A A A A A

لټون
لوقا 1:31
ګوره، ته به امیدواره شې او زوی به دې وشي او د هغه نوم به عیسی کېږدې.


لوقا 2:21
په اتمه ورځ کله چې د ماشوم د سنتولو وخت راورسېد، نو په هغه یې عیسی نوم کېښود. دا هغه نوم ؤ چې مخکې له دې چې مریم امیدواره شي فرښتې ورباندې ایښی ؤ.


لوقا 2:27
شمعون د روح القدس په لارښودنه دننه د خدای کور ته راغی. کله چې د عیسی مور او پلار ماشوم هلته راوست ترڅو د هغه دپاره هغه څه وکړي چې د موسی شریعت یې غوښتنه کوله،


لوقا 2:34
شمعون د هغوی دپاره د خیر دعا وکړه او د عیسی مور مریم ته یې وویل: «دا ماشوم په اسراییلو کې د ډېرو د بربادۍ او یا سرلوړۍ دپاره د خدای له خوا غوره شوی دی. هغه د خدای له خوا یوه نښه ده چې ډېر خلک به یې مخالفت وکړي


لوقا 2:41
د عیسی مور او پلار به هر کال د فسحې د اختر دپاره اورشلیم ته تلل.


لوقا 2:42
کله چې عیسی دولس کلن شو نو هغوی د خپل دود او دستور له مخې د اختر دپاره اورشلیم ته لاړل.


لوقا 2:43
کله چې د اختر ورځې پای ته ورسیدلې، هغوی بېرته خپل کور ته روان شول او عیسی چې لا کوچنی هلک ؤ په اورشلیم کې پاتې شو، خو د هغه مور او پلار ترې خبر نه وو.


لوقا 2:44
هغوی ګومان کاوه چې عیسی د نورو مسافرو په ډله کې روان دی. هغوی ټوله ورځ سفر وکړ او بیا یې د خپلو خپلوانو او دوستانو په منځ کې د هغه په لټولو پیل وکړ.


لوقا 2:47
هر چا چې د عیسی خبرې اوریدلې نو د هغه پوهې او ځوابونو ته حیران پاتې کېدل.


لوقا 2:51
نو عیسی د هغوی سره بېرته ناصریې ته لاړ او د هغوی تابع ؤ. مور یې دا ټولې خبرې په خپل زړه کې ساتلې.


لوقا 2:52
عیسی د قد او حکمت په لحاظ لویېده او د خدای او خلکو خوښیده.


لوقا 3:21
کله چې ټولو خلکو ته د تعمید غسل ورکړل شو، نو عیسی ته هم د تعمید غسل ورکړل شو. کله چې هغه دعا کوله نو د آسمان دروازه پرانیستل شوه


لوقا 3:23
عیسی شاوخوا د دېرشو کالو په عمر ؤ چې خپل خدمت یې پیل کړ او خلکو ګومان کاوه چې هغه د یوسف زوی دی. یوسف د هالي زوی ؤ،


لوقا 4:1
عیسی چې د روح القدس څخه ډک ؤ د اردن د سیند څخه راستون شو او روح القدس هغه دښتې ته بوتلو


لوقا 4:4
خو عیسی ځواب ورکړ: «د خدای په کلام کې لیکل شوي دي چې انسان یوازې په ډوډۍ باندې ژوندی نه دی.»


لوقا 4:8
عیسی ځواب ورکړ: «د خدای په کلام کې لیکل شوي دي چې خپل څښتن خدای ته عبادت کوه او یوازې د هغه خدمت کوه.»


لوقا 4:12
خو عیسی په ځواب کې وویل: «د خدای په کلام کې ویل شوي دي چې خپل څښتن خدای مه ازمایئ.»


لوقا 4:14
عیسی د روح القدس په قدرت سره جلیل ته راستون شو. د هغه په هکله په ټوله سیمه کې آوازه خپره شوه.


لوقا 4:16
بیا عیسی د ناصریې ښار ته، یعنې هغه ځای ته چې هغه په کې لوی شوی ؤ راغی، او لکه څنګه چې د هغه عادت ؤ نو د سبت په ورځ کنیسا ته لاړ. هلته ودرېد چې د خدای کلام ولولي


لوقا 4:20
عیسی طومار بند کړ او هغه یې بېرته د کنیسا خدمتګار ته ورکړ او کښېناست. ټولو خلکو په کنیسا کې د هغه خواته سترګې نیولې وې.


لوقا 4:21
بیا عیسی خبرې پیل کړې او ویې ویل: «نن چې تاسو دا لیکنه واورېدله، هغه رښتیا شوه.»


لوقا 4:23
عیسی هغوی ته وویل: «بې له شکه چې تاسو به ماته دا متل ووایئ: ای ډاکتره! خپل ځان روغ کړه. دا به هم راته ووایئ چې کوم کارونه تا د کفرناحوم په ښار کې کړي دي او مونږ د هغو په هکله اوریدلي، هماغه کارونه په خپل ښار کې هم وکړه.»


لوقا 4:24
عیسی زیاته کړه: «زه تاسو ته رښتیا وایم چې هیڅ پیغمبر په خپل وطن کې چا نه دی قبول کړی.


لوقا 4:29
هغوی راپاڅېدل او عیسی یې له ښاره وویست او د هغې غونډۍ سرته یې وخیژولو چې دا ښار ورباندې جوړ شوی ؤ ترڅو لاندې یې وغورځوي.


لوقا 4:31
بیا عیسی کفرناحوم ته چې د جلیل یو ښار ؤ لاړ او د سبت په ورځ یې خلکو ته تعلیم ورکاوه.


لوقا 4:34
«ای ناصري عیسی! زمونږ سره څه کار لرې؟ ته راغلی یې چې مونږ تباه کړې؟ زه دې پېژنم چې ته څوک یې، ته د خدای سپیڅلی یې.»


لوقا 4:35
عیسی پېری ته حکم وکړ: «غلی شه او د دې سړي څخه راووځه.» پېری هغه سړی د هغوی په مخکې په ځمکه راوویشت او بې له دې چې کوم زیان ورته ورسوي ورڅخه ووت.


لوقا 4:38
عیسی د کنیسا څخه راووت او د شمعون کور ته لاړ. د شمعون خواښې سختې تبې نیولې وه او هغوی د عیسی څخه وغوښتل چې له هغې سره مرسته وکړي.


لوقا 4:39
عیسی لاړ او د هغې په خوا کې ودرېد او تبې ته یې امر وکړ چې هغه پرېږدي. تبې هغه ښځه پرېښودله او سمدلاسه پاڅېدله او د هغوی خدمت یې شروع کړ.


لوقا 4:40
د لمر پرېوتو په وخت کې ‎خلکو خپل ناروغان چې په ډول ډول ناروغیو اخته وو عیسی ته راوستل. هغه په هر یو باندې خپل لاس کېښود او ټول یې روغ کړل.


لوقا 4:41
د ډېرو خلکو څخه پېریان ووتل او چیغې یې وهلې: «ته د خدای زوی یې.» خو عیسی پېریانو ته حکم وکړ او هغوی یې پرېنښودل چې خبرې وکړي، ځکه هغوی پوهېدل چې هغه مسیح دی.


لوقا 4:42
کله چې سهار شو نو عیسی له ښاره روان شو او یو ګوښه ځای ته لاړ. خلکو هغه لټولو او چې کله یې پیدا کړ نو کوښښ یې وکړ چې د هغه د تللو مخه ونیسي.


لوقا 5:1
یوه ورځ عیسی د جنیسارت د دریاب په غاړه ولاړ ؤ او خلکو یو او بل سره ټېله کول چې ځانونه هغه ته ورسوي ترڅو د خدای کلام واوري.


لوقا 5:3
عیسی یوې کشتۍ ته چې د شمعون وه، وروخوت او د هغه څخه یې وغوښتل چې کشتۍ د غاړې څخه لږه لیرې بوزي. عیسی په کشتۍ کې ناست ؤ او له هغه ځایه یې خلکو ته تعلیم ورکاوه.


لوقا 5:8
کله چې شمعون پطروس ولیدل چې څه وشول، هغه د عیسی پښو ته پرېوت او ویې ویل: «ای پاکه استاده! زما څخه لیرې شه. ځکه چې زه یو ګناهکار انسان یم.»


لوقا 5:10
همدارنګه د شمعون شریکان یعقوب او یوحنا چې د زبدي زامن وو هم حیران شول. عیسی شمعون ته وویل: «مه وېرېږه، له دې وروسته به ته ماهیان نه بلکه انسانان رانیسې.»


لوقا 5:11
کله چې هغوی خپلې کشتۍ وچې ته راوستلې، نو هرڅه یې پرېښودل او په عیسی پسې روان شول.


لوقا 5:12
یوځل عیسی په یو ښار کې ؤ، هلته یو سړی ؤ چې د جذام په ناروغۍ اخته ؤ. کله چې هغه سړي عیسی ولید نو په پښو کې یې پرېوت او زارۍ یې ورته وکړې: «ای ښاغلیه‎! که چېرې ته وغواړې نو کولای شې چې ما پاک او روغ کړې.»


لوقا 5:13
عیسی خپل لاس وراوږد کړ او په هغه باندې یې کېښود او ویې ویل: «هو، زه غواړم، پاک او روغ شه.» نو هغه ناروغي سمدلاسه ورڅخه لیرې شوه.


لوقا 5:14
عیسی هغه ته امر وکړ: «په دې هکله هیچا ته څه ونه وایې، خو لاړ شه او کاهن ته خپل ځان وروښایه او کومه قرباني چې موسی یې حکم کړی دی وړاندې کړه، د دې دپاره چې خلکو ته ثابته شي چې ته پاک او روغ شوی یې.»


لوقا 5:15
خو د عیسی په هکله خبر نور هم زیات خپور شو او ډېر خلک راغلل چې د هغه خبرې واوري او د خپلو ناروغیو څخه روغتیا ومومي.


لوقا 5:17
یوه ورځ کله چې عیسی تعلیم ورکاوه، ځینې فریسیانو د شریعت عالمان چې د جلیل د هر کلي، یهودیې او اورشلیم څخه راغلي وو، هلته ناست وو او عیسی د خدای په قدرت سره ناروغان روغول.


لوقا 5:18
په دې وخت کې څو کسانو چې یو شل سړی یې په کټ کې راروان کړی ؤ، راغلل. هغوی هڅه کوله چې هغه دننه کور ته بوځي او د عیسی په مخکې یې کیږدي.


لوقا 5:19
خو د ګڼې ګوڼې له امله یې لاره ونه موندله ترڅو هغه دننه بوځي. نو هغه شل سړی یې پاس بام ته پورته کړ، د پخو خښتو په منځ کې یې یو سوری جوړ کړ او هغه یې په کټ کې لاندې کوز کړ او د ګڼې ګوڼې په منځ کې یې د عیسی په مخکې کېښود.


