A A A A A


Chọọ

MATIU 24:12
Mmehie ga-aba ụba nꞌebe nile, mee ka ịhụnanya ndị mmadụ nꞌebe ibe ha nọ jụọ oyi nke ukwuu.


JỌN 5:42
Ma amaara m unu. Amaara m na ịhụnanya Chineke adịghị nꞌime unu.


JỌN 15:9
“Dị ka Nna m si hụ m nꞌanya otu a ka m si hụkwa unu nꞌanya. Ya mere nọgidenụ nꞌime ịhụnanya m.


JỌN 15:10
Unu ga-anọgide nꞌịhụnanya m ma ọ bụrụ na unu edebe ihe nile m nyere unu nꞌiwu. Mụ onwe m na-anọgidekwa nꞌịhụnanya nke Nna m nꞌihi na m naedebe ihe nile o nyere nꞌiwu.


JỌN 15:13
Ịhụnanya kachasị ibe ya ukwuu bụ na mmadụ tọgbọrọ ndụ ya nꞌihi ndị enyi ya.


JỌN 17:24
Biko Nna m, achọrọ m ka ndị nile kweere na m soro m bikọọ nꞌotu ebe. Ndị ahụ nile i nyere m site nꞌụwa, achọrọ m ka ha hụ otuto m nile, nke i nyere m site nꞌịhụnanya gị, nke i nwere nꞌebe m nọ malite na ntọ ala nke ụwa a.


JỌN 17:26
Emeela m ka ha mata onye ị bụ. Aga m agakwa nꞌihu na-egosi ha ihe omimi nile dị nꞌime gị, tutuu ruo mgbe a ga-eme ka ịhụnanya i nwere nꞌebe m nọ dịgide nꞌime ha, tutuu ruo mgbe m ga-ebikwa nꞌime ha.”


ỌLU OZI 14:22
Nꞌebe ahụ ha gbara ndị kwere ekwe ume ka ha na-eto eto nꞌịhụnanya nꞌebe Chineke na mmadụ ibe ha nọ. Ha kasịkwara ha obi sị ha jidesie eziokwu ahụ ike, na-agụghị nsogbu nile a na-esogbu ha. Ha mekwara ka ndị kwere ekwe mata na ha aghaghị ịba nꞌalaeze Chineke site nꞌime nsogbu dị iche iche.


ỌLU OZI 20:24
Ma akpọghị m ndụ m ihe ọ bụla karịa na m ji ya arụrụ Onyenwe anyị ọrụ, ọrụ izisa ozi ọma nye ndị ọzọ banyere oke ebere na ịhụnanya Chineke.


ROM 5:5
Mgbe ahụ, nꞌọnọdụ ọ bụla, anyị pụrụ ịbụ ndị guzo chịm, na-atụghị egwu, nꞌihi na anyị maara na Chineke hụrụ anyị nꞌanya, na o gosikwara ịhụnanya ya mgbe o nyere Ọkpara ya, onye sitere na Mmụọ Nsọ mejupụta obi anyị nꞌịhụnanya Chineke.


ROM 5:8
Ma lee ka ịhụnanya Chineke siri pụta ìhè! Mgbe anyị ka nọrị na-eme mmehie, Chineke zitere Kraịst ka ọ bịa nwụọ nꞌihi anyị.


ROM 8:35
Ọ̀ dị onye nwere ike ikewapụ anyị site nꞌịhụnanya Kraịst nwere nꞌebe anyị nọ? Ọ bụrụ na anyị anọọ nꞌọnọdụ nsogbu, ma ọ bụ na mkpagbu, ma ọ bụ nꞌahụhụ, ihe ndị a ha na-egosi na Kraịst ahụkwaghị anyị nꞌanya? Mba! A sịkwa na anyị anọọ nꞌọnọdụ agụụ, ma ọ bụ nꞌụkpa, ma ọ bụ nꞌọnọdụ ihe egwu, ma ọ bụkwanụ nꞌọnwụ, ọ na-egosi na Chineke agbaketala anyị azụ? Mba!


ROM 8:38
Nꞌihi na nke a bụ ihe m maara nke ọma, bụrụkwa ihe doro m anya, na ọ dịghị ihe pụrụ ikewapụ anyị site nꞌịhụnanya Chineke. Ọnwụ, ma ọ bụ ndụ enweghị ike ya, ndị mmụọ ozi ma ọ bụ ike nile dị nꞌeluigwe enweghị ike igbochi Chineke ịhụ anyị nꞌanya. Ọ bụladị ihe ọjọọ nile na-eme nꞌụwa taa, na nchegbu banyere ihe ga-eme echi, apụghị igbochi ịhụnanya Chineke.


