A A A A A
Facebook Instagram Twitter
हिंदी बाइबिल Mizo Bible

Ezekiel 14



1
Tichuan Israel upa thenkhatte chu ka hnenah an lo kal a, ka hmaah an thu a.
2
Tin, LALPA thu chu ka hnenah a lo thleng ta a,
3
"Mihring fapa he'ng mite hian an milemte chu an thinlungah an la lut a, an hmaah an khawlohna tlukna chu an dah a ni; kei mi rawn tur an ni teh reng em ni?
4
Chuvangin anmahni bia la, LALPA PATHIAN chuan heti hian a ti a ni:'Israel chhungkuaa mitin an thinlunga an milim la lut a, an hmaa an khawlohna tlukna dah a, zawlnei hnena lo kal apiang kei LALPA hian an milim tamzia ang zelin ka chhang ang;
5
Israel chhungte chu an milim avanga min lo hransan tak avangin an thinlung takah ka man theihna'n
6
Chuvangin Israel chhungte hnenah chuan, LALPA PATHIAN chuan heti hian a ti a ni: a Lo kir u la, in milimte lakah chuan lo kir u la, in tenawmna zawng zawng chu hawisan rawh u.
7
Israel chhung zinga mi tu pawh emaw, mikhual Israel rama cheng ve emaw, ka laka intihranga, an thinlunga milim la luta, an hmaa khawlohna dah chunga, an chungchanga mi rawn tura zawlnei hnena kal chu kei LALPA ngei hian ka chhang mai ang.
8
Chumi chu ka hma chhawn ang a, mi mak tih atan kumkhaw tlaitluana hrilhfak turin ka mite zing ata ka ti bo daih ang; tichuan kei hi LALPA chu ka ni tih in hria ang.
9
Tin, zawlnei chuan buma awmin thu sawi se la, kei LALPA hian zawlnei chu ka bum a ni a, a chungah ka kut ka lek ang a, ka mi Israelte zing ata ka tiboaral ang.
10
Tin, an khawlohna chu an phur ang: zawlnei khawlohna chu amah rawntute khawlohna ang mai a ni ang;
11
Israel chhungte chu ka laka an bo tawh loh a, an bawhchhiatna te zawng zawnga an intihbawlhhlawh tawh lohna'n, ka mite an nih tawh zawka an pathian ka nih theih nan, LALPA PATHIAN chuan a ti a ni,' tiin sawi rawh," a ti a.
12
Tin, LALPA thu chu ka hnenah a lo thleng a,
13
"Mihring fapa, ram miten bawhchhiatna thil tia, ka chunga thil tisuala, keiin ka kut ka lek a, an chaw, nunna bul chu ka tihchhiata, an chunga tam ka tlentira, mi leh sa te ka rawn tih bo chuan,
14
he'ng mi pathum, Nova, Daniela leh Joba te meuh pawh hi lo awm ta ang se la, an falnain anmahni nunna chauh an chhanhim tur a ni, tih hi LALPA Pathian thu chhuak a ni.
15
Ramsa kawlhte an ram ka fan chhuahtira, ram chu an tihchhiat a, a lo tiau a, ramsa avanga tumah kal tlang tur an awm loh chuan,
16
he'ng mi pathumte hi awm mah se la, a nuna ka nun chhung chu, tih hi LALPA Pathian thu chhuak a ni, an fanute, an fapate an chhanhim chuang lo ang; anmahni chauh chu chhanhimin an awm ang a, ram chu a tiau tho ang.
17
A nih leh, chu ramah chuan khandaih ka rawn leka,'Khandaih, che rawh,' ka tih chuan mi leh sa chu ka rawt bo a ni ang a,
18
he'ng mi pathumte hi awm mah se la, a nuna ka nun chhung chu, tih hi LALPA PATHIAN thu chhuak a ni a, an fanute, an fapate an chhanhim chuang lo ang a, anmahni nunna chauh chhanhimin a awm ang.
19
A nih leh, chu ramah chuan, hripui ka rawn lentir a, mi leh sa tibo tura, thisen chhuaha ka thinurna chu ram chunga ka rawn leih chuan,
20
Nova, Daniela leh Joba te meuh pawh hi lo awm mah se la, a nuna ka nun chhung chu, tih hi LALPA pathian thu chhuak a ni, an fanu emaw, an fapa emaw an chhanhim lo ang a, an felnain anmahni nunna ngei an chhanhim chauh ang.
21
LALPA PATHIAN chuan heti hian a ti si a: Jerusalem chunga ka rorelna na tak pali, khandaih te, tam te, ramsa kawlhte, hripui te, mi leh sa rawt bo vek tura ka rawn thlen kim hunah chuan eng tia nasa tak ni ang maw?
22
Amaherawhchu, ngai teh, chutah chuan awm chhun hruai chhuah tur te chu hnutchhiahin an awm ang a, fanute leh fapate pawh: ngai teh u, in hnenah an lo chhuak ang a, an awmdan leh an thil tih in hmu ang a, tin, Jerusalem chunga thil tha lo ka rawn thlen thuah chuan thlamuanin in awm ang a, a chunga ka rawh thlen tak zawng zawng thuah pawh.An awm dan leh an thiltihte i hmuh hunah chuan an thlamuan ang che u; a chunga ka thiltih tak zawng zawng chu tih chhan nei loin ka ti lo tih in hria ang' tih hi LALPA PATHIAN thu chhuak a ni," tiin.
23
An awm dan leh an thiltihte i hmuh hunah chuan an thlamuan ang che u; a chunga ka thiltih tak zawng zawng chu tih chhan nei loin ka ti lo tih in hria ang' tih hi LALPA PATHIAN thu chhuak a ni," tiin.











