A A A A A
हिंदी बाइबिल Mizo Bible

मत्ती 15

1

  Chu mi lai chuan, Jerusalem khua atangin Pharisaite leh lehkhaziaktute Isua hnenah an lo kal a,

2

  Engati nge i zirtirte'n upate thuro chhiah chu an bawhchhiat thin? Chhang an eiin an kut an sil ngai si lo a, an ti a.

3

  Tin, ani chuan an hnenah, Nangni pawhin engati nge in thurochhiah vanga Pathian thupek in bawhchhiat ni?

4

  Pathianin, 'I nu leh i pa chawimawi rawh,' 'Tupawh a nu emaw a pa emaw sawichhia apiang chu thi mawlh rawh se,' a ti si a.

5

  Nangni erawh chuan, 'Tupawh a nu emaw, a pa emaw hnena i mi chhawrna tur hi Pathian hnena pek a ni tawh, ti apiang chuan,

6

  a nu leh a pa a chawimawi tur a ni lo e,' in ti thin a. Tichuan, in thurochhiah avangin Pathian thu chu in bawh bo ta a nih hi.

7

  Vervekte u, Isaia hian in chungchang thu a lo hril lawk dik zet mai.

8

  'He miteho hian an kain mi chawimawi a, an thinlung erawh chuan mi hlat si a.'

9

  'Engpawh ni se la, an zirtirnaah mihring thupek an zirtir avangin An mi biak thin hi athlawn mai a ni,' tiin, a ti a, a chhang a.

10

  Tin, mipui chu a ko a, an hnenah, Ngaithla u la, lo ngai thiam rawh u;

11

  Kaa lut chu mihring tibawlhhlawhtu a ni lo a; kaa chhuak chu, chu ngei chu mihring tibawlhhlawhtu a ni zawk e, a ti a.

12

  Chu mi lai chuan a zirtirte an lo kal a, a hnenah, Pharisaite'n kha thu kha an hriata an lung nih loh kha i hria em? an ti a.

13

  Ani erawh chuan, Kung zawng zawng ka Pa vana mi phun loh chu pawh chhuahin a awm ang.

14

  Anni chu pawisa suh u; hruaitu mitdel an ni. Tichuan, mitdelin mitdel vek a hruai chuan khuarkhurumah an tla dun ang, a ti a, a chhang a.

15

  Tin, Petera'n a hnenah, Tehkhin thu kha min hrilhfiah ta che, tiin a chhang a.

16

  Tin, ani chuan, Tun thlengin nangni pawh hriatna nei loin in la awm cheu maw?

17

  Kaa lut apiang chu pumah a tla thla a, dailennaa paih chhuahin a awm tih in hre lo'm ni?

18

  Kaa chhuakte erawh chu thinlungah a lo chhuak a ni; chung ngei chuan mihring a tibawlhhlawh thin a ni.

19

  Thinlungah hian ngaihtuahna sualte tualthahnate, uirenate, inngaihnate, rukruknate, heknate, sawichhiatnate a lo chhuak si thin a.

20

  Chu'ng chu mihring tibawlhhlawhtu a ni; kut sil loa chaw ei erawh chuan mi a tibawlhhlawh lo e, a ti a.

21

  Tin, Isua chuta ta chu a chhuak a, Tura leh Sidon bialah a kal ta a.

22

  Tin, ngai teh, chung ram ata chu Kanaan hmeichhe pakhat a lo chhuak a, Lalpa, Davida Fapa, mi khawngaih rawh; ka fanu ramhuaiin a man tlat a ni, tiin, a au a.

23

  Ani eawh chuan kam khat mahin a chhang lo. Tin, a zirtirte chuan, Kan hnungah a au a au si a, kaltir mai ta che, tiin an rawn ngen a.

24

  Ani erawh chuan, Israel hnam beram bo hnenah lo chuan tirh ka ni lo e, a ti a, a chhang a.

25

  Nimahsela, hmeichhia chu a lo kal a, Lalpa, mi pui rawh a, tiin, chibai a buk a.

26

  Tin, ani chuan, Fate chhang laksak a, uite hnena paih chu mawi lo e, a ti a, a chhang a.

27

  Ani chuan, Lalpa, nih zawng a ni a; nimahsela, uite pawhin an pu dawhkan ata chhang nawi tla chu an ei thin alawm, a ti a.

28

  Chu veleh Isua chuan a hnenah, Hmeichhia, i rin a nasa em mai; i duh ang takin i chungah awm rawh se, a ti a, a chhang a. Tichuan, a fanu chu, chu mi achinah chuan a lo dam ta mai a.

29

  Tin, Isua chuta ta chu a kal a, Galili dil kiang a lo thleng a; tin, tlangah chuan a chho a, chutah chuan a thu ta a.

30

  Tin, mipui tam tak, kebaite, mitdelte, tawng thei lote, piangsualte rawn hruaiin a hnenah an lo kal a, a ke bulah an dah a; tin, a lo tidam ta hlawm a.

31

  Chutichuan, mipui chuan tawng thei lote chu lo tawnga, piangsualte chu lo thaa, kebaite chu kea kala, mitdelte chu hmu theia an hmuhin mak an ti hle a; tichuan Israelte Pathian chu an fak ta a.

32

  Tin, Isua'n a zirtirte chu a ko a, Mipuiho hi tunah ni thum ka hnenah an awm tawh a, ei tur engmah an neih loh avangin ka khawngaih em em a ni; chaw ngheiin ka kaltir duh lo e, chutilochuan kawng lakah an chau dah ang e, a ti a.

33

  Tin, zirtirte chuan a hnenah, Mipui heti zozai puarna khawp chhangper chuti zozai thlalerah khawi ata nge kan hmuh ang? an ti a.

34

  Tin, Isua'n an hnenah, Chhangper engzat nge in neih? a ti a. Tin, anni chuan Per sarih, nghate tlemte nen, an ti a.

35

  Tin, ani chuan leia thu turin mipui chu thu a pe a.

36

  Tin, chhangper pasarih leh sanghate chu a la a, lawm thu a sawi a, a phel a, zirtirte hnenah a pe a, tin, zirtirte chuan mipuite hnenah an pe a.

37

  Tin, an vaiin an ei a, an puar ta hlawm a; an ei bang nawi pawh chu bawm sarih an rut khat a.

38

  A eitute chu, hmeichhia leh naupang tiam loin, patling hlir pawh sangli an ni a.Tin, mipuite chu a tintir hnuin lawngah a chuang a, Magadan ram a lo thleng a.

39

  Tin, mipuite chu a tintir hnuin lawngah a chuang a, Magadan ram a lo thleng a.

Mizo Bible
Copyright: Mizo ?