A A A A A
हिंदी बाइबिल Mizo Bible

१ शमूएल 24



1

  Tin, heti hi a ni a, Saula Philistia mite a va um lo haw chu, "Ngai teh, Davida chu En-gedi thlalerah a awm e," tiin an hrilh a.

2

  Chutichuan Saula chuan Israel mi zawng zawngte zing ata thlan thiau mi sangthum a hruai a, satharte chenna lungpui zing lamah chuan Davida leh a mite zawngin an kal ta a.

3

  Tin, kawng lakah chuan beram huang puk awmna hi a va thleng a; tin, Saula chu inthiarfihlim turin a va lut a. Tin, Davida leh a mite chu puk chhungril lamahte chuan an awm a.

4

  Tin, Davida mite chuan, a hnenah, "Ngai teh, LALPA'n i hnenah, 'Ngai teh, i hmelma chu i kuta ka pe ang a, a chunagh tha i tih ang angin ti ang che,' a tih ni kha a nih tak hi," an ti a. ChutichuanDavida chu a tho a, a ruk tein Saula puan fem chu ave hlep a.

5

  Tin, Heti hi a ni a, nakinah chuan Daula puan fem a va hleh chuan Davida rilru a chhun hle a.

6

  Chutichuan amite hnenah chuan, "LALPA hriak thih a ni tih hre reng chung si a, a chunga kut thawha LALPA hriak thih ka LALPA chunga he thil ka tih hi a awm lo tawp mai a ni," a ti a.

7

  Chutichuan Davida'n chung thu chuan a mite a khapbet a, Saula bei tura an thawh chu a phal ta lo a. Tin, Saual chu puk ata chu a chhuak a, a kal leh ta a.

8

  Ahnu lawkah chuan Davida pawh chu a tho a, puk ata chu a chhuak a, "LALPA, ka LALPA," tiin Saula chu a au zui a. Tin, Saula a han lehhawi chuan Davida chuan a hmaia lei siin chibai a buk a.

9

  Tin, Davida chuan Suala hnenah, "Ngai teh,'Davida'n i chiatna a zawng a ni,' tia miten i hnena an sawi chu engah nge i awih thin?

10

  Ngai teh, vawiinah hian LALPA'n pukah hian ka kuta a hlanzia che hi i mit ngeiin i hmu a; thenkhat chuan tihhlum tur chein min tir a; nimahsela ka zuah chia; 'Ka LALPA hriak thih a ni si a,' ka ti a.

11

  Chu chauh pawh ni loin,ka pe en teh, hei ipuan fem pawh ka ken reng hi; i puan fem ka hleh theih si a, ka tihhlum loh cheuah hian ka kutah hian thil tha leh bawhchhiatna a awm lo tih le ka nunna lak tumin mi zawng mi zawng mah la, i chungah ka sual lo tih hre ngei ngei rawh khai,

12

  "LALPA'n nang nena kan chungthu hi rel se la, tin, LALPA chuan i lakah phuba mi laksak rawh se; mahse kei chuan i chungah kut ka thlak lo reng reng ang.

13

  Hman lai thufingin, 'Mi sual atangin sual a lo chhuak thin a,' a ti a; nimahsela i chungah kut ka thlak lo ang.

14

  Israel lal chu tu zawngin nge a lo chhuah? Tunge i um? Ui thisawn, uihli lek,

15

  Chuvangin LALPA chu roreltu ni se la, nang nena kan chung thu hi titlu se la, mi ngaihtuahsakin mi sawipui se la i kut ata mi chhanchhuak rawh se," a ti a.

16

  Tin, heti hi ani a, Davida'n Saula hnenah he'ng thu hi a sawi zawh chuan Saula chuan, "I aw elo ni, ka fapa Davida?" a ti a. Tin, Saula chu aw chhuah meuhin a tap ta a.

17

  Tin, Davida hnenah chuan, "Kei ai chuan i fel zawk em em a ni, ang zawngin ka chungah thil tha i ti a, kei erawh chuan thil tha lo ka ti a ni.

18

  Tin, vawiinah hian ka chungah hianthil tha i tihzia i tialgn a ni: LALPA'n i kuta min pek pawha min tihhlum loah hian.

19

  Miin a hmelma hmu ang se la, tlang takin a chhuah duh ang em? Chuvangin vawiina ka chunga i thil tihah LALPA'n thil thain rul che rawh se.

20

  Ngaiteh, lal i la ni ngei dawn ani tih ka hre ta a.

21

  chuvangin ka hnua ka thlahte lo awm turte hu tiboral lo tur leh ka pa chhungkaw zing ata ka hming tibo lo turin LALPA hmingin ka hnenah chia cham rawh khai," a ti a.chutichuan Davida chuan Saula hnenah chhia a chham ta a. Tin, Saula chu a haw ta a; Davida leh a mite erawh chu kulh bingah chuan an chho ta a.

22

  chutichuan Davida chuan Saula hnenah chhia a chham ta a. Tin, Saula chu a haw ta a; Davida leh a mite erawh chu kulh bingah chuan an chho ta a.

Mizo Bible
Copyright: Mizo ?