A A A A A
Facebook Instagram Twitter
हिंदी बाइबिल Mizo Bible

Jeremiah 51



1
LALPA chuan heti hian a ti: Ngai teh, Babulon chungah leh Kaldai mite chungah, Tichhetu thlipui ka tir dawn e;
2
Sisep zaptute ka tir dawn, Babulon chungah, Amah zapin a ram an zap fai ang, Chhiatna niah chuan hualin an bei dawn si.
3
Thal ngul hmangtuin thalk ngul kuai loin, Thir kawr hain din pawh ding suh se, A tlangval rual pakhat pawh zuah loin, A sipai zawng zawng nuai bo rawh u.
4
Kaldai ramah thahin an tlu ang a, A khawlaiahte chuan chhun tlang an ni ang.
5
Israel leh Juda chu an Pathian Sipaihote LALPA chuan A hnuchhawn si lo a, An ram chu Israel Mi Thianghlim chungah Sualin a khat na a.
6
Tlan bo u la, Babulon khaw chhung ata, Mi tinin mahni nun chhanhim rawh se; A khawlohna boral phah suh u, LALPA phuba lak hun chu a ni si a. Ani chuan a thungrul ngei dawn a ni.
7
Babulon chu LALPA kuta rangkachak no, Lei pum tihruihna chu a ni a, Hnamten a uain chu an in a, Chuvangin hnamte lung a mawl zo ta.
8
Babulon chu a tlu thut a, a boral ta. Amah chu tah vak vak rawh u, Tihdam theih awm anih chuan Thinghnai damdawi hnawih mi laksak rawh u.
9
Babulon chu tihdam ka tum a, A dam chuang si lo, Amah kalsanin mahni ram theuhvah i kal ang u, A thiam lohnain van a tawng a, Van dum thlenga chawi kan a ni.
10
LALPA chuan ka dikna a puang ta; Hawh u, Zionah i puang ang u, LALPA kan Pathian thiltih chu.
11
Thalte chu hriam u la, phawte chelh rawh u, Media lalte rilru chu LALPA'n a chawk tho ta, A thil tum chu Babulon tihchhiat thu a ni si. Chu chu LALPA phuba lakna a ni si a, A biak in phuba ngei chu.
12
Babulon kulh bulah indo puanzar tar rawh u, Venna tichakin, ralvengtu dah rawh u, Lambunnate siam u la, Babulon mite chungchang thua LALPA'n a sawi kha, a relin a tizo ta si.
13
Aw, nang tui tam hmuna cheng mi, Sum leh pai ngah em emtu, I tawpna chu a thleng ta, I nunna hrui a chat ta e.
14
Sipaihote LALPA chuan mahni inchhalin chhia a chham ta. Khau ang maiin mihringin ka tikhat ngei ngei ang che. Nasa takin an hawhaw khum ang che.
15
A thiltihtheihnain lei a siam a, A finnain khawvel a din a, A remhriatnain van a tiparh a.
16
A aw a chhuah chuan, Vana tui a ri hum hum a. Kawlkil ata chhum a chhohtir a, Ruyah surna'n kawl a phettir a, A robawm ata thlir a tlehtir a.
17
Mi tin, an mawl, hriatna loin, Rangkachak chhertute an milem chherin a tizak a, A milim chhun chu dawt mai a ni si, Anmahniah thaw pawh a awm lo.
18
Engmah lo mai an ni, bumna hna mai, Hrem an nih hunah.
19
Jakoba chanvo zawng hetiang a ni lo, Thil zawng zawng bul a ni si; Israel hi a roluah hnam a ni a, A hming chu Sipaihote LALPA a ni.
20
Nang chu ka raldo hreipui leh hriamhrei i ni thin a, Nangmah hmangin hnamte chu ka tisawm a, Nangmah hmangin lalna ramte chu ka tibo a.
21
Nangmah hmangin sakawr leh a chung chuang ka tisawm a, Nangmah hmangin tawlailir leh a chunga chuang ka tisawm a;
22
Nangmah hmangin hmeichhia leh pa ka tisawm a, Nangmah hmangin putar leh tleirawl ka tisawm a, nangmah hmangin nula leh tlangval ka tisawm a;
23
Nangmah hmangin berampu leh beram rual ka tisawm a, Nangmah hmangin lo neitu leh bawngpa tuak ka tisawm a, Nangmah hmangin ram awptute leh puitute ka tisawm thin a nih kha.