ROM 8:39
Ịhụnanya Chineke ga-erute anyị ebe ọ bụla anyị nọ, nꞌelu mbara eluigwe, ma ọ bụ nꞌokpuru osimiri nke ụwa. Nꞌezie, ọ dịghị ihe ọ bụla Chineke kere eke pụrụ ikewapụ anyị site nꞌịhụnanya Chineke.


ROM 9:25
Chineke sitere nꞌọnụ onye dere akwụkwọ Hosiya kwuo okwu sị, “Aga m achọtara onwe m ndị ọzọ ga-abụ ụmụ m, ndị na-esiteghị nꞌagbụrụ ndị Juu. Aga m ahụ ndị a nꞌanya, bụ ndị onye ọ bụla na-egosibeghị ịhụnanya mgbe ọ bụla.”


ROM 12:9
Egosila ndị mmadụ na ị hụrụ ha nꞌanya mgbe ị maara nꞌobi gị na ị hụghị ha nꞌanya. Ka ịhụnanya bụrụ ihe si gị nꞌobi pụta. Kpọọ ihe ọjọọ nile asị, guzosie ike ime ihe nile dị mma.


ROM 13:10
O nweghị onye na-echere onye ọ hụrụ nꞌanya echiche ọjọọ. Ọ bụ nke a mere ịhụnanya ji bụrụ idebezu iwu nile.


ROM 15:30
Esi m nꞌaka Onyenwe anyị Jisọs Kraịst na ịhụnanya anyị nwere nꞌime Mmụọ Nsọ na-arịọ unu, ụmụnna m, ka unu soro m kpee ekpere, na-echeta m nꞌekpere unu nꞌihu Chineke.


1 KỌRINT 4:21
Ya mere, unu ka ọ dịrị ịhọrọ nke unu chọrọ. Unu chọrọ ka m jiri ụtarị bịakwute unu, ka ọ bụ ka m jiri obi dị umeala na mmụọ nke ịhụnanya bịa?


1 KỌRINT 8:1
Ajụjụ ọzọ unu jụrụ bụ ihe banyere iri anụ e ji chụọra arụsị aja. Nꞌụdị ajụjụ dị otu a onye ọ bụla na-eche na ọsịsa nke ya dị mma. Ma ọ bụ ezie na anyị na-anya isi nꞌihi na anyị na-akpọ onwe anyị ndị maara ihe, ma ihe dịkarịsịrị mkpa iji iwuli ụlọ nzukọ Kraịst elu bụ nanị ịhụnanya.


1 KỌRINT 13:4
Ịhụnanya na-enwe ogologo ntachi obi, na-enwekwa obi ebere. Ọ dịghị ekwo ekworo, ọ naghị enwe anya ukwu, ọ naghị anya isi. Ọ nakwaghị ebuli onwe ya elu.


1 KỌRINT 13:6
Ịhụnanya adịghị aṅụrị ọṅụ nꞌihe ọjọọ, ọ hụrụ eziokwu nꞌanya.


1 KỌRINT 13:8
Ịhụnanya adịghị agwụ agwụ. Ma ibu amụma nile ga-emesịa kwụsị, onyinye ịsụ asụsụ dị iche iche ga-akwụsịkwa. Otu a, ihe ọmụma nile ga-agabiga.


1 KỌRINT 13:13
Ọ dị ihe atọ na-adịgide adịgide. Ha bụ okwukwe, olileanya, na ịhụnanya. Ma nꞌime ihe atọ ndị a, ihe kachasị ha nile bụ ịhụnanya.


1 KỌRINT 16:14
Werenụ ịhụnanya na-arụ ọrụ ọ bụla unu na-arụ.


1 KỌRINT 16:24
Ka ịhụnanya m dịnyere unu site nꞌOnyenwe anyị Jisọs Kraịst. Amin.


2 KỌRINT 4:15
Nꞌihi na ahụhụ ndị a anyị na-ata ugbu a, bụ nꞌihi ọdịmma nke unu. Nꞌihi na ọ bụrụ na ọtụtụ mmadụ ekwenye na Kraịst, ọtụtụ mmadụ ga-enyekwa Chineke ekele nꞌihi oke ịhụnanya ya. A gaesikwa otu a nye aha Chineke otuto karịa.


2 KỌRINT 5:14
Ọ bụ ịhụnanya Kraịst na-akwagide anyị, nꞌihi na ọ bụrụ na anyị kwenyere na Kraịst nwụrụ nꞌọnọdụ mmadụ nile, anyị na-ekwerekwa na mmadụ nile nwụrụ nye ndụ ochie ha mgbe Kraịst nwụrụ.