Ezekiel 14:1

Ezekiel 14:2

Ezekiel 14:3

Ezekiel 14:4

Ezekiel 14:5

Ezekiel 14:6

Ezekiel 14:7

Ezekiel 14:8

Ezekiel 14:9

Ezekiel 14:10

Ezekiel 14:11

Ezekiel 14:12

Ezekiel 14:13

Ezekiel 14:14

Ezekiel 14:15

Ezekiel 14:16

Ezekiel 14:17

Ezekiel 14:18

Ezekiel 14:19

Ezekiel 14:20

Ezekiel 14:21

Ezekiel 14:22

Ezekiel 14:23







Ezekiel 1 / Eze 1

Ezekiel 2 / Eze 2

Ezekiel 3 / Eze 3

Ezekiel 4 / Eze 4

Ezekiel 5 / Eze 5

Ezekiel 6 / Eze 6

Ezekiel 7 / Eze 7

Ezekiel 8 / Eze 8

Ezekiel 9 / Eze 9

Ezekiel 10 / Eze 10

Ezekiel 11 / Eze 11

Ezekiel 12 / Eze 12

Ezekiel 13 / Eze 13

Ezekiel 14 / Eze 14

Ezekiel 15 / Eze 15

Ezekiel 16 / Eze 16

Ezekiel 17 / Eze 17

Ezekiel 18 / Eze 18

Ezekiel 19 / Eze 19

Ezekiel 20 / Eze 20

Ezekiel 21 / Eze 21

Ezekiel 22 / Eze 22

Ezekiel 23 / Eze 23

Ezekiel 24 / Eze 24

Ezekiel 25 / Eze 25

Ezekiel 26 / Eze 26

Ezekiel 27 / Eze 27

Ezekiel 28 / Eze 28

Ezekiel 29 / Eze 29

Ezekiel 30 / Eze 30

Ezekiel 31 / Eze 31

Ezekiel 32 / Eze 32

Ezekiel 33 / Eze 33

Ezekiel 34 / Eze 34

Ezekiel 35 / Eze 35

Ezekiel 36 / Eze 36

Ezekiel 37 / Eze 37

Ezekiel 38 / Eze 38

Ezekiel 39 / Eze 39

Ezekiel 40 / Eze 40

Ezekiel 41 / Eze 41

Ezekiel 42 / Eze 42

Ezekiel 43 / Eze 43

Ezekiel 44 / Eze 44

Ezekiel 45 / Eze 45

Ezekiel 46 / Eze 46

Ezekiel 47 / Eze 47

Ezekiel 48 / Eze 48