A A A A A
Facebook Instagram Twitter
हिंदी बाइबिल Mizo Bible

Jeremiah 31



1
"Chumi hunah chuan kei hi Israel chhungkua zawng zawngte Pathian ka ni ang a, anni pawh ka mite an ni ang," tih hi LALPA thu chhuak a ni.
2
LALPA chuan heti hian a ti: Khandaiha thah bangte chuan, Thlaler ramah khawngaih an hlawh: Ka chawlh hahdamtir lai khan.
3
Hmanah ka hnena LALPA lo lang chuan, heti hian a ti: A ni, hmangaih tawp loin ka hmangaih chia, Chuvangin lainatnain ka hruai haw che.
4
Ka din thar ang che, aw! Nula thianghlim Israel, Din ngheh i lo ni ang a, Khuangte nen i inchei leh ang a, Hlim lai lamna hmunahte chuan i tel ang.
5
Grep huante Samari tlang dung tluanin i siam ang a, Chuta chengten an ching ang a, A rahte chu an chen ang.
6
Ephrai tlang ramahte chuan, Vengtute au ni a thleng dawn e, "Tho ru, Zionah i kal ang u, LALPA kan Pathian hnenah chuan," tiin.
7
LALPA chuan heti hian a ti e, Jakoba tan hlimin zai u la, Hnam ropui ber tan au chhuak rawh u; Puang u la, chawimawi u la, LALPA, Israel la awm chhun, i mite hi, Chhamdam ang che' ti rawh u.
8
Ngai rawh u, hmar ram ata ka rawn hruai ang, Kawlkil tawp ata ka khawm chhuak ang, Mitdel te, kebai te, hmeichhe nau pai te, vei mek te nen, Mipui tam tak an lo thleng khawm ang.
9
Mittui nen an lo kal ang a, thlamuang takin ka hruai haw ang, Tui luang lamahte ka lentir ang a, An petek lohna tur kawng tluangahte chuan: Israel tan pa ka ni si a. Ephraim chu ka fa tir a ni.
10
Aw hnamte u, LALPA thu chu ngaithla u la, Tui kam ram hla takahte puang u la, Israel tidarhtu chuan a la hruai khawm leh ang a, Berampuin a beramte a vil angin a vil ang, tiin.
11
Jakoba chu LALPA'n a tlan chhuak a, A aia chak lakah a chhan chhuak si a.
12
Zion chhipah zaiin an lo kal ang a, LALPA thatnaah chuan an lawm ang a, Buh te, uain te, hriak te, Beram leh ranrual note chungahte an lawm ang; An nunna chu huan tui chawm ang a ni ang a, Kumkhuain an lungngai tawh hauh lo ang.
13
Tin, nula thianghlimte chu lamin an hlim ang a, Tlangvalte pawh a tar azur maiin an hlim ang. An lusunna lawmah ka chantirin ka thlamuang ang a, An lungngaihna ata ka tilawm ang.
14
Puithiamte nunna chu thauin ka titlai ang a, Ka thatnain ka mite pawh an tlai ang, Tih hi LALPA thu chhuak a ni.
15
LALPA chuan heti hian a ti, Rama khuaah thawm an hria Mitthi ngaia tap tlawk tlawk, Rakilin a fate a tah a, A fate an awm tawh loh vangin Thlamuan theih a ni lo.
16
LALPA chuan heti hian a ti: Tap lo turin i aw chu sum la, I mittui hul rawh se, I thiltihin lawmman a nei dawn e, Tih hi LALPA thu chhuak a ni. Ral ram atangin an lo let ang.
17
I hun tawp lam chu nghahfakawm tak a ni ang. Mahni ram ngeiah i fate chu an lo kir leh ang, Tih hi LALPA thu chhuak a ni.
18
Ephraima intah chu ka hre lul mai. "Nangin mi hrem a, bawngpa tuai Sawi ka ni a, Mi lettir la, ka let ang e, LALPA ka Pathian i ni miau si a,
19
Mi lettir hnu chuan ka inchhir teh a, Mi thunun hnuah ka mal ka beng a, Ka zak a, a ni, ka tleirawl lai hming chhiat tuarin Ka kimki a ni," a ti a.
20
Ephraim chu ka fapa duh tak, Ka nau ngainat tak a nih vang em ni, Amah ka thunun apianga ka thinlungah a chen tlat thin hi? Tichuan ka thinlungin a lainat thin a, A chungah zah ka ngai ngei dawn a ni, Tih hi LALPA thu chhuak a ni.
21
Kawng chhinchhiahnate insiam la, I tan kawng kawhhmuhnate phun rawh, I vah chhuahna lam kawng, Kawngpui lam ngei chu chhinchhiah tlat rawh: Aw nula thianghlim Israel, lo kir leh rawh, Heng i khawpui lamahte ngei hian,