2 KỌRINT 7:7
Ọ bụkwaghị nanị nꞌihi na ọbịbịa Taitọs nyere anyị obi ụtọ, kama akụkọ o ji bịa, gbasara otu unu si nabata ya, na otu unu si kasie ya obi, ma gbaakwa ya ume, mekwara ka anyị ṅụrịa ọṅụ. Mgbe ọ gwakwara anyị otu unu si na-ele anya ịhụ m, na otu unu si na-eru uju nꞌihi ihe nile mere, na otu unu si guzosie ike nꞌukwu m, na ụdị ịhụnanya unu nwere nꞌebe m nọ, obi tọrọ m ụtọ nke ukwuu.


2 KỌRINT 7:13
Ewezugakwa ụzọ unu si gbaa anyị ume site nꞌịhụnanya unu nwere nꞌebe anyị nọ, a gbara anyị ume karịa site na nnabata unu nabatara Taitọs, na otu unu si mee ka mmụọ ya zuru ike mgbe ọ bịakwutere unu.


2 KỌRINT 7:15
Ugbu a, ịhụnanya o nwere nꞌebe unu nọ na-aba ụba nke ukwuu, nꞌihi ncheta ọ na-echeta otu unu nile si jiri ọṅụ gee ya ntị na otu unu si jiri ịtụ egwu na ahụ ịma jijiji nabata ya.


2 KỌRINT 8:7
Unu babigara ụba oke nꞌihe nile unu nwere. Unu nwere okwukwe dị ukwuu, nweekwa ọtụtụ mmadụ ndị maara ikwusa ozi ọma nke ọma, na ndị maara ihe. Unu hụkwara anyị nꞌanya nke ukwuu ma gosikwa ịnụ ọkụ nꞌobi unu inye aka. Nꞌihi nke a anyị chọrọ ka unu gbasaa aka unu ịrụ ọrụ ịhụnanya a.


2 KỌRINT 8:8
Anaghị m enye unu iwu, kama site nꞌizi unu otu o si na-anụ ndị ọzọ ọkụ nꞌobi inye aka, achọrọ m ịchọpụta ma ịhụnanya unu na ịnụ ọkụ nꞌobi unu ọ ga-adakọtakwa.


2 KỌRINT 8:9
Nꞌihi na unu maara ụdị oke ịhụnanya na obi ọma nke Onyenwe anyị Jisọs nwere. Ọ bụ ezie na ọ bụ ọgaranya, ma ọ họọrọ ịbụ ogbenye nꞌihi unu, ka unu onwe unu site nꞌogbenye ya bụrụ ọgaranya.


2 KỌRINT 8:17
Ọ bụghị nanị na o kweere ime dị ka anyị si rịọrọ ya, kama nꞌihi ịhụnanya o nwere nꞌebe unu nọ, o kpebiri nꞌime obi ya ịbịakwute unu na inyere unu aka.


2 KỌRINT 8:19
Ma ọ bụghị nanị nke a, kama ndị nzukọ Kraịst nile họpụtara ya iso anyị, na inyere anyị aka nꞌije ozi ịhụnanya a, nꞌụzọ ọ ga-esi wetara Onyenwe anyị otuto. Ije ozi a ga-ezipụta na anyị jikeere inyere ibe anyị aka.


2 KỌRINT 12:15
Nꞌezie, ọ na-atọ m ụtọ iwere onwe m na ihe nile m nwere nye unu, maka ọdịmma ndụ mmụọ unu, nꞌihi na ahụrụ m unu nꞌanya. Ma ọ na-adị m ka mgbe ịhụnanya m nꞌebe unu nọ na-adị ukwuu, mgbe ahụ ka ịhụnanya unu nꞌebe m nọ na-adị nta.


GALETIA 1:6
O juru m anya, na unu esitela nꞌebe Chineke nọ wezuga onwe unu, na-agbaso ozi ọma ọzọ, nke na-abụghị ozi ọma Chineke, Onye jiri amara ya, na ịhụnanya ya, kpọbata unu, ime ka unu keta ndụ ebighị ebi ahụ ọ na-enye site na Kraịst.


GALETIA 5:6
Anyị, ndị Kraịst mere ka anyị keta oke na ndụ ebighị ebi, adịghị echegbu onwe anyị ma anyị bụ ndị e biri ugwu ma anyị abụghị. Anyị adịkwaghị echegbu onwe anyị ma anyị na-edebe iwu na omenala ndị Juu, ma anyị adịghị edebe ha. Ihe dị anyị mkpa bụ okwukwe nke si nꞌịhụnanya na-egosi onwe ya.


