A A A A A

Angels and Demons: [Beelzebub]


Mateo 12:24
Uca fariseonacajj jakenacar uqham parlir ist'apjjatapatsti jupanacajj sapjjänwa: “Aca jakejj ñankha ajayunacacwa alissusqui, Beelzebú sat supayanacan jilïripan ch'amapampi” sasa.

Marcos 3:22
Jerusalenat jutiri ley yatichirinacajj sapjjaraquïnwa: “Aca jakejj Beelzebú jilïr ajayun mantatäpachawa, ucatpï ajayunacarojj jakenacat alissojja” sasa.

Mateo 10:25
Mä yatekerejj chuymachasjjañapawa cunapachatejj yatichiripjamäjje ucajja, uywatasti chuymachasjjañaparaquiwa cunjamäcäntejj uywiripajj uqhamar purisajja. Utanirutejj Beelzebú sas sutichapjjchejja, juc'amp jan walinacwa familiaparojj sapjjanejja.

Mateo 12:27
Jumanacajj sapjjtawa: Beelzebun ch'amapampiw uca ñankha ajayunacarojj jaksu, sasa. Uqhamäch ucajja, ¿qhitisa jumanacan arquirinacamarojj ch'am churaraquejj uqham uca ñankha ajayunacar ankaru jaksuñataquejja? Jupanacpachaw khanañchasipqui pantjasitanacamjja.

Lucas 11:15-19
[15] Ucampis yakhepanacajj sapjjänwa: —Aca jakejj Beelzebú sat jilïri supayan ch'amapampiw ñankha ajayunacjja alissu —sasa.[16] Mayninacasti yant'añataquiw juparojj alajjpachat mä unañcha mayipjjäna.[17] Ucampis jupajj yatïnwa cuntejj lup'isipcäna ucjja, ucat saraqui: —“Mä marca apnakeritejj t'akjtaspajja, ucat jupanacpura nuwasisinjja, t'unjasiwa; uqhamaraquiw mä familiasa ch'ajjwanacaru mantasajj t'unjasiraquejja.[18] Uqhamaraquipï, Supayatejj jupa pachpa jaljtañaru uchasiscchejja, ¿cunjämrac ch'amani sayt'aspasti? Acsti sapjjsmawa jumanacan: ‘Acajj Beelzebun ch'amapampiw ñankha ajayunacjja alissu’ sapjjatam laycu.[19] Uqhamächi ucasti, ¿qhitirac jumanacan arquirinacamarusti jaksupjjañapataqui ch'am churisti? Jupanacaw jumanacan pantjatäpjjatamjja uñacht'ayapjje.

2 Reyes 1:1-3
[1] Acab reyin jiwjjatapatjja, Moab marcaw Israel marca contra sayt'asïna.[2] Ocozías reyisti palaciopana altos patatjja mä ventanatwa jalaktäna Samaria marcana, ucatsti wali chhojjriñchjatänwa. Ucatjja jupajj Ecronanquiri Baal-zebub sat diosar jisct'iriw qhitanaca qhitasïna: “Waliptjjeristti, janicha” sasa.[3] Ucampis Tatitun angelapajj Tisbe chekanquir Eliasarojj sänwa: “Saram Samarianquir reyin qhitanacapar jicjjatiri, ucatsti jisct'am: ‘¿Janit Israel marcan Diosasti utjquisti, Ecronanquir Baal-zebub sat diosar jisqhiñataquisti?’ sasa.

Lucas 11:18
Uqhamaraquipï, Supayatejj jupa pachpa jaljtañaru uchasiscchejja, ¿cunjämrac ch'amani sayt'aspasti? Acsti sapjjsmawa jumanacan: ‘Acajj Beelzebun ch'amapampiw ñankha ajayunacjja alissu’ sapjjatam laycu.

