A A A A A
हिंदी बाइबिल Mizo Bible

आमोस 2



1

  LALPA'n heti hian a ti: Moab bawhchhiatna pathum avangin, a ni pali avangin,a, hremna chu ka tireh lo ang;Edom lal ruhte chu chinai ang hialin a hal avangin:

2

  nimahsela Moab chungah mei ka tir ang a, Kerioth khaw lal inte a kang zo ang a; tin, Moab chu buaina leh au leh tawtawrawt riin a thi ang a:

3

  chumi zing ata roreltu chu ka ti bo ang a, a miliante zawng zawng chu, amah nen ka that ang, LALPA chuan a ti.

4

  LALPA chuan heti hian a ti:Juda bawhchhiatna pathum avangin, a ni pali avangin,a hremna chu ka tireh lo ang; LALPA dan chu an hnar a, a thupekte an vawng lo va an pate biak thin pathian lemte khan a hruai bo avangin.

5

  nimahsela Juda chungah mei ka tir ang a. Jerusalem khaw lal inte chu a kang zo ang.

6

  LALPA chuan heti hian a ti: Israel bawhchhiatna pathum avangin, a ni pali avangin, a ni a hremna chu ka tireh lo ang; tangkaruaa mifel an hralh avang leh, pheikhawk bun khatami tlachham a hralh avangin:

7

  mi retheite lu chunga vaivut takngial pawh an it a, pachhiate an ruksak a, pa leh a fapa chuan nula pakhat an zen tawm a, ka hming thianghlim an tibawlhhlawh a ni.

8

  Maicham awmna apiangah puan dahkham chungah an mu thin a, an Pathian inah chuan mi an chawitir mante chuan uain an in thin a.

9

  Nimahsela anmahni hmaah Amorho, sidar thing anga sang leh sasua anga chak pawh kha ka tiboral a; a chung lam ata a rah leh a hnuai lam ata a zung pawh ka tibo a.

10

  Tin, Amorho ram nei turin Aigupta ram atangin ka hruai chhuak che u a, thlaler ah kum sawmli chhungin ka hruai che u a.

11

  Tin, zawlnei ni turin in fapate zinga mi leh Nazirit mi ni turin tlangvalte ka siam a. Aw, Israel fate u, chutiangin a ni lo em ni? LALPA thu chhuak chuan a ti.

12

  Nimahsela Nazirit mi hnenah uain in tur a pe a, zawlneite hnenah, Thu hril suh u, tiin thu in pe a.

13

  Ngai teh u, buhphala khat, tawlailir chilh angin, in hmunah ka nem ang che u.

14

  Tin, mi tlan chakte chakna a bo ang a, mi chakin tha a so thei hek lo ang: mi chak tak pawh a in hum thei lo ang a,

15

  thal ngul hmangtu pawh a ding thei hek lo ang: kal chak mi pawh a inhum thei lo vang a, sakawr chung chuang mi pawh a inhum thei hek lo ang a:chumi niah chuan mi thiltithei tak zinga mi huaisen pawh chu saruakin a tlanbo vang, LALPA thu chhuak chuan a ti.

16

  chumi niah chuan mi thiltithei tak zinga mi huaisen pawh chu saruakin a tlanbo vang, LALPA thu chhuak chuan a ti.

Mizo Bible
Copyright: Mizo ?