Instagram
English
A A A A A
हिंदी बाइबिल Mizo Bible
Ezekiel 16
1
LALPA thu chu ka hnenah a lo thleng leh a,
2
"Mihring fapa, Jerusalem chu a tenawmnate hriatchhuahtir la, a hnenah,
3
"LALPA PATHIAN chuan Jerusalem hnenah chun heti hian a ti a ni: I chhuahna ram leh i pianna ram chu Kanan mite ram a ni a, i pa chu Amor mi a ni a, i nu chu Hit mi a ni.
4
Tin, i pianna thuah chuan i pian ni in i lai hruiah a ni lo a, tifai tur chein tuia bual i ni hek lo.
5
Lainat tur che a i chunga he'ng hi ti turin tu mit mahin a khawngaih lo che a: tamlakah paih chhuah i ni ta zawk a, i pian ni ata kha lungten i ni si a.
6
Tin, i kianga ka lo kalin thisena talin ka hmu chia, a ni ka ti che a ni; thisenah awm mah la nung rawh.
7
Ram thil kuhmum angin ka ti thang lian chia, tin, i thang lian a, khua i mawi ta a; i hnute a lo um a, i sam a lo tha a; ruak leh saruak mai i la ni tho a,
8
Tin, i kianga ka lo kala ka en chein, ngaih la tham i lo ni ta a, ka puan ka zawn chia, ka saruak chu ka khuh tawh a che: a ni, i hnenah chhia ka chham a, thuthlungah ka luh pui ta chia, ka ta i ni ta e, tih hi LALPA PATHIAN thu chhuak a ni.
9
Tichuan tuiin ka bual tawh chia, a ni, i thisen chu ka silfai sak var chia, hriak ka hnawih ta che a ni.
10
Puan cheiin ka thuam chia, savun tha mi pheikhawk ka buntir chia, puan zai sinin ka tuam chia, maimaw puan ka khumtir che a ni.
11
Cheimawinain ka chei chia, i kutah banbun te, i nghawngah rangkachak khaidiat te,
12
i hnarah hnar vuah te, i bengah bengbehte, i lu-ah lallukhum mawi tak tein ka chei chia.
13
Tichuan rangkachak leh tangkarua cheimawi i ni ta a, i silhfen chu puan zai sin tak leh maimaw puan leh puan thui mawi a ni a; i ei chu chhangphut dip leh khawizu leh hriak a ni, i mawi em mai, lalnu pawh i tling ta.
14
I mawina hnamte zingah a thang chhuak a, ka ropuinaa thuamin i famkim ta, tih hi LALPA PATHIAN thu chhuak a ni.
15
Mahse mawina chu i ring lutuk a, i hmingthanna chu i hur phah a, mi veivak na zawng hnenah i hurna chu i tlangphal a, a tuapawh.
16
I silhfente hlipin bawlhmunte i cheimawi a, tah chuan i phalrai a, hetiang hian a awm leh tawh ngai lo ang.
17
Ka rangkachak leh tangkaraw bungbel mawi tak tak ka pek che kha i la a, mipa lem siamna'n i hmang a, i hurpui ta.
18
I silhfen thuimawite chu i la a, anmahni i tuam a, ka hriak te leh ka rimtuite chu an hmaah i hung a.
19
Ka chhang pek che pawh kha chhangphut tha leh hriak leh khawizu ka chawmna Thin te che kha rimtui atan an hmaah i hlui a; heti hi a lo ni ta a, tih hi LALPA PATHIAN thu chhuak a ni.
20
Chu loah pawh i fanu, i fapa, mi hrinsakte chu an hnenah in thawina'na hmanral atan i pe a: i hurna hi thil namen a ni em ni?
21
Ka fate i that a, meipuia paih lutin an hnena i hlan te hi?
22
I tenawmna leh i hurna zawng zawngah chuan i naupan laia saruaka i awm leh i thisen i tal mai mai lai te kha i hre ta lo a.