GALETIA 5:22
Ma mgbe Mmụọ Nsọ na-achị achị na ndụ anyị, ụdị ndụ a ga-apụta ìhè nꞌime anyị: ndụ ịhụnanya, na ọṅụ, na udo, na ogologo ntachi obi, na obi ọma, na ịdị mma, na ikwesị ntụkwasị obi, na


EFESỌS 2:4
Ma ebere Chineke bara ụba nke ukwuu! Ịhụnanya ya nꞌebe anyị nọ dịkwa ukwuu!


EFESỌS 3:17
Ana m arịọkwa ka Kraịst mee ka obi unu bụrụ ebe obibi ya site nꞌokwukwe unu nꞌime ya. Ana m arịọkwa ka Chineke mee ka unu bụrụ ndị gbara mgbọrọgwụ nꞌime ịhụnanya Chineke.


EFESỌS 3:18
Ana m arịọkwa, ka unu na ndị Kraịst nile nwee ike ịghọta enweghị atụ nke ịba ụba na ịdị ukwu nke ịhụnanya Kraịst nꞌebe anyị nọ.


EFESỌS 3:19
Ka unu mata, mazuokwa ụdị ịhụnanya Kraịst nwere nꞌebe anyị nọ. Ka unu bụrụkwa ndị e mere ka ha jupụta nꞌọdịdị Chineke nꞌonwe ya.


EFESỌS 4:2
Bụrụnụ ndị dị umeala nꞌobi, ndị dị nwayọọ na ndị na-enwe ntachi obi oge nile. Sitekwanụ nꞌịhụnanya na-anabatakwa ibe unu ọ bụladị mgbe ha mejọrọ unu.


EFESỌS 4:15
Kama ka anyị gbasoo eziokwu site na mmụọ ịhụnanya, ka anyị gwarịtaa ibe anyị eziokwu mesokwaa ha mmeso eziokwu, gbalịsiekwa ike ịghọ Kraịst onye bụ onyeisi nzukọ ya bụ chọọchị.


EFESỌS 4:16
Nꞌihi na ọ bụ site na ya ka e mere ka anụ ahụ nile jikọtaa bụrụ otu. Akụkụ nile ọ bụla na-arụ ọrụ ya nke ọma, na-esite nꞌụzọ ahụ enyere akụkụ ndị ọzọ aka, ime ka ha too, na iwuli ha elu site nꞌịhụnanya.


EFESỌS 5:2
Ka ịhụnanya bụrụ ihe pụtara ìhè na ndụ unu, ụdị ịhụnanya nke Kraịst hụrụ anyị mgbe o nyere Chineke ndụ ya nꞌihi anyị, dị ka onyinye na aja iwepụ mmehie anyị, Aja a tọrọ Chineke ụtọ, nꞌihi na o nwere isisi ụtọ nꞌihu Chineke.


EFESỌS 6:23
Ka Chineke nye unu udo, ụmụnna m. Ka o nyekwa unu ịhụnanya nke ya na okwukwe unu nwere nꞌime ya so, nke na-esite nꞌebe Chineke Nna na Onyenwe anyị Jisọs Kraịst nọ abịa.


FILIPAI 1:9
Ọ bụkwa nꞌihi nke a ka m ji na-ekpesi ekpere ike, ka ịhụnanya unu na-ahụrịta onwe unu na-aba ụba. Ka unu nwee ike ito eto, ruo nꞌinwe mmazu na nghọta nke eziokwu ahụ.


FILIPAI 2:1
Ugbu a, ọ bụrụ na e nwere nkasiobi ọ bụla dịrị anyị nꞌihi njikọta e jikọtara anyị na Kraịst, ọ bụrụkwa na e nwere ihe dị ka inyeaka nke si nꞌịhụnanya na-abịa, ọ bụrụkwa na ọ dị nnwekọ ọ bụla anyị na-enwekọ nꞌime Mmụọ Nsọ, ọ bụrụ na unu nwere obi ebere, jikerekwa ime ebere,


KỌLỌSI 1:8
Ọ bụ ya gwara anyị ihe banyere ịhụnanya Mmụọ Nsọ nyere unu.


KỌLỌSI 2:2
Ihe m na-arịọ Chineke nꞌihi unu bụ ka ọ gbaa unu ume, jikọtaa unu nꞌotu nꞌime ịhụnanya, ka unu nwee ike ịmaju Kraịst nke ọma, na ịghọtazi ya. Nꞌihi na nzube omimi nke Chineke ahụ bụ Kraịst nꞌonwe ya.


