A A A A A

Additional: [Tattoos]


Levítico 19:28
“Janiraqui mä jiwat laycu janchinacamsa k'allunokasipjjamti. Janipuni cuna casta kellkanacsa janchinacamarojj jan mayampitaqui mistquirjja kellkantasipjjamti. Nayätwa Tatitojja.

1 Corintios 6:18-20
[18] Jithektapjjam wachoka jucha lurañatjja. Cawquïr yakha jucha lurañasa janiw janchimpi luratäquiti, ucampis wachoka jucha lurañajj pachpa janchimpi jucha lurañawa.[19] ¿Janit jumanacasti yatipcta jumanacan janchinacamajj, cuntejj Diosajj churapctam uca Kollan Ajayun utjäwipätapsti, uqhamaraqui Kollan Ajayus jumanacan jacatapsa? Jumanacajj janiw jumanacpachata munañanïcjjapjjtati,[20] jan ucasti Diosaw jumanacarojj jila alampi alapjjtam. Ucatpï Diosarojj wakaychapjjañamajja janchinacamana, ajayumana ucanacasti Diosancaraquiwa.

Apocalipsis 19:16
Mantopjjarusti, uqhamarac charapjjarusa aca suti kellkt'ataraquïnwa: “reyinacans Reyipa, munañaninacans Munañanipa” sasa.

1 Corintios 10:23-31
[23] Chekpachansa maynejj cuntejj munqui ucjj lurascaquispawa, ucampis janiw takpachati maynitaquejj asquïcaspa. Maynitejj cuntï munqui uc luraspajja, ucampis janiw take cunas jupatac asquïquiti ajayu token jiltañataquejja.[24] Jake masisan asquïñap munañasawa, janiw jiwasan asquïñasacti munañasäquejja.[25] Cunatejj khathun aljañatac uscutäqui ucjja jumanacajj jan jisct'asaqui alasisin mank'asipcam. Janiraqui jisct'apjjamti chuymanacaman jan mayjt'asipjjañanacamataqui,[26] aca orakesa, cunanacatï aca oraken utjcaraqui ucanacasa Tatituncatap laycu.[27] Jan ucajj mä jan iyawsiritejj jumanacar mank'añatac jawsayapjjätamjja ucat jumanacajj sarañ munapjjaraquïtajja, take cuntï churapcätam ucjja mank'asipcaquim jan jisct'asa, chuymanacaman jan mayjt'asipjjañamataqui.[28] Ucampis maynitejj: “Aca aychajj c'ari diosanacar loktatawa” sapjjätam ucjja jan mank'apjjamti, uc siriru jan mayjt'ayañataqui, uqhamaraqui jumanacasa chuymanacamanjj jan mayjt'asipjjañamataqui.[29] Mayninacan chuymapatwa parlascta, janiw juman chuymamatti parlctjja. Ucampis maynejj saspawa: “¿Cunatarac nayarusti munañajjarjama sarnakañajjata juchañchitanisti maynin chuymap laycusti?[30] Diosar yuspagarasatejj mank'sta ucajj ¿cunataraqui nayarusti c'umipjjetani mank'atajjatsti?” sasa.[31] Uqhamajj mank'apjjamsa, umapjjamsa jan ucajj cunsa lurapjjam, ucampis take cunsa Diosar jach'añchañataquiqui lurapjjam.

Efesios 5:10
Cuntejj Diosataquejj asquïqui uc yatekañ munapjjapunim.

Deuteronomio 14:1
“Jumanacasti Tatitu Diosaman wawanacapäpjjtawa. Jan janchinacama qharirasipjjamti janirac ñic'utanacamsa mururasipjjamti cunapachatï maynejj jiwani ucqhajja.

1 Corintios 3:16-17
[16] ¿Janit jumanacasti yatipcta Diosan templopäpjjatamsti, uqhamarac Diosan Ajayupas jumanacan jacatapsa?[17] Maynitejj uca Diosan templop t'unjanejja, Diosajj juparojj t'unjaraquiniwa. Diosan templopasti kollanawa, uca templosti jumanac pachpäpjjaractawa.

1 Corintios 9:27
Jan ucasti, nayajj janchejjan munañaparojj t'akhesiytwa jaysayasiractwa uqhamata yakhanacar yatichcasina jan apanucutäñajjataqui.

Romanos 12:1
Uqhamasti jilatanaca, Diosan qhuyapayasiñap laycuw achict'apjjsma, jumanacajj Diosarojj jacquir ofrendjamay loktasipjjam, Diosar cusisiyquiri loktata. Ucawa Diosataquejj ajayu token chekpach Diosar sirviñajja.

Aymara Bible 1997
Biblia Aymara ©Sociedad Bíblica Boliviana 1997