| Colosenses 3:23 |
| Cuntejj lurapjjät ucjja lurapjjam take chuymampi, Tatitutaquis lurapcasma uqhama, jan jakenacatacjamajja. |
|
| Efesios 4:28 |
| Qhititejj lunthatasirïcän ucajja jan juc'amp lunthatascjjpanti, jan ucasti irnakañaru uscuspan, sum irnakasinwa pobrenacar yanapt'añataquis utjaraquini. |
|
| Juan 6:27 |
| Jan irnakapjjamti tucusir mank'ataquejja, jan ucasti wiñay jacañ churiri mank'ataqui irnakapjjam. Aca mank'sti naya Jaken Yokapaw churapjjäma, Dios Awquisti nayaruraquiw ajllisitu —sasa. |
|
| Gálatas 6:4-5 |
| [4] Sapa mayniwa luräwinacapa uñjasiñapa, ucatsti waliquïscchejja, jupa pachpataquïniwa, janiw mayninacataquïquiti.[5] Sapa mayniwa luräwinacapat llaquisiñapa. |
|
| Salmos 90:17 |
| Tatitun munasiñapajj jiwasanacampïpan. Tatay, luräwinacajjarojj juc'ampiy jiljjatayam, ¡jïsa, irnakatanacajjarojj juc'ampiy thuruñcham! |
|
| Proverbios 12:11 |
| Yapuchiri jakejj walja mank'añaniwa; jan amuyt'asiri jakesti inamaya luräwinacan sarnake. |
|
| Proverbios 13:4 |
| Jayra jakejj walwa cunsa muni, ucampis janiw jicjjatquiti; k'apha jakesti walja yänacwa jicjjati. |
|
| Filipenses 4:13 |
| Criston ch'amapampejj take cunaruw saycatirista. |
|
| Colosenses 3:24 |
| Yatipjjaractawa, Tatitojj jumanacan luratanacamatjja mä herencia churapjjätam, jumanacasti Cristoruw sirvisipctajja, juparaquiw chekpachansa Tatitojja. |
|
| Proverbios 12:24 |
| Irnakeri jakejj apnakaniwa, ucampis jayra jakejja apnakatäniwa. |
|
| Proverbios 14:23 |
| Take ch'ama tucutat jilpacha catokañajj utji, ucampis wali parlatatjja pobrernucstañaquiw utji. |
|
| Génesis 2:3 |
| Uca pakallköri urjja bendicïnwa, kollana uru sasaw saraquïna, uca urun take luräwinacapat samaratap laycu. |
|
| Lucas 1:37 |
| Diosataquejj janiw cunas ch'amäquiti —sasa. |
|
| 1 Timoteo 5:8 |
| Maynitejj jupanquirinacatjja jan llaquiscchejja, uqhamarac pachpa familiapar yanapt'añatsa jan llaquiscchi uquïrejja, iyawsäwjja jan uñt'iriwa tucu, mä jan iyawsirits juc'ampiwa. |
|
| Jeremías 29:11 |
| Nayasti yatiractwa cuna amtäwinacatejj jumanacataqui utjquitu ucanacjja, uca amtäwinacasti jumanacan asquinacamataquiwa, janiw jumanacan jan walt'apjjañanacamataquïquiti, uqhamat khepa urunacanjja wali suma jacasipjjañanacamataqui, suyt'añanacansa phokhantataraqui. Naya Tatituw ucjja arsta. |
|
| Proverbios 6:10-12 |
| [10] Jumajj uqham iqui ch'utaliscäta, uqhamarac sum iquiñataquis amparanacama khomthapisiscäta ucqhawa,[11] jan cunan uñjasiñajj catuntätam, mä muyuycu jakjama.[12] Qhititejj ñankha, jan wali jakëqui ucajja, c'ari arunaca parlasaquiwa sarnake; |
|
| 2 Timoteo 2:6 |
| Qhititejj yapun irnakqui ucajja, waquisiw nayrakat cosecha catokañapajja. |
|
| Génesis 2:15 |
| Cunapachatejj Tatitu Diosajj jakerojj Edén huertoru usccatayna yapuchañapataqui, uqhamaraqui uñjañapataqui, |
|
| Tito 2:7-8 |
| [7] Juma pachparaqui mä suma uñtäwi uñacht'ayam take cunansa. Yatichañansti cheka cancañampi yaticham, phokhasaraqui,[8] suma parlasaraqui jan qhitins juchañchañapataqui, uqhamatwa qhititejj conträqui ucajj p'enkachat amuyasini, janiraquiw jumanacjjatjja cuna jan wals parlcaniti. |
|
| Proverbios 16:3 |
| Take luräwinacamjja Tatitun amparapar jaytam, ucatsti amtäwinacamajj phokhasiniwa. |
|
| Aymara Bible 1997 |
| Biblia Aymara ©Sociedad Bíblica Boliviana 1997 |