KỌLỌSI 3:14
Nke kachasị nke, kwerenụ ka ịhụnanya na-achị achị na ndụ unu, nꞌihi na ọ bụ nke a ga-ejikọta unu nile nꞌotu.


1 TESALỌNAIKA 1:3
Mgbe nile ka anyị na-echeta nꞌekpere nye Chineke bụ Nna, ihe gbasara ọrụ unu nke sitere nꞌokwukwe, ya na ịrụsị ọrụ ike unu nke sitere nꞌịhụnanya, na iguzosị ike unu nke sitere nꞌolileanya unu nwere nꞌOnyenwe anyị Jisos Kraịst.


1 TESALỌNAIKA 3:12
Ka Chineke meekwa ka ịhụnanya unu too eto, ka ọ babiga oke, rute ibe unu, na ndị ọzọ kwa, dị ka ịhụnanya anyị si dị nꞌebe unu nọ.


1 TESALỌNAIKA 4:9
Ugbu a, ihe gbasara ịhụnanya nke kwesịrị ịdị nꞌetiti ụmụnna, o kwesịghị ka anyị gwa unu ihe ọzọ banyere ya. Nꞌihi na Chineke nꞌonwe ya na-ezi unu inwe ịhụnanya nꞌebe ibe unu nọ.


1 TESALỌNAIKA 5:8
Ka anyị nile, bụ ndị bi nꞌìhè bụrụ ndị anya doro, ndị ji okwukwe na ịhụnanya kpuchie onwe ha, na ndị yikwasịrị onwe anyị okpu igwe ahụ nke bụ olileanya anyị na a ga-azọpụta anyị.


1 TESALỌNAIKA 5:13
Ka unu na-akwanyere ha ugwu site nꞌịhụnanya nꞌihi ụdị ọrụ ha na-arụ. Ka unu na mmadụ ibe unu birikwa nꞌudo.


1 TESALỌNAIKA 5:14
Ma ugbu a, anyị na-arịọ unu, ụmụnna anyị, ka unu dọọ ndị ahụ nile aka na ntị, bụ ndị na-adịghị agazi ije ha, ha na ndị umengwụ. Kasienụ ndị ụjọ na-atụ obi. Lekọtazienụ ndị na-adịghị ike. Jirinụ ntachi obi na-anagideritanụ ibe unu nꞌime ịhụnanya.


2 TESALỌNAIKA 1:3
Inye Chineke ekele nꞌihi unu abụghị nanị ihe dị mma ka anyị mee, kama ọ bụ ụgwọ ọrụ anyị ji Chineke, ụmụnna anyị, karịsịa, mgbe anyị chetara na dị ka unu si na-eto eto nꞌime okwukwe unu na otu a ka oke ịhụnanya unu nwere nꞌebe ibe unu dị si bụrụ ihe a na-enweghị ihe a ga-eji tụnyere ya.


2 TESALỌNAIKA 3:5
Ka Onyenwe anyị duzie unu ịghọta ịhụnanya Chineke nwere nꞌebe unu nọ. Ee, ka o duziekwa unu ịghọta ụdị ntachi obi ahụ na-esite nꞌebe Kraịst nọ abịa.


1 TIMỌTI 1:5
Ihe m chọrọ ịhụ bụ ka ụmụ Chineke nile jupụta nꞌịhụnanya nke na-esite nꞌobi dị ọcha. Achọkwara m ịhụ na ha nwere akọnuche zuru oke, na okwukwe siri ike, nke aghụghọ na-adịghị.


1 TIMỌTI 1:14
Ma lee ka obi ọma Onyenwe anyị si dị ukwuu, nꞌihi na o gosiri m ụzọ m ga-esi tụkwasị ya obi, na otu ịhụnanya Kraịst ga-esi jupụta m obi.


1 TIMỌTI 2:15
Ma ọ ga-azọpụta ndị inyom site nꞌọmụmụ nwa ha ma ọ bụrụ na ha anọgide na-ebi ndụ okwukwe na ịhụnanya, na ịdị nsọ, na nke uche zuru oke.


1 TIMỌTI 4:12
Ekwela ka onye ọ bụla lelịa gị anya nꞌihi na ị bụ okorọbịa. Kama mee ka ị bụrụ ihe ịma atụ na ihe ilere anya nye ndị kwere ekwe. Mee ka ha soro ụzọ i si ezi ihe na ụzọ i si ebi ndụ gị. Bụrụkwa ihe ịma atụ nye ha, ma ọ bụ ihe ilere anya nꞌime okwukwe gị, na ịhụnanya gị, na iche uche zuru oke gị.


