A A A A A
Facebook Instagram Twitter
हिंदी बाइबिल Mizo Bible

Daniel 2



1
Tin, Nebukadnezzara rorel kumhnih naan chuan Nebukadnezzara chuan mumang a nei a; a rilru a lo buai zo ta a, a muhil thei ta lo a.
2
Tichuan, lal chuan a mumang chu amah hrilh turin dawivaihthiamte, aikaihthiamte, dawithiamte, Kakdai mite koh thu a pe a. Tichuan, an lo kal a, lal hmaah chuan an ding a.
3
Tin, lal chuan an hnenah, Mumang ka nei a, chu mumang chu hre turin ka rilru a buaizo ta a," a ti a.
4
Kaldai mite chuan, suria tawngin, lal hnenah chuan, Aw lalber, kumkhua in dam ang che: i mumang chu i chhiahhlawhte hi hrilh la, tin, a hrilhfiahna chua ka entir dawn che nia," an ti a.
5
Lal chuan kaldai mite chu a chhang a, an hnenah Ka hnen atangin thu chu a chhuak tawh a lawm, mumang leh a hrilhfiahna chu ka hnenah in tih lan loh na chuan sah sawm in ni ang, in inte pawh hnawmhnawka siam a ni mai ang.
6
Mumang leh a hrilhfiahna intihlan erawh chuan ka hnen ata thilpek leh chawimawina ropui tak in hmu ang: chuvangin mumang leh a hrilhfiahna chu mi entir rawh u," a ti a.
7
Anni chuan an chhang leh a, Lal chuan chu mumang chu a chhiahhlawhte hi min hrilh se la, tin,a hrilhfiahna chu ka entir a nge," an ti a.
8
Lal chuan a chhang a, Hun in tisei lui mai mai dawn ani tih chiang takin ka hria;
9
ka hnen atangin thu chu a chhuak tawh tih in hria e, ka hnena mumang chu in tih lan loh na chuan in tan dankhat chauh a awm: dawtsawi kual a, ka hmaa sawitur dawt thu leh thu tlaktlai lo in buatsaih a nih hi: chutichuan mumang chu min hrilh rawh u, tin, a hrilhfiahna pawh chu min entir thei tih ka hria ang,''a ti a.
10
Kaldai mite chuan lal chu an chhang a, Lal thil phut hi entir thei tur mipakhatmah lei chungah an awm lo e: lal te, hotu te, roreltu te tumah rengin hatiang thil hi dawivaihthiam emaw, aikaihthiam emaw, kaldai mi emaw an la zawt ngai si lo.
11
Tin, lal thil phut hi thil khirh tak a ni a, tisaa khawsa lo pathiante tih chauh lo chu entir thei tur tumah an awm lo e,'' an ti a.
12
Chuvang chuan lal chu a thinrim em em a, a kawlh ta hle mai a, Babulon mifing zawng zawng chu tihboral vektur thu a pe ta a.
13
Chutichuan thupek chu a chhuak ta a, mi finghote chu tihhlum tur an ni ta a; tin, Daniela leh a thian te pawh tihhlum turin an zawng a.
14
Tin, Daniela chuan Babulon mifingte tihhlum tura kal chhuak, Arioka, lal vengtu pawl hotu chu remhre tak lah fing takin a chhang a;
15
lal vengtu pawl hotu Arioka hnenah chuan, Eng tizia nge lal thupek chu chuti ema a hmanhmawh le?'' tiin a chhanga. Tin, Arioka chuan Daniela chua a hrilh ta a.
16
Tin, Daniela chu a lut a, lal chu a hrilhfiahna a entir theihna'n hun kian turin a ngen a.
17
Tichuan, Daniela chu a in ah ahawnga, chu thil chu a thian Hanania te, Misaela te, Azaria te ahrilh a:
18
Babulon mifing dangte zinga Daniela leh athiante chu an boral ve lohna'na he thu inthup chungchangah hian van pathian lkawngaihna an dilna turin.
19
Tin, chu thi inthup chu zan inlarnaah Daniela hnenaah a lang ta a. Tin, Daniela chuan van pathian chu a fak a.
20
Daniela chuan, Pathian hming chu kumkhaw tlaitluanin fakin awm rawh se: Finna leh thiltihtheihna a ta a ni si a:
21
Hunte leh hunbite a ti danglam a: Lalte a sawn bo a, lalte a tungding a: Mifing hnenah a finna a pe a, Hrethiamtu hnenah hriatna a pe a:
22
Thil thuk leh thil inthupte a tilang a: Thima awm pawh a hria a, a hnenah chuan eng a cheng a.
23
Aw ka thlahtute pathian, finna leh theihna min petu, i lak ata ak thil dil tuna min hriattir tu chu. Lawmthu ka hrilhin ka fak a che: Lal thil chu min hriattir tawh si a,'' tiin a sawi a.
24
Chutichuan Daniela chu Babulon mifingte tiboral tura lalina ruat Arioka hnenah chuan a va kal a, a hnenah chuan, Babulon mifingte chu tiboral suh: Lal hmaah chuan mi hruai la, lal hnenah chuan a hrilhfiahna ka entir a ng e,'' a va ti a.
25
Tin, Arioka chuan Daniela chu hmanhmawh takin la hmaah a hruai ta a, a hnenah, Juda sal fate zingah lal hnena a hrilhfiahna hriattirtu tur mi pakhat ka hmu ta,'' a ti a.
26
Lal chuan Daniela, a hming Beltesazzara hnenah chuan, Mumang ka neih leh a hrilhfiahna chu ka hnenah mi hriattir thei em ni?''a lo ti a.