Marcos 3:20-30
[20] Uca khepatsti Jesusajj discipulonacapampiw utar jutjjäna. Jakenacasti wasitatarac phokhantanipjjäna, janiraquiw mank't'asiñjamäcänsa.[21] Uc yatisinsti Jesusan familianacapajj jupar irpjjañataquiw jutapjjäna: “Lokheptjjataynawa” sasa.[22] Jerusalenat jutiri ley yatichirinacajj sapjjaraquïnwa: “Aca jakejj Beelzebú jilïr ajayun mantatäpachawa, ucatpï ajayunacarojj jakenacat alissojja” sasa.[23] Ucatsti Jesusajj jupanacar jawsasinjja uñtasïwinac tok khanañchäna: —¿Cunjämaraqui supayasti jupapachparusti jakonucusispasti?[24] Mä marcantejj jilïrinacajj walja jaljtäwiru t'akjtaspajja ucat jupanaccam nuwasipjjaraquispa ucqhajja, uca marcajj janiw jayataquïcaspati.[25] Mä familiatejj jaljtaspajja, uca familiajj janiw jaypachatac sayt'apcaspati.[26] Supayatejj jupa contra sayt'asispajja, janiw sayt'caspati, jan ucasti tucusispawa.[27] “Janiw qhitis mä ch'aman jaken utapar mantasinjja yänacapjj aparcaspati, janïr jupar ñach'antcasajja. Utanir ñach'antjjaspa ucqhaquiw yänacapjja aparaspa.[28] “Khanacwa sapjjsma, jaken take juchanacapasa, arsutanacapasa perdonataquïspawa.[29] Ucampis qhititejj Kollan Ajayu contra arunaca parlcani ucarojja, janipuniw perdonatäcaniti, jan ucasti wiñayataquiw juchañchatäni.”[30] Uqhamwa Jesusajj arsüna, “Ñankha ajayun mantataw” sapjjatap laycu.

2 Reyes 1:16
ucatsti aqham sänwa: —Aqham siwa Tatitojja: ‘Juman qhitanaca qhitasitamata Ecronanquir Baal-zebub sat diosaru jisct'asiri, janis Israel marcanjja Diosajj jisct'asiñataqui utjcaspa uqhama, ucatwa iquiñamatjja jan sartcjjätati, jan ucasti jiwjjätawa’ —sasa.

Génesis 1:1
Take cunan kalltäwipanjja Diosajj alajjpacha, uqhamarac acapacha luräna.

Mateo 9:34
Fariseonacasti sapjjänwa: —Aca jakejj uca ñankha ajayunacarojj alissuwa, uca quicpa ñankha ajayun jilïripampïtap laycu —sasa.

Apocalipsis 21:20
Pheskëristi onicempi, sojjtïristi cornalinampi, pakallköristi crisolitompi, quimsakallköristi berilompi, llätunquïristi topaciompi, tunquïristi crisoprasampi, tunca mayanïristi jacintompi, tunca payanïristi amatistampi.

Job 2:11
Job chachanjja quimsa amigonacapaw utjäna: Elifaz sata, Temán chekanquiri; Bildad satajja, Súa sat chekanquiri; Zofar satasti, Naamat sat chekanquiriraqui. Jupanacasti Job chachana uqham jan walt'añanacaru puritapa yatisinjja amtasipjjänwa chuymacht'iri, uqhamaraqui uca llaquinacapana uñjt'iri sarañataqui.

2 Reyes 1:6
Jupanacasti sapjjänwa: —Mä chachawa sarquipana jicjjatapjjetu, ucatsti yatiyapjjetuwa cutt'jjapjjañanacajja qhitanipquitu uca reyin ucaru, ucatsti sapjjaraquituwa: Aqham siw Tatitojja: ‘¿Janit Israel marcan Diosasti utjquisti, Ecronanquir Baal-zebub diosar jisct'ir qhitañamataquisti? Uqham luratamatsti, janiw iquiñamata sartcjjätati, jan ucasti jiwjjätawa’ —sasa.

Juan 1:1
Cunapachatejj take cuna kalltcäna ucqhajja, Arojj utjapunïnwa; qhä Arusti Diosampïnwa, uca Arusti Diosänwa.