2 TIMỌTI 1:7
Nꞌihi na Chineke enyeghị anyị mmụọ ịtụ ụjọ, kama o nyere anyị Mmụọ na-emejupụta anyị nꞌike, na ịhụnanya, na uche zuru oke.


2 TIMỌTI 1:9
Ọ bụ Chineke zọpụtara anyị, kpọbata anyị nꞌọrụ ya dị nsọ. Ọ bụghị nꞌihi na anyị kwesịrị ka a kpọọ anyị, kama ọ bụ rịị nzube ya ịkpọ anyị tupuu a tọọ ntọ ala ụwa a, nꞌihi na ọ chọrọ isite nꞌihe ọ ga-emere anyị gosi anyị ịhụnanya ya na obi ọma ya, na amara ya site na Jisọs Kraịst.


2 TIMỌTI 1:13
Jidesie eziokwu ahụ aka ike, ụdị eziokwu ahụ nke mụ onwe m ziri gị, eziokwu ahụ nke gbasara okwukwe ahụ, na ịhụnanya ahụ dị nꞌime Kraịst Jisọs.


2 TIMỌTI 2:22
Gbanarị ihe ọ bụla na-etinye ụdị echiche ọjọọ nke ụmụ okorọbịa naenwe nꞌime gị. Kama nọọ nso ihe ọ bụla ga-eme gị ịchọ ime ezi ihe. Bụrụ onye nwere okwukwe na ịhụnanya na onye mmekọrịta nke ya ndị hụrụ Onyenwe anyị nꞌanya na ndị nwere obi ọcha na-atọ ụtọ.


2 TIMỌTI 3:3
Ndị na-enweghị ịhụnanya nꞌobi ha, ndị na-enweghị obi mgbaghara, ndị nkwutọ, ndị okwu na ụka na-atọ ụtọ, ndị na-agha ụgha mgbe nile, ndị na-eme omume dị ka anụ ọhịa, na ndị ihe ọma na-adịghị atọ ụtọ.


2 TIMỌTI 3:10
Ma gị onwe gị amatala omume m, matakwa na adịghị m ka ha. Ị maara ihe m kweere, na ụzọ m si ebi ndụ m, na ihe m chọrọ. Ị maara ụdị okwukwe m nwere nꞌime Kraịst na ahụhụ m nile. Ị maara ịhụnanya m nwere nꞌebe ị nọ, na ntachi obi m.


2 TIMỌTI 4:8
Nꞌeluigwe, okpueze nke ezi omume dị na-eche m, nke Onyenwe anyị, onye naekpe ikpe ziri ezi ga-enye m nꞌụbọchị ahụ, ọ ga-alọghachi. Kama ọ bụghị nanị mụ onwe m ka ọ ga-enye okpueze ahụ, ọ ga-enyekwa ya ndị nile ga-eji ịhụnanya na-eche ọbịbịa ya.


TAITỌS 3:4
Ma mgbe ịhụnanya na obi ọma Chineke Onye nzọpụta anyị pụtara ìhè,


FAILIMON 1:7
Ịhụnanya gị na-enye mụ onwe ọṅụ nke nkasịobi, ezi nwanna m Faịlimọn, nꞌihi na e sitela nꞌobi ọma gị zụọ ọtụtụ ụmụ Chineke.


FAILIMON 1:8
Ugbu a, ọ dị ihe m chọrọ ka i meere m. Enwere m ike ịsị na ihe a bụ ihe ị na-aghaghị ime site nꞌaha Kraịst nꞌihi na ọ bụ ihe dị mma ime eme. Ma nꞌihi ịhụnanya m nwere nꞌebe ị nọ, achọghị ịkwagide gị ka i mee ya.


HIBRU 6:10
Nꞌihi na Chineke bụ onye na-ekpe ikpe ziri ezi. Olee otu ọ ga-esi chefuo ọrụ nile unu rụụrụ ya? Olee otu ọ ga-esi chefuo ịhụnanya unu gosiri nꞌihi ya site nꞌinyere ibe unu ndị kwere ekwe aka?


1 PITA 4:8
Nke kachasị nke, na-ahụrịtanụ onwe unu nꞌanya nꞌihi na ịhụnanya na-ekpuchi ọtụtụ mmehie.


1 PITA 5:12
Ọ bụ site nꞌinyeaka Saịlas ka m ji deere unu mkpụrụ okwu ole na ole a dị nꞌime akwụkwọ a. Dị ka unu maara nke ọma, Saịlas bụ nwanna anyị kwesịrị ntụkwasị obi. Ọ bụ olileanya m na a ga-eji ihe m dere nꞌebe a gbaa unu ume, nꞌihi na edeere m unu ihe bụ eziokwu gbasara otu Chineke si agọzi ndị ya. Ihe nile m dere nꞌebe a bụ ihe ga-enyere unu aka iguzosi ike nꞌịhụnanya ya.


