A A A A A
हिंदी बाइबिल Mizo Bible

१ शमूएल 26



1

  Tin, Ziph-ho chu Gibea-ah Saula hnenah an kal a, "Davida chu thlaler dep Hakila tlangah chuan a biru a ni lo'm ni?" tiin an va sawi a.

2

  Chutichuan Saula chu a to a, Ziph thlalerah Davida zawng turin a zuk kal ta a.

3

  Tin, Saula chuan thlaler dep, kawng lakah Hakila tlangah chuan tanhmun a khuar a. Davida erawh chu thlalerah chuan a awm reng a; tin, Saula chu amah zawngin thlalerah a lo kal tih a hria a.

4

  Chuvangin Davida chuan enthlatute a tir a, Saula chu a lo kal tak tak a ni ti a hre chiang ta a.

5

  Chutichuan Davida chu a tho a, Saula thanhmun khuarnaah chuan a kal a: tin, Davida chuan Saula leh a sipai hotu, Nera fapa Abnera mutna chu a hmu a: Saula chu tawlailir hual chungah chuan a mu a, a velin mite chuan awmhmun an rem a.

6

  Chutichuan Davida chuan Hit mi Ahimeleka le Joaba nau Zeruia fapa Abisaia hnenah, "Saula tanhmunah chuan tu nge ka hnenah kal ve ang," tiin a sawi a. Tin, Abisaia chuan, "Keimah i hnenah chuan ka zuk kal ve ang e," a ti a.

7

  Tichuan Davida leh Abisaia hu mipuiho awmnaah zanah chuan an kal a: tin, ngai teh, Saula chu tawlailir hual chungah chuan a lo mu a, a lu lamah chuan a fei chu leiah a vit bur a: tin, Abnera leh mite chu a velah chuan an lo mu a.

8

  Chutichahun Abisaia chuan Davida hnenah, "Vawiinah hian Pathianin i hmelma chu i kutah a pe a ni hi; chuvangin fei hian vawi khatah leiah hian ka han chun bet tlat mai teh ang aw? Ka chun nawn leh tawh lo ang," a ti a.

9

  Nimahsela Davida chuan Abisaia hnenah, 'Tiboral suh, LALPA hriak thih chunga kut thlaka thiam chang thei tu nge awm thei ngai?" at i a.

10

  Tin, Davida vek chuan, "LALPA nunna chhalin ka sawi e, LALPA chuan a chungah kut a thlak ang chu: a nih loh vek leh a thih ni a lo thleng mai ang a; anih loh vek leh indonaah a kal ang a, a boral mai ang.

11

  LALPA hriak thiha chugah chuan kut ka thlak loh turzia mai chu: a lu bula fei leh tuithawl kha erawh chu la ta che aw, tichuan i kal ang," a ti a.

12

  Chutichuan Davida chuan Saula lu bual fei leh tuithawl chu a la a, an kal leh ta a, tuma'n an hmu lo a, tuma'n an hriain harh an awm hek lo: LALPA'n tui taka a muthilhtir avangin a muhil vek a ni.

13

  Chutichuan Davida chu ral lehlama chuan akal a, hla feah tlang chhipah a ding a; an inkar chu hla tak a ni a.

14

  Tin, Davida chuan mipuite leh Nera fapa Abnera chu, "Abner, mi han chang dawn lo'm ni?" tiin a au a. Chutichuan Abnera chuan a chang a, "Lal han au veitu chu tu nge maw i ni le?" a ti a.

15

  Tin, Davida chuan Abnera hnenah, "Mi huaisen i lo'm ni? Israelte zingah hiannang ang tu nge awm? Engtizia nge lal i pu i ven loh ni? Lal i pu chu tiboral turin tu emaw a lo kal kha le.

16

  I thiltih dan hi a tha lo a ni. LALPA nunna chhalin ka sawi e, LALPA hriak thih i pu chu i ven that loh avangin thi mai tlak i ni e. lal lu bula fei leh tui thawl awm kha khawiah nge a awm tak han en teh reng," a ti a.

17

  Tin, Saula chuan Davida aw chu a han hria a, "Chu i awm ela ni, ka fapa Davida?" a han ti a. Tin, Davida chuan, "Aw lalpa, ka pu, ka aw ani e," a ti a.

18

  Tin, "Eng vangain nge ka pu hian a chiahhlawh hi a um ni? Eng thil nge ka tih? Ka kutah thil sual eng nge awm?

19

  Chuvangin LALPA, ka pu chuan a chhiahlawh thu hi ngaithla teh se. Mi do tura i thinlung chawk thotu chu LALPA a nih chuan thilhlan chu pawm hram se la; mihring fate an ni erawh chuan LALPA hmaa anchhe dawngin awm rawh se; 'Kal la, Pathian dangte rawng bawl rawh,' tia, lalpa ro ka luah theih lohna tura vawiin hian min hnawt bo an ni a.

20

  chuvangin ka thisen chu LALPA hmuh phak loa leilungah luang suh se; varung veh tura tlangahte mi an ramvak angin Israel lal chu uihli lek zawng turin a kal chhuak anih hi," a ti a.

21

  Chutichuan Saula chuan, "Thila ka lo tisual der mai a ni; ka fapa Davida lo haw leh rawh: i mithmuhah ka nun hi vawiinah hian a hlut em avangin engmah reng reng ka tih tawh hauh lo ang che: ngai teh, thil atthlak tak ka lo ti ta a, ka lo tisual der mai a nih hi," a ti ta a.

22

  Tin, Davida chuan a chhang a, "Aw LALPA, fei hi han en teh, tlangval pakhat lo kal se la han la lawk rawh se.

23

  Tin, LALPA chuan mi tin, an fel leh an rinawm man a pe dawn a: vawiinah hian LALPA'n nang hi ka kutah a pe na a, LALPA hriak thih chungah ka kut ka lek duh lo a ni.

24

  Tin, ngai teh, vawiina i nunna ka ngaihhlutsk che ang bawk hian LALPA chuan ka nunna min ngaihhlutsak se la, manganna zawn zawng ata hi mi chanchhuak rawh se," a ti a.Chutichuan Saula chuan Davida hnenah, "Ka fapa Davida, malsawmin awm rawh khai: thil ti thei takin i awm ang a, i ngam zel ang," a ti a. Chutichuan Davida chu a hawng a, tin, Saula chu a hmun lamah chuan a haw leh ta a.

25

  Chutichuan Saula chuan Davida hnenah, "Ka fapa Davida, malsawmin awm rawh khai: thil ti thei takin i awm ang a, i ngam zel ang," a ti a. Chutichuan Davida chu a hawng a, tin, Saula chu a hmun lamah chuan a haw leh ta a.

Mizo Bible
Copyright: Mizo ?