27
Daniela chuan lal chu a chhang a, a hnenah Thil inthup, lal in hriat a duh chu, mi fingte, aikaihthiam te, dawivaihthiamte, aisanthiamte chuan lal hnenah an entir thei lo a;
28
mahse thil inthupte puangtu Pathian chu vanah a awm a, lal Nebukadnezzara hi tun hnua thil lo la awmtur te chu a hriattir a nih hi. I mumang leh i khum laizawla i lu-a inlarna te chu he'ng hi a ni:
29
Aw lalber, nang chuan i khum laizawlah chuan tun hnua thil lo awm turte i ngaihtuah a, thil inthupte puang thintu chuan tun hnua thil lo la awm turte chu a hriattir che a ni a.
30
Tin, kei hian midang te aia finna ka neih bik avanga he thil inthup i ka hnena puan a ni lo a, lal hnenah a hrilhfiahna hriattir turin a ni zawk e, i thinlunga i ngaihtuahte chu i hriat theihna'n
31
Aw lalber, i han dak chhuak a, ngaiteh, milim ropuitak a awm a. Chu milim hrawlpui, tle em em mai chu, i hmaah a ding a; a landan pawh tihbaiawm tak a ni.
32
Chu milim chu a lu rangkachak thianghlim tak a ni a, a awm leh a bante chu tangkarua, a pum leh a malpui te dar,
33
a kete thir, a kephah chu a then thir, a then bellei a ni a.
34
Nang chuan lung, kut loa laihchhuah i thlir reng laiin milim chu a kephah thir leh belleiah chuan a han delh a, a tikeh sawm ta vek a.
35
Tichuan, thir te, bellei te, dar te, tangkarua te, rangkachak te chu a rualin an keh sawm ta vek a, nipui lai hrui zawla buhsi ang mai an lo ni ta a: tin thliin anmahni a len bo va: tin, milim delhtu lung chu tlang lian takah a lo chang a, lei pum hi a khat ta a.
36
Hei hi mumang chu a ni a; tin, a hrilhfiahna chu lal hmaah hian kan han sawi leh ang e.
37
Aw lalber, nang hi lalte lal, van Pathian in ram te, thiltihtheihna te, chakna te, ropuina te a pek a chu i ni a;
38
chuvangin khawiah pawh mihring fate awmna apiangah ramsa te, chungleng sava te, i kutah a pe a, an zaa chungah rorel turin a siam chia: rangkachak lu chu nang hi i ni.
39
Tin, i hnuah hian ramdang, nang aia tenau zawk a lo ding ang; tin, dar ram thumna, lei chung zawng zawnga rorel tur chu a awm leh ang.
40
Tin, ram lina chu thir anga khauh a ni ang: thir chuan a tikeh sawmin thil zawng zawng a hneh thin ang hian: tin, thirin thil zawng zawng a tikeh ang bawkin a ni chuan a tikeh sawmin a rawtdip ang.
41
Tin, a kephah leh a zungtang te chu, athen belvawtu hlum, athen thir nia i hmuh ang ngei khan.
42
Tin, a kezungtang a then thir, a then hlum a nih ang bawk khan ram chu athen ah chuan achak ang a, athenah chuan a chhe awl ang.
43
Tin, thir leh hlumnem inpawlh i hmuh ang ngei khan anni chu mihring chiin an inpawlh ang a; mahse thir leh hlum a inpawlh tak tak thei lo ang bawk in an inzawm reng thei lo ang.
44
Tin, chung lalte niah chuan van Pathianin ram a rawn din ang a, chu chu a chhe ngai tawh lo ang a, a lalna pawh midangte tan hnutchhiah a ni hek lo ang; he'ng ram zawng zawng te hi a tikeh sawmin a tiral zawk ang a, kumkhuain a ding reng ang;
45
tlang ata lung, kut loa laih chhuahin thir te, dar te hlum te, tangkarua te, rangkachak te a tikeh sawm i hmuh ang ngei khan. Pathian ropui tak chuan lal hnenah hian tun hnua thil lo awm tur chu a puang a ni e: tin, mumang chu a tak ngei a, a hrilhfiahna pawh a dik ngei a ni,'' a ti a.
46
Tichuan, lal Nebukadnezzara chu a bawkkhupa, Daniela chu chibai a buk a, a hnenah chuan thilhlan leh rimtuite rawn hlan turin thu a pe a.
47
Lal chuan Daniela chu a chhang a, a hnenah, He thil inthup i puan theihziah hian in pathian chu pathian te pathian, lalte Lal, thilinthup puangtu a lo ni ngei mai e,'' a ti a.
48
Tichuan lal chuan Daniela chu a siamlian a, thil pek ropui tam tak a pe a, Babulon ram pumpui a rorel tur leh Babulon mifingte zawng zawng chnga hotu ber ni ber ni turin a siam a.Tin, Daniela dil angin la chuan Sadraka te,Mesaka te, Abednagoa te chu Babulon bial chungchanga hotuah a dah a, Daniela erawh chu lalber rorelnaah chuan a awm ta a.
49
Tin, Daniela dil angin la chuan Sadraka te,Mesaka te, Abednagoa te chu Babulon bial chungchanga hotuah a dah a, Daniela erawh chu lalber rorelnaah chuan a awm ta a.