1 PITA 5:14
Jirinụ isurịta ọnụ ịhụnanya ndị Kraịst kelerịtaa onwe unu. Ka udo Chineke dịnyere unu nile nọ nꞌime Kraịst.


2 PITA 1:7
Mgbe anyị mere nke a, anyị ga-agakwa nꞌihu ime ka ihe gbasara ndị ọzọ na-adị anyị mma. Nke a ga-eme ka ịhụnanya anyị nwere nꞌebe ndị ọzọ nọ baa ụba.


2 PITA 2:13
Nke a ga-abụ ahụhụ dịrị ndị ozizi ụgha ahụ nꞌihi mmehie ha. Nꞌihi na ihe na-atọ ha ụtọ bụ nanị ibi ndụ nke imejupụta ihe ọjọọ ahụ nile na-agụ anụ ahụ ha agụụ. Ha bụ ndị na-ewetara unu ihe ihere mgbe ọ bụla ha so unu na-eri oriri ịhụnanya unu, nꞌihi na nꞌotu akụkụ, ha na-ebi ndụ ajọ omume. Ma ha na-eso unu ezukọ dị ka a ga-asị nꞌezie, na ha bụ ndị dị ọcha nꞌobi ha.


1 JỌN 3:17
Ọ bụrụ na otu nwanna nꞌime Kraịst mkpa na-akpa bịakwutere otu onye kpọrọ onwe ya onye Kraịst nwere akụ na ụba na ihe oriri, ma nwanna nwere akụ na ụba ahụ emechie obi ya nꞌebe nwanna ahụ nọ, jụ inyere ya aka, ịhụnanya Chineke ò si aṅaa dịrị nꞌime onye dị otu a?


1 JỌN 3:18
Ndị m hụrụ nꞌanya, ka ngosi anyị na-egosi ịhụnanya anyị nꞌebe ndị ọzọ nọ ghara ịbụ nanị nꞌegbugbere ọnụ anyị na ikwu okwu efu. Kama ka anyị na-egosi ya site nꞌokwu ọnụ anyị na omume anyị.


1 JỌN 4:7
Ndị enyi m, o kwesịrị ka anyị hụrịtaa onwe anyị nꞌanya nꞌihi na ịhụnanya na-esi nꞌebe Chineke nọ abịa. Ndị nile na-ahụ ibe ha nꞌanya na-egosi na ha bụ ụmụ Chineke. Ha na-egosikwa na ha na-amata Chineke nke ọma nke ọma.


1 JỌN 4:8
Ọ bụrụ na mmadụ adịghị ahụ ibe ya nꞌnya ọ na-ezipụta na ọ maghị onye Chineke bụ, nꞌihi na Chineke bụ ịhụnanya.


1 JỌN 4:9
Nꞌihi na Chineke gosiri anyị ịdị ukwuu nke ịhụnanya ya site nꞌizite Ọkpara ya ka o wetara anyị ndụ ebighị ebi site nꞌọnwụ ọ nwụrụ.


1 JỌN 4:12
Ọ bụ ezie na o nwebeghị mgbe ọ bụla anyị ji anyạ anyị hụ Chineke anya, ma ọ bụrụ na anyị ahụ ibe anyị nꞌanya, Chineke na-ebi nꞌime anyị. Ịhụnanya ya kwa na-eto eto nꞌime anyị.


1 JỌN 4:16
Anyị maara na Chineke hụrụ anyị nꞌanya nꞌihi mmetụta ịhụnanya ya metụtara anyị, na nꞌihi na anyị kweere na ya mgbe ọ gwara anyị na ọ hụrụ anyị nꞌanya. Chineke bụ ịhụnanya. Onye ọ bụla kwa na-ebi ndụ ịhụnanya na-anọgide nꞌime Chineke. Chineke nꞌonwe ya na-ebinyekwara onye dị otu a.


1 JỌN 4:17
Ọ bụrụ na anyị na-ebi ndụ nꞌime Kraịst, ịhụnanya anyị gaaba ụba tutuu ruo mgbe ọ ghọrọ ihe zuru oke. Mgbe ahụ ihere agaghị eme anyị nꞌụbọchị ikpe ahụ. Kama anyị ga-eji ntụkwasị obi na ọṅu guzoro nꞌihi Chineke nꞌụbọchị ahụ, nꞌihi na ọ hụrụ anyị nꞌanya dị ka anyị onwe anyị si hụ ya nꞌanya.