لوقا 5:20
کله چې عیسی د هغوی ایمان ولید نو هغه سړي ته یې وویل: «ای وروره! ستا ګناهونه وبخښل شول.»


لوقا 5:22
عیسی د هغوی په خیالونو پوه شو او ورته ویې وویل: «تاسو ولې په خپلو زړونو کې داسې فکرونه کوئ؟


لوقا 5:27
له هغې وروسته عیسی دباندې ووت او د لاوي په نوم یو مالیه ټولوونکی یې ولیده چې د مالیې راټولولو په ځای کې ناست ؤ. عیسی هغه ته وویل: «ما پسې راځه.»


لوقا 5:29
بیا لاوي په خپل کور کې د عیسی دپاره یوه لویه میلمستیا جوړه کړه او په میلمنو کې زیات شمیر مالیه ټولوونکي او نور خلک هم وو.


لوقا 5:30
خو ځینو فریسیانو او د شریعت عالمان چې د هغوی د ډلې څخه وو د عیسی په شاګردانو اعتراض وکړ او پوښتنه یې وکړه: «تاسو ولې د مالیه ټولوونکو او نورو ګناهکارانو سره یوځای خورئ او څښئ؟»


لوقا 5:31
عیسی ورته په ځواب کې وویل: «روغ خلک ډاکتر ته اړتیا نه لري، بلکې ناروغه خلک ورته اړتیا لري.


لوقا 5:33
ځینو خلکو عیسی ته وویل: «د یحیی شاګردان زیات وخت روژه نیسي او دعاګانې کوي او د فریسیانو شاګردان هم همداسې کوي، خو ستا شاګردان خوري او څښي.»


لوقا 5:34
عیسی ځواب ورکړ: «آیا تاسو کولای شئ چې د زوم ملګري د واده په میلمستیا کې په داسې حال کې چې زوم ورسره وي مجبور کړئ چې روژه ونیسي؟ بې شکه چې نه.


لوقا 5:36
همدارنګه عیسی هغوی ته دا مثال راوړ: «هیڅوک د نویو کالیو څخه یوه ټوټه نه شلوي چې په زړو کالیو باندې یې پیوند کړي. که داسې وکړي نو هم به هغه نوي کالي وشلیږي او هم به د نویو کالیو ټوټه د زړې سره جوړه رانه شي.


لوقا 6:1
د سبت په یوه ورځ عیسی د خپلو شاګردانو سره د غنمو په پټیو تېرېده، شاګردانو یې د غنمو وږي راشکول، په لاسونو کې یې موږل او خوړل یې.


لوقا 6:3
عیسی هغوی ته په ځواب کې وویل: «آیا تاسو دا نه دي لوستلي کله چې داود او ملګري یې وږي شوي وو نو هغه څه وکړل؟


لوقا 6:5
بیا عیسی وویل: «د انسان زوی د سبت د ورځې خاوند هم دی.»


لوقا 6:6
د بل سبت په ورځ عیسی کنیسا ته ننوت او تعلیم یې ورکاوه. هلته یو سړی ؤ چې ښي لاس یې وچ شوی ؤ.


لوقا 6:7
د شریعت ځینو عالمانو او فریسیانو په ځیر سره هغه ته کتل چې وویني آیا عیسی به د سبت په ورځ چاته شفا ورکوي که نه، ترڅو په هغه باندې د تور لګولو دپاره یو دلیل پیدا کړي.


لوقا 6:8
عیسی د هغوی په خیالونو پوه شو او هغه سړي ته چې لاس یې وچ شوی ؤ وویل: «راپاڅېږه او د ټولو په مخ کې ودرېږه.» نو هغه راپاڅېد او هلته ودرېد.


لوقا 6:9
بیا عیسی هغوی ته وویل: «زه ستاسو څخه پوښتنه کوم: آیا د سبت په ورځ نېکي کول روا دي که بدي کول؟ د یو چا ژوند ژغورل، که له منځه وړل؟»


لوقا 6:10
عیسی ګرد چاپېره هغوی ټولو ته وکتل او بیا یې هغه سړي ته وویل: «خپل لاس دې وغزوه.» هغه خپل لاس وغزولو او لاس یې روغ شو.


لوقا 6:11
خو د شریعت عالمان او فریسیان ډېر په قهر شول او یو بل ته یې سره وویل چې د عیسی سره څه وکړو.


لوقا 6:12
په هغو ورځو کې عیسی د دعا دپاره غره ته لاړ او ټوله شپه یې خدای ته په دعا کولو تېره کړه.


لوقا 6:14
شمعون چې عیسی ورباندې پطروس نوم کېښود او د هغه ورور اندریاس، یعقوب، یوحنا، فیلیپاس او بارتولما،


لوقا 6:17
عیسی د خپلو رسولانو سره د غره څخه راکوز شو او په یو هوار ځای کې ودرېد. په هغه ځای کې د هغه د پیروانو یوه لویه ډله او د ټولې یهودیې، اورشلیم او د صور او صیدون د ساحلي ښارونو څخه ګڼ شمیر خلک موجود وو.


لوقا 6:19
ټولو خلکو کوښښ کاوه چې عیسی ته لاس وروړي، ځکه چې هغه د شفا ورکولو قدرت درلود او هغوی ټول يې روغول.


لوقا 6:20
بیا عیسی خپلو شاګردانو ته مخ راواړاوه او ویې ویل: «بختور یئ تاسو چې اوس غریبان یئ، ځکه چې د خدای پادشاهي ستاسو ده.


لوقا 6:39
نو عیسی هغوی ته دا مثال ووایه: «آیا یو ړوند بل ړوند ته لاره ښودلی شي؟ آیا دواړه به په کنده کې ونه غورځیږي؟


لوقا 7:1
کله چې عیسی خلکو ته خپلې ټولې خبرې وکړې نو کفرناحوم ته لاړ.


لوقا 7:3
کله چې هغه منصبدار د عیسی په هکله واورېدل، نو یو څو یهودي مشران یې ورولېږل ترڅو د هغه څخه وغواړي چې راشي او نوکر یې روغ کړي.


لوقا 7:4
هغوی عیسی ته راغلل او سختې زارۍ یې ورته وکړې او ورته ویې ویل: «دا سړی په رښتیا سره د دې وړ دی چې مرسته ورسره وکړې،


لوقا 7:6
نو عیسی د هغوی سره لاړ. خو کله چې د هغه کور ته نږدې شو نو هغه منصبدار خپل څو ملګري ورولېږل چې هغه ته ووایي: «ښاغلیه! خپل ځان دې مه په تکلیفوه، زه د دې لایق نه یم چې زما کور ته راشې


لوقا 7:9
کله چې عیسی دا واورېدل نو حیران شو او هغې لویې ډلې ته یې چې ورپسې روانه وه مخ راواړاوه او ویې ویل: «زه تاسو ته وایم چې ما په اسراییلو کې هم داسې ایمان نه دی لیدلی.»


لوقا 7:11
بله ورځ عیسی د خپلو شاګردانو او د خلکو د یوې لویې ډلې سره نایین نومي ښار ته لاړ.


لوقا 7:13
کله چې عیسی هغه ښځه ولیدله، نو زړه یې ورباندې وسوځېده او ورته ویې وویل: «نوره مه ژاړه.»


لوقا 7:14
بیا هغه وروړاندې شو او په تابوت باندې یې لاس کېښود او کومو خلکو چې تابوت وړلو ودرېدل. عیسی وویل: «ای ځوانه! تاته وایم راپاڅېږه.»


لوقا 7:15
هغه مړی کښېناست او په خبرو یې پیل وکړ او عیسی هغه بېرته خپلې مور ته وسپاره.


لوقا 7:17
عیسی چې څه کړي وو د هغو خبر په ټولې یهودیې او شاوخوا سیمو کې خپور شو.


لوقا 7:19
او هغوی یې عیسی ته ورولېږل چې پوښتنه ورڅخه وکړي: «آیا ته هغه څوک یې چې ویل شوي وو باید راغلی وای، یا د کوم بل چا په تمه واوسو؟»


لوقا 7:20
کله چې هغوی عیسی ته ورغلل، ورته ویې ویل: «مونږ تعمید ورکوونکي یحیی تاته رالېږلي یو چې پوښتنه وکړو چې ته هغه څوک یې چې باید راغلی وای یا د کوم بل چا په تمه واوسو؟»


لوقا 7:21
په هماغه ساعت عیسی ډېر خلک د ډول ډول ناروغیو، طاعون او پېریانو څخه روغ کړل او ډېر ړانده یې بینا کړل.


لوقا 7:24
کله چې د یحیی استازي لاړل نو عیسی د یحیی په هکله د خلکو سره خبرې پیل کړې او ویې ویل: «تاسو د څه شي د لیدلو دپاره دښتې ته تللي وئ؟ آیا د هغې لوخې د لیدلو دپاره چې باد یې خوځوي؟


لوقا 7:28
عیسی زیاته کړه: «زه تاسو ته وایم چې په دې دنیا کې د یحیی څخه بل څوک لوی نه دی زیږول شوی، خو بیاهم د خدای په پادشاهۍ کې تر ټولو کوچنی د هغه نه لوی دی.»


لوقا 7:29
کله چې ټولو خلکو او حتی مالیه ټولوونکو د عیسی خبرې واورېدلې، نو په دې یې اقرار وکړ چې د خدای لاره سمه ده، ځکه چې هغوی د یحیی په لاس د تعمید غسل اخیستی ؤ.


لوقا 7:31
عیسی وویل: «د دې زمانې خلک د څه شي سره پرتله کړم؟ دا څه ډول خلک دي؟


لوقا 7:36
یو فریسي عیسی ته بلنه وکړه چې د هغه سره ډوډۍ وخوري، نو عیسی د هغه کور ته ورغی او د هغه سره دسترخوان ته کښېناست.


لوقا 7:37
په هغه ښار کې یوه بدکاره ښځه اوسېدله. هغه خبره شوه چې عیسی د هغه فریسي په کور کې ډوډۍ خوري، نو د عطرو څخه ډک د مرمرو د بوتل سره راغله.


لوقا 7:38
هغه ښځه د عیسی شا ته د هغه د پښو سره ودرېدله او ژړل یې. د هغې اوښکې د عیسی په پښو باندې توی شوې او هغه لمدې شوې. ښځې هغه په خپلو ویښتانو باندې وچې کړلې، د هغه پښې یې ښکل کړې او عطر یې ورباندې واچول.


لوقا 7:39
کله چې هغه فریسي چې عیسی یې میلمه کړی ؤ دا ولیدل نو د خپل ځان سره یې وویل: «که چېرې دا سړی په رښتیا پیغمبر وای نو هغه باید په دې پوه شوی وای چې دا ښځه چې هغه ته لاس وروړي څوک ده او څنګه ښځه ده. هغه یوه ګناهکاره ښځه ده.»