Lucas 11:19
Uqhamächi ucasti, ¿qhitirac jumanacan arquirinacamarusti jaksupjjañapataqui ch'am churisti? Jupanacaw jumanacan pantjatäpjjatamjja uñacht'ayapjje.

Éxodo 6:23
Aaronasti, Aminadab sat chachan Elisabet phuchapampiw casarasïna. Aca Aaronan warmipan jilapasti Naasón sataraquïnwa. Aaronan wawanacapasti: Nadab, Abiú, Eleazar, Itamar satanacänwa.

Lucas 3:1
Tiberio sat emperadorajj niya tunca pheskan mara marca apnakascän ucqhajja, Poncio Pilatojj Judea marca apnakaraquïna, Herodesasti apnakaraquïnwa Galilea, Felipe jilapasti Iturea marcampi Traconite marcamppacha apnakaraquïna, Lisaniasasti Abilinia marca apnakaraquïna.

Génesis 10:10
Jupan jach'a marcanacapasti, orakep tokenjja acanacaraquïnwa: Babel, Erec, Acad, uqhamarac Calne ucanaca, jupanacasti Sinar tokenacanwa jacapjjäna.

Génesis 14:1
Uca tiemposti Amrafel sisqui ucasti Sinar sisqui ucan reyipänwa; Arioc sisqui ucasti Elasar sisqui ucan reyiparaqui; Quedorlaomer sisqui ucasti Elam sisqui ucan reyiparaqui; Tidal sisqui ucasti Goim sisqui ucan reyiparaqui.

Deuteronomio 14:5
tarujanaca, gacelanaca, gamosanaca, monten jaquir cabritonaca, take casta antílope sat animalanaca.

Rut 1:2
***

Nehemías 1:1
Acawa Nehemías chachan luräwinacapajja, jupasti Hacalías chachan yokapänwa. Artajerjes sat reyis pä tunca mara marcar apnakcäna ucqha, Quisleu phajjsina, naya Nehemiasasti Susa marcancascäyätwa.

Ester 1:1
Acanacasti lurasïnwa cunapachatï rey Asuerojj mä imperio apnakcäna ucapacha. Uca imperiosti pataca pä tunca pakallkoni provincianacanïnwa, India sat chekat kalltasina Etiopía chekacama.

1 Reyes 1:2
Ucatsti sirvirinacapajj sapjjänwa: “Reyitaquejja thakañäspawa mä solter tawako jupar sirviñapataqui, uñjañapataqui, uqhamarac reyimpi iquisina junt'uchañapataqui” sasa.

Apocalipsis 16:16
Ucatsti reyinacarojj Armagedón satäquis uca chekaruw tantachapjjäna. Uca sutisti hebreo sutiwa.

Isaías 34:14
Monte phisinacasti kollu anunacampi mayaquïpjjaniwa, cabritonacas jupanaccamaw jawsasipjjani, ucanwa aruma sustjir ñankha ajayus utjani, ucanwa samarañsa jicjjatani.

Mateo 22:37
Jesusasti juparojj sänwa: —‘Tatit Diosamaruw munäta take chuymamampi, take almamampi, take amuyumampiraqui.’

Marcos 3:1-6
[1] Jesusajj wasitat mä sinagogar mantäna, ucansti mä ampar pharsut jakew ucancascäna.[2] Jesusar uñisirinacasti jamasat uñch'uquisipcäna samarañ urunjj kollanit janicha, uc yatiñataqui, ucat juchañchañataquiraqui.[3] Jesusasti ampar pharsut jakerojj sänwa: —Sartam, sayt'asim aca taypiru —sasa.[4] Ucatsti Jesusajj jakenacarojj jisct'araquïnwa: —¿Cuna lurañas waquisi samarañ urunjja, asqui lurañat jan ucajj ñankha lurañacha? ¿Kollañati jan ucajj jiwayañacha? —sasa. Jakenacasti amuquïpjjänwa.[5] Jesusasti colerataw jupanacarojj uñcatäna, jan amuyt'añ munapjjatapa yatisinsti, llact'asïnwa. Usut jakerusti sänwa: —Amparam ayatatam —sasa. Jupasti iyawsasaw amparapjja ayatatäna, ucatsti c'umaraquëjjänwa.[6] Fariseonacasti mistusinjja Herodesan arquirinacapampi parliriw sarapjjäna Jesusarojj cunjämats jiwayañataqui uca arust'iri.

