A A A A A
Facebook Instagram Twitter
हिंदी बाइबिल Mizo Bible

Ezekiel 40



1
Kan saltan kum sawmhnih leh pangana chumi kum bul thla ni sawmna, khawpui chhiat hnu kum sawm leh palina, chumi ni ngeiah chuan LALPA kut chu ka chungah a lo awm a, chutah chuan mi hruai a.
2
Pathian inlarnaah chuan Israel ramah mi hruai a, tlangsang takah mi dah a, chumi chhim lamah chuan khawpui din tawh ang mai a awm a.
3
Chutah chuan mi hruai a, ngai teh, mi pakhat a lo awm a, a hmel landan chu dar ang mai a ni a, la zai leh tehna tiang a keng a, kawngkaah chuan a ding a.
4
Tin, mi chuan ka hnenah,"Mihring fapa, i mit khan en la, i beng chhi la, ka entir tur che lamah i rilru nghat tlat rawh; chu ka thil entir tur che atan chuan hetah hian rawn hruai i ni si a: i hmuh zawng zawngte chu Isael chhungte 'hnenah chuan puang ang che," a ti a.
5
tin, ngai teh, in velah chuan kulh bang a lo awm a, tin, mi chuan tehna tiang, tawng ruka sei a keng a, a tawng khat chu tawng khat leh kutphah beng theuh a ni; tin, kulh bang chhah lam chu a teh a, tiang tluk khat a ni a, a san lam pawh tiang tluk khat a ni bawk.
6
Tichuan, chhak lam chhawng kawngka inah a lo kal a, a rahkaah chuan a chho a; tin, kawngka in luhna pindan chu a teh a, tiang tluk khata zau a ni.
7
Tin, venna pindante chu a dunglam tiang tluk khat, a vanglam tiang tluk khat theuh a ni; venna pindan inkar chu tawng nga theuh a ni a; tin, in pui lam kawngka in sumhmun lama kawngka in luhna pindan chu tiang tluk khat a ni a.
8
A bangpengte chu tawnghnih theuh a ni a, kawngka sumhmun chu inpui lamah a ni.
9
Tin, chhaklam kawngka ina venna pindante chu lehlam lehlamah pathum ve ve a ni a, an pathum chuan intiat vek a ni; tin, bang pengte pawh kha a lehlam lehlama mi chu a intiat a ni.
10
Tin, kawngka inluhna vanglam chu a teh a, tawngsawm a ni a; kawngka in kal tlangna vanglam chu tawng sawm leh pathum a ni.
11
Tin, venna pindan hmaah chuan daidanna leh lam lehlamah tawngkhata chhah ve ve a awm a; tichuan venna pindante chu lehlam lehlamah tawngruk ve ve a ni.
12
Tin, kawngka in chu a teh a, venna pindan pakhat chung atanga a lehlam chung thleng chuan tawng sawmhnih leh pangaa zau a ni, kawngkhar leh kawngkhar inzawm theuhin.
13
Tin, sumhmun pawh chu a teh a, tawngsawmhnih a ni a; kawngka in sumhmun pawn chu hungchhung chu a lo ni a.
14
Tin, kawngka in pawn ta ber atanga kawngka in sumhmun chhungril ber thleng chuan tawng sawmnga a ni.
15
Tin, kawngka in chhunglamah chuan a velin pindanahte chuan tukverh hawntheih loh a awm a, a inkara banahte pawh; a sumhmunahte pawh, a chhung lamah pawh a velin tukverh a awm a, a banahte chuan tum thinglem a awm theuh bawk a.
16
Tin, hung chhung pawnta zawkah chuan mi hruai a; tin, ngai teh, pindante a awm a, hungchhung chu a velin lungrem a ni a; tin, lungremah chuan pindan sawmthum a awm a.
17
Tin, lungrem chu kanwgka in atanga rem a ni a, kawngka in chen bawk tura rem a ni a, chu chu lungrem hnuaihnung zawk a ni.
18
Tin, kanwgka in hnuai zawk zawn atang chuan hung chhung nung zawk pawnlam thleng chuan a teh a, a zauzia chu tawng zakhat a ni, a chhak lam leh a hmar lam pawh.
19
Tin, hung chhung pawnta zawk kawngka in hmar lam panga mi chu a dung leh a vang pawh a teh a.
20
Tin, venna pindan chu lehlam lehlamah pathum ve ve a awm a, a bangpengte leh a kawngka in sumhmunte pawh a hmasa ang vek a ni; a dung chu tawng sawm nga a ni a, a vang chu tawng sawmhnih leh panga.
21
A tukverhte, a sumhmuntea tum thing lemte chu chhak lam kawngka in a mi vek a ni; rahka pasarih a awm chho a, a sumhmun chu a chhunglamah a awm a.
22
Hung chhungnung zawk luhna tur kawngka in chu kawngka in dang zawnah khan a awm zel a, hmar lamah leh chhak lamah pawh; tin, kawngka in leh kawngka in inkar chu a teh a, tawng za a ni.
23
Tin, chhim lamah mi hruai leh a, tin, ngai teh, chhim lam kawngka in chu a lo awm a; tin, a teh dan pangngaiin a bangpengte leh a sumhmun chu a teh a.
24
