A A A A A
हिंदी बाइबिल Mizo Bible

होशे 4



1

  Israela thlahte u, LALPA thu chu ngai thla teh u; He ramah hian thutak leh khawngaihna leh Pathian hriatna awm loh avangin, Lalpa chuan ram luahtute beihna tur a nei.

2

  Chhechham te, in bum te, in thah te, rukruk te, Uire chin te a punlun a, thisen a in phaman reng a ni.

3

  Chuvangin ram chuan a sun ang a, A chhunga cheng tinreng an chau vang, Ramsate, chungleng savate nen; A ni, tufinriata sanghate chenin lak bo an ni ang.

4

  Amaherawhchu tumah inbei suh se la, Tumah inzilhhau hek suh se; I mite chu puithiam beitute ang an ni si a.

5

  Chhunah i tlu ang a, nangmah nen zawlnei pawh zanah a tlu ang a, I nu pawh ka tiboral ang.

6

  Ka mite chu hriatna tlakchham avangin tihboral an ni a, Hriatna i hnar avangin kei pawhin ka puithiam i nihna ata ka hnar tawh ang che. I pathian dan i theihnghilh vei a, Kei pawh hian i fate ka theihnghilh ve ang.

7

  An pun poh leh ka chungah an sual tulh tulh vei a, An ropuina chu mualphonaah ka chantir ang.

8

  Ka mite sualna azarah an intihausa a, An khawlohnaah chuan an thinlung an nghat a,

9

  A mipui a puithiamin ang khata hrem an ni ang a, An kawngte avang chuan anmahni ka hrem ang a, An thiltihte ka thungrul ang.

10

  An ei tak na'ng a, an tlai si lo ang, Nawhchizawrh an ching na'nga, an pung lo vang, LALPA pawisakna an neih loh avangin.

11

  Nawhchizawrh te, uain te, uain thar te chuan. Thinlung a la bo thin

12

  Ka mite chuan an thing an rawn a, An tiang chuan an hril thin; Nawchizawrhna rilru chuan a hruai bo a, An pathian lak ata an hnar bo ta si a.

13

  Tlang chhipahte chuan an inthawi a, Mualah te chuan rimtui an hal a, Sasua leh beraw leh hlai hnuaiahte chuan- A hlim a nawm avangin; Chuvangin in fanute chuan nawhchizawrh an ching a. In fa-mote chuan uire an ching a ni.

14

  In fanuten nawhchi an zawrh a, In fa mote an uirein ka hrem lo ang: Anmahni ngei pawh nawhchizuarte nen an kal hrang a, Maicham-nawhchizuarte nen an in thawi ho si a; Hrethiamlo mipuite chu an tlu chhia ang.

15

  Israel, nang chuan nawhchizawrh ching ta mah la, Juda zawngin ching ve lul suh se, Gilgal-ah lo kal suh u la, Beth-even-ah chho hek suh u la, LALPA anun chhung chu, tiin chhia chham hek suh u.

16

  Bawngla luhlul ang maiin Israel ho an luhlul a; Tunah chuan LALPA'n beram no angin phulah ka chawm thei ang em?

17

  Ephraim chuan milem a zawmpui ta a, A awm awmin awm rawh se.

18

  An zu in chu an tiak a, an inphalrai ta thin; A roreltute chuan thil zahpuiawm tih an ngaina em em a ni.Thliin a lak hunah an inthawinate avangin an la zak ang.

19

  Thliin a lak hunah an inthawinate avangin an la zak ang.

Mizo Bible
Copyright: Mizo ?