22
Aw, nang fanu lepchhiah, Eng chen nge i vah rawlai dawn le? LALPA chuan leiah hian thil thar a siam tak hi, hmeichhiain mipa a hum ta zawk.
23
Israel Pathian, Sipaihote LALPA chuan heti hian a ti: An sal tana ata ka hruai kir hunah chuan Judai ram leh a khawpuiahte chuan hetiang tawngkam hi an hmang leh ang, Aw, felna chenna hmun, Aw tlang thianghlim, LALPA chuan malsawm che rawh se, tih hi.
24
Chutah Judaho leh an khawpuia mi zawng angte chu an cheng za ang a, lo nei mite leh ranvulhtute nen.
25
Mi chaute chu ka titlai ta a, mi lungngai apiangte pawh ka tiharh tawh si a.
26
Tichuan ka han harh a, ka han hawi vel a, mang tha tak chu a lo ni e.
27
Ngai teh, nite chu a lo thleng dawn e, Israel chhungte leh Juda chhungteah chuan mihring chi leh ran chi ka tuh ang, tih hi LALPA thu chhuak a ni.
28
Tin, heti hi a ni ang a, anmahni pawt chhuak a, tisawm leh paih thlaa, tiboral a, tihreawm tura ka chang ang khan anenthla thung ang, tih hi LALPA thu chhuak a ni.
29
Chung niahte chuan, 'Paten grep thur an ei a, an fate ha a tim e' an ti tawh ngai lo ang.
30
Mi tinin mahni khawlohna an thihpui zawk ang a, grep thur ei tawh phawt ha ngei chu a tim ang.
31
Ngai teh, nite chu a lo thleng dawn, tih hi LALPA thu chhuak a ni: chung niahte chuan Israel chhungte leh Juda chhungte hnenah chuan thuthlung thar ka siam ang.
32
An thlahtute Aigupta ram atanga hruai chhuak tura an kut ka chelh nia ka thuthlun ang kha ni loin an tan hotu ka ni chungin chu ka thuthlung chu an bawhchia a, tih hi LALPA thu chhuak a ni.
33
chung ni hnua Israel chhungte hnena thu ka thlun tur erawh chu hei hi a ni, tih hi LALPA thu chhuak a ni: an chhungrilahte ka thupek ka dah ang a, an thinlungah ka ziak bawk ang a, kei hi an Pathian ka ni ang a, anni chu ka mite an ni ang; tumahin 'LALPA hre rawh; tiin mahni thenawm leh mahni unau an zirtir edawn tawh lo a; a te ber atangin a lian ber thlengin an zain mi hre theuh dawn si a, tih hi lalpa thu chhuak a ni: an bawhchhiatna chu ka ngaidam ang a, an sualna pawh ka hre reng dawn tawh si lo', tiin.
34
Heti hain LALPA, chhun tieng tura ni petu, thla leh arsite tana dante ruatsak a, zan tieng tura petu, tui fawnte ri hum hum tura tuipui chawkthotu chuan a ti a ni: a hming chu Sipaihote LALPA a ni.
35
Heng dan ruatte hi ka hma ata a bo chauhin Israel thlahte chu ka hma ata hnam nih an bang hlen ve ang, tih hi LALPA thu chhuak a ni.
36
LALPA chuan hetihian a ti: chung lam van khi teh theih a nih a, lei nghahchhante hi zawn chhuah theih a nih chauhin Israel thlahte chu an thiltih takte avangin ka paih bo ve ang, tih hi LALPA thu chhuak a ni.
37
Ngai rawh, nite chu a lo thleng mek e, Hananel kulhbing sang atangin kulh kil kawngka thlengin LALPA tan khawpui chu din a ni a, tih hi LALPA thu chhuak a ni.A tehna hrui chu Gareb tlang thlengin ngil takin a kal riah ang a, Goa lamah a kawi ang. Mitthi ruang leh vut paihna ruam pum pui leh tamlak zawng zawng, Kidron luikawr thlengin, chhak lampanga sakawr kawngka kil thleng chu LALPA tan serh tur a ni; chu chu engtikah mah tihdarh leh thiat chhiat a ni tawh lo ang.
38
A tehna hrui chu Gareb tlang thlengin ngil takin a kal riah ang a, Goa lamah a kawi ang. Mitthi ruang leh vut paihna ruam pum pui leh tamlak zawng zawng, Kidron luikawr thlengin, chhak lampanga sakawr kawngka kil thleng chu LALPA tan serh tur a ni; chu chu engtikah mah tihdarh leh thiat chhiat a ni tawh lo ang.