Daniel 2:1

Daniel 2:2

Daniel 2:3

Daniel 2:4

Daniel 2:5

Daniel 2:6

Daniel 2:7

Daniel 2:8

Daniel 2:9

Daniel 2:10

Daniel 2:11

Daniel 2:12

Daniel 2:13

Daniel 2:14

Daniel 2:15

Daniel 2:16

Daniel 2:17

Daniel 2:18

Daniel 2:19

Daniel 2:20

Daniel 2:21

Daniel 2:22

Daniel 2:23

Daniel 2:24

Daniel 2:25

Daniel 2:26

Daniel 2:27

Daniel 2:28

Daniel 2:29

Daniel 2:30

Daniel 2:31

Daniel 2:32

Daniel 2:33

Daniel 2:34

Daniel 2:35

Daniel 2:36

Daniel 2:37

Daniel 2:38

Daniel 2:39

Daniel 2:40

Daniel 2:41

Daniel 2:42

Daniel 2:43

Daniel 2:44

Daniel 2:45

Daniel 2:46

Daniel 2:47

Daniel 2:48

Daniel 2:49







Daniel 1 / Dan 1

Daniel 2 / Dan 2

Daniel 3 / Dan 3

Daniel 4 / Dan 4

Daniel 5 / Dan 5

Daniel 6 / Dan 6

Daniel 7 / Dan 7

Daniel 8 / Dan 8

Daniel 9 / Dan 9

Daniel 10 / Dan 10

Daniel 11 / Dan 11

Daniel 12 / Dan 12