1 JỌN 4:18
Anyị adịghị atụ onye hụrụ anyị nꞌanya ụjọ. Ezi ịhụnanya o nwere nꞌebe anyị nọ na-ewezụga ụjọ ọ bụla anyị nwere banyere ihe ọ ga-eme anyị. Ọ bụrụ na anyị na-atụ ya ụjọ, o gosiri na anyị enweghị afọ ojuju na ọ hụrụ anyị nꞌanya nꞌezie.


1 JỌN 5:2
Anyị pụrụ isite nꞌụdị ịhụnanya anyị nwere nꞌebe Chineke nọ ya na ụdị nrube isi anyị na-erubere ya mata na anyị hụrụ ụmụ Chineke nꞌanya.


2 JỌN 1:3
Chineke Nna anyị na Jisọs Kraịst Ọkpara ya gaagọzi anyị site nꞌigosi anyị obi ọma ya na inye anyị udo ya nke dị ukwuu. Ọ ga-ejikwa eziokwu ya na ịhụnanya ya gọzie anyị.


3 JỌN 1:6
Ha akọọrọla nzukọ Kraịst nọ nꞌebe a ihe banyere mmeso ọma ịhụnanya i mesoro ha. Biko, mgbe ha si nꞌebe ahụ na-apụ, nyekwara ha aka nꞌije ha dị ka ọ ga-esi tọọ Chineke ụtọ.


JUD 1:1
Ọ bụ Jud, onyeozi Jisọs Kraịst, nwanne Jemes na-edetara unu akwụkwọ a, unu nile Chineke kpọrọ, họpụta, ndị na-adị ndụ nꞌime ịhụnanya ya, na ndị nọkwa nꞌokpuru nchebe Jisọs Kraịst.


JUD 1:2
Ka ebere na udo na ịhụnanya Chineke bụrụ nke unu. Ka ha mụbaakwa nꞌetiti unu.


JUD 1:12
Mgbe ndị a sooro unu nọdụ iri oriri ịhụnanya unu ha dị ka ntụpọ ọjọọ nꞌetiti unu. Ọchị na-eju ha ọnụ mgbe ha ji nri na-afọju ọnụ ha, na-eri nri dị ka ndị ihere na-adịghị eme. Ha anaghị echekwa echiche banyere ndị ọzọ. Ha dị ka igwe ojii nke ikuku na-ebugharị, nke na-adịghị ezo mmiri. Ha na-ekwe nkwa elu na ala, ma ihe ọ bụla adịghị esi ha nꞌaka apụta. Ha dị ka osisi na-adịghị amị mkpụrụ, ọ bụladị nꞌudu mmiri. Ha bụ ndị nwụrụ anwụ, ndị e fopụrụ efopụ site na mgbọrọgwụ ha ka a kpọọ ha ọkụ.


JUD 1:21
Doonụ onwe unu nꞌokpuru ịhụnanya Chineke, ebe unu ga-anọ na-eche ịnata ndụ ebighị ahụ Onyenwe anyị Jisọs Kraịst ga-esite nꞌebere ya nye unu.


NKPUGHE 2:4
“Ma nke a bụ ihe m nwere megide gị. Ị hapụla ịhụnanya mbụ ahụ i nwere nꞌebe m bọ. Ị hụkwaghị m nꞌanya dị ka i hụrụ m na mmalite.


NKPUGHE 2:5
Chee echiche nke ọma banyere ịhụnanya i nwere nꞌebe m nọ na mmalite, ma laghachi azụ nꞌime ya. Malite ịrụsị ọrụ ike dị ka i mere na mmalite. Ọ bụrụ na i meghị otu a, aga m abịakwute gị wepụ oriọna nọchiri anya gị nꞌebe ọ dị nꞌetiti oriọna ndị ọzọ.


NKPUGHE 2:19
“Nke a bụ ihe o kwuru. Amaara m ezi ọrụ gị nile, tinyere obi ebere i nwere nꞌebe ndị ogbenye nọ. Ahụkwara m onyinye ọma ị na-enye ha, na ije ozi ị na-ejere ha. E wezụga ihe ndị a, amaara m ịhụnanya gị, na okwukwe gị, na ntachi obi gị. Ahụkwara m ịnụ ọkụ nke obi gị, na ezi ọchịchọ dị nꞌime gị imezu ha.


Igbo Bible 1988
No Data