English
A A A A A
×

हिंदी बाइबिल Mizo Bible

Leviticus 10

1
Tin, Arona fapa, Nadaba leh Abihua te chuan an mei lakna chu an la ve a, chutah chuan meiling an dah a, rimtui an phul a, LALPA hmaah a thupek lohin mei hman loh chi an hlan a.
2
Chutichuan LALPA hma atangin mei a lo chhuak a, anni chu a kanghlum a, LALPA hmaah chuan an thi ta a.
3
Chutichuan Mosia'n Arona hnenah, "Mi rawn hnaihtuahte chuan thianghlimin ka lang ang a, mipui zawng zawng hmaah huan chawimawiin ka awm ang,' tia LALPA'n a sawi kha hei hi a nih hi," a ti a. Tin, Arona chu a ngawi reng a.
4
Tichuan Mosia chuan Arona pami Uziela fapa Misaela leh Elzaphana te chu a ko a, an hnenah, "Lo hnai u la, in unaute hi hmun thianghlim ata dawipawnah zawn chhuak rawh u," a ti a.
5
Chutichuan an lo hnai a, kawr ha chungin daipawnah an zawn chhuak a, Mosia sawi ang chuan.
6
Tin, Mosia'n Arona hnenah leh a fapa Eleazara leh Ithamara te hnenah chuan, "In sam thlah suh u la, in puante pawtthler hek suh u, chutilochuan in thi ang a, mi zawng zawng chungah a thinur ang: in unau, Israela chhungkaw pumpuiin mei, LALPA hal chu sun zawk rawh se.
7
Tin, inbiakna puan in kawngka ata chu in chhuak tur a ni lo, chutilochuan in thi ang: LALPA hriak, thih mi chu in chungah a awm si a," a ti a. Tichuan Mosia thu ang chuan an ti ta a.
8
Tin, LALPA'n Arona chu a bia a,
9
"Nang emaw I fapate emaw pawhin inbiakna puan in chhunga in kal laiin uaiin leh zu reng reng in suh u, chutilochuan in thi ang: in thlahte zel thlenga kumkhaw dan tur a ni ang a;
10
chu chu a thianghlim leh a thianghlim lo leh a thiang leh a thiang lo in thlei theihna tur leh
11
LALPA'n Mosia hmanga an hnena a sawi, thupek zawng zawngte chu Israel thlahte chu in zirtir theihna'n a ni ang, tiin.
12
Tin, Mosia'n Arona hnenah leh a fapa la dam Eleazara leh Ithamarate hnenah chuan, "LALPA tana meia thilhlana mi, chhangphut thilhlan lak bangte chu la u la, maicham bulah dawidim tel loin ei rawh u: thil thianghlim a ni si a:
13
tin, LALPA tana meia thilhlana i pual leh i fapate pual a nih avangin hmun thianghlimah in ei tur a ni; chutianga thupek ka ni e.
14
Tin, a ir then leh a bawp ding lam then chu hmun faiah in ei tur a ni; nang leh i fapate leh i fanute ho nen: Israela thlahte remna thilhlan inthawinaa i pual leh i fapate puala ruat a ni si a.
15
Bawp then leh ir then chu LALPA hmaa then thilhlana then turin meia thilhlan thau nen an rawn keng tur a ni a: chu chu nang leh i fapate nen, kumkhuaa in pual tur a ni ang, LALPA thupek ang khan," a ti a.
16
Tin, Mosia chuan sual thawina kel chu ngun takin a zawng a, tin, ngai teh, an lo hal tawh reng a ni a: tichuan, Arona fapa la dam, Elazara leh Ithamara chungah chuan a thinur a,
17
"Engatinge sual thawina chu hmun thianghlimah in ei loh? Thil thianghlim, mipuiho khawlohna phur tura LALPA hmaa remna siamsakna tura a pek che u a ni si a.
18
Ngaiteh u, a thisen chu hmun thianghlimah in la lut hlei nem: thu ka pek ang khan hmun thianghlimah chuan in ei ngei ngei tur a ni a sin," tiin.
19
Tin, Aronan Mosia hnenah, "Ngaiteh, vawiinah hian LALPA hmaah an sual thawina leh an halral thilhlan chu an hlan a ni a; hetiang thil hi ka chungah a lo awm ta mai si a: vawiinah hian sual thawina chu lo ei ta i la, LALPA ngaiha thil tihawm a lo ni dawn maw?" a ti a.Tin, Mosia'n chu chu a hriatin a lungawi ta a.
20
Tin, Mosia'n chu chu a hriatin a lungawi ta a.
Leviticus 10:1
Leviticus 10:2
Leviticus 10:3
Leviticus 10:4
Leviticus 10:5
Leviticus 10:6
Leviticus 10:7
Leviticus 10:8
Leviticus 10:9
Leviticus 10:10
Leviticus 10:11
Leviticus 10:12
Leviticus 10:13
Leviticus 10:14
Leviticus 10:15
Leviticus 10:16
Leviticus 10:17
Leviticus 10:18
Leviticus 10:19
Leviticus 10:20
Leviticus 1 / Lev 1
Leviticus 2 / Lev 2
Leviticus 3 / Lev 3
Leviticus 4 / Lev 4
Leviticus 5 / Lev 5
Leviticus 6 / Lev 6
Leviticus 7 / Lev 7
Leviticus 8 / Lev 8
Leviticus 9 / Lev 9
Leviticus 10 / Lev 10
Leviticus 11 / Lev 11
Leviticus 12 / Lev 12
Leviticus 13 / Lev 13
Leviticus 14 / Lev 14
Leviticus 15 / Lev 15
Leviticus 16 / Lev 16
Leviticus 17 / Lev 17
Leviticus 18 / Lev 18
Leviticus 19 / Lev 19
Leviticus 20 / Lev 20
Leviticus 21 / Lev 21
Leviticus 22 / Lev 22
Leviticus 23 / Lev 23
Leviticus 24 / Lev 24
Leviticus 25 / Lev 25
Leviticus 26 / Lev 26
Leviticus 27 / Lev 27