24
Nangma mithmuh ngeiah Zion chunga an thil thalo tih zawng zawng chu Babulon leh Kaldai mite chungah ka thungrul ang, tih hi LALPA thu chhuak a ni.
25
Ngai rawh, lei pum pui tichhetu, Aw, tichetu tlang lian, ka do che a i, Tih hi LALPA thu chhuak a ni: I chungah ka kut ka lek ang a, Kham sang ata ka lum thla ang che, Tlang kang rem tawhah ka siam ang che.
26
I hnen ata kil lung tur leh lungphum tur Lak chhuah a ni tawh lo ang; Kumkhuain i tiau zawk ang, Tih hi LALPA thu chhuak a ni:
27
Chumi ramah indo puanzar tar u la, Hnamte zingah tawtawrawt ham rawh u, Amah do tur hnamte buatsaih u la, Ararat te, Minni te, Askenaz ram te, Amah bei turin ko khawm raw h u;Amah bei turin sipai ruat u la Khautuai ang maiin sakawrte pun khawm rawh u.
28
Amah do tur hnamte buatsaih r'u, Media lal te awptu te, leh a puitu te, A thuneihna ram zawng zawng nen.
29
Chu ram chu na tuarin a khur a, Babulon ram, chengtu awm loa ti tiau turin, Babulon chunga LALPA thil tum chu a ding reng a ni.
30
Babulon ral tu ite chu an ralbang ta, An kulhpuiah an tawm reng e, An pachanna a dai a, hmeichhia ang mai an lo ni ta, An chenna hmunte a kang zo a, A daidanna thir tlawn a tliak.
31
Zualko tlan chuan mi dang pawh a tawk a, Mi tirh chuan mi dang a tawk bawk a, Babulon lal hnenah a khawpui chu Kil tinan an man ta tih hrilh turin.
32
Lui kainate chu an man a, Phairuangte an hal fai a,Indo mite pawh an zam zo ta.
33
Sipaihote LALPA, Israel Pathian chuan heti hian a ti: Babulon fanu chu hruihzawl rah bel lai ang a ni a, Rei lo teah buh chil hun a chungah a lo thleng ang.
34
Mi ei zo ta, Babulon lal Nebukadnezzaran, Mi thial sawm a, bel ruak maiah mi siam ta, Rulpui angin mi dawlh ta, Ka sa tui tuiin a pum a tikhat a, Mi paih chhuak leh ta a.
35
Kei leh ka tisa chunga pawngnek thiltih hi, Babulon chungah awm rawh se, Ziona chengten an ti ang; Ka thisen chu Kaldai mite chungah awm rawh se,
36
Chuvangin LALPA'n heti hian a ti: Ngai rawh, i lamah ka tang ang a, I phuba ka laksak ang che, A tuipui ka tikang ang a, A tuikhur pawh ka tirochar ang.
37
Tin, Babulon chu chhe vawm khawm mai, Sihal chenna hmun, mak tih huai huai leh chek khum, Chengtu awm lo hmun a lo ni ang.
38
Sakeibaknei vanglai angin an huk dum dum ang a, Sakeibaknei no angin an hram tuar tuar ang.
39
An ruih lungpuam hunin ruai ka thehsak ang a, Ka tirui ang, nikhaw hre lo derin. Thang harh lo tawp tura an mut hlen theihna'n, Tih hi LALPA thu chhuak a ni:
40
Ka hruai thla ang, beram no talh tur angin, berampate, kelpate ang maiin.
41
Sesak chu lak a nih tak chu! Lei pum pui chawimawi thin chu manin a awm tak hi, Hnamte zinga Babulon a tiau tak chu! Babulon chu tuipuiin a chim ta, A fawn nasa tak chuan a khuh zo a,
42
A khawpuite chu a tiau zo a, Ram ro, thlaler, mihring reng chen lohna Mihring fa tuma tlawh loh ram a lo chang ta.
43
Babulona Bel chu ka hrem ang, A lem tawh hnu chu ka ata a ka phawrh chhuak ang, Hnamte chu a hnenah an inhawr khawm tawh lo ang, A ni, Babulon kulhpui chu a chim ang.
44
Ka mite u, a chhung ata lo chhuak u la, LALPA thinur hlauhawm tak ata, Mi tin, mahni inchhanhim rawh u.
