akam, c'ari arsuñat lacam jithektayam;[14] ñankha lurañat jithektasim, asquïc ucpun luram, sumancañ thakam, khepap arcaraquim.[15] Tatitojj asqui jakenacaruw imasqui, arnakasitanacaparusti ist'araquiwa.[16] Tatitojj ñankha luririnacataquiw sayt'i, aca oraket jupanacar chhaktayañataqui.[17] Tatitojj asqui jaken arnakasitaparojj ist'iwa, take llaquinacapat waysuraqui.[18] Tatitojj llaquimp aynacht'atanacan jac'apancasquiwa, jupanacar khespiyañataqui, aynacht'at chuymanacap waytañataqui.

Aymara Bible 1997
Biblia Aymara ©Sociedad Bíblica Boliviana 1997