A A A A A
हिंदी बाइबिल Mizo Bible

यहेजकेल 27



1

  LALPA thu chu ka hnenah a lo thleng a,

2

  "Nang mihring fapa, tura khaw sunna hla phuah la,

3

  tura khaw hnenah chuan- Aw nang, tuipui kama cheng thin, Tuipui ka ram tamtakte hnena sumdawngtu, LALPA PATHIAN chuan heti hian a ti a ni: Aw nang tura, 'Ka mawi famkim' i ti maw!

4

  I ramin tuipui lai chu a chhun e, I siamtuten an timawi chung chung chuang ngei che;

5

  I thing hmanrua Senir farin an siam e, I lawng ngulah, an la, Lebanon thingril.

6

  Basan sasua i vai chaah an siam e, Saingho chhungphum i lawng chhuatah Tufar thing, Tuipui ram kittim ata chu.

7

  I lawng puanzar Aigupta nemte puan tial, Nangmah chhinchhiahna'n a lo chuang e, I tan hliap zar dumpawl, senduk, Elisah tui kam ram ata chu.

8

  I lawng kartu Zidon, Arvad mi an ni, I lawng khalhtute zawng chu, Aw tura, I mifingte an ni e.

9

  Gebal upa leh mi themthiam, I lawng tuahremtu an lo ni e, Tuipui lawng zawng leh a miten, Nangmah dawrin an pan che.

10

  I ral tu mi, i sipai rual, Persia, Lud, Put an ni, An sialphaw leh an dar lukhum an bang a, Nangmah chawimawitu an lo ni e.

11

  Sipai rual Arvad mi nen an chuang, i kulhpui chungah, I kulhbing Gammad-ho ral vengin, An sialphaw an bag e, i kulhpui velin, Nangmah cheimawitu an lo ni e.

12

  I ngah vangin, sum leh pai ro thil tinreng, Tarsis chu dawr tu che a lo ni a, I bungrua leiin a hlan che, Tangkarua, thir, rangva leh suante pawh.

13

  Javan, Tubal, Mesek, nang dawrtu che hian, Sal leh dar bungbelin an dawr che, i bungraw neihna'n.

14

  Beth-togarmah chuan sakawr, indo sakawr leh sabengtung hlanin I bungrua an lei thin.

15

  Dedan mite i dawrtute an ni a, Tui kam hmun tin i sumdawn hmun a lo ni, Saingho leh eboni an hlan che-dawvankaina'n.

16

  Bungrua i ngah avangin, Edom chu i dawrtu a lo ni a, Emerald lung, puan senduk, puan cheimawi, Puanzaisin, thival, rubi lungtein an dawr che.

17

  Juda leh Israelte pawh a dawrtuche an ni a, Minnith buh leh Pannag, khawizu,Hriak leh thinghnaiin an dawr che.

18

  I ngah vangin, sum leh pai ro thil tinreng, Damaska i dawrtu a lo ni a, Helbon uain leh beram hmul varin an dawr che.

19

  Uzal uain chu rawn lain an lei, i bungruate, Thir tle tak, thkathing leh fute i sumdawnna.

20

  Sakawr chung phah puantein Dedan chuan a dawr che a.

21

  Arabia leh kedar lalte nangmah dawrtute an ni vek, Beram note, Berampate, kelpatein an dawr che.

22

  Seba leh Raamah sumdawngtute chu a dawrtu che an lo ni; rimtui tha berte, lunghlu chitin leh rangkachaktein, an dawr che.

23

  Haran, Kanneh leh Eden, Seba, Assuria leh kilmad sumdawngtute chu A dawrtuche an ni a.

24

  Chungte chu an ni dawrtu che, Silhfen tha mi, puan dumpawl leh puan cheimawi, Chhuatphah zemawi nen, Hruihrual nghet taka cherin, Heng hian an dawr che.

25

  Tarsis lawngte chu i bungraw phur dual dualtute an ni, I lo mukin tuipui chungah i lo ropui ta.

26

  I lawng khalhtun tuipui fawnah a khalh lut chia, Khawchhak thliin a nuai ral che, tuipui laiah.

27

  I sum leh pai, I dum leh pai, i bungruate, i sumdawn thil, I lawng mite, lawng khalhtu, tuahremtute, I hlanveltu leh raltu mite, nangmaha awm, I chhunga awm zawng zawngte nen, In pil bo ang, tuipui laiah, i chhiat niin.

28

  I lawng khalhtute au thawmah, I vela mite an khur e.

29

  Lawng kar ngul vuantute zawng zawng, lawng mite leh, Tuipuia khalhtute zawng zawng chhukin, An ding vau kamah.

30

  I chung thu-ah an aw hriat thamin an chhuah ang, Lungchhe takin an tap ang a, An lu-ah vaivutte phulin, an tal ang vut zingah.

31

  Nangmah vanga inziat kawngin, an feng ang, saiip puan, Lungchhe vankaia tapin an sun ang che, nasa takin.

32

  Nangmah sunin an chham ang, an tah hla, Tunge tura ang awm le- Tuipui laia dairial chang ta hi?

33

  I bungruate tuipuia chhuakin, Mi tamtak a hrai tlai thin, Lei lalte zawng i tihausa, I sum leh pai tam, i bungruain.

34

  Tuipui thukah i chhiatni khan, I sumdawnna thil, i mi zawng zawng, Rial ang an ral ta, nangmah nenin.

35

  Tuikam mi zawg zawngin rapthlak an ti che, An lalte lah hlauin an thlabar, A sak-hmel pawh a dang zo ve.Mite zinga sumdawngtuten an chek khum che, Mi tan tihkhaiah i lo chang ta, 'I lang leh tawh ngai lo ang le!,' tiin an tah khum che.

36

  Mite zinga sumdawngtuten an chek khum che, Mi tan tihkhaiah i lo chang ta, 'I lang leh tawh ngai lo ang le!,' tiin an tah khum che.

Mizo Bible
Copyright: Mizo ?