45
In thinlung chau suh se la, Chu rama thuthang chu hlau hek suh u; Kum khatah thuthang a lo thleng ang a, Kum dangah thuthang a lo thleng leh dawn si a, lal leh lal inbeiin ramah pawngnekna a awm ang.
46
Chuvangin, ngai rawh u, nite a lo thleng e, Babulon milem chher chawpte chunga Ro ka rel a, a ram pum pui a zahna tur ni chu; Tin, a chhungah a mi thahte chu an tlu ang.
47
Chutichuan lei leh van leh a chhunga awm zawng zawngten, hmar ata runtute a hnenah an thleng ang. Tih hi LALPA thu chhuak a ni.
48
Babulon chuan Israel mi thahte a tluktir angin Babulon-ah chuan ram tina mi thahte an tlu ang.
49
Nangni khandaih pumpelhtute u, kal u la, ding mai mai suh u, Hla tak atangin LALPA hre reng u la, In rilruah Jerusalem lut rawh se.
50
Sawichhiatna thu kan hriat avangin kan zak a, kan hmuihmai a lo buai zo ta, LALPA ina hmun thianghlimahte chuan Awze mite an lo lut ta si a.
51
Chuvangin ngai rawh u, nite a lo thleng e, Tih hi LALPA thu chhuak a ni, An milem chher chawpte chunga Ro ka relna tur leh A ram pum pui chunga mi hliamte rumna ni tur chu.
52
Babulon chu van tawngin sang mah se, A kulh sangte chu tinghet mah se, A chungah ka hnen ata tichhetu chu an lo thleng tho ang, Tih hi LALPA thu chhuak a ni.
53
Babulon atanga tap thawm leh Kaldai ram atanga chhiatna nasa tak thawm chu!
54
LALPA'n Babulon chu a run a, An thawm nasa tak mai chu a tihrehsak a. An che vel thawm chu tui tam tak ri hum hum ang a ni, An hawhaw dur dur a.
55
A chungah runtu a lo thleng, Babulon ngei chungah, A mi chakte manin an awm a, An thla ngulte a tliak sawm ta, LALPA chu thungrultu Pathian a ni si a, A thungrul ngei ngei ang.
56
Tin, a hotute leh a mi fingte, A awptute leh a puitute Leh mi chakte chu ka tirui ang; An mu hlen ang a, an thang harh l vang, Tih hi Lalber, a hming Sipaihote LALPA thu chhuak chu a ni.
57
Sipaihote LALPA chuan heti hian a ti: Babulon lal kulh bang chhah takte chu a chim vek ang a, A kawngka sang takte chu a kang vek ang; A mite chuan athlawnin an thawk a, Hnamte chuan mei atan mai an intihah a lo ni.
58
Juda lal Zedekia lal kum linaa Babulona a kal laia a hnena kal ve, Seraia Neria fapa, Maaseia fapa hnena zawlnei Jeremia thupek chu. Seraia chu lal in chhung hotu ber a ni a.
59
Tin, Jeremia chuan Babulon chunga chhiatna lo thleng tur zawng zawng, Babulon chungchanga he'ng thu ziak zawng zawng hi lehkhabuah a ziak a.
60
Tin, Jeremia chuan Seraia hnenah, "Babulon i thlen hunah chuan he'ng thu zawng zawng hi chhiar ngei la,
61
Aw LALPA, he hnam chungchangah hian tumah, mi leh sa pawh, chen lohna tura rawt boa, awmin, kumkhuaa tiau zawk turin thu i sawi tawh a,' ti ang che.
62
Tin, heti hi a lo ni ang a, he lehkhabu i chhiar zawhin lung nen tawnbelhbawmin Euphrates luiah paih lut la,"Babulon chu hetiang mai hian a pil ang a, a chunga chhiatna ka rawn thlen tur avangin a tho leh tah lo ang; an chau em em ang,' tiin i sawi tur a ni," a ti a. Heti zawng hi Jeremia thu chu a ni.
63
"Babulon chu hetiang mai hian a pil ang a, a chunga chhiatna ka rawn thlen tur avangin a tho leh tah lo ang; an chau em em ang,' tiin i sawi tur a ni," a ti a. Heti zawng hi Jeremia thu chu a ni.