Jeremiah 31:1

Jeremiah 31:2

Jeremiah 31:3

Jeremiah 31:4

Jeremiah 31:5

Jeremiah 31:6

Jeremiah 31:7

Jeremiah 31:8

Jeremiah 31:9

Jeremiah 31:10

Jeremiah 31:11

Jeremiah 31:12

Jeremiah 31:13

Jeremiah 31:14

Jeremiah 31:15

Jeremiah 31:16

Jeremiah 31:17

Jeremiah 31:18

Jeremiah 31:19

Jeremiah 31:20

Jeremiah 31:21

Jeremiah 31:22

Jeremiah 31:23

Jeremiah 31:24

Jeremiah 31:25

Jeremiah 31:26

Jeremiah 31:27

Jeremiah 31:28

Jeremiah 31:29

Jeremiah 31:30

Jeremiah 31:31

Jeremiah 31:32

Jeremiah 31:33

Jeremiah 31:34

Jeremiah 31:35

Jeremiah 31:36

Jeremiah 31:37

Jeremiah 31:38







Jeremiah 1 / Jer 1

Jeremiah 2 / Jer 2

Jeremiah 3 / Jer 3

Jeremiah 4 / Jer 4

Jeremiah 5 / Jer 5

Jeremiah 6 / Jer 6

Jeremiah 7 / Jer 7

Jeremiah 8 / Jer 8

Jeremiah 9 / Jer 9

Jeremiah 10 / Jer 10

Jeremiah 11 / Jer 11

Jeremiah 12 / Jer 12

Jeremiah 13 / Jer 13

Jeremiah 14 / Jer 14

Jeremiah 15 / Jer 15

Jeremiah 16 / Jer 16

Jeremiah 17 / Jer 17

Jeremiah 18 / Jer 18

Jeremiah 19 / Jer 19

Jeremiah 20 / Jer 20

Jeremiah 21 / Jer 21

Jeremiah 22 / Jer 22

Jeremiah 23 / Jer 23

Jeremiah 24 / Jer 24

Jeremiah 25 / Jer 25

Jeremiah 26 / Jer 26

Jeremiah 27 / Jer 27

Jeremiah 28 / Jer 28

Jeremiah 29 / Jer 29

Jeremiah 30 / Jer 30

Jeremiah 31 / Jer 31

Jeremiah 32 / Jer 32

Jeremiah 33 / Jer 33

Jeremiah 34 / Jer 34

Jeremiah 35 / Jer 35

Jeremiah 36 / Jer 36

Jeremiah 37 / Jer 37

Jeremiah 38 / Jer 38

Jeremiah 39 / Jer 39

Jeremiah 40 / Jer 40

Jeremiah 41 / Jer 41

Jeremiah 42 / Jer 42

Jeremiah 43 / Jer 43

Jeremiah 44 / Jer 44

Jeremiah 45 / Jer 45

Jeremiah 46 / Jer 46

Jeremiah 47 / Jer 47

Jeremiah 48 / Jer 48

Jeremiah 49 / Jer 49

Jeremiah 50 / Jer 50

Jeremiah 51 / Jer 51

Jeremiah 52 / Jer 52