Marcos 10:46-52
[46] Ucjjarusti Jericó marcaruw puripjjäna. Jesusasti discipulonacapampi walja jakenacamp mistusquipan, mä juyqhuw mayjasiscäna, sutipasti Bartimeo, Timeo chachan yokapa, jupasti thacjjan kont'atäscänwa.[47] Uca juyqhusti Nazaretanquir Jesusätap ist'asinjja jach'at art'äna: —¡Jesús, Davidan yokapa, nayatay qhuyapt'ayasita! —sasa.[48] Uc ist'asinsti waljaniw: —Amuct'am —sas tokepjjäna. Ucampis juyqhojj juc'amp jach'at art'ascaquïnwa: —¡Davidan yokapa, nayat qhuyapt'ayasita! —sasa.[49] Jesusasti uc ist'asinjja sayt'änwa, ucatsti jupanacarojj: —Irptanipjjam —saraquïnwa. Irptiri saririnacasti juyqhurojj sapjjänwa: —Jan ajjsaramti, sayt'asim, jawsasctamwa —sasa.[50] Juyqhusti capap liwinucusinjja mäquiw sayt'asi, ucatsti Jesusan ucaruw maqhatäna.[51] Jesusasti juparojj jisct'änwa: —¿Cuna lurañajjsa munta? —sasa. Juyqhusti sänwa: —Yatichiri, nayrat waliptjjañ munta —sasa.[52] Ucjjarusti Jesusajj sänwa: —Sarjjam. Iyawsatam laycuw c'umaräjjta —sasa. Ucspachaw juyqhojj nayrat waliptjjäna, Jesusarusti arcjjaruwayjjaraquïnwa.

Daniel 1:7
Reyin palaciopan sirvirinacan jilïripajj jupanacarojj yakha sutimpiw sutichäna Danielarojj, Beltsasar sasa; Ananiasarusti, Sadrac sasa, Misaelarusti Mesac sasaraqui; Azariasarusti, Abed-nego sasaraquiw sutichäna.

Jueces 4:6
Mä urusti Débora sat warmejj qhitänwa jawsiri Barac sat chacharu jupasti Abinoam satan yokapawa. Aca Barac sat chachasti Cedes sat marcanjja Neftalí sat tribu taypinwa jacäna. Ucampis jawsayanisajj sänwa: —Israel marcan Diosapasti jumarojj aqham sasaw sistamjja: ‘Saram Tabor sat kolluru ucansti tunca waranka chachanaca tantacht'am Neftalí, Zabulón sat tribunkirinacata.

2 Reyes 19:37
Mä urojja cunapachatï jupajj Nisroc sat diosapan templopana yupaychascäna ucqhasti, sarapjjänwa Adramelec, Sarezer sat yokanacapa, ucatsti jupar jiwayasinjja Ararat sat chekanacaruwa jaltjjapjjäna. Ucatjja jupa lantejj Esarhadón yokapawa reyëjjäna.

Ezequiel 23:4
Jilïristi Ahola satänwa, (ucajj Samaria marcaruw uñtasi), cullacapasti Aholiba sataraquïnwa (ucasti Jerusalén marcaruw uñtasiraqui). Jupanacasti nayan warminacajjänwa, nayataquisti yokall wawanaca, uqhamaraqui imill wawanaca utjayarapipjjetänjja.