Jeremiah 51:1

Jeremiah 51:2

Jeremiah 51:3

Jeremiah 51:4

Jeremiah 51:5

Jeremiah 51:6

Jeremiah 51:7

Jeremiah 51:8

Jeremiah 51:9

Jeremiah 51:10

Jeremiah 51:11

Jeremiah 51:12

Jeremiah 51:13

Jeremiah 51:14

Jeremiah 51:15

Jeremiah 51:16

Jeremiah 51:17

Jeremiah 51:18

Jeremiah 51:19

Jeremiah 51:20

Jeremiah 51:21

Jeremiah 51:22

Jeremiah 51:23

Jeremiah 51:24

Jeremiah 51:25

Jeremiah 51:26

Jeremiah 51:27

Jeremiah 51:28

Jeremiah 51:29

Jeremiah 51:30

Jeremiah 51:31

Jeremiah 51:32

Jeremiah 51:33

Jeremiah 51:34

Jeremiah 51:35

Jeremiah 51:36

Jeremiah 51:37

Jeremiah 51:38

Jeremiah 51:39

Jeremiah 51:40

Jeremiah 51:41

Jeremiah 51:42

Jeremiah 51:43

Jeremiah 51:44

Jeremiah 51:45

Jeremiah 51:46

Jeremiah 51:47

Jeremiah 51:48

Jeremiah 51:49

Jeremiah 51:50

Jeremiah 51:51

Jeremiah 51:52

Jeremiah 51:53

Jeremiah 51:54

Jeremiah 51:55

Jeremiah 51:56

Jeremiah 51:57

Jeremiah 51:58

Jeremiah 51:59

Jeremiah 51:60

Jeremiah 51:61

Jeremiah 51:62

Jeremiah 51:63







Jeremiah 1 / Jer 1

Jeremiah 2 / Jer 2

Jeremiah 3 / Jer 3

Jeremiah 4 / Jer 4

Jeremiah 5 / Jer 5

Jeremiah 6 / Jer 6

Jeremiah 7 / Jer 7

Jeremiah 8 / Jer 8

Jeremiah 9 / Jer 9

Jeremiah 10 / Jer 10

Jeremiah 11 / Jer 11

Jeremiah 12 / Jer 12

Jeremiah 13 / Jer 13

Jeremiah 14 / Jer 14

Jeremiah 15 / Jer 15

Jeremiah 16 / Jer 16

Jeremiah 17 / Jer 17

Jeremiah 18 / Jer 18

Jeremiah 19 / Jer 19

Jeremiah 20 / Jer 20

Jeremiah 21 / Jer 21

Jeremiah 22 / Jer 22

Jeremiah 23 / Jer 23

Jeremiah 24 / Jer 24

Jeremiah 25 / Jer 25

Jeremiah 26 / Jer 26

Jeremiah 27 / Jer 27

Jeremiah 28 / Jer 28

Jeremiah 29 / Jer 29

Jeremiah 30 / Jer 30

Jeremiah 31 / Jer 31

Jeremiah 32 / Jer 32

Jeremiah 33 / Jer 33

Jeremiah 34 / Jer 34

Jeremiah 35 / Jer 35

Jeremiah 36 / Jer 36

Jeremiah 37 / Jer 37

Jeremiah 38 / Jer 38

Jeremiah 39 / Jer 39

Jeremiah 40 / Jer 40

Jeremiah 41 / Jer 41

Jeremiah 42 / Jer 42

Jeremiah 43 / Jer 43

Jeremiah 44 / Jer 44

Jeremiah 45 / Jer 45

Jeremiah 46 / Jer 46

Jeremiah 47 / Jer 47

Jeremiah 48 / Jer 48

Jeremiah 49 / Jer 49

Jeremiah 50 / Jer 50

Jeremiah 51 / Jer 51

Jeremiah 52 / Jer 52