A A A A A
Facebook Instagram Twitter
हिंदी बाइबिल Mizo Bible

Isaiah 45



1
LALPA chuan a hriak thih, Kura, hnamte chu a hmaah tudawl tur leh, lalho kawnghrente phelhsak tur leh, a hmaa kawngkharte hawnsak tur leh, kulh kawngkharte khar loa awmtir tura, a kut din lam ka chelha hnenah chuan, heti hian a ti:
2
"Kei i hmaah ka kal ang a, a bumboh laite chu ka tirual ang: dar kawngkharte chu ka tichhe rem rum ang a, a kalhna thir tlawnte chu ka tibung ang:
3
tin, LALPA, i hminga kotu che, Israel-ho Pathian ngei chu ka ni tih i hriat theihna'n thim zinga rote chu ka pe ang chia, hmun fianrialte sum thuhrukte pawh ka pe ang che.
4
Jakob-ho ka chhiahhlawhte leh Israel-ho ka thlante avang chuan i hmingin ka ko che a ni: mi hre ngai lo mah la, hming ka sak sak ang che.
5
,6 Kei hi LALPA chu ka ni, a dang reng reng an awm lo; keimah lo chu Pathian reng reng an awm lo: keimah lo chu a dang reng reng an awm lo tih ni chhuahna lam atang leh thlang lam atanga an hriat theihna turin, mi hre ngai lo mah la, i tai ka hrensak ang che: kei hi lalpa chu ka ni, a dang reng reng an awm lo.
6
,5 Kei hi LALPA chu ka ni, a dang reng reng an awm lo; keimah lo chu Pathian reng reng an awm lo: keimah lo chu a dang reng reng an awm lo tih ni chhuahna lam atang leh thlang lam atanga an hriat theihna turin, mi hre ngai lo mah la, i tai ka hrensak ang che: kei hi lalpa chu ka ni, a dang reng reng an awm lo.
7
Eng ka siam thin a, thim pawh ka siam thin a ni; remna ka siam thin a, sualna pawh ka siam thin a ni; kei hi LALPA, chung thil zawng zawng ti thintu chu ka ni," tiin.
8
Vante u, chung lam atang khan far thlaktir rawh u, van dumte khan felna rawn leih thla rawh se: chhandamna an chhawr chhuahtir theihna'n lei inhawng se la, felna nen to duntir rawh se; kei LALPA hian chu chu ka siam a ni.
9
Mahni Siamtu hnailatu chu a chung a pik e! leia lampei zinga lampei mai mai chu! Hlum chuan a vawtu hnenah, "Eng nge i siam ni?" a ti dawn em ni? A nih loh leh, i hnathawh chuan, "A kutin thia reng a nei lo," a ti dawn em ni?
10
A pa hnenah, "Eng nge i hrin ni?" titu chung emaw, a nu hnenah, "Eng nge i hrin dawn ni?" titu chung emaw a pik e!
11
LALPA, Israel-ho Mi Thianghlim, anmahni Siamtu chuan heti hian a ti: "Thil lo la thleng tur thu chu mi zawt u la; ka fapate thu-ah leh, ka kut hnathawh thuah hian thu mi pe rawh u.
12
Lei hi ka siam a, a chunga mihring awm hi ka siam bawk a: keimah ka kut ngei hian, van ka kai pharh a, a sipaihote chu thu ka pe bawk a ni.
13
Kura chu felna nein ka kai harh a, a kawng zawng zawng chu ka tingil ang: ani chuan a khawpui