23
Tin, he'ng i suahsualna zawng zawng hnuah pawh, heti hi a lo ni a, (i chung a pik e! a pik e! LALPA PATHIAN chuan a ti a ni)
24
hmun langsarte i in siam a, kawtthler tinah hmun sangte chu i tan i sa a.
25
Kawtthler lu apiangah hmun langsarte chu i sa a, i mawina chu i tenawmnaah i siam a, veivak apiang hnenah i hlim lang a, i hurna chu a zual thin a ni.
26
Aigupta mi, i thenawm, mi rawva tak mai nen chuan in ngaihna sual i ti ta bawk a; mi tithinur turin i hurna chu a ti zual ta a ni.
27
Chuvangin ngai rawh, i chungah ka kut ka lek a, i chaw pangngai chu ka tikiam a, nangmah hawtu Philistia fanu, i hur dan zahpui em em thin tu hnenah chuan duh duha a tihah ka pe tawh che a.
28
Assuria mite hnenah pawh i hur bo a, tawk tih lem nei hek lo che; a ni, an hnenah i in phalrai a, i la kham chuang hek lo.
29
Kanan ramah, Kaldai mite hnena i hurna i latizual ta cheu a, i la kham chuang lo fo.
30
I thinlung chu a khawlo ta mang e-i chetziaah hmeichhe luhlul sual tak mai thil i ti a, tih hi LALPA PATHIAN thu chhuak a ni.
31
Kawtthler lu apianga channa buk i siamah te, kawtthler tina hmun langsar i siamah te hian hlawh i um loh avangin nawhchizuar mai pawh i ni lo e.
32
Nupui uire, pasal te aia mi hrante duh zawktu nu!
33
Nawhchizuar hnenah chuan thil an pe thin a, nang erawh chuan i pe zawk thin-a duhtu che ter hnenah, ram tin, ata an lo kal a, an mutpui theihna'n che i tlawn zawk thin a ni.
34
Tin, i hur thua tuma'n an pan lo che hi mi nangmahin a man i pe zawk a, tumahin man an pek loh che hi mi hur dang laka i lamdanna chu a ni; nangmahin a man i pe zawk a, tumahin man an pek loh che hi i danglamna chu a ni.
35
"Chuvangin aw mi hur nu, LALPA thu chu ngai rawh:
36
LALPA PATHIAN chuan heti hian a ti a ni: I tenawmna leih chhuah a niha, i ngaihte nen in inpawlna lama i saruakna thilhlan anih avang leh an hnena i pek i fate thisen avangin,
37
Ngai rawh, nangmah ngaitu i nuamtawlpuite zawng zawng leh i lo ngaih tak zawng zawngte leh i huatzawng zawngte chu ka ko khawm ang a, ni, i velah ka hruai khawm ang a, i saruakna zawng zawng an hmuh theihna'n an hnenah i saruakna chu ka ti lang ang.
38
Tin, hmeichhia pasal thena, mahni fa thisen chhuah chungthu an rel angin i chung thu chu ka rel ang che; thinurna leh thikna chu i chungah ka rawn thlen ang.
39
An kutah ka pe ang chia, i hmun langsarte chu an titlu ang a, i hmun sangte chu an tisawp ang; i silhfente an hlip ang a, i lunghlute an chhuhsak ang chia, saruak leh ruakin an hluihlawn ang che.
40
I chungah tlang an pun ang a, lungin an deng ang chia, khandaihin an chiu tlang ang che.
41
I in te chu meiin an hal ang a, hmeichhe tam tak mithmuhah i chungah rorelna an hlen ang; i hur hi ka tireh ang a, hlawh pawh i phal tawh lo ang.
42
Tichuan ka thinurna i chungah ka hrithla zo ang a, ka thikna che chu a reh tawh ang a, ka ngawi hle hle ang a, ka thinur tawh ngai lo ang.