لوقا 7:40
نو عیسی هغه فریسي ته وویل: «ای شمعونه! زه غواړم تاته یو څه ووایم.» هغه وویل: «ښه استاده! ووایه.»


لوقا 7:41
عیسی وویل: «دوه کسانو د یو چا څخه پور اخیستی ؤ، د هغو څخه یو یې پنځه سوه د سپینو زرو سکې پوروړی ؤ او بل یې پنځوس سکې.


لوقا 7:43
شمعون ځواب ورکړ: «زما په خیال کوم سړي ته چې زیات پور وبخښل شو.» عیسی وویل: «تا سم قضاوت وکړ.»


لوقا 7:48
بیا عیسی هغې ښځې ته وویل: «ستا ګناهونه وبخښل شول.»


لوقا 7:50
خو عیسی هغې ښځې ته وویل: «ته خپل ایمان وژغورلې، په خیر لاړه شه.»


لوقا 8:1
څه موده وروسته عیسی ښار په ښار او کلي په کلي ګرځیده، وعظ یې کاوه او د خدای د پادشاهۍ زېری یې ورکاوه او هغه دولس شاګردان هم ورسره وو.


لوقا 8:3
یونا د خوزا ښځه چې میړه یې د هیرودیس د دربار ناظر ؤ، سوسن او نورې ډېرې ښځې چې د خپلو شتمنیو څخه یې د عیسی او د هغه د شاګردانو سره مرسته کوله.


لوقا 8:4
خلک به د یو ښار او بل ښار څخه عیسی ته راتلل او کله چې ګڼ شمیر خلک سره راغونډ شول نو هغه ورته دا مثال راوړ:


لوقا 8:8
نور تخم په حاصلخیزه خاوره کې ولوېد. هغه راشین شو او سل چنده زیات حاصل یې ورکړ.» کله چې عیسی خپلې خبرې خلاصې کړې نو په لوړ آواز یې وویل: «که څوک غوږونه لري نو هغه دې واوري.»


لوقا 8:9
بیا د عیسی شاګردانو پوښتنه وکړه چې د دې مثال معنی څه ده،


لوقا 8:19
بیا د عیسی مور او ورونه راغلل چې هغه وویني، خو د زیاتې ګڼې ګوڼې له امله یې ونه شو کولی چې هغه ته ځان ورسوي.


لوقا 8:20
یو چا عیسی ته وویل: «ستا مور او ورونه دباندې ولاړ دي او غواړي چې تا وویني.»


لوقا 8:21
عیسی ځواب ورکړ: «زما مور او ورونه هغه دي چې د خدای کلام اوري او عمل ورباندې کوي.»


لوقا 8:22
یوه ورځ عیسی د خپلو شاګردانو سره په کشتۍ کې سپور شو او هغوی ته یې وویل: «راځئ چې د دریاب بلې غاړې ته لاړ شو.» نو هغوی روان شول.


لوقا 8:23
کله چې هغوی په کشتۍ کې روان وو نو عیسی ویده شو. په دې وخت کې ناڅاپه په دریاب کې سخت باد راوالوت او کشتۍ د اوبو څخه په ډکېدلو شوه او هغوی د یو لوی خطر سره مخامخ وو.


لوقا 8:24
شاګردان عیسی ته ورغلل، هغه یې راویښ کړ او ورته ویې ویل: «استاده! استاده! مونږ ډوبیږو.» عیسی راویښ شو او باد او د اوبو څپو ته یې حکم وکړ، طوفان ودرېد او هرڅه آرام شول.


لوقا 8:26
بیا عیسی د خپلو شاګردانو سره د جدریانو سیمې ته چې د جلیل ولایت ته مخامخ دی ورسېد.


لوقا 8:27
څنګه چې عیسی د کشتۍ څخه راکوز شو نو د هغه ښار د یو سړي سره چې پېریانو نیولی ؤ مخامخ شو. زیاته موده کېدله چې هغه لوڅ ګرځیده او په کور کې نه اوسېده، بلکې په هدیره کې اوسېده.


لوقا 8:28
کله چې هغه عیسی ولید نو چیغې یې ووهلې او د هغه په پښو کې پرېوت او په لوړ آواز یې وویل: «ای عیسی، ای د خدای تعالی زویه! زما سره څه کار لرې؟ زه تاته زارۍ کوم، ما مه په عذابوه.»


لوقا 8:29
هغه ځکه داسې وویل چې عیسی پېریانو ته امر کړی ؤ چې د هغه سړي څخه راووځي. هغه سړی څو څو ځلې پېریانو نیولی ؤ. خلکو به د هغه لاسونه او پښې په زنځیرونو تړلې او زولنې به یې ورته اچولې، خو هغه به یې ماتول او پېریانو به هغه دښتې ته بیولو.


لوقا 8:30
عیسی د هغه څخه پوښتنه وکړه: «ستا نوم څه دی؟» هغه ځواب ورکړ: «زما نوم لښکر دی.» ځکه چې په هغه کې ډېر پېریان وو.


لوقا 8:31
پېریانو عیسی ته زارۍ وکړې چې هغوی د ځمکې تل ته ونه لیږي.


لوقا 8:32
هلته نږدې د خوګانو یوه لویه رمه وه چې په یوې غونډۍ باندې څرېدله. نو پېریانو عیسی ته زاري وکړه چې دوی ته اجازه ورکړي چې په خوګانو کې ننوځي، نو هغه ورته اجازه ورکړه.


لوقا 8:35
خلک ددې پیښې د لیدلو دپاره دباندې راووتل. کله چې هغوی عیسی ته راغلل نو هغه سړی یې ولید چې پېریان ورڅخه وتلي وو. هغه د عیسی پښو ته ناست ؤ، کالي یې اغوستي وو او بېرته خپل نورمال حالت ته راغلی ؤ، نو هغوی ووېرېدل.


لوقا 8:37
بیا د جدریان د شاوخوا سیمو ټولو خلکو د عیسی څخه وغوښتل چې له هغه ځایه لاړ شي، ځکه چې هغوی ډېر وېرېدلي وو. نو عیسی په کشتۍ کې سپور شو چې د دریاب بلې غاړې ته لاړ شي.


لوقا 8:38
بیا هغه سړي چې پېریان ورڅخه وتلي وو عیسی ته زاري وکړه چې اجازه ورته ورکړي د هغه سره لاړ شي، خو عیسی هغه رخصت کړ او ورته ویې ویل:


لوقا 8:39
«بېرته خپل کور ته لاړ شه او هغه څه چې خدای ستا دپاره کړي دي هغه ټولو ته ووایه.» هغه سړی په ټول ښار کې وګرځېد او عیسی چې د هغه دپاره څه کړي وو هغه یې خلکو ته بیان کړل.


لوقا 8:40
کله چې عیسی بېرته راستون شو، نو خلکو ورته تود هرکلی وویلو، ځکه چې هغوی ټول ورته په انتظار وو.


لوقا 8:41
بیا یو سړی چې یایروس نومیده او د یوې کنیسا مشر ؤ راغی او د عیسی په پښو کې پرېوت او زاري یې ورته وکړه چې د هغه سره کور ته لاړ شي،


لوقا 8:42
ځکه چې د هغه یواځینۍ لور چې دولس کلنه وه د مرګ په حالت کې پرته وه. کله چې عیسی په لاره روان ؤ، خلکو د هرې خوا ورباندې زور راوړ.


لوقا 8:44
هغه د شا له خوا راغله او د عیسی چپنې ته یې لاس وروړ او سمدلاسه یې وینه ودرېدله.


لوقا 8:45
عیسی پوښتنه وکړه: «چا ما ته لاس راوړ؟» ټول منکر شول خو پطروس وویل: «استاده! ټول خلک درڅخه راتاو دي او د هرې خوا درباندې زور راوړي.»


لوقا 8:46
خو عیسی وویل: «کوم چا راته لاس راوړ، ځکه زه پوه شوم چې زما څخه یو قوت ووت.»


لوقا 8:47
کله چې هغه ښځه پوه شوه چې پټه نه شي پاتې کېدلی نو په ریږدیدو شوه، راغله او د عیسی په پښو کې پرېوتله او د ټولو په مخکې یې وویل چې ولې یې هغه ته لاس وروړ او څنګه سمدلاسه روغه شوه.


لوقا 8:48
عیسی هغې ته وویل: «لورې! ته خپل ایمان روغه کړې. په خیر لاړه شې.»


لوقا 8:49
عیسی لا خبرې کولې چې د کنیسا د مشر له کوره یو سړی راغی او یایروس ته یې وویل: «ستا لور مړه شوه، استاد ته نور تکلیف مه ورکوه.»


لوقا 8:50
خو کله چې عیسی دا خبره واورېده، نو یایروس ته یې وویل: «مه وېرېږه، يوازې ایمان ولره او هغه به راژوندۍ شي.»


لوقا 8:51
کله چې عیسی د یایروس کور ته ننوت نو هغه پرته له پطروس، یوحنا، یعقوب او د هغې انجلۍ د مور او پلاره بل هیچا ته اجازه ورنه کړه چې دننه ورسره لاړ شي.


لوقا 8:52
ټولو د هغې انجلۍ دپاره ژړا او انګولا کوله. خو عیسی وویل: «مه ژاړئ، هغه مړه نه ده، هغه خو ویده ده.»


لوقا 8:54
خو عیسی هغه انجلۍ له لاسه ونیوله او ورته نارې یې کړې: «ای انجلۍ! راپاڅېږه.»


لوقا 8:55
هغه بېرته راژوندۍ شوه او سمدلاسه راپاڅېدله. عیسی هغوی ته امر وکړ چې هغې ته یو څه ورکړئ چې ویې خوري.


لوقا 8:56
د هغې مور او پلار ډېر حیران شول، خو عیسی هغوی ته امر وکړ چې د دې پیښې په هکله چا ته څه ونه وایي.


لوقا 9:1
عیسی خپل دولس شاګردان راوغوښتل او هغوی ته یې قدرت او اختیار ورکړ چې پېریان وباسي او د ناروغیو علاج وکړي.


لوقا 9:9
خو هیرودیس وویل: «ما په خپله د یحیی سر پرې کړی دی، نو بیا دا سړی څوک دی چې په هکله یې داسې شیان اورم؟» هیرودیس کوښښ کاوه چې عیسی وویني.


لوقا 9:10
کله چې رسولان بېرته راغلل، نو کوم کارونه چې هغوی کړي وو هغه یې عیسی ته بیان کړل. عیسی هغوی د ځان سره واخیستل او د بیت صیدا په نوم ښار ته یوازې لاړل.


لوقا 9:11
خو خلک خبر شول او ورپسې لاړل. عیسی هغوی ته هرکلی وویلو، د هغوی سره یې د خدای د پادشاهۍ په هکله خبرې وکړې او هغو خلکو ته یې شفا ورکړه چې روغتیا ته یې اړتیا درلوده.