Jeremías 1:1
Jeremiasan arsüwinacapampi, luräwinacapampi: jupasti Hilcías jaken yokaparaquïnwa. Jeremiasajj sacerdotenac familiat jutirïnwa, jupanacasti Anatot sisqui uca marcan jacasipjjaraquïna, Benjamín tribun orakepana.

Génesis 10:22
Sem chachan wawanacapasti Elam, Asur, Arfaxad, Lud, uqhamarac Aram ucanacänwa.

Esdras 4:7
Ucatsti Persia marcanquir Artajerjes reyin apnakäwipansti mä cartwa jupar kellkapjjäna Bislam, Mitrídates, Tabeel sat chachanaca, uqhamarac mayni masinacapampiraqui. Uca cartasti arameo aruna kellkatänwa, ucata yakha aruru jakoquipatapampiraqui.

Mateo 10:3
Felipe, Bartolomé, Tomás, Mateo impuesto cobriri; Jacobo Alfeon yokapa; Tadeo, yakha sutipasti Lebeo sataraqui;

Hechos 2:9
Aca marcanacatjjay acancapjjstanjja: Partia, Media, Elam, Mesopotamia, Judea, Capadocia, Ponto, Asia,

Levítico 11:5
“Tejón sata animalsti janiw mank'apjjätati, uca animalasti qhisthurïsquiwa, ucampisa janiw cayu sillunacapajj payaru jaljtatäquiti. Uca animalasti mä k'añu animalat uñt'atäñapawa.

Eclesiastés 1:1
[1-2] Acanacawa Davidan yokapa yatiyirina arsutanacapajja, jupasti Jerusalenan reyipänwa: “¡Inamayaquiwa, inamayaquiwa! ¡Take cunas inamayaquiwa!”

Éxodo 30:34
Tatitusti Moisesarojj sänwa: “Jumasti apthapim ucqhapura acanacata: kokanacat ch'akqui uca resina, uña sat k'apquir kolla, suma incienso uqhamaraqui gálbano sat k'apquir kolla.

Job 9:9
Jupaw jach'a kotu warawaranacsa luraraqui: Osa Mayor, Orión, Pléyades sat jach'a warawaranacsa luraraqui, aynacha tokenquir warawaranacsa uqhamaraqui.

Hechos 6:5
Aca arunacarusti takeniw: “Waliquiw” sapjjäna. Ucatsti Estebanaruw ajllipjjäna, qhititejj iyawsañampi, Kollan Ajayumpi phokt'atäcänsa ucaru. Uqhamaraquiw Feliperu, Prócoro, Nicanor, Timón, Parmenas, Antioquianquir Nicolasampiru. Uca Nicolás chachajj jan judiöcasin, judionacan saräwipar cutiquipstanitänwa.

Apocalipsis ١:١١
“Nayätwa kalltasa tucuyasa, A, Z letranacjama. Cuntejj uñjcta ucanacsti mä libroru kellkam, ucatsti Asia tokenquiri pakallko iglesianacar apayam. Uca iglesianacasti acanacawa: Éfeso, Esmirna, Pérgamo, Tiatira, Sardis, Filadelfia uqhamarac Laodicea.”

1 Reyes 8:13
Ucampis nayajj mä templwa jumataqui lurarapsma ucan jacañamataqui, mä utjäwi wiñay ucan jacañamataqui” sasa.

Marcos 3:23
Ucatsti Jesusajj jupanacar jawsasinjja uñtasïwinac tok khanañchäna: —¿Cunjämaraqui supayasti jupapachparusti jakonucusispasti?

Josué 24:15
Ucampisa janitï jumanacajj Diosar sirviñ munapcsta ucajj, jichhüruy ajllisipjjam qhitirutï sirvipjjäta uca. Awquinacamajj Eufrates sat jawira lacana sirvipcäna uca diosanacaruti, jan ucajj cawquïrinacatï aca orakenacan jacapqui uca amorreonacan diosaparucha. Ucampisa nayampi take familiajjampejja Diosaruw sirvipjjä.

Aymara Bible 1997
Biblia Aymara ©Sociedad Bíblica Boliviana 1997