43
I tleirawl lai nite chu i hriat reng loh a, he'ng thilah te hian mi tihvui tak zawk avangin ngai rawh, i chetzia ang ang, i chungah ka thlen ang, tih hi LALPA PATHIAN thu chhuak a ni: tin, i tenawmna zawng zawng belhchhahin he hurna hi i ti tawh lo ang.
44
"Ngai rawh, thufing tawi hmang apiangin he thufing tawi hi an hmang ang,' A fanuin a nu a chhun' tih hi.
45
I nu, mahni pasal leh fate lungtentu fanu kha i ni a, inlaizawnna lamah chuan, mahni pasal leh fate lungtentu laizawn i ni: i nu lah Hit mi a ni a, i pa lah Amor mi a ni.
46
Tin, i laizawn, i u chu samaria, i veilama cheng thin kha amah leh a fanute nen an ni; i laizawn, i nau lah chu, i dinglama cheng thin kha Sadom leh a fanute an ni.
47
Mahse anmahni awmdan chu i zawh lo a, an tenawmna ang i ti lo na a, i awmdan zawng zawnga i khawloh zawk zia ngaihtuahin chung chu engmah tham a ni lo.
48
A nuna ka nun chhung chu, tih hi LALPA PATHIAN thu chhuak a ni, nang leh i faten an tih ang hi i laizawn Sadom leh a fanute pawhin an ti hauh lo.
49
I laizawn Sadom khawlohna chu he'ng hi a ni: Chapona te, eipuar lutuk te, amah leh a fanute nuam tawlna mai mai te a ni a, mi retheite leh tlachhamte chu a pui chuang hek lo.
50
Tin, mi chapo tak an ni a, ka hmaa thil tenawm ti tawh an ni; tichuan tha la tih angin ka ti bo hlawm tawh a ni.
51
Samaria lah chuan i sual chanve pawh a ti hek lo; anmahni aiin i tenawmnate i tih nasat zawk avangin i laizawnte chu i tilang ta zawk a ni.
52
I laizawn te dik zawk a i lantir avangin nang ngeiin i mualphona chu i phur tur a ni; anmahni aiin thil tenawm nasa zawkte i ti a, i sualna te avangin anni chu nang aiin an fel zawk a ni; a ni, i laizawn te fel zawka i lantirnaah hian nangchuan kimkiin mualphona i chang tur a ni.
53
Tin, an awm dan, Sadom leh a fanu awmdan te, samaria leh a fanu awmdan te, anmahni rualin nangma awmdan ngei pawh ka let ang;
54
an tan thlamuanna i lo nih thinnaa i thiltih tak zawng zawng avanga i zah theih nan.
55
Tin, i laizawn, Sadom leh a fanute, Samaria leh a fanute chu an awmdan hmasa angin an awm leh ang; nang leh i fanute pawh in awmdan hmasa angin in awm leh ang.
56
I suahsualna hmuh chhuah a nih hmaa i intihropui niahte khan i laizawn Sadom chu i kamchhe tleuhna a ni thin lo em ni?
57
Tunah zawng Suria fanu leh a vela mi zawng zawng, Philistia fanute i vela tinawmnahtu che khan an sawi an sawi chhiat tak vak che hi.
58
I hurna leh i tenawmna i pu zel a ni, tih hi LALPA thu chhuak a ni.
59
Tichuan LALPA PATHIAN chuan heti hian a ti: Thuthlung bawhchhiain thutiam i pawisak lohzia ang zelin i chungah ka ti ve dawn a ni.
60
Nimahsela i naupan laia i hnena ka thuthlung chu ka hre reng ang a, i hnenah kum khaw thuthlung ka siam ang.
61
Tichuan i laizawnte, i u leh i naute i pawm hunah chuan i awmdan te i lo hre chhuak ang a, i in zahpui ang: anni chu i fanu atan ka pe chia, i thuthlung avang erawh chuan ni loin.
62
I hnena ka thuthlung ka tinghet ang a, LALPA ka ni tih in hre tawh ang.I thiltih zawng zawngte ka ngaihdam vek hunah che chuan i hriat renga i zah avanga kimkia i ka i an ngai tawh lohna'n," tih hi LALPA PATHIAN thu chhuak a ni.