لوقا 9:12
کله چې مازدیګر شو نو هغه دولس شاګردان عیسی ته راغلل او ورته ویې ویل: «دا خلک رخصت کړه چې کلیو او شاوخوا بانډو ته لاړ شي چې ځانونو ته خواړه او د شپې تېرولو دپاره ځای پیدا کړي. دلته هیڅ شی نشته او دا ځای د دښتې په شان دی.»


لوقا 9:13
خو عیسی هغوی ته وویل: «تاسو خپله هغوی ته څه ورکړئ چې ویې خوري.» هغوی وویل: «مونږ سره یوازې پنځه ډوډۍ او دوه ماهيان دي نور هیڅ هم نشته. مګر دا چې مونږ خپله لاړ شو او دې ټولو خلکو ته خواړه واخلو.»


لوقا 9:14
(هلته شاوخوا پنځه زره سړي وو.) عیسی خپلو شاګردانو ته وویل: «هغوی پنځوس پنځوس تنه کښینوئ.»


لوقا 9:16
عیسی هغه پنځه ډوډۍ او دوه ماهيان راواخیستل، پورته آسمان ته یې وکتل او هغو ته یې برکت ورکړ. بیا هغه ډوډۍ ماتې کړې او خپلو شاګردانو ته یې ورکړې چې د خلکو په مخ کې یې کیږدي.


لوقا 9:18
یوه ورځ چې عیسی په یو ګوښه ځای کې دعا کوله او شاګردان یې هم هلته وو، د هغوی څخه یې پوښتنه وکړه: «خلک څه وایي چې زه څوک یم؟»


لوقا 9:20
نو عیسی د هغوی څخه پوښتنه وکړه: «تاسو څه وایئ چې زه څوک یم؟» پطروس په ځواب کې وویل: «ته د خدای مسیح یې.»


لوقا 9:21
بیا عیسی هغوی ته په کلکه حکم وکړ چې په دې هکله چا ته څه ونه وایي


لوقا 9:28
د دې خبرو څخه اته ورځې وروسته عیسی پطروس، یوحنا او یعقوب د ځان سره واخیستل او د دعا دپاره غره ته وختل.


لوقا 9:29
کله چې عیسی دعا کوله نو څېره یې بدله شوه او کالي یې سپین وځلېدل.


لوقا 9:30
ناڅاپه هلته دوه کسان راښکاره شول چې د عیسی سره یې خبرې کولې او هغه موسی او الیاس وو.


لوقا 9:31
هغوی په آسماني شان او شوکت کې راښکاره شول او د عیسی سره یې د خدای د هغه مقصد په هکله چې د هغه په مرګ به په اورشلیم کې پوره شي، خبرې وکړې.


لوقا 9:32
په دې وخت کې پطروس او د هغه ملګري په درانده خوب ویده شوي وو، خو کله چې راویښ شول نو د عیسی جلال او هغه دوه سړي چې ورسره ولاړ وو، ولیدل.


لوقا 9:33
کله چې موسی او الیاس له عیسی څخه تلل نو پطروس عیسی ته وویل: «ای استاده! څومره ښه ده چې مونږ دلته یو. راځئ چې درې خېمې جوړې کړو، یوه تاته، یوه موسی ته او یوه الیاس ته.» خو پطروس نه پوهېده چې څه وایي.


لوقا 9:36
کله چې آواز غلی شو، هغوی ولیدل چې عیسی هلته بلکل یوازې ؤ. شاګردان غلي پاتې شول او څه چې یې لیدلي وو په هغه وخت کې یې د هغو په هکله چا ته څه ونه ویل.


لوقا 9:37
بله ورځ کله چې عیسی د خپلو درې شاګردانو سره د غره څخه راکوز شو نو ډېر خلک راغلل چې د هغه سره وویني.


لوقا 9:41
عیسی ځواب ورکړ: «ای د دې زمانې بې ایمانه او بې لارې خلکو! ترڅو پورې به زه تاسو سره یم او ترڅو پورې به تاسو ته حوصله کوم؟» بیا یې هغه سړي ته وویل: «زوی دې دلته راوله.»


لوقا 9:42
هلک لا راروان ؤ چې پېریانو هغه په ځمکه راګوزار کړ او ویې لړزاوه. عیسی پېریانو ته حکم وکړ چی ترې ووځي او هغه هلک یې روغ کړ او هغه یې بېرته خپل پلار ته وسپاره.


لوقا 9:43
ټول خلک د خدای لویئ ته حیران پاتې شول. عیسی د دوهم ځل دپاره د خپل مرګ په هکله پیشګویي کوي په داسې حال کې چې ټول خلک د عیسی دې کارونو ته حیران پاتې وو هغه خپلو شاګردانو ته وویل:


لوقا 9:47
عیسی پوه شو چې د هغوی په زړونو کې څه ګرځي، نو هغه یو ماشوم راوست او په خپل څنګ کې یې ودراوه


لوقا 9:49
یوحنا عیسی ته وویل: «ای استاده! مونږ یو سړی ولید چې ستا په نوم یې پېریان ویستل خو مونږ هغه د دې کار څخه منع کړ، ځکه چې هغه زمونږ د ډلې څخه نه ؤ.»


لوقا 9:50
عیسی هغه ته وویل: «هغه مه منع کوئ، ځکه څوک چې ستاسو مخالف نه دی هغه ستاسو طرفدار دی.»


لوقا 9:51
کله چې هغه وخت رانږدې شو چې عیسی آسمان ته یووړل شي، نو په ټینګې ارادې سره اورشلیم ته روان شو.


لوقا 9:53
خو د هغه کلي خلکو عیسی قبول نه کړ، ځکه چې دا ښکاره وه چې هغه د اورشلیم خواته روان ؤ.


لوقا 9:55
خو عیسی ورته مخ راواړولو او هغوی یې ورټل.


لوقا 9:57
کله چې هغوی په لاره روان وو، یو سړي عیسی ته وویل: «هرچیرته چې ځې زه به درپسې ځم.»


لوقا 9:58
عیسی هغه ته وویل: «ګیدړان خپل غارونه لري او مرغان ځالې، خو د انسان زوی دومره ځای هم نه لري چې خپل سر ورباندې کیږدي.»


لوقا 9:59
عیسی یو بل سړي ته وویل: «ما پسې راځه.» خو هغه سړی وویل: «ښاغلیه! اجازه راکړه چې لومړی لاړ شم او خپل پلار خاورو ته وسپارم.»


لوقا 9:60
عیسی هغه ته وویل: «پرېږده چې مړي خپل مړي ښخ کړي. ته لاړ شه او د خدای د پادشاهۍ اعلان وکړه.»


لوقا 9:62
عیسی هغه ته وویل: «څوک چې د قلبې کولو په وخت کې شاته ګوري، هغه د خدای د پادشاهۍ وړ نه دی.»


لوقا 10:1
له هغې وروسته عیسی نور دوه اویا شاګردان وټاکل او هغوی یې دوه دوه تنه د خپل ځان نه مخکې هر ښار او کلي ته چې غوښتل یې هلته لاړ شي ولېږل.


لوقا 10:16
عیسی خپلو شاګردانو ته وویل: «څوک چې ستاسو خبرو ته غوږ نیسي، هغوی زما خبرو ته غوږ نیسي. څوک چې تاسې نه قبلوي، هغوی ما نه قبلوي او څوک چې ما نه قبلوي نو هغه څوک نه قبلوي چې زه یې رالېږلی یم.»


لوقا 10:18
عیسی هغوی ته په ځواب کې وویل: «ما ولیدل چې شیطان څنګه لکه د برېښنا په شان له آسمانه راوغورځېد.


لوقا 10:21
په هغه وخت کې عیسی په روح القدس کې خوشحالي وکړه او ویې ویل: «ای پلاره، ای د ځمکې او آسمان څښتنه! زه ستا شکر کوم چې دا خبرې دې د پوهو او هوښیارو خلکو څخه پټې کړې او ناپوهو خلکو ته دې ښکاره کړي دي. هو پلاره، دا ستا رضا وه.


لوقا 10:23
کله چې هغوی یوازې وو نو عیسی هغوی ته مخ راواړولو او ورته ویې ویل: «بختورې دي هغه سترګې چې هغه څه ویني چې تاسو یې وینئ.


لوقا 10:25
یوه ورځ د شریعت یو عالم راغی او د عیسی څخه یې د ازمایښت دپاره یو سوال وکړ: «استاده! زه باید څه وکړم چې تلپاتې ژوندون وګټم؟»


لوقا 10:26
عیسی هغه ته ځواب ورکړ: «په شریعت کې یې څه لیکلي دي؟ هغه څنګه تعبیروې؟»


لوقا 10:28
عیسی ورته وویل: «تا سم ځواب ورکړ. همداسې کوه نو ته به ژوندی اوسې.»


لوقا 10:29
خو د دې دپاره چې د شریعت عالم دا وښایي چې هغه په حقه دی نو د عیسی څخه یې پوښتنه وکړه: «زما ګاونډی څوک دی؟»


لوقا 10:30
عیسی داسې ځواب ورکړ: «په یو وخت کې یو سړی د اورشلیم څخه اریحا ته روان ؤ چې په لاره کې داړه مارانو ته په لاس ورغی. غلو هغه سړی لوڅ کړ، ویې واهه او د مرګ په حالت کې یې پرېښود او لاړل.


لوقا 10:36
بیا عیسی پوښتنه وکړه: «اوس څه فکر کوې چې په دې درې واړو کې د هغه سړي چې د داړه مارانو لاس ته ورغلی ؤ، ګاونډی څوک دی؟»


لوقا 10:37
د شریعت عالم ځواب ورکړ: «هغه څوک چې په هغه باندې یې رحم وکړ.» عیسی ورته وویل: «لاړ شه او ته هم همداسې کوه.»


لوقا 10:38
کله چې عیسی او شاګردان یې په خپله لاره روان شول، هغوی یو کلي ته ورسېدل او هلته یوې ښځې چې مرتا نومیدله عیسی په خپل کور کې میلمه کړ.


لوقا 10:39
هغې د مریم په نوم یوه خور درلودله، هغه راغله او د عیسی پښو ته کښیناستله او د هغه خبرو ته یې غوږ نیولی ؤ.


لوقا 10:40
مرتا د ډېرو کارونو له لاسه ستړې او پرېشانه شوه نو عیسی ته راغله او ورته ویې ویل: «ای استاده! ستا دې ته پام نه دی چې ټول کارونه زه کوم او خور مې راسره مرسته نه کوي؟ هغې ته ووایه چې راشي او مرسته راسره وکړي.»


