English
A A A A A
×

हिंदी बाइबिल Mizo Bible

Ezekiel 21

1
Tin, LALPA thu chu ka hnenah a lo thleng a,
2
"Mihring fapa, Jerusalem hmachhawn la, a hmun serhte lam hawiin i thu thlah la, Israel ram chungah thu sawi ang che;
3
Israel ram hnenah chuan, heti hian LALPA chuan a ti a ni: ngai teh ka do che a ni, ka khandaih chu a pai ata ka phawi ang a, in zinga mi fel leh fello ang khatin ka rawt ang.
4
Tichuan in zinga mi fel leh fello ka rawt dawn avang chuan ka khandaih chu a pai ata a chhuak ang a, chhim lam ata hmar lam thlengin mi hring zawng zawng a rawt ang.
5
Tin, mi zawng zawngin, kei LALPA hian ka khandaih a pai ata ka phawi a ni tih an hria ang a, a inkhung leh tawh ngai lo ang.
6
Chuvangin nang mihring fapa, rum vawng vawng la, lungchhe takin an mithmuhah rum rawh.
7
Tin, engatinge i rum? An tih che chuan, Thu eng emaw avangin a lo thleng dawn si a, tin, thinlung tinrenga tuiral ang a, kut zawng zawng a zawi ang a, rilru tinreng a chau vang a, khup zawng zawng chu, lo tui angin a zawi ang a; ngai rawh, a thleng e, a hlen ang, tih hi lalpa PATHIAN thu chhuak a ni; ti rawh," a ti a.
8
Tin, LALPA thu chu ka hnenah a lo thleng leh a,
9
"Mihring fapa, thu sawi la hetiangin LALPA chuan a ti a ni:'Khandaih, khandaih, tah hriam a ni ta. Tihtlet a ni ta.
10
Mi sahna'n tah hriam a ni ta, Tihtlet a ni kawlphe angin: Kan la hlim cheu dawn em ni? Ka fapa tiangin a chhing zo ve, thing tin,.
11
Tihtlet a ni vai vel atan, A ni khandaih tah hriam tihtlet a ni, Thattu kuta chuang turin.
12
Mihring fapa, au la, u la, ka mite chung a ni si; Israel mi lian zawng zawngte chung ngei chu: pek a ni e, ka mite nen, chem sen hnuaiah; chuvangin au la, i mal bengin.
13
Fiahna a awm si a, engtin nge ni ang - Mi dang chhingtu tiang chu awm suh se la? Tih LALPA PATHIAN thu chhuak a ni e.
14
Chuvangin nang, mihring fapa, kut beng hialin thu sawi rawh; Thih theihna chemsen len zual la, let thumin, A hual vel e, mi ropui, thahna chem sen chuan.
15
Thinlung tuiral, an tlukna a punna'n e, Chemsen tle tak kawngka tinah ka riah e, A! kawlphe iangin a tle, thihna chemsen.
16
Invilikin che vak ang che, ding lamah, Invilikin vei lamah pawh vai zel la, I hma zawn apiangah pawh.
17
Kei pawhin kut ka lo beng ang a, Ka hlen ngei ang, ka thinurna, Kei LALPA'n hei hi ka sawi tawh e, a ti,' ti rawh," a ti a.
18
Tin, LALPA thu ka hnenah a lo thleng leh a,
19
"Mihring fapa, Babulon lal khandaih lo thlen theihna turin kawng pahnih lo siam rawh; chung kawng hnihte chu ram pakhat atangin a lo chhuak tur a ni: kawng kawhhmuhna siam la, khawpui luhna kawtchhuahah chuan siam rawh.
20
Kawng chu Amon mite khua Raba-a khandaih lo thlenna turin ruat la, Judai ram laia Jerusalem kulhah pawh.
21
Aien turin Babulon lal chu kawng pengah chuan a ding a, kawng hnih in finna takah chuan; thal te chu a thing rawk rawk a, teraphim a rawn a, sathin chu a en a.
22
A aiennaah chuan a kut dinglamah Jerusalem a lo chuang ta a, kulh sut chhiatnate ral bei hawhawa au te, mual pawng chhunte, kulh siamte nen,
23