63
I thiltih zawng zawngte ka ngaihdam vek hunah che chuan i hriat renga i zah avanga kimkia i ka i an ngai tawh lohna'n," tih hi LALPA PATHIAN thu chhuak a ni.
Ezekiel 16:1
Ezekiel 16:2
Ezekiel 16:3
Ezekiel 16:4
Ezekiel 16:5
Ezekiel 16:6
Ezekiel 16:7
Ezekiel 16:8
Ezekiel 16:9
Ezekiel 16:10
Ezekiel 16:11
Ezekiel 16:12
Ezekiel 16:13
Ezekiel 16:14
Ezekiel 16:15
Ezekiel 16:16
Ezekiel 16:17
Ezekiel 16:18
Ezekiel 16:19
Ezekiel 16:20
Ezekiel 16:21
Ezekiel 16:22
Ezekiel 16:23
Ezekiel 16:24
Ezekiel 16:25
Ezekiel 16:26
Ezekiel 16:27
Ezekiel 16:28
Ezekiel 16:29
Ezekiel 16:30
Ezekiel 16:31
Ezekiel 16:32
Ezekiel 16:33
Ezekiel 16:34
Ezekiel 16:35
Ezekiel 16:36
Ezekiel 16:37
Ezekiel 16:38
Ezekiel 16:39
Ezekiel 16:40
Ezekiel 16:41
Ezekiel 16:42
Ezekiel 16:43
Ezekiel 16:44
Ezekiel 16:45
Ezekiel 16:46
Ezekiel 16:47
Ezekiel 16:48
Ezekiel 16:49
Ezekiel 16:50
Ezekiel 16:51
Ezekiel 16:52
Ezekiel 16:53
Ezekiel 16:54
Ezekiel 16:55
Ezekiel 16:56
Ezekiel 16:57
Ezekiel 16:58
Ezekiel 16:59
Ezekiel 16:60
Ezekiel 16:61
Ezekiel 16:62
Ezekiel 16:63
Ezekiel 1 / Eze 1
Ezekiel 2 / Eze 2
Ezekiel 3 / Eze 3
Ezekiel 4 / Eze 4
Ezekiel 5 / Eze 5
Ezekiel 6 / Eze 6
Ezekiel 7 / Eze 7
Ezekiel 8 / Eze 8
Ezekiel 9 / Eze 9
Ezekiel 10 / Eze 10
Ezekiel 11 / Eze 11
Ezekiel 12 / Eze 12
Ezekiel 13 / Eze 13
Ezekiel 14 / Eze 14
Ezekiel 15 / Eze 15
Ezekiel 16 / Eze 16
Ezekiel 17 / Eze 17
Ezekiel 18 / Eze 18
Ezekiel 19 / Eze 19
Ezekiel 20 / Eze 20
Ezekiel 21 / Eze 21
Ezekiel 22 / Eze 22
Ezekiel 23 / Eze 23
Ezekiel 24 / Eze 24
Ezekiel 25 / Eze 25
Ezekiel 26 / Eze 26
Ezekiel 27 / Eze 27
Ezekiel 28 / Eze 28
Ezekiel 29 / Eze 29
Ezekiel 30 / Eze 30
Ezekiel 31 / Eze 31
Ezekiel 32 / Eze 32
Ezekiel 33 / Eze 33
Ezekiel 34 / Eze 34
Ezekiel 35 / Eze 35
Ezekiel 36 / Eze 36
Ezekiel 37 / Eze 37
Ezekiel 38 / Eze 38
Ezekiel 39 / Eze 39
Ezekiel 40 / Eze 40
Ezekiel 41 / Eze 41
Ezekiel 42 / Eze 42
Ezekiel 43 / Eze 43
Ezekiel 44 / Eze 44
Ezekiel 45 / Eze 45
Ezekiel 46 / Eze 46
Ezekiel 47 / Eze 47
Ezekiel 48 / Eze 48