لوقا 10:41
عیسی هغې ته ځواب ورکړ: «مرتا، مرتا! ته د ډېرو شیانو دپاره اندیښنه کوې او ناآرامه یې،


لوقا 11:1
یوه ورځ عیسی په یو ځای کې دعا کوله. کله چې هغه خپله دعا خلاصه کړه نو د شاګردانو څخه یو تن هغه ته وویل: «ای استاده! لکه څنګه چې یحیی خپلو شاګردانو ته دعا کول زده کړي وو، ته یې هم مونږ ته رازده کړه.»


لوقا 11:2
عیسی هغوی ته وویل: «کله چې تاسو دعا کوئ نو داسې ووایئ: ای آسماني پلاره! ستا نوم دې پاک وي، ستا پادشاهي دې راشي.


لوقا 11:5
بیا عیسی خپلو شاګردانو ته وویل: «فرض کړئ ستاسو څخه کوم یو دوست ولري او په نیمه شپه کې د هغه دوست کور ته ورشي او ورته ووایي: «ای دوسته! ماته درې ډوډۍ په پور راکړه.


لوقا 11:14
عیسی د یو داسې سړي څخه پیری وویست چې ګونګی ؤ او کله چې هغه پیری ووت نو هغه ګونګي سړي په خبرو پیل وکړ او خلک حیران شول.


لوقا 11:16
نورو د ازمایښت په ډول د عیسی څخه آسماني معجزه وغوښتله،


لوقا 11:17
خو عیسی د هغوی په خیالونو پوهېده، نو هغوی ته یې وویل: «هره پادشاهي چې په خپل منځ کې ووېشل شي هغه له منځه ځي. په هره کورنۍ کې چې بې اتفاقي رامنځته شي نو هغه کورنۍ ټوټې ټوټې کیږي.


لوقا 11:27
کله چې عیسی دا خبرې کولې، د خلکو له منځ څخه یوې ښځې په لوړ آواز هغه ته وویل: «بختوره ده هغه ښځه چې ته ورڅخه پیدا شوی یې او تاته یې شیدې درکړي دي.»


لوقا 11:28
خو عیسی ځواب ورکړ: «هو، لیکن هغه څوک بختور دی چې د خدای کلام اوري او عمل ورباندې کوي.»


لوقا 11:29
کله چې د عیسی په شاوخوا ډېر خلک راغونډ شول، هغه داسې وویل: «د دې زمانې خلک څومره بدکاره دي. هغوی معجزه غواړي، خو یواځینۍ معجزه چې هغوی ته به وښودل شي هغه د یونس پیغمبر معجزه ده.


لوقا 11:37
کله چې عیسی خپلې خبرې خلاصې کړې، نو یو فریسي هغه ته د ډوډۍ دپاره بلنه ورکړه. عیسی د هغه کور ته ورغی او دسترخوان ته کښېناست.


لوقا 11:38
کله چې فریسي ولیدل چې عیسی له خوراک څخه مخکې لاسونه ونه وینځل، نو حیران شو.


لوقا 11:39
عیسی هغه ته وویل: «تاسو فریسیان د خپلو پیالو او قابونو باندینۍ برخې پاکوئ، خو ستاسو زړونه د حرص او بدیو څخه ډک دي.


لوقا 11:45
د شریعت د عالمانو څخه یو تن عیسی ته په ځواب کې وویل: «استاده! کله چې داسې خبرې کوې نو زمونږ سپکاوی کوې.»


لوقا 11:46
عیسی ځواب ورکړ: «ای د شریعت عالمانو! ستاسو په حال دې هم افسوس وي. تاسو خلکو ته داسې بارونه ورپه شا کوئ چې په سختۍ سره یې وړي، خو خپله ورته ګوتې هم نه وروړئ.


لوقا 11:53
کله چې عیسی له هغه کوره ووت، د شریعت عالمانو او فریسیانو د هغه سره ډېر سخت مخالفت پیل کړ او د ډېرو شیانو په هکله یې ورڅخه سختې پوښتنې کولې.


لوقا 12:1
په دې وخت کې په زرګونو خلک راټول شول، او دومره زیات وو چې یو او بل یې تر پښو لاندې کول، نو عیسی لومړی خپلو شاګردانو ته خبرې پیل کړې: «د فریسیانو د خمیرې یعنې د هغوی د منافقت څخه ځانونه ساتئ.


لوقا 12:8
عیسی زیاته کړه: «زه تاسو ته وایم هرڅوک چې د خلکو په مخکې په دې اقرار وکړي چې هغه زما د پیروانو څخه دی، نو د انسان زوی به هم د خدای د فرښتو په مخکې اقرار وکړي چې هغه زما د پیروانو څخه دی.


لوقا 12:13
د ګڼې ګوڼې له منځ څخه یو سړي عیسی ته وویل: «استاده! زما ورور ته ووایه چې زمونږ د پلار میراث زما سره ووېشي.»


لوقا 12:14
عیسی هغه ته ځواب ورکړ: «ای وروره! زه چا ستاسو ترمنځ قاضي ټاکلی یم چې ستاسو میراث ووېشم؟»


لوقا 12:16
بیا عیسی هغوی ته دا مثال راوړ: «یو شتمن سړی ؤ چې ځمکه یې لرله او هغې ځمکې ښه حاصل ورکړ.


لوقا 12:22
بیا عیسی خپلو شاګردانو ته وویل: «نو تاسو ته وایم چې د خپل ژوند په هکله دا اندیښنه مه کوئ چې څه شی به خورئ او هم د خپل بدن په خاطر چې څه به اغوندئ.


لوقا 12:42
عیسی ځواب ورکړ: «نو هغه وفادار او هوښیار نوکر څوک دی چې بادار یې د خپلو نوکرانو په سر وټاکي تر څو په خپل وخت هغوی ته خپله برخه خواړه ورکړي؟


لوقا 12:49
عیسی زیاته کړه: «زه د دې دپاره راغلی یم چې په ځمکه اور ولګوم او کاشکې دا اور لا پخوا لګیدلی وای.


لوقا 12:54
همدارنګه عیسی خلکو ته وویل: «کله چې تاسو ووینئ چې ورېځې د لمر پرېواته له خوا راپورته کیږي، نو سمدستي وایئ چې باران به وشي او همداسې کیږي.


لوقا 13:1
په همدې وخت کې په هغه ځای کې ځینو حاضرینو عیسی د هغو جلیلیانو څخه خبر کړ چې پیلاتوس هغه وخت ووژل چې خدای ته یې قرباني وړاندې کوله.


لوقا 13:2
عیسی هغوی ته په ځواب کې وویل: «آیا ګومان کوئ چې دغه جلیلیان د جلیل له ټولو نورو اوسیدونکو څخه ډېر ګناهکاران وو چې په دې ډول ووژل شول؟


لوقا 13:6
بیا عیسی هغوی ته دا مثال راوړ: «یو سړي خپل د انګورو په باغ کې د انځرو یوه ونه کینولې وه. کله چې راغی چې انځران راټول کړي خو هیڅ یې په کې پیدا نه کړل.


لوقا 13:10
د سبت په یوه ورځ عیسی په کنیسا کې تعلیم ورکاوه.


لوقا 13:12
کله چې عیسی هغه ښځه ولیدله نو هغه یې راوغوښتله او ورته ویې ویل: «ای خورې! ته د خپلې ناروغۍ څخه خلاصه شوې.»


لوقا 13:14
خو د کنیسا مشر د عیسی په دې کار چې د سبت په ورځ یې ناروغ ته شفا ورکړې وه په قهر شو او خلکو ته یې وویل: «په هفته کې شپږ ورځې دي چې باید کار وشي، نو په همدې ورځو کې راځئ او شفا مومئ، خو د سبت په ورځ نه.»


لوقا 13:15
خو عیسی هغه ته ځواب ورکړ: «ای منافقانو! آیا تاسو هر یو د سبت په ورځ خپل غویی یا خر د آخور څخه نه ایله کوئ او د اوبو دپاره یې نه بیایئ؟


لوقا 13:17
د عیسی په دې خبرو د هغه مخالفین خجالته شول، خو خلک د هغه په دې حیرانوونکي کارونو چې کول یې خوشحاله شول.


لوقا 13:18
بیا عیسی پوښتنه وکړه: «د خدای پادشاهي د څه شي په شان ده او هغه د څه شي سره مقایسه کړم؟


لوقا 13:20
عیسی یو ځل بیا پوښتنه وکړه: «د خدای پادشاهي د څه شي سره مقایسه کړم؟


لوقا 13:22
عیسی اورشلیم ته روان ؤ او په لاره یې په ښارونو او کلیو کې خلکو ته تعلیم ورکاوه.


لوقا 13:23
یو چا ورڅخه پوښتنه وکړه: «استاده! آیا یوازې لږ خلک به خلاصون ومومي؟» عیسی ځواب ورکړ:


لوقا 13:31
په هماغه وخت کې یو څو فریسیان عیسی ته راغلل او ورته ویې ویل: «دا ځای پرېږده او کوم بل ځای ته لاړ شه، ځکه چې هیرودیس غواړي تا ووژني.»


لوقا 13:32
عیسی هغوی ته وویل: «لاړ شئ او هغه ګیدړ ته ووایئ چې زه نن او سبا پېریان وباسم او خلک روغوم او په دریمه ورځ به خپل کار پای ته ورسوم.


لوقا 14:1
د سبت په یوه ورځ عیسی د ډوډۍ خوړلو دپاره د فریسیانو د ډلې د یو مشر کور ته لاړ او هلته خلکو په ځیر هغه ته کتل.


لوقا 14:2
هلته عیسی ته مخامخ یو سړی ولاړ ؤ چې د پړسوب په ناروغۍ اخته ؤ.


لوقا 14:3
عیسی د شریعت د عالمانو او فریسیانو څخه پوښتنه وکړه: «آیا د سبت په ورځ د ناروغانو روغول روا دي که نه؟»


لوقا 14:4
خو هغوی غلي پاتې شول. نو عیسی هغه سړی له لاسه ونیوه، هغه یې روغ کړ او رخصت یې کړ.


لوقا 14:5
بیا عیسی د هغوی څخه پوښتنه وکړه: «که چېرې د سبت په ورځ په تاسو کې د کوم چا زوی یا غویی په څاه کې ولویږي نو آیا هغه به یې سمدلاسه راونه باسي؟»


لوقا 14:7
کله چې عیسی ولیدل چې ځینو میلمنو کوښښ کاوه د ځانونو دپاره تر ټولو ښه ځایونه ونیسي، نو هغوی ته یې دا مثال راوړ:


لوقا 14:12
بیا عیسی خپل کوربه ته وویل: «کله چې د غرمې یا د ماښام ډوډۍ دپاره څوک راغواړې نو خپلو ملګرو یا خپلو ورونو یا خپلوانو یا خپلو شتمنو ګاونډیانو ته بلنه مه ورکوه، ځکه چې هغوی به هم بېرته تاته بلنه درکړي نو په دې ډول به ستا بدل پوره کړي.