Aien thlawn mai ang a ni a, mahse mana an awmna tura an khawlohna hriat chhuahna tur chhuahna tur chauh a ni.
24
Chuvangin LALPA PATHIAN chuan heti hian a ti a ni: inkhawlohna hriatrengna tura in siam tak avangin in bawhchhiatnate a lang a, tichuan in thiltih zawng zawngah in sualnate a lang reng a, hraitchauh in lo nih tak avangin kuta man in la ni ang.
25
Tin, nang Israel hotu, mi sual thi tura hliam pa, i sualna hremna tawpkhawk ni a lo thleng e;
26
LALPA PATHIAN chuan heti hian a ti: Hotu lukhum chu paihsak u la, lallukhum chu paihsak rawh u, heihi a ngaiin a awm lo ang: mi tlawmte chawisang u la, mi liante chu titlawm rawh u.
27
Ka linglet ang, ka linglet ang; ka linglet ang; hei pawh hi a ngaiin a awm lo vang, a neitu tak tur a lo kal hma zawng amah chu ka pe ang.
28
"Tin, nang mihring fapa, thu hril la, heti hian ti rawh: LALPA PATHIAN chuan Amon fate chungchangah leh an sawichhiatna thu-ah heti hian a ti: khandaih, khandaih phawi a ni ta, mi thahna'n leh tihralna'n kawlphe anga tihtlet a ni ta.
29
inlarna der an hmuhsak chia, dawtin ai an ensak chia, khandaih chu misual thi tura hliam, an sualna ni tawpkhawk lo thleng turte nghawngah i rawlh dawn, an tih ah che hian an daw a ni.
30
A paiah khung rawh, i pian i murna ram ngeiah i thu ka rel ang.
31
I chungah ka thinurna ka leih ang a, ka thinrimna mei i chungah ka chhem ang, mi nun chhe tak, tihboral thiam tak kutah ka mah tir ang che.Meia tuah tur i ni ang a, ram laiah chuan i thisen a bua ang a, hriat reng i ni tawh lo ang, kei LALPA hian ka sawi tawh si a, a ti, ti rawh," a ti a.
32
Meia tuah tur i ni ang a, ram laiah chuan i thisen a bua ang a, hriat reng i ni tawh lo ang, kei LALPA hian ka sawi tawh si a, a ti, ti rawh," a ti a.
Ezekiel 21:1
Ezekiel 21:2
Ezekiel 21:3
Ezekiel 21:4
Ezekiel 21:5
Ezekiel 21:6
Ezekiel 21:7
Ezekiel 21:8
Ezekiel 21:9
Ezekiel 21:10
Ezekiel 21:11
Ezekiel 21:12
Ezekiel 21:13
Ezekiel 21:14
Ezekiel 21:15
Ezekiel 21:16
Ezekiel 21:17
Ezekiel 21:18
Ezekiel 21:19
Ezekiel 21:20
Ezekiel 21:21
Ezekiel 21:22
Ezekiel 21:23
Ezekiel 21:24
Ezekiel 21:25
Ezekiel 21:26
Ezekiel 21:27
Ezekiel 21:28
Ezekiel 21:29
Ezekiel 21:30
Ezekiel 21:31
Ezekiel 21:32
Ezekiel 1 / Eze 1
Ezekiel 2 / Eze 2
Ezekiel 3 / Eze 3
Ezekiel 4 / Eze 4
Ezekiel 5 / Eze 5
Ezekiel 6 / Eze 6
Ezekiel 7 / Eze 7
Ezekiel 8 / Eze 8
Ezekiel 9 / Eze 9
Ezekiel 10 / Eze 10
Ezekiel 11 / Eze 11
Ezekiel 12 / Eze 12
Ezekiel 13 / Eze 13
Ezekiel 14 / Eze 14
Ezekiel 15 / Eze 15
Ezekiel 16 / Eze 16
Ezekiel 17 / Eze 17
Ezekiel 18 / Eze 18
Ezekiel 19 / Eze 19
Ezekiel 20 / Eze 20
Ezekiel 21 / Eze 21
Ezekiel 22 / Eze 22
Ezekiel 23 / Eze 23
Ezekiel 24 / Eze 24
Ezekiel 25 / Eze 25
Ezekiel 26 / Eze 26
Ezekiel 27 / Eze 27
Ezekiel 28 / Eze 28
Ezekiel 29 / Eze 29
Ezekiel 30 / Eze 30
Ezekiel 31 / Eze 31
Ezekiel 32 / Eze 32
Ezekiel 33 / Eze 33
Ezekiel 34 / Eze 34
Ezekiel 35 / Eze 35
Ezekiel 36 / Eze 36
Ezekiel 37 / Eze 37
Ezekiel 38 / Eze 38
Ezekiel 39 / Eze 39
Ezekiel 40 / Eze 40
Ezekiel 41 / Eze 41
Ezekiel 42 / Eze 42
Ezekiel 43 / Eze 43
Ezekiel 44 / Eze 44
Ezekiel 45 / Eze 45
Ezekiel 46 / Eze 46
Ezekiel 47 / Eze 47
Ezekiel 48 / Eze 48