A A A A A
हिंदी बाइबिल Mizo Bible

यशायाह 61



1

  Thuhnuairawlhte hnenah chanchin tha hril tura LALPA'n hriak mi thih avangin Lalpa PATHIAN thlarau chu ka chungah a awm; ani chuan thinlung lungchhiate tuam tur te, salte hnena chhuahna thu leh mi tangte hnena tan in hawnna thu sawi tur te,

2

  LALPA lungawi kum thu leh kan Pathian phuba lak ni thu sawi tur te, lungngai zawng zawng thlamuan tur te,

3

  vut aiah pangpar thihrui te, lungnaih aiah hlimna hriak te, nguina thlarau aiah fakna silhfente an hnenah pekah Zion-a lungngaia awmte tan ruat tur tein mi tir a ni: ani chu chawimawia a awmna turin, felna thing, LALPA phunte, tih an nih theihna'n.

4

  Tin, hmun hlui chhe tawhte chu an rem leh ang a, tun hmaa khaw lo tiau tawhte chu an din tha leh ang a, khawpui chhe tawh, chhuan tam tak tiaunate chu an siam tha leh ang.

5

  Tin, ram dang mite chuan in ran rualte chu dingin an tlattir ang a, hriat ngai loh mite chu in leilettu-ahte leh in grep hrui enkawltuahte an awm ang.

6

  nangni erawh chu, "LALPA puithiamte, " tia vuaih in awm ang a: miten, "Kan Pathian rawngbawltute," an ti ang che u: hnam tin sum in ei ang a, an ropuina chu in inchhuan phah ang.

7

  In mualpho aiah a leh hnih in hmu ang a; in zah aiah in chanvovah hlimin in zai ang: chuvangin in ramah chuan a leh hnih in luah ang a: kumkhaw hlimna in hnenah a awm ang.

8

  Kei LALPA hian rorelan fel ka ngaina si thin a, khawlo taka ram hi ka haw thin a ni; tichuan anmahni ka rulhna chu tihtak meuhin an hnenah ka pe ang a, an hnenah kumkhaw thu ka thlung bawk ang.

9

  Tichuan an thlahte chu hnam tin zingah hriat an ni ang a, an fate chu mi tin zingah hriat an ni bawk ang: anmahni hmu apiangin LALPA malsawm chi an ni tih an hria ang.

10

  LALPA-ah chuan nasa takin ka hlim ang a, ka nunna hi ka Pathianah chuan lawm takin a awm ang; mo neitu tur chu pangpar thihruia a inchei thin ang leh, mo tur chu a incheinatea a inchei thin ang hian, ani chuan chhandamna silhfente mi bel a, felna kawrfualin mi tuam ta si a.Leilung hian a thil chawr chu a chhuahtir ang leh, huan hian a chhunga thil chinte chu a chawrtir ang hian, Lalpa Pathian chuan felna leh rfakna hnam tinreng hmaah chuan a chawrtir dawn si a.

11

  Leilung hian a thil chawr chu a chhuahtir ang leh, huan hian a chhunga thil chinte chu a chawrtir ang hian, Lalpa Pathian chuan felna leh rfakna hnam tinreng hmaah chuan a chawrtir dawn si a.

Mizo Bible
Copyright: Mizo ?