لوقا 14:15
کله چې د حاضرو خلکو څخه یو تن چې په دسترخوان ورسره ناست ؤ دا واورېدل نو عیسی ته یې وویل: «بختور دي هغه خلک چې د خدای په پادشاهۍ کې به په میلمستیا کې کښېني.»


لوقا 14:16
عیسی هغه ته وویل: «یو سړي یوه لویه میلمستیا جوړه کړه او ډېر خلک یې راوبلل.


لوقا 14:25
یوځل چې د خلکو یوه لویه ډله د عیسی سره روانه وه، عیسی هغوی ته مخ راواړاوه او ورته ویې ویل:


لوقا 15:1
په دې وخت کې ډېر مالیه ټولوونکي او ګناهکاران عیسی ته ورنږدې شول چې د هغه خبرې واوري.


لوقا 15:3
نو عیسی هغوی ته دا مثال راوړ:


لوقا 15:11
بیا عیسی وویل: «یو سړي دوه زامن لرل،


لوقا 16:1
عیسی خپلو شاګردانو ته وویل: «یو شتمن سړي یو ناظر درلود. دا سړی خبر شو چې ناظر د هغه شتمني بیځایه لګوي.


لوقا 16:9
عیسی زیاته کړه: «زه تاسو ته وایم چې په خپلې دنیاوي شتمنۍ د نورو سره مرسته وکړئ چې خپلو ځانونو ته دوستان پیدا کړئ، نو کله چې هغه شتمني خلاصه شي تاسو ته به په تلپاتې کورونو کې ځای درکړل شي.


لوقا 16:14
فریسیانو چې دا خبرې واورېدلې نو په عیسی باندې یې ملنډې ووهلې، ځکه چې هغوی د پیسو سره مینه لرله.


لوقا 16:15
عیسی هغوی ته وویل: «تاسو داسې خلک یئ چې خپل ځانونه د نورو په مخکې رښتیني ښکاره کوئ، خو خدای ستاسو زړونه ښه پېژني. ځکه کوم شیان چې د انسانانو په نظر کې ډېر ارزښت لري خدای هغه بد ګڼي.


لوقا 16:19
عیسی وویل: «یو شتمن سړی ؤ چې هره ورځ به یې تر ټولو قیمتي کالي اغوستل او په عیش او عشرت کې یې ژوند تېراوه.


لوقا 17:1
عیسی خپلو شاګردانو ته وویل: «هر څوک وسوسه کیږي، خو افسوس د هغه چا په حال چې د وسوسو د رامنځته کیدو سبب کیږي.


لوقا 17:5
رسولانو عیسی ته وویل: «زمونږ ایمان قوي کړه.»


لوقا 17:6
عیسی وویل: «که چېرې تاسو د شړشمو د دانې په اندازه ایمان لرلی، نو تاسو کولای شول د توت دې ونې ته ووایئ چې له بیخه راووځه او په دریاب کې راشنه شه.» نو هغې به ستاسو خبره منلې وای.


لوقا 17:11
کله چې عیسی اورشلیم ته تللو نو د جلیل او سامریې ترمنځ په پوله تېر شو.


لوقا 17:13
او په لوړ آواز یې نارې کړې: «ای عیسی باداره! په مونږ رحم وکړه.»


لوقا 17:14
عیسی هغوی ته وکتل او ورته ویې ویل: «لاړ شئ او خپل ځانونه کاهنانو ته وښایئ.» څنګه چې هغوی روان شول نو پاک او روغ شول.


لوقا 17:16
هغه د عیسی په پښو کې پرېوت او د هغه څخه یې مننه وکړه. دا سړی یو سامري ؤ.


لوقا 17:17
عیسی وویل: «آیا ټول لس تنه پاک او روغ نه شول؟ نو بیا هغه نور نهه تنه چېرته دي؟


لوقا 17:19
عیسی هغه سړي ته وویل: «پاڅېږه او لاړ شه، خپل ایمان ته روغ کړې.»


لوقا 17:20
ځینو فریسیانو د عیسی څخه پوښتنه وکړه چې د خدای پادشاهي به کله راشي. عیسی ځواب ورکړ: «د خدای پادشاهي په داسې ډول نه راځي چې هغه ولیدل شي.


لوقا 17:37
شاګردانو د هغه څخه پوښتنه وکړه: «چېرته، ای استاده؟» عیسی ورته ځواب ورکړ: «چېرته چې مرداره وي، هلته ټپوسان راټولیږي.»


لوقا 18:1
عیسی خپلو شاګردانو ته دا مثال راوړ چې هغوی ته وروښایي چې تل باید دعا وکړي او هیڅکله ناامیده نه شئ.


لوقا 18:6
بیا عیسی وویل: «تاسو واورېدل چې دې بې انصافه قاضي څه وویل.


لوقا 18:9
همدارنګه عیسی د هغو خلکو دپاره چې په خپل ځان ډاډمن وو چې نېک خلک دي او نور یې سپک ګڼل، دا مثال راوړ:


لوقا 18:14
عیسی وویل: «زه تاسو ته وایم چې هغه مالیه ټولوونکی چې خپل کور ته لاړ بخښل شوی دی، نه هغه فریسي. ځکه هرڅوک چې خپل ځان لوی ګڼي هغه به خوار شي او هرڅوک چې خپل ځان عاجز کړي نو هغه به سرلوړی شي.»


لوقا 18:15
ځینو خلکو به عیسی ته خپل ماشومان راوستل چې خپل لاس په هغوی باندې کیږدي. کله چې شاګردانو دا ولیدل نو هغوی یې ورټل،


لوقا 18:16
خو عیسی هغه ماشومان خپل ځان ته راوغوښتل او ویې ویل: «پرېږدئ چې ماشومان ماته راشي، هغوی مه منع کوئ، ځکه چې د خدای پادشاهي د همداسې خلکو ده.


لوقا 18:18
یو یهودي مشر د عیسی څخه پوښتنه وکړه: «ای نېک استاده! زه باید څه وکړم چې تلپاتې ژوندون وګټم؟»


لوقا 18:19
عیسی ورته وویل: «ولې ماته نېک وایې؟ پرته له خدایه بل هیڅوک نېک نه دی.


لوقا 18:22
کله چې عیسی دا واورېدل نو هغه ته یې وویل: «په تا کې اوس هم د یو شي کمی شته. هرڅه چې لرې هغه خرڅ کړه او پیسې یې غریبانو ته ورکړه نو ته به په آسمان کې خزانې ولرې، بیا راشه او زما پیروي وکړه.»


لوقا 18:24
کله چې عیسی ولیدل چې هغه غمجن شو نو ویې ویل: «د یو شتمن سړي دپاره د خدای په پادشاهۍ کې ننوتل څومره ګران کار دی.


لوقا 18:27
عیسی ځواب ورکړ: «هغه څه چې د انسانانو دپاره ناشوني دي، هغه د خدای دپاره ممکن دي.»


لوقا 18:29
عیسی هغوی ته وویل: «هو، زه تاسو ته رښتیا وایم هرڅوک چې د خدای د پادشاهۍ دپاره خپل کور، خپله ښځه، ورونه، مور او پلار او اولادونه پرېږدي،


لوقا 18:34
خو شاګردان په دې خبرو پوه نه شول، ځکه چې د دې خبرو معنی د هغوی څخه پټه ساتل شوې وه او هغوی نه پوهېدل چې عیسی د څه شي په هکله خبرې کولې.


لوقا 18:35
کله چې عیسی اریحا ته نږدې شو، نو یو ړوند سړی په لاره کې ناست ؤ او خیر یې غوښته.


لوقا 18:37
هغوی ورته وویل: «ناصري عیسی په دې لاره تېریږي.»


لوقا 18:38
نو هغه چیغې ووهلې: «ای عیسی د داود زویه! په ما رحم وکړه.»


لوقا 18:39
کوم خلک چې د عیسی څخه مخکې روان وو هغه سړی ورټلو او ورته ویې ویل: «غلی شه.» خو هغه نور هم په لوړ آواز چیغې کړې: «ای د داود زویه! په ما رحم وکړه.»


لوقا 18:40
نو عیسی ودرېد او امر یې وکړ چې هغه سړی هغه ته راولي. کله چې ورنږدې شو نو عیسی ورڅخه پوښتنه وکړه:


لوقا 18:42
عیسی هغه ته وویل: «بینا شه، ته خپل ایمان روغ کړې.»


لوقا 18:43
او هغه سمدلاسه بینا شو او په داسې حال کې چې د خدای ثناه یې ویله په عیسی پسې روان شو. کله چې خلکو دا هرڅه ولیدل نو ټولو د خدای ثناه وویله.


لوقا 19:1
عیسی اریحا ته ننوت او د ښار له منځه تېرېده،


لوقا 19:3
هغه غوښتل وګوري چې عیسی به څنګه سړی وي، خو د هغه قد ډېر ټیټ ؤ او د خلکو د ګڼې ګوڼې له امله یې نه شو کولی هغه وویني.


لوقا 19:4
نو مخکې یې منډه کړه او د چنار ونې ته وخوت ترڅو عیسی وویني ځکه چې هغه په هغه لاره تېرېده.


لوقا 19:5
کله چې عیسی هغه ځای ته ورسېد نو پورته یې وکتل او زکي ته یې وویل: «ای زکي! ژر راکوز شه، ځکه چې زه باید نن ستا په کور کې میلمه شم.»


لوقا 19:8
خو زکي ودرېد او عیسی ته یې وویل: «وګوره ښاغلیه! زه مې خپله نیمه شتمني غریبانو ته ورکوم او که د چا څخه مې په ناحقه کوم څه اخیستي وي نو څلور چنده ورته بېرته ورکوم.»


لوقا 19:9
بیا عیسی وویل: «نن دې کور ته خلاصون راغلی دی ځکه چې دا سړی هم د ابراهیم د اولادې څخه دی.


لوقا 19:11
هغوی د عیسی خبرو ته غوږ نیولی ؤ چې هغه ورته یو بل مثال هم راوړ، ځکه چې هغه اورشلیم ته نږدې ؤ او هغوی ګمان کاوه چې د خدای پادشاهي به همدا اوس راښکاره شي.


لوقا 19:12
عیسی وویل: «د یوې لویې کورنۍ یو سړی یو لیرې هېواد ته په سفر لاړ چې د پادشاهۍ مقام ترلاسه کړي او بېرته خپل وطن ته راشي.


لوقا 19:28
کله چې عیسی دا خبرې وکړې نو د خپلو شاګردانو څخه مخکې شو او د اورشلیم په لور روان شو.


لوقا 19:32
هغوی لاړل او لکه څنګه چې عیسی ورته ویلي وو هرڅه یې هماغه شان ولیدل.


