A A A A A
हिंदी बाइबिल Mizo Bible

मीका 2



1

  An khum laizawla khawlohna suangtuahtute leh thil tha lo ngaihtuah chhuak tute chu an chung a pik e! Zingah khua a lo varin an tum ang ngei chuan an ti ta reng a.

2

  Mi lo te an awt a, an laksak a; inte an awt a, an la mai bawk a; mi leh an chhungte, mi leh an ro chenin an hnuai chhiah a ni.

3

  Chuvangin LALPA'n heti hian a ti: Ngai teh, he chhungkaw chungah hian thil tha lo ka suangtuah a ni, chumi atang chuan innghawng in la sawn lo ang a, chapo takin in kal tawh hek lo ang; hun tha lo a ni dawn si a.

4

  Chumi niah chuan nangmahni demin tehkhin thu an siam ang a, tah hla lungchhiatthlaka chhamin, Rawk vekin kan awm ta a nih hi: ka mite chan a tidanglam a: ka hnen ata a ti san ta a hih hi! Hel hmangte hnenah kan lo a sem darh ta a ni, an ti ang.

5

  Chuvangin LALPA mite inkhawmho zingah chuan thum vawra hruia teh saktu tumah inei lo ang.

6

  Thu hril suh u, tiin an sawi thin. Heng mite hnenah hian thu an hril lo ang: sawichhiatna chu a kiang lo ang.

7

  Aw Jakoba chhungte u, LALPA thlarau chuan dawhtheihna a tlachham em ni? Hnawh chepin a awm em ni? Heng hi a thil tih a ni em, tih tur em ni? Dik taka awm thin chungah chuan ka thute hian thil tha a ti lo em ni?

8

  Nimahsela ka mite chu tun hnaiah hmelma angin an lo ding chhuak a ni: indo duh loa ralmuang taka mi veivakte lak atangin an silhfen kawrfualte in hlihsak a.

9

  Ka mi hmeichhiate chu an innuam tak ata in hnawtchhuak a; an naupang te te atangin ka ropuina chu in la bo hlen a ni.

10

  Tho u la, kal bo rawh u; hetah hlimna a awm lo; in khawlohna avangin tihchhiat vek a ni dawn.

11

  'Uain leh zu a luang ang' tia dawt sawi zawlnei vak velte chu he'ng mite zawlnei ni awm lek an ni.

12

  Aw jakobho, in vaiin ka ko khawm ngei ang che u a; Israel mi la awm chhun te chu ka hruai khawm ngei ang; Bozra khaw beram angin ka dah khawm ang a: ran rual an hlobet hmuna awm ang maiin, mipui an nih avang chuan an sa mur mur ang.Su tlangtu chu an hmaah a kal a; an su tlang a, kawngkhar thlengin an kal zel a, chumiah chuan an kal chhuak a ni: tin an lal chu an hmaah a kal a, LALPA chuan an hma a hruai a.

13

  Su tlangtu chu an hmaah a kal a; an su tlang a, kawngkhar thlengin an kal zel a, chumiah chuan an kal chhuak a ni: tin an lal chu an hmaah a kal a, LALPA chuan an hma a hruai a.

Mizo Bible
Copyright: Mizo ?