A A A A A
Submit Image
हिंदी बाइबिल Mizo Bible

यिर्मयाह 27



1

  Juda lal Josia fapa Zedekia lal tantirhin, LALPA hnen ata he thu hi a lo thleng a.

2

  LALPA chuan ka hnenah heti hian a ti: Nghawngkawlte leh a hruite siam la, i nghawgah bat rawh.

3

  Tin, Edom lal te, Moab lal te, Amon mite lal te, tura lal te, Zidon lal te hnenah Juda lal Zedekia hnena mi tirh, Jerusalema lo kalte kutah thawn rawh.

4

  Heng thu hi an pute hnenah sawitir rawh: Heti hian Israel pathian, Sipaihote LALPA chuan a ti: hetiang hian in pute hnenah in sawi tur a ni:

5

  ka thil tih theihna ropui tak leh ka ban pharin lei te, mihringte leh lei chunga sa te ka siam vek a, pek awm ka tihte hnenah chuan ka pe a.

6

  Tunah pawh ka rawngbawltu Babulon lal Nebukadnezzara kutah he ram zawng zawng hi ka pe tawh a ni, ramsate pawh ama rawngbawl turin ka pe bawk a ni.

7

  Ama tiau hun a thlen hma chuan hnam zawng zawngin amah leh afapate leh afapaa fate rawng an bawl ang, chumi hnuah erawh chuan hnam tam takte leh lal ropui takte chuan amah chu bawiah an siam ang.

8

  Tin, heti hi a ni ang a, Babulon lal Nebukadnezzara nghawngkawl bat duh lo leh a rawngbawl duh lo hnam leh lalna ram chu khandaih leh tam leh hripuiin, ama kuta ka tihboral vek hma zawng anmahni ka hrem zel ang.

9

  Nangni erawh chuan in zawlneite, in aienthiam te, in mumang te, in chhamphual thiam te, in dawithiam te, in hnena "Babulon lal rawng in bawl lo ang" tia sawitute chu ngaithla suh u.

10

  In ram atanga hla taka hruai bova in awm theihna'n, in hnenah dawt thu an sawi lawk a ni: ka hnawh chhuah che ua in boral phahna turin.

11

  Amaherawh chu Babulon lal nghawngkawl bat a, a rawngbawl duh hnam chu an ram ngaiah ka awmtir ang a, lei an let ang a, chutah chuan an cheng reng ang, tih hi LALPA thu chhuak a ni.

12

  Tin, Juda lal Zedekia hnenah he'ng thu zawng zawng ang zel hian ka sawi a: Babulon lal nghawngkawl bat u la, amah leh a mite rawngbawl u la, in nung dawn nia.

13

  Babulon lal rawngbawl duh lo hnam chungchang LALPA'n a sawi tawh ang khan engah nge khandaihte, tamte, hripuitea nang leh i mite chu in thih ang le?

14

  Tin, zawlnei in hnena "Babulon lal rawngbawl suh u" ti tute thu chu ngaithla suh u: in hnenah dawt thu an sawi mai a ni si a.

15

  Ka tirh an ni si lo a, Ka hming chhalin dawt thu an sawi zawk thin, nangni leh in hnena thu sawitu zawlneite chu ka hnawhchhuah a, in boral theihna'n, LALPA chuan a ti.

16

  Puithiamte leh he'ng mipuite zawng zawng hnenah pawh hian ka sawi bawk a: LALPA chuan heti hian a sawi a ni: Zawlnei in hnena thu sawitu, "Ngai rawh u, Babulon atangin LALPA in hlum belte chu rawn thlen a ni thuai dawn e' titute thu chu ngaithla suh u; in hnenah dawt an sawi a ni si a.

17

  Anmahni ngaithla hauh suh u; Babulon lal rawngbawl u la, in nung dawn nia; engah nge he khawpui hi atiau vang le?

18

  Mahse zawlnei an niha, LALPA thu an hnena awm a nih meuh chuan LALPA in leh Juda lal in leh Jerusalem bungbel hnutchhiaha la awmte chu Babulonah thlen a nih loh nan Sipaihote LALPA hnenah ngen ang hmiang.

19

  Sipaihote LALPA chuan, ban sangte, dar tuizem te, a nghahchhante leh he khawpuia bungbel hnutchhiaha awm chhunte,

20

  Babulon lal Nebukadnezzaran Juda lal, Jehoiakima fapa, Jekonia leh Juda leh Jerusalema mi tha zawng zawng Jerusalem atanga Babulon sala a hruai tuma a lal bang chungchang thu heti hian a sawi a,

21

  a ni, Sipaihote LALPA, Israel Pathian chuan LALPA in leh Juda lal in leh Jerusalema bungbel hnutchhiaha la awm chungchang thu a sawi a ni:Babulonah lak bo an ni ang a, anmahni ka rawn kan hma loh chuan chutah chuan an awm reng ang; tin, ka la leh ang a, he hmunah hian ka dah kir leh ang, tih hi LALPA thu chhuak a ni.

22

  Babulonah lak bo an ni ang a, anmahni ka rawn kan hma loh chuan chutah chuan an awm reng ang; tin, ka la leh ang a, he hmunah hian ka dah kir leh ang, tih hi LALPA thu chhuak a ni.

Mizo Bible
Copyright: Mizo ?