لوقا 19:35
او هغوی هغه کوټی عیسی ته راووست، خپلې چپنې یې ورباندې واچولې او عیسی یې ورباندې سپور کړ.


لوقا 19:37
کله چې عیسی هغې لارې ته نږدې شو چې د زیتون د غره څخه راکوزه شوې وه، نو ټولو پیروانو یې په خوشحالۍ او لوړ آواز سره د هغو معجزو په خاطر چې هغوی لیدلې وې د خدای د ثناه په ویلو پیل وکړ.


لوقا 19:39
د خلکو له منځ څخه ځینو فریسیانو عیسی ته وویل: «استاده! خپلو شاګردانو ته ووایه چې غلي شي.»


لوقا 19:40
عیسی ځواب ورکړ: «زه تاسو ته وایم که هغوی غلي شي نو تیږې به په چیغو پیل وکړي.»


لوقا 19:41
کله چې عیسی اورشلیم ته نږدې شو او ښار یې ولید نو ورته په ژړا شو


لوقا 19:45
کله چې عیسی د خدای کور ته ننوت نو د هغو خلکو په ویستلو یې پیل وکړ چې هلته یې شیان خرڅول.


لوقا 19:47
عیسی هره ورځ د خدای په کور کې تعلیم ورکاوه. خو مشرانو کاهنانو، د شریعت عالمانو او قومي مشرانو هڅه کوله چې هغه ووژني،


لوقا 20:1
یوه ورځ کله چې عیسی د خدای په کور کې خلکو ته تعلیم ورکاوه او زېری یې ورته اعلانولو، مشران کاهنان او د شریعت عالمان د نورو یهودي مشرانو سره راغلل


لوقا 20:3
عیسی هغوی ته ځواب ورکړ: «زه هم ستاسو څخه یوه پوښتنه کوم، ما ته ووایئ چې


لوقا 20:8
عیسی هغوی ته وویل: «زه هم تاسو ته نه وایم چې په کوم اختیار دا کارونه کوم.»


لوقا 20:9
بیا عیسی خلکو ته دا مثال راوړ: «یو سړي د انګورو باغ جوړ کړ او هغه یې باغوانانو ته په اجاره ورکړ او په خپله د اوږدې مودې دپاره یو بل وطن ته لاړ.


لوقا 20:15
نو هغه یې د انګورو د باغ څخه دباندې وویست او ویې واژه.» عیسی پوښتنه وکړه: «اوس به د باغ خاوند د هغوی سره څه کوي؟


لوقا 20:17
عیسی هغوی ته وکتل او پوښتنه یې وکړه: «نو بیا د زبور د کتاب د دې برخې معنی څه ده؟ «کومه تیږه چې ګلکارانو ایسته وغورځوله، هغه د ودانۍ د تهداب اصلي تیږه شوه.»


لوقا 20:19
د شریعت عالمانو او مشرانو کاهنانو غوښتل چې په هماغه ساعت عیسی ونیسي، ځکه چې هغوی پوه شول چې دا مثال یې د دوی په هکله وویلو، خو د خلکو څخه وېرېدل.


لوقا 20:20
بیا هغوی د فرصت په لټه کې وو او ځینې جاسوسان یې چې خپل ځانونه یې صادقان ښودل ولېږل، تر څو عیسی په خپلو خبرو کې راونیسي او هغه د روم والي ته چې د قدرت او واک خاوند دی وسپاري.


لوقا 20:21
جاسوسانو عیسی ته وویل: «استاده! مونږ پوهېږو ته چې څه وایې او کوم تعلیم چې ورکوې هغه صحيح دی. ته د هیچا پلوي نه کوې بلکې په رښتینولۍ سره د خدای د لارې تعلیم ورکوې.


لوقا 20:23
عیسی پوه شو چې هغوی ورسره چل کوي نو ورته ویې ویل:


لوقا 20:25
عیسی وویل: «نو بیا څه چې د امپراتور دي هغه امپراتور ته ورکړئ او څه چې د خدای دي هغه خدای ته ورکړئ.»


لوقا 20:26
هغوی ونه شو کولی چې عیسی د خلکو په مخکې په خپلو خبرو کې راونیسي او د هغه په ځواب حیران شول نو غلي پاتې شول.


لوقا 20:27
بیا ځینې صدوقیان چې د مرګ څخه وروسته د بیا راژوندي کیدو څخه منکر وو، عیسی ته راغلل او د هغه څخه یې یو سوال وکړ:


لوقا 20:34
عیسی ځواب ورکړ: «په دې دنیا کې نر او ښځې وادونه کوي،


لوقا 20:41
بیا عیسی د هغوی څخه پوښتنه وکړه: «هغوی څنګه ویلی شي چې مسیح د داود زوی دی؟


لوقا 20:45
په داسې حال کې چې ټولو خلکو د عیسی خبرو ته غوږ نیولی ؤ، خپلو شاګردانو ته یې وویل:


لوقا 21:1
عیسی شاوخوا وکتل او ویې لیدل چې شتمن خلک خپلې نذرانې د خدای د کور په خزانه کې اچوي،


لوقا 21:3
عیسی وویل: «زه تاسو ته دا وایم چې دې غریبې کونډې د نورو ټولو څخه زیاتې پیسې واچولې،


لوقا 21:5
ځینو شاګردانو د خدای د کور په هکله خبرې کولې او د هغو ښکلو تیږو او سوغاتونو صفتونه یې کول چې د خدای کور ورباندې ښکلی شوی ؤ. عیسی وویل:


لوقا 21:8
عیسی وویل: «پام کوئ چې بې لارې نه شئ. ځکه چې ډېر به زما په نوم راشي او وایي به چې زه مسیح یم! او هغه وخت رارسېدلی دی‎. خو د هغوی پسې مه ځئ.


لوقا 21:29
بیا عیسی هغوی ته دا مثال راوړ: «د انځر ونې او نورو ونو ته وګورئ.


لوقا 21:37
عیسی به د ورځې له خوا د خدای په کور کې تعلیم ورکاوه، ماښام به وتلو او شپه به یې د زیتون په غره کې تېروله


لوقا 22:2
مشرانو کاهنانو او د شریعت عالمانو هڅه کوله چې یوه لاره پیدا کړي چې عیسی ووژني، خو له خلکو څخه وېرېدل.


لوقا 22:4
یهودا لاړ او د مشرانو کاهنانو او د خدای د کور د ساتونکو د آمرانو سره یې په دې هکله خبرې وکړې چې څنکه عیسی هغوی ته وسپاري.


لوقا 22:6
نو یهودا ورسره ومنله او د یو ښه فرصت په لټه کې شو چې کله د عیسی شاوخوا ته خلک نه وي هغوی ته یې وسپاري.


لوقا 22:8
نو عیسی پطروس او یوحنا ولېږل او ورته ویې ویل: «لاړ شئ او زمونږ دپاره د فسحې ډوډۍ تیاره کړئ چې ویې خورو.»


لوقا 22:13
هغوی لاړل او هغه شیان یې لکه څنګه چې عیسی ورته ویلي وو په هماغه ډول ولیدل او د فسحې ډوډۍ یې تیاره کړه.


لوقا 22:14
کله چې هغه ساعت راورسېد، عیسی د خپلو رسولانو سره دسترخوان ته کښېناست.


لوقا 22:17
بیا عیسی پیاله راواخیسته، شکر یې وویست او ویې ویل: «دا واخلئ او په خپل منځ کې یې ووېشئ.


لوقا 22:25
عیسی هغوی ته وویل: «د غیریهودیانو پادشاهان په خپلو خلکو باداري کوي او واکمنان د خلکو خیرخواه ګڼل کیږي.


لوقا 22:31
عیسی وویل: «ای شمعونه، ای شمعونه! واوره، شیطان وغوښتل چې تاسو ټول وازمایي، ښه او بد سره بیل کړي لکه څنګه چې دهقان د غنمو څخه بوس جلا کوي.


لوقا 22:34
عیسی وویل: «ای پطروسه! زه تاته وایم چې نن شپه به د چرګ د آذان څخه مخکې درې ځلې ووایې چې ته ما نه پېژنې.»


لوقا 22:35
عیسی د هغوی څخه پوښتنه وکړه: «کله چې ما تاسو بې څپلیو، بې د پیسو له کڅوړې او بې خورجینه ولېږلئ، آیا په هغه وخت کې تاسو سره د کوم شي کمی ؤ؟» هغوی ځواب ورکړ: «نه.»


لوقا 22:36
عیسی وویل: «خو اوس هر څوک چې د پیسو کڅوړه لري هغه دې د ځان سره واخلي او همدارنګه خپله خورجینه هم. او د هر چا سره چې توره نه وي نو خپله چپنه دې خرڅه کړي او یوه توره دې واخلي.


لوقا 22:38
شاګردانو وویل: «ګوره استاده! زمونږ سره دلته دوه تورې دي.» عیسی ځواب ورکړ: «دا بس دي.»


لوقا 22:39
عیسی دباندې ووت او د خپل عادت له مخې د زیتون غره ته روان شو او شاګردان یې هم ورپسې لاړل.


لوقا 22:41
بیا عیسی د هغوی څخه یو څو ګامه لیرې لاړ، په ګونډو شو او دعا یې وکړه.


لوقا 22:44
عیسی په ډېر سخت حالت کې ؤ او په ډېر جوش سره یې دعا وکړه او خولې یې د وینو د څاڅکو په شان په ځمکه باندې څڅېدلې.


لوقا 22:45
کله چې عیسی د دعا څخه راپاڅېده، نو شاګردانو ته راغی او ویې لیدل چې هغوی له غمه ستومانه او ویده شوي وو.


لوقا 22:47
عیسی لا خبرې کولې چې یوه ډله راغله او یهودا چې د هغو دولسو رسولانو څخه ؤ، د هغوی څخه مخکې روان ؤ. هغه عیسی ته ورنږدې شو چې ښکل یې کړي.


لوقا 22:48
خو عیسی وویل: «ای یهودا! آیا په ښکلولو سره د انسان زوی دښمنانو ته په لاس ورکوې؟»


لوقا 22:49
کله چې د عیسی شاګردانو ولیدل چې څه کیږي، نو ویې ویل: «استاده! آیا په تورو یې ووهو؟»


لوقا 22:51
خو عیسی وویل: «بس یې دی.» عیسی د هغه سړي په غوږ باندې خپل لاس کېښود او هغه یې روغ کړ.


لوقا 22:52
بیا عیسی مشرانو کاهنانو، د خدای د کور د ساتونکو آمرانو او نورو قومي مشرانو ته چې د هغه د نیولو دپاره راغلي وو، وویل: «آیا زه کوم داړه مار یم چې د تورو او کوتکونو سره زما د نیولو دپاره راغلي یئ؟


لوقا 22:54
هغوی عیسی ونیوه او د لوی کاهن کور ته یې بوتلو او پطروس له لیرې ورپسې روان ؤ.


