A A A A A
हिंदी बाइबिल Mizo Bible

होशे 7



1

  Isrel tihdam ka tumin Ephraim khawlohna a lo lang a, Samari suahsualna nen: bum an ching a, Chhung lamah rukru a lo lut a, Pawn lamah suamhmang rualin an suam si a.

2

  An suahsualna zawng zawng ka hre reng tih An thinlungin an ngaihtuah lo: Tunah chuan an thiltihte ngeiin a chim vel tlat tawh a. Ka hmai hmaah an awm a ni.

3

  An suahsualnain lalber a titlawm a, An dawt thuin mi liante an tilawm bawk a.

4

  An vaiin uire an ni a; Chhang siamtuin thuk a ur lum, Chhangphut a hmeh diak a thawh hmaa, Mei chhawm a chhawlhsan rih ang hi an ni.

5

  Kan lalber niah chuan mi liante chu uain ru takin an intirui a; Ani chuan hmusittute rualin a kut a phar a.

6

  Aruka an chan laiin an thinlung chu thuk ang maiin an siam tawh si a: An thinur chu zankhuain a dai a, Zingah chuan meialh angin a alh a.

7

  Thuk ang maiin an sa vek a, an roreltute an tiboral a; An lalber apiangte chu an tlu a, An zingah tumah mi au an awm lo.

8

  Ephraim lah chu, hnam dangte zingah a intelh a; Ephraim chu chhang leh lo a ni.

9

  Mikhualte chuan a chakna an ei zawhsak a, Ani chuan a hre lo: Hmul tuakin a bawm nual tawh a, Ani chuan a hre lo.

10

  Israel ropuina chuan a hmai hmaah a hriattir thin a, Nimahsela, he'ng zawng zawngah pawh hian LALPA an pathian lam chu an hawi lo a,A nichu an zawng hek lo.

11

  Ephraim chu thuro lungmawl, hriatthiamna nei lo ang a lo ni a; Aigupta lam an au thul a, Assuria lamah an kal thul a.

12

  An kal laiin an chungah ka len ka vawrh ang a, Chungleng sava manin ka man ang a, An inkhawmhoin an hriat tawh ang in an mahni ka hrem ang.

13

  An chung a pik e! ka hnen ata an kal bo ta si a, Boralna an chungah a thleng e! ka chungah an hel ta si a, Anni erawh chuan dawt mi sawi khum a.

14

  An thinlung takin mi au lo va An khum laizawlah an chiau mai mai zawk a ni: Buh leh uain atan an inkhawm a, ka chungah chuan an hel si a.

15

  Kei chuan ka hruai chhuak a, ka ti chak a, Mahse ka chungah thil tha lo an suangtuah a ni.An hawi kir a, Chungnungbera hnenah ni loin; Thal ngul rul ang an ni a, An miliante chu an tawng chaltlai avangin khandaihi an tlu ang: Heihi Aigupta rama nuihzabur an nihna a ni ang.

16

  An hawi kir a, Chungnungbera hnenah ni loin; Thal ngul rul ang an ni a, An miliante chu an tawng chaltlai avangin khandaihi an tlu ang: Heihi Aigupta rama nuihzabur an nihna a ni ang.

Mizo Bible
Copyright: Mizo ?