A A A A A
हिंदी बाइबिल Mizo Bible

यशायाह 57



1

  Mi tha an thi a, tuma'n pawi an ti lo; Pathian ngaihsak mite pawh an thi a, tuma'n chhiatna thleng tur laka lak bo an ni tih an ngaihtuah lo.

2

  Mi fel chu a thi a, thil tha loin a khawih phak lo a, dik tak a ti thinte chu thlamuang takin an khumah an mu siai siai thin.

3

  Nimahsela nangni dawithiamnu fapa, uire leh nawhchizuar thlahte u, hetah lo hnai rawh u.

4

  Tunge nuihza siamna'n in hman thin le? Tunge in thensana, lei in chhuah khum thin le?

5

  Nangni sasaw zinga, thing buk hnuai tina intizauthau a, ruam chhungte lung khi belahte naupang that thinte u, bawhchhiatna fa, dawttheihan thlahte in ni lo'm ni?

6

  Luikawr ruam lung mam zingah chuan i chanvo a awm a; chung, chungte ngei chu, i chanpual chu a ni: chungte tan ngei chuan thilhlan in mi i leih a, thil pek i hlan kha. Chung thilah chuan tihlungawiin ka awm dawn em ni?

7

  Tlang sang zo tak chungah chuan i khum chu i dah a: Moleka hnenah i kal a.

8

  Tin, kawngkharte leh kawngka biang phenahte chuan i hriat rengna chu i tung a: ka lakah ni loin mi dang lakah i inhlip a, i han chho si a, i khum i zauh a, an hnenah thu i thlung a; an khum chu i hmuhnaah chuan i hmangaih a.

9

  Tin, hriak nen lal hnenah i kal a, i rimtuite chu i ti nasa zual a, i palaite chu hla takah i tir a, Seol thleng rawkin i intihhniam kha.

10

  I kalna kawng sei avang khan i hah a: nimahsela, "Beiseina reng reng a awm lo," i ti si lo va: i chakna tihharhna i hmu a; chuvangin i chauh tak loh kha.

11

  Tunge i hlauha i tih a, dawt i sawi thina, kei mi hriat tak loh a, i rilrua i ngaihtuah tak loh le? Rei tak ka ngawi reng lo em ni?Hlau pawh mi hlauh loh hi.

12

  I felna thu hi ka sawi ang a; i thitihte zawng i tan engmah a hnemhnang lo ang.

13

  I au hunah chuan milim lak khawmte chuan chhanhim che rawh se; nimahsela anniho chu thliin a la ang a, thawin a len bo vek ang: kei mi ringtu erawh chuan ram hi a nei ang a, ka tlang thianghlim hi a luah ang.

14

  Tin, ani chuan, "Chhung pawng rawh u, chhung pawng rawh u, kawng buatsaih rawh u, ka mite kawng ata tlukna tur chu paih rawh u," a ti ang.

15

  Mi chungnung, chawisan, chatuana awm, a hming Thianghlima chuan heti hian a ti si a: "Kei hmun chungnung leh thianghlimah ka awm a, mi thuhnuairawlhte rilru tiharh tur leh inchhir ngawih ngawihte thinlung tiharh turin mi rilrua inchhir ngawih ngawiha thuhnuairawlh tak hnenah pawh ka awm a ni.

16

  Kumkhuain ka do dawn si lo a, ka thinur fo dawn hek lo: chutichuan mi rilru ka hmaah a chau vang a, nunna ka siamte pawh chu an chau bawk ang.

17

  A duhama a khawlohna avangin ka thin a ur a, ka vua a, ka hmai ka hup a, ka thin a ur a ni: ani lah chu a thinlung awm dan pangngaiha luhlul takin a awm zel a.

18

  A awm dante chu ka hmu a, amah chu ka tidam ang: ka hruai bawk ang a, amah leh a sunpuitute hnenah thlamuannate ka pe leh ang.

19

  Kei chuan hmui rah ka siam thin a: 'Remna, remna, hla taka awm hnenah leh hnai taka awm hnenah chuan awm rawh se,' LALPA'n a ti, ani chu ka tidam ang.

20

  Mi suaksualte erawh chu tuifinriat fawn fawn thin ang chu an ni: an awm hle hle thei si lo a, a tuite chuan bawlhhlawh leh chirhdiak a vawrh chhuak thin,"tiin.Ka Pathian chuan, "Mi suaksualte tan chuan muanna reng reng a awm lo," a ti a.

21

  Ka Pathian chuan, "Mi suaksualte tan chuan muanna reng reng a awm lo," a ti a.

Mizo Bible
Copyright: Mizo ?