| Efesios 4:26-31 |
| [26] Colerasisinjja jan juch lurapjjamti, uca colerasiñanacamajj jan jornalpachäpati.[27] Janirac Supayarus jac'achayasipjjamti.[28] Qhititejj lunthatasirïcän ucajja jan juc'amp lunthatascjjpanti, jan ucasti irnakañaru uscuspan, sum irnakasinwa pobrenacar yanapt'añataquis utjaraquini.[29] Jan wali arunacjj jan parlapjjamti, jan ucasti suma arunacamp parlapjjam, uqhamata ist'irinacamajj jiltañana yanapt'atäñapataqui, uqhamarac bendicitäñapataqui.[30] Diosan Kollan Ajayuparojj jan llaquisiyapjjamti, Diosanquirinacajj uca Ajayump sellatäpjjtawa uqhamat uñt'atäpjjañamataqui cunürutejj jupajj phokhat khespiyasiñ churapcätam ucürcama.[31] Chuyma usuchjasiñjjatjja jithektapjjam, take thithiñanacatsa, colerat chuymampi jach'at art'asiñanacatsa, jan wali arunacampi tokesiñanacatsa, take jan wali luräwinacatsa. |
|
| Santiago 1:19-20 |
| [19] Ucatpï munat jilatanaca, sapa maynis jumanacatjja janc'aquïñapaw ist'añataqui, ucampis janiw janc'aqui cunsa parlañapäquiti ni colerasiñapäcaraquisa.[20] Colerat jakesti janiw cunatejj Diosataquejj sumäqui ucjja lurquiti. |
|
| Proverbios 29:11 |
| Jan amuyt'an jakejj mäquiwa cunatsa colerasi, ucampis yatiñan jakejja colerasiñapjja mäquiwa apanucu. |
|
| Eclesiastés 7:9 |
| Jan colerasiñampi atipayasimti, colerasiñajj pisi amuyt'an jakenquiwa. |
|
| Proverbios 15:1 |
| Suma arumpi cutt'ayañajja colerañjja apakewa, ucampis jan wali arumpi cutt'ayañajja, juc'ampwa colerasiyi. |
|
| Proverbios 15:18 |
| Mäqui colerasir jakejj nuwasiñanacwa utjayi; qhititejj llamp'u chuymanïqui ucasti, pachparuwa ch'ujtayi. |
|
| Colosenses 3:8 |
| Ucampis jichhajj apanucjjapjjam take acanaca: colerasiñanaca, janchin munañanaca, uqhamarac jan wali arunaca. |
|
| Santiago 4:1-2 |
| [1] ¿Cawquitsa juti jumanac taypin jan walt'añanacajja, uqhamarac guerranacasa? Jan wali amtatanacamajj chuymanacaman nuwasisqui, ucatwa juti.[2] Jumanacajj cunsa jicjjatañpun munapjjtajja, jan jicjjatirjamäsinsti jiwayapjjtawa. Cunatsa envidiasipjjapuntawa, jan jicjjatirjamäsinsti ch'ajjwañanacaru, nuwasiñanacaruraquiw uscusipjjtajja. Janiw cuntejj munapcta ucjja jicjjatapctati Diosat jan mayipjjatam laycu. |
|
| Proverbios 16:32 |
| Paciencianïñaw asquejja, jan ajjsarir jaket sipansa; marcanacar catuntañat sipansa, juc'amp asquiwa jiwasa pachpa apnakasiñajja. |
|
| Proverbios 22:24 |
| Jan chicachasimti, janirac suman sarnakamti colerasiri jan wali jakempejja, |
|
| Mateo 5:22 |
| Ucampis nayajj sapjjsmawa, qhititejj jilapampi colerasinejja, jilïrinacan tantachasïwipanjja juchañchatäniwa, uqhamarac qhititejj jilapar tokjjani ucasti jach'a jilïrinacan tantachasïwipan juchañchatäniwa. Uca quicparaqui ñankha arunacampi ñankhachani, jilapar jan walinac sirejja infierno ninataquïñapawa. |
|
| Salmos 37:8-9 |
| [8] K'apisiñ apanucum, chuym ch'amact'ayasiñ jaytanucum, ñankha jan lurascañamataquejj jan k'apisimti,[9] ñankha luririnacajj oraket jakonucutäpjjaniwa, Tatitur suyt'irinacasti oraken jacasipjjani. |
|
| Salmos 7:11 |
| Diosajj chekapar uñjañamp taripiriwa, take pachan ñankharojj juchañchasqui. |
|
| 2 Reyes 11:9-10 |
| [9] Capitananacasti lurapjjänwa cuntejj Joiada sacerdotejj jupanacar siscäna uqhamaru. Sapa mayniwa jakenacaparu sarayäna samarañ uruna guardiata mantapcäna, uqhamarac misturinacasa, ucatsti Joiada sacerdoten ucaruw uñstapjjäna.[10] Ucatsti sacerdotejj capitananacarusti churänwa David reyin lanzanacapa, uqhamarac jarc'akasiña escudonaca, ucanacasti Tatitun templopancascänwa. |
|
| 2 Reyes 17:18 |
| Ucatwa Tatitojj colerasïna Israel marcataquejja, ucatsti jupan nayrakatapatjja jakonucünwa, Judá tribu sapacwa jilt'ayäna. |
|
| Proverbios 14:29 |
| Wali llamp'u chuymanïñajj wali ch'iqhi cancañ uñacht'ayi; jan paciencianïñasti t'ajjmarätapwa uñacht'ayaraqui. |
|
| Aymara Bible 1997 |
| Biblia Aymara ©Sociedad Bíblica Boliviana 1997 |