Chutah chuan a dnagte ang bawkin a velin tukverhte a awm a, a sumhmunah pawh; 'a dung chu tawng sawmnga a ni a, a vanglam chu tawng sawmhnih a ni
25
Tin, rahka pasarih a awm chho a, sum hmun chu a chhung lamah a awm a; tin, lehlam lehlama bangpengahte chuan tum thing lem a awm zel a.
26
Tin, chhim lamah chuan hung chhungnung luhna tur kawngka in a awm a, chhimlam kawngka inte inkar chu a teh a, tawng za a ni.
27
Tin, chhimlam kawngka inah chuan hung chhungnung zawkah chuan mi hruai lut a, tehna pangngaiin chhimlam kawgka in chu a teh a;
28
venna pindante, a bangpengte. Sumhnunte chu tehna ngai vekin; chutah chuan tukverhte a awm a, a sumhnunah pawh a velin: a dung lam tawng sawmnga a ni a, a vang lam tawng sawmhnih leh panga.
29
Tin, a velah chuan sumhmunte a awm a, a dunglam tawng sawmhnih leh panga, a vanglam tawng nga a ni.
30
A sumhnunte chuan hungchhung pawnta zawk lam a hawi a; a bangpengahte chuan tum thing lem a awm a: a chhohna chuan rahka pariat a nei a.
31
Tin, chhak lamah chuan hung chhungnung zawkah mi hruai a, a tehna pangngaiin kawngka chu a teh a;
32
a venna pindante, a bangpengte, a sumhnunte tehna ngai vekin: chutah chuan tukverhte a awm a, sumhnunah pawh a velin: a dunglam chu tawng sawmnga a ni a, a vanglam chu tawng sawmhnih leh panga.
33
A sumhmunte chuan hung chhung pawnta zawk a hawi a, a bangpengahte chuan lehlam lehlamah tum thing lem a awm a; a chhohna chuan rahka pariat a nei a.
34
Tin, hmarlam kawgka inah chuan mi hruai leh a: a tehna pangngaiin a teh a;
35
a venna pindante, a bangpengte, a sumhnunte; chutah chuan a velin tukverhte a awm a: a dunglam tawng sawmnga a ni a, a vanglam tawng sawmhnih leh panga.
36
A bangpengte chu hung chhung pawnta zawk lamah a awm a; a chhohna chuan rahka pariat a nei a.
37
Kawngka in sumhmun atanga luh theihin pindan a awm a, chutah chuan halral in thawina tur an sil thin a.
38
Kawngka in sumhnun lehlam lehlamah chuan dawhkan pahnih ve ve a awm a; halral inthawina te, sual vanga inthawina te, thiamloh vanga thilhlante talhna turin.
39
Hmarlam kawngka in luh chhohna pawnlam sir khatah chuan dawhkan pahnih a awm a; tin, kawngka in sumhnun lehlamah pawh chuan dawhkan pahnih a awm bawk a.
40
Tichuan kawngka in sir lehlam pangah chuan dawhkan pali a awm a, a lehlam pangah dawhkan pali a awm bawk a; inthawina talhna thin chu dawhkan pariat a ni a.
41
Tin, halral inthawina atan dawhkan pali, lungchhera siam, a dunglam tawngkhat leh a chanve, a vang lam tawng khat leh a chanve, a sanlam tawngkhat a awm a: chutah chuan halral unthawina leh thilhlan talhna tur hriamhreite an dah thin a.
42
Tin, a chhunglamah chuan a velin thil kawm, kutphah benga sei an vuah a, dawhkan chungah te chuan thilhlante sa a awm a.
43
Tin, hung chhungnung zawkah chuan mi hruai lut a; tin, ngai teh, hung chhungnung zawkah chuan pindan pahnih a la awm a, pakhat chu hmarlam kawngka in bulah hmar lam hawiin a awm a.
44
Tin, a ni chuan ka hnenah,"He pindan chhimlam hawi hi, a in vawngtu puithiamte awmna a ni a;
45
pindan hmarlam hawi chu maicham vawngtu puithiamte awmna a ni; hengte hi Zadoka fate, Levia fate zinga a rawngbawl tura LALPA rawn hnaih thintute chu an ni," a ti a.
46
Tin, hung chhung chu a teh a, a dunglam tawng zakhat, a vanglam tawng zakhat, inbial vel a ni; tin, maicham chu kawtlai takah chuan a awm a.
47
Tin, a inpui sumhmunah chuan mi hruai ta a sumhnun bang pengte chu a teh theuh a, a lehlam lehlamah tawng ngaa chhah ve ve a awm a, a luhna chu tawng sawm leh tawng lia zau a ni, a sir tuaka kawngka bangpengte chu tawng thum ve ve a ni.A sumhnmun chu a dunglam tawng sawmhnih, a vanglam tawng sawm leh tawng hnih a ni a, luh chhohnaah chuan rahka sawm a awm a, bangpeng bulah a lehlam lehlamah chuan ban lian a awm a.
48
A sumhnmun chu a dunglam tawng sawmhnih, a vanglam tawng sawm leh tawng hnih a ni a, luh chhohnaah chuan rahka sawm a awm a, bangpeng bulah a lehlam lehlamah chuan ban lian a awm a.











