A A A A A
हिंदी बाइबिल Mizo Bible

मीका 5

1

  Sipai rualte u, inpun khawm rawh u, min hual a, Israel hruaitu chu a biangah tiang in an vuak hi.

2

  Nimahsela nang Bethlehem Ephratha, Juda ram sang tamtak zinga telah te hle mah la, nangma lak atang hian Israelho roreltu tur chu ka tan a lo chhuak ang a; a lo chhuahna chu hmasang ata, chatuan atangin a ni.

3

  Chuvangin nauveitu chuan a hrin hma loh chuan anmahni a hawisan ang; tichuan a unau la awm chhunte chu Israela thlahte hnenah an kir leh ang.

4

  Ani chu a ding ang a, LALPA chaknain a ran rual chu a chawm ang, LALPA a pathian hming ropuina ngei chuan: tin, an ni chu him takin an awm reng ang a; ani chu lei tawp thlengin a ropui dawn si a.

5

  Tin, hemi hi kan in remna a ni ang; Assuria mi chu kan rama a lo kal a, kan lal inte a rawn rah hunah chuan, amah do turin berampu pasarih leh mi ropui pariat kan in dawk chhuak ang.

6

  Jokobho mi la awm chhunte chu chi tam takte zingah LALPA atanga dai tla ang leh hlobet chunga ruah sur angin an awm ang; chu chuan mihring a nghak lo a, mihring fapate a ngaichang hek lo.

7

  Jokobho mi la awm chhunte chu hnamte zingah leh chi tam takte zingah chuan ramhuai sate zinga sakei baknei ang leh beram rual zinga sakeibaknei vanglai angin a awm ang: ani chuan, akal tlang phawt chuan, a rap bet a, a pawt sawm a, a chhan tu tur pawh tumah an awm lo.

8

  I kut chu nangmah dotute chungah lekin awm se la, i hmelma zawng zawngte chu tihboralin awm rawh se.

9

  Chumi niah chuan heti hi a ni ang, LALPA'n a ti, i lak ata i sakawrte ka tiboral ang a, i tawlailirte ka tichhia ang:

10

  i ram khawpuite chu ka tiboral ang a, i kulhbing zawng zawngte chu ka tichim ang:

11

  kut ata dawithiamnate ka tiboral ang a; aienthiamte i nei tawh lo ang:

12

  I lak ata i milem siam chawpte i lungphunte chu ka tiboral ang a; i kutchuak thil chu i be tawh lo ang.

13

  I lak ata i Asera-te chu ka pawt chhuak ang a: i khawpuite chu ka tichhia ang.Tin, thu ngaithla lo hnamte chungah chuan thinurna leh thinrimnain phuba lakna ka ti puitling ang.

14

  Tin, thu ngaithla lo hnamte chungah chuan thinurna leh thinrimnain phuba lakna ka ti puitling ang.

Mizo Bible
Copyright: Mizo ?