لوقا 22:56
په داسې حال کې چې هغه د اور رڼا ته ناست ؤ یوې وینځې هغه ولید، نو په ځير ځیر یې ورته وکتل او ویې ویل: «دا سړی هم د عیسی سره ؤ.»


لوقا 22:59
شاوخوا یو ساعت وروسته یو بل سړي تایید کړه او ویې وویل: «په دې کې هیڅ شک نشته چې دا سړی هم د عیسی سره ؤ، ځکه چې هغه هم جلیلي دی.»


لوقا 22:61
عیسی مخ راواړاوه او پطروس ته یې وکتل او پطروس ته د عیسی خبرې ورپه یاد شوې چې هغه ته یې ویلي وو: «نن شپه به د چرګ د آذان څخه مخکې درې ځلې ووایې چې ته ما نه پېژنې.»


لوقا 22:63
کومو خلکو چې د عیسی ساتنه کوله په هغه باندې ملنډې ووهلې او ویې واهه.


لوقا 22:66
کله چې ورځ شوه نو قومي مشران، د کاهنانو مشران او د شریعت عالمان سره راټول شول او عیسی یې خپلې شورا ته راوست.


لوقا 22:70
هغوی ټولو وویل: «نو بیا ته د خدای زوی یې؟» عیسی ځواب ورکړ: «تاسو خپله وایئ چې زه یم.»


لوقا 23:1
بیا د شورا ټول غړي پاڅېدل او عیسی یې پیلاتوس ته بوتلو


لوقا 23:3
پیلاتوس د هغه څخه پوښتنه وکړه: «آیا ته د یهودیانو پادشاه یې؟» عیسی ځواب ورکړ: «ته په خپله وایې.»


لوقا 23:7
کله چې هغه خبر شو چې عیسی د هغې سیمې څخه دی چې د هیرودیس تر واکمنۍ لاندې ده نو هغه یې هیرودیس ته چې په هغه وخت کې په اورشلیم کې ؤ، ولېږه.


لوقا 23:8
کله چې هیرودیس عیسی ولید نو ډېر خوشحاله شو، ځکه چې د هغه په هکله یې ډېر څه اوریدلي وو او له ډېرې مودې راهیسې یې غوښتل چې عیسی وویني. هغه په دې تمه ؤ چې د هغه څخه کومه معجزه وویني.


لوقا 23:9
نو هیرودیس د عیسی څخه ډېرې پوښتنې وکړې، خو عیسی هیڅ ځواب ورنه کړ.


لوقا 23:10
مشران کاهنان او د شریعت عالمان ولاړ وو او په عیسی یې سخت تورونه ولګول.


لوقا 23:11
هیرودیس او د هغه عسکرو په عیسی باندې ملنډې ووهلې او د هغه سپکاوی یې وکړ، بیا یې د پادشاهۍ چپنه ورته ورواغوستله او بېرته یې پیلاتوس ته ورولېږه.


لوقا 23:20
پیلاتوس چې غوښتل یې عیسی خلاص کړي یوځل بیا هغوی ته خبرې وکړې.


لوقا 23:25
نو پیلاتوس د هغوی د غوښتنې سره سم باراباس چې د بغاوت او قتل له امله زنداني شوی ؤ د زندان څخه خلاص کړ او عیسی یې هغوی ته په لاس ورکړ چې هرڅه وغواړي ورسره ویې کړي.


لوقا 23:26
کله چې عسکرو هغه د اعدامولو دپاره بیولو نو هغوی د شمعون په نامه یو سړی چې د قیروان څخه ؤ او د اطراف څخه ښار ته راروان ؤ، راونیوه. هغه یې اړ کړ چې صلیب په اوږه کړي او په عیسی پسې یې یوسي.


لوقا 23:27
ګڼ شمیر خلک په عیسی پسې روان وو چې په هغو کې ښځې هم وې چې ځانونه یې وهل او د هغه دپاره یې ژړا انګولا کوله.


لوقا 23:28
عیسی هغوی ته مخ راواړاوه او ورته ویې ویل: «ای د اورشلیم ښځو! زما دپاره مه ژاړئ، خو د خپلو ځانونو او خپلو اولادونو دپاره وژاړئ.


لوقا 23:32
دوه نور مجرمان یې هم د عیسی سره روان کړي وو چې د هغه سره یوځای اعدام شي.


لوقا 23:33
کله چې هغوی هغه ځای ته چې د سر د کوپړۍ په نوم یادېده ورسېدل، نو عسکرو عیسی هلته په صلیب ځوړند کړ او هغه دوه مجرمان یې هم ورسره په صلیب وځړول، یو یې د هغه ښي لاس ته او بل یې د هغه چپ لاس ته.


لوقا 23:34
عیسی وویل: «ای پلاره! دوی وبخښه، ځکه دوی نه پوهیږي چې څه کوي.» عسکرو د عیسی په کالیو باندې پچه واچوله او په خپل منځ کې یې سره ووېشل.


لوقا 23:36
عسکرو هم په هغه باندې ملنډې ووهلې، هغوی د عیسی خوا ته ورنږدې شول او تروه شراب یې ورته ورکړل


لوقا 23:39
یو له هغو مجرمانو څخه چې هلته ځړول شوی ؤ عیسی ته پېغور ورکړ او ویې ویل: «آیا ته مسیح نه یې؟ نو بیا خپل ځان او مونږ وژغوره.»


لوقا 23:42
بیا هغه وویل: «ای عیسی! کله چې خپلې پادشاهۍ ته ورسیدې نو ما هم درپه یاد کړه.»


لوقا 23:43
عیسی هغه ته وویل: «زه تاته رښتیا وایم چې ته به نن زما سره په جنت فردوس کې واوسې.»


لوقا 23:46
عیسی په لوړ آواز چیغه ووهله او ویې ویل: «ای پلاره! زه خپل روح تاته سپارم.» دا یې وویل او ساه یې ورکړه.


لوقا 23:49
د عیسی ټول آشنایان او هغه ښځې چې د جلیل څخه په هغه پسې راغلې وې په لیرې فاصله کې ولاړې وې او دا هرڅه یې لیدل.


لوقا 23:52
هغه پیلاتوس ته ورغی او د عیسی مړی یې ترې وغوښت.


لوقا 23:55
کومې ښځې چې د جلیل څخه د عیسی سره راغلې وې په یوسف پسې روانې وې. هغوی قبر ولید چې د عیسی مړی په کې څنګه ایښودل شوی ؤ.


لوقا 24:3
کله چې دننه ورغلې نو د عیسی مسیح مړی یې هلته پیدا نه کړ.


لوقا 24:8
بیا هغو ښځو ته د عیسی خبرې ورپه یاد شوې.


لوقا 24:13
په هماغه ورځ د عیسی د پیروانو څخه دوه تنه د عماوس په نوم یو کلي ته چې د اورشلیم څخه دولس کیلومتره لیرې دی روان وو


لوقا 24:15
هغوی لا یو د بله سره خبرې او بحث کاوه چې خپله عیسی راغی او د هغوی سره یوځای شو.


لوقا 24:16
دوی عیسی ولید، خو د هغوی سترګې داسې شوې لکه چې وتړل شي او هغه یې ونه پېژانده.


لوقا 24:17
عیسی هغوی ته وویل: «تاسو په لاره کې د څه شي په هکله یو د بله سره بحث کاوه؟» هغوی ودرېدل او غمجن ښکاره کېدل.


لوقا 24:19
عیسی پوښتنه وکړه: «څه شوي دي؟» هغوی ځواب ورکړ: «هغه څه چې د عیسی ناصري سره وشول. هغه د خدای او ټولو خلکو په نظر کې په وینا او عمل دواړو کې یو زورور پیغمبر ؤ.


لوقا 24:24
بیا زمونږ یو څو کسان قبر ته لاړل او څه چې هغو ښځو ویلي وو هغه یې ولیدل، خو عیسی یې ونه لیده.»


لوقا 24:25
عیسی هغوی ته وویل: «تاسو څومره ناپوهه یئ او د پیغمبرانو د ویناوو په منلو کې زړه نا زړه یئ.


لوقا 24:27
بیا عیسی د موسی د تورات څخه نیولې د ټولو پیغمبرانو تر لیکنو پورې چې د خدای په کلام کې خپله د هغه په هکله لیکل شوي وو هغوی ته بیان کړل.


لوقا 24:28
کله چې دوی هغه کلي ته ورنږدې شول چې ورته روان وو نو عیسی داسې وکړل چې ګوندې هغه نور هم مخکې ځي.


لوقا 24:29
خو هغوی ټینګار وکړ او ویې ویل: «زمونږ سره پاتې شه، ځکه چې ورځ په تېرېدو ده او ماښام نږدې دی.» نو عیسی کور ته ننوت چې د هغوی سره پاتې شي.


لوقا 24:30
کله چې عیسی د هغوی سره دسترخوان ته کښېناست نو ډوډۍ یې راواخیسته، شکر یې پرې وویست، ماته یې کړه او هغوی ته یې ورکړه.


لوقا 24:31
ناڅاپه د هغوی سترګې وغړیدلې او عیسی یې وپېژانده، خو هغه د هغوی د نظر څخه پناه شو.


لوقا 24:34
او ویل یې چې عیسی په رښتیا راژوندی شوی او شمعون ته ښکاره شوی دی.


لوقا 24:35
نو په لاره کې چې څه شوي وو هغو دواړو شاګردانو هغوی ته بیان کړل او ورته ویې ویل چې څنګه یې عیسی د ډوډۍ ماتولو په وخت کې وپېژانده.


لوقا 24:36
هغوی لا د دې پېښو په هکله خبرې کولې چې ناڅاپه عیسی د هغوی په منځ کې ودرېد او هغوی ته یې وویل: «په تاسو دې سلامتي وي.»


لوقا 24:38
خو عیسی هغوی ته وویل: «ولې دومره وارخطا یئ؟ ستاسو په زړونو کې ولې داسې شکونه پیدا کیږي؟


لوقا 24:41
هغوی د ډېرې خوشحالۍ او حیرانتیا له امله نه شو کولی چې بیاهم په دې باور وکړي، نو عیسی د هغوی څخه پوښتنه وکړه: «آیا ستاسو سره دلته د خوړلو دپاره څه شته؟»


لوقا 24:44
بیا عیسی هغوی ته وویل: «دا زما هغه خبرې دي چې کله زه ستاسو سره وم او تاسو ته به مې ویل چې هغه څه چې د موسی په تورات، د پیغمبرانو په لیکنو او د زبور په کتاب کې زما په هکله لیکل شوي دي، باید رښتیا شي.»


لوقا 24:50
بیا عیسی هغوی د ښار څخه دباندې تر بیت عنیا پورې بوتلل، خپل لاسونه یې پورته کړل او هغوی ته یې برکت ورکړ


Pashto Bible
No Data