Ezekiel 40:1

Ezekiel 40:2

Ezekiel 40:3

Ezekiel 40:4

Ezekiel 40:5

Ezekiel 40:6

Ezekiel 40:7

Ezekiel 40:8

Ezekiel 40:9

Ezekiel 40:10

Ezekiel 40:11

Ezekiel 40:12

Ezekiel 40:13

Ezekiel 40:14

Ezekiel 40:15

Ezekiel 40:16

Ezekiel 40:17

Ezekiel 40:18

Ezekiel 40:19

Ezekiel 40:20

Ezekiel 40:21

Ezekiel 40:22

Ezekiel 40:23

Ezekiel 40:24

Ezekiel 40:25

Ezekiel 40:26

Ezekiel 40:27

Ezekiel 40:28

Ezekiel 40:29

Ezekiel 40:30

Ezekiel 40:31

Ezekiel 40:32

Ezekiel 40:33

Ezekiel 40:34

Ezekiel 40:35

Ezekiel 40:36

Ezekiel 40:37

Ezekiel 40:38

Ezekiel 40:39

Ezekiel 40:40

Ezekiel 40:41

Ezekiel 40:42

Ezekiel 40:43

Ezekiel 40:44

Ezekiel 40:45

Ezekiel 40:46

Ezekiel 40:47

Ezekiel 40:48







Ezekiel 1 / Eze 1

Ezekiel 2 / Eze 2

Ezekiel 3 / Eze 3

Ezekiel 4 / Eze 4

Ezekiel 5 / Eze 5

Ezekiel 6 / Eze 6

Ezekiel 7 / Eze 7

Ezekiel 8 / Eze 8

Ezekiel 9 / Eze 9

Ezekiel 10 / Eze 10

Ezekiel 11 / Eze 11

Ezekiel 12 / Eze 12

Ezekiel 13 / Eze 13

Ezekiel 14 / Eze 14

Ezekiel 15 / Eze 15

Ezekiel 16 / Eze 16

Ezekiel 17 / Eze 17

Ezekiel 18 / Eze 18

Ezekiel 19 / Eze 19

Ezekiel 20 / Eze 20

Ezekiel 21 / Eze 21

Ezekiel 22 / Eze 22

Ezekiel 23 / Eze 23

Ezekiel 24 / Eze 24

Ezekiel 25 / Eze 25

Ezekiel 26 / Eze 26

Ezekiel 27 / Eze 27

Ezekiel 28 / Eze 28

Ezekiel 29 / Eze 29

Ezekiel 30 / Eze 30

Ezekiel 31 / Eze 31

Ezekiel 32 / Eze 32

Ezekiel 33 / Eze 33

Ezekiel 34 / Eze 34

Ezekiel 35 / Eze 35

Ezekiel 36 / Eze 36

Ezekiel 37 / Eze 37

Ezekiel 38 / Eze 38

Ezekiel 39 / Eze 39

Ezekiel 40 / Eze 40

Ezekiel 41 / Eze 41

Ezekiel 42 / Eze 42

Ezekiel 43 / Eze 43

Ezekiel 44 / Eze 44

Ezekiel 45 / Eze 45

Ezekiel 46 / Eze 46

Ezekiel 47 / Eze 47

Ezekiel 48 / Eze 48