A A A A A
हिंदी बाइबिल Mizo Bible

आमोस 7



1

  Lalpa PATHIAN chuan inlarna min hmuhtir a. Chutah chuan khaukhuap rual tam tak a siamte chu ka hmu a. Hei hi lal fathang buh an seng hnua, buh tiah leh tan tirh lai takin a ni a.

2

  Tin, heti hi a lo ni a, chumi rama hlobet chu an ei zawh hnuin, Aw lalpa PATHIAN, ngaidam rawh, ka ngen a che: Jakoba chu engtinnge a din theih ang; Amah a te si a, ka ti a.

3

  He thu lamah hian LALPA chu a lamlet a: LALPA chuan, A ni tawh lo ang, a ti a.

4

  LALPA chuan inlarna mi hmuhtir leh a, a mite hremnan mei a lo lai ka hmu a; mei chuan tui thuk tak chu a kang vek a, ram pawh a kang dawn a.

5

  Tin, keiin, Aw lalpa PATHIAN, bang rawh, ka ngen a che: Jakoba chu engtin nge a din theih ang? Amah a te si a, ka ti a.

6

  He thu lamah hian LALPA chu a lamlet a; LALPA chuan, Hengte pawh hi a lo thleng lo ang a ti a.

7

  Hetiangin mi entir leh a; chutah chuan, LALPA chu bang ngil taka rem kianga ding ka hmu a, a kutah enremna a awm a.

8

  Tin, ka hnenah LALPA chuan, Amosa, eng nge i hmuh? a ti a. Tin, keiin, Enremna, ka ti a, Tin LALPA chuan, ngai teh, ka mi Israelte zingah enremna ka dah ang a; an mahni ka pel leh tawh lo ang a:

9

  Tin, Isaaka hmun sangte chu an lo ram ang a, Israel hmun thianghlimte chu tihchhiat a ni ang a; tin, Jeroboama chhungte khandaihin ka do ang a.

10

  Tin, Bethel khaw puithiam Amazia chuan Israel lal Jeroboama hnenah: Amosa chuan Israela chhungte zingah a phiar che a: ram chuan a thu zawng zawng chu a tuar thei lo.

11

  Amosa chuan heti hian a ti si a, Jeroboama chu khandaihin a thi ang a, mathei loin a ram atangin Israel chu chu salah a hruai chhuak ang a, tiin thu a thawn a.

12

  Ti, Amosa hnenah Amazia chuan, Aw, nang zawlnei, kal la, Judai ramah tlanbo la, chutah chaw ei la, thu hril rawh:

13

  nimahsela Bethel khuaah thu hril leh tawh suh; lal hmun thianghlim leh lal in a nih avangin, a ti bawk a.

14

  Tin, Amazia hnenah Amosa chuan, Zawlnei ka ni lo a, zawlnei fapa pawh ka ni hek lo; ran rual vengtu leh theipui thing enkawltu ka ni zawk e:

15

  Tin, LALPA chuan beram rual venna ata chu mi la a, LALPA chuan ka hnenah, kal la, ka mi Israelte hnenah thu hril rawh, min ti a.

16

  Chutichuan tunah LALPA thu chu hre rawh: Nangin Israel kalhin thu hril suh la, Isaaka chhungte kalhin i thu thlah suh la, i ti a;chuvangin LALPA chuan heti hian, I nupui chu khawpuiah nawhchizuar a ni ang a, i ram chu tehna hruiin an sem ang a; tin, nangmah ngei chu ram thianglo chhungah chuan i thi ang a, mathei loin Israel chu a ram ata salah an hruai bo ang a, a ti a, tiin a chhang a.

17

  chuvangin LALPA chuan heti hian, I nupui chu khawpuiah nawhchizuar a ni ang a, i ram chu tehna hruiin an sem ang a; tin, nangmah ngei chu ram thianglo chhungah chuan i thi ang a, mathei loin Israel chu a ram ata salah an hruai bo ang a, a ti a, tiin a chhang a.

Mizo Bible
Copyright: Mizo ?