A A A A A
हिंदी बाइबिल Mizo Bible

गिनती 30



1

  Tin, Mosia'n Israela thlahte hnamho puipate chu a bia a, :Hei hi a ni, LALPA'n tu a pek chu.

2

  Miin LALPA hnena thu a tiam emaw, chhechhama mahni intiamkamna emaw a neih chuan a hlen ngei tur ni; a htu ang zawng zawng chu a ti vek tur a ni.

3

  Pate ina awm lai nula pawhin LALPA hnena thu a tiam emaw, chhechhama intiamkamna emaw a neih chuan,

4

  a pain a thutiam emaw a intiamkamna emaw chu ahriat a, a ngawihsan mai chuan a thutiam emaw, a intiamkamna emaw chu a ti ngei tur a ni.

5

  A pain a hriat ni ngeia a phal loh erawh chuan a thutiam emaw a intiamkamna emaw ata chu a fihlim ang a, a pain a phal loh avangin LALPA'n ani chu a ngaidam ang.

6

  Ngaihtuah thui mang loa thutiam emaw intiamkamna emaw nei laiin pasal a neih a,

7

  a pasalin a hriat nia a ngawih san mai chuan a thutiam emaw a intiamkamna emaw chu a hlen ngei tur a ni.

8

  Amaherawhchu a pasalin a hriat nia a phal loh chuan ngaihtuah thui loa thu a lo tiam emaw, a lo intiamkamna emaw ata chu a fihlim ang; tin, LALPA'n a ngaidam ang.

9

  Hmeithai te, makchhiat tawkte erawh chuan an thutiam emaw, an intiamkamna emaw chu an hlen ngei tur a ni.

10

  Pasalte ina awm laia thutiam emaw, intiamkamna emaw chu

11

  a pasalin a hriat pawha a ngawihsan a, a hnial loh chuan a thutiamkamna chu a hlen tur a ni.

12

  Amaherawhchu a pasalin a hriat nia a thiat emaw, a tihbosak emaw chuan a thutiam leh a intiamkamna chu sut a ni tawh ang.

13

  Thutiam emaw, intiamkamna emaw reng reng a pasalin a remtihpuiin a thiatsak thei bawk a ni.

14

  Amaherawhchu a pasalin a hriata a ngawihsan mai chuan a thutiam ang leh a intiamkamna ang ngei chuan a ti tur a ni; a hriat ni atanga a ngawihsan avangin a nemnghehpui tihna a ni.

15

  A hriat veleh a thiat a, a tihbosak erawhchuan a mawh chu maman a phur tur a ni.Heng hi, mipa leh anupui kar leh pa leh a fanu nulat laia a pa ina la awm reng an kara dan tura LALPA'n Mosia thu a pekte chu a ni.

16

  Heng hi, mipa leh anupui kar leh pa leh a fanu nulat laia a pa ina la awm reng an kara dan tura LALPA'n Mosia thu a pekte chu a ni.

Mizo Bible
Copyright: Mizo ?