English
A A A A A
×
हिंदी बाइबिल Mizo Bible
Jeremiah 3
1
"Miin nupui ma se la, Amah kalsanin pasal dang pawm se, Ani chuan a lo pawm leh ang em? A ram chuan a bawlhhlawh phah hial dawn lo'm ni?" tih a awm a. Nang erawh chu tlangval tam tak hnenah i hur bo a, Chuti chung chuan ka hnenah i lo kir leh ang maw? Tih i LALPA thu chhuak a ni.
2
Tlang kawlh vul lamah i mitte len chho la en rawh, An mutpui lohna hmun che khawiah nge? Thlalera Arabia mi ang maiin Anmahni nghakin kawng sirahte i thu reng thin, I hurnate leh i suahsualnatein Ram chu i tibawlhhlawh zo ta.
3
Chumi avang chuan ruah chu surtir a ni lo a, ruah hnuhnung pawh a sur hek lo; mi hur chal putin i pu a, i zak duh hauh si lo a.
4
"Ka pa, ka tleirawl laia mi hruaitu i ni," tiin mi au hlim hlawl a ni lo em ni?
5
A thin a ur kumkhua dawn em ni? A tawp thlengin em ni a ur dawn? Ngai rawh, chutiang chuan i tawng ngei a, Mahse a sual thei ang berin thil i ti a.
6
Chu lo pawh chu Josia lal laiin LALPA'n ka hnenah heti hian a ti a: Hnung tawlh hmang Israel thiltih kha i hmu em? Tlang sang tinahte chho a, thing buk tin, hnuaiahte a hurna thil a tihte kha?
7
Tin, kei chuan he'ng thil zawng zawng a tih hnuah hian ka hnenah a la kir leh em ang chu, ka ti a; mahse a lo kir chuang lo a; tin, a laizawnnu, bu hmang Juda chuan a hmu ve ta a.
8
Tin, ani chuan hnung tawlh hmang Israel chu a uire avang ngeia ka ak a, makna lehkha ka pek a huh pawhin a laizawnnu, bumhmang Juda chuan a hlau chuang lo a, chutih ahnekin a va kal a, hurna thil a va ti ve a.
9
Tin, a hur nawmnah mai mai avangin ram chu a tibawlhhlawh zo ta a; thing bul, lung bul hnenah a uire ta a.
10
Chuti chung pawhin a laizawnnu, bumhmang Juda chu thinlung taka lo kir loin a der maiin a lo kir a, tih hi LALPA thu chhuak a ni.
11
Tin, LALPA'n ka hnenah heti hian a ti a: Hnung tawlh thin Israel chuan a laizawnnu, bumhmang Juda ai chuan fel zawkin a intilang a.
12
Kal la, he'ng thu hi hmar lamah va puang rawh; Hnung tawlh hmang Israel, lo kir rah, Tih hi LALPA thu chhuak a ni; Thinrim hmel puin ka en lo ang che u a, Zahngai thei tak ka ni si a, Tih hi LALPA thu chhuak a ni, Ka thinur kumkhua lo ang.
13
LALPA i Pathian chunga i helna te, Thing buk hnuaia awze mite hnena i inphalraina te, Ka tawngka chhuak i awih lohna tea I khawlohnaah chuan thupha chawi rawh, Tih hi LALPA thu chhuak a ni.
14
Aw hnung tawlh hmang fate u, lo kir rawh u, Tih hi LALPA thu chhuak a ni. Kilkawitu che u ka ni si a, In zinga ta khawpuia mi pakhat, Chhungkuaa mi pahnih ka la ang che u a, Zionah ka hruai ang che u.
15
Ka lungdumzawng tak berampute ka pe ang che u a, annin hriatna leh hriat thiamnatein an chawm ang che u.
16
Tin, in lo tam a, rama in lo pun hunah, chung niahte chuan annin, "LALPA thuthlung bawm" an ti tawh ngai lo ang; an rilruah a lut lo ang a, hriat pawh an hre reng hek lo ang; an thlahlel tawh lo ang a, an siam leh tawh hek lo ang.
17
Chumi hnuah chuan Jerusalem chu LALPA lalthutthleng an vuah ang a, chutah chuan hnam zawng zawngte chu LALPA hmingin Jerusalemah an lo kal khawm ang: an thinlung sula khauhna ang chuan an kal tawh lo ang.
18
Chung niahte chuan Juda chhungte chu Israel chhungte nen an awmho ang a, hmar lam ram atangin, in thlahtute hnena roluah tura ka pek ramah chuan, an lo chhuakho ang.
19
Kei erawh chuan, Hnam tam takte zinga roluah tur tha ber, Ram nuam tak mai pe chein, Fanaute zinga dah che ka duhzia mai chu! Ka pa, tia mi lam a, Mi zuina ata i peng bo lo ang tih ka lo ring a.
20
Nupui bum hmangin a pasal a uiresan angin, Aw Israel chhunget u, mi bum ta a nih hi, Tih hi LALPA thuchhuak a ni.
21
Tlang kawlh vul chungah thawm a awm e, Israel fate tap leh thil ngen thawm chu, LALPA Pathian an theihnghilh a, An awm dan an tikhawloh zawh tak avangin.
22
Aw hnung tawlh thinnate chu ka tidam ang e: En teh, i hnenah kan lo kal a nih hi, Nang chu LALPA kan Pathian i ni si a.
23
Tlangte hi a sawt lo a, Tlang chunga thaw ri hum humte hi. Israel chhandamna chu LALPA kan Pathian ngeiah hian a ni, a awm.
24
Mahse chu thil tenawm tak chuan kan tleirawl lai ata kan thlahtuten tha an senna chu a ei ral ta; an beram rual te, an ran rual te, an fanu te, an fapate cheninZakin i mu ang u khai, kan mualphonain min khuh rawh se; LALPA kan Pathian chungah thil kan tisual a, keini leh kan thlahtuten kan tleirawl lai ata vawiin ni thlengin LALPA kan Pathian tawngka kan awih loh avangin.
25
Zakin i mu ang u khai, kan mualphonain min khuh rawh se; LALPA kan Pathian chungah thil kan tisual a, keini leh kan thlahtuten kan tleirawl lai ata vawiin ni thlengin LALPA kan Pathian tawngka kan awih loh avangin.
Jeremiah 3:1
Jeremiah 3:2
Jeremiah 3:3
Jeremiah 3:4
Jeremiah 3:5
Jeremiah 3:6
Jeremiah 3:7
Jeremiah 3:8
Jeremiah 3:9
Jeremiah 3:10
Jeremiah 3:11
Jeremiah 3:12
Jeremiah 3:13
Jeremiah 3:14
Jeremiah 3:15
Jeremiah 3:16
Jeremiah 3:17
Jeremiah 3:18
Jeremiah 3:19
Jeremiah 3:20
Jeremiah 3:21
Jeremiah 3:22
Jeremiah 3:23
Jeremiah 3:24
Jeremiah 3:25
Jeremiah 1 / Jer 1
Jeremiah 2 / Jer 2
Jeremiah 3 / Jer 3
Jeremiah 4 / Jer 4
Jeremiah 5 / Jer 5
Jeremiah 6 / Jer 6
Jeremiah 7 / Jer 7
Jeremiah 8 / Jer 8
Jeremiah 9 / Jer 9
Jeremiah 10 / Jer 10
Jeremiah 11 / Jer 11
Jeremiah 12 / Jer 12
Jeremiah 13 / Jer 13
Jeremiah 14 / Jer 14
Jeremiah 15 / Jer 15
Jeremiah 16 / Jer 16
Jeremiah 17 / Jer 17
Jeremiah 18 / Jer 18
Jeremiah 19 / Jer 19
Jeremiah 20 / Jer 20
Jeremiah 21 / Jer 21
Jeremiah 22 / Jer 22
Jeremiah 23 / Jer 23
Jeremiah 24 / Jer 24
Jeremiah 25 / Jer 25
Jeremiah 26 / Jer 26
Jeremiah 27 / Jer 27
Jeremiah 28 / Jer 28
Jeremiah 29 / Jer 29
Jeremiah 30 / Jer 30
Jeremiah 31 / Jer 31
Jeremiah 32 / Jer 32
Jeremiah 33 / Jer 33
Jeremiah 34 / Jer 34
Jeremiah 35 / Jer 35
Jeremiah 36 / Jer 36
Jeremiah 37 / Jer 37
Jeremiah 38 / Jer 38
Jeremiah 39 / Jer 39
Jeremiah 40 / Jer 40
Jeremiah 41 / Jer 41
Jeremiah 42 / Jer 42
Jeremiah 43 / Jer 43
Jeremiah 44 / Jer 44
Jeremiah 45 / Jer 45
Jeremiah 46 / Jer 46
Jeremiah 47 / Jer 47
Jeremiah 48 / Jer 48
Jeremiah 49 / Jer 49
Jeremiah 50 / Jer 50
Jeremiah 51 / Jer 51
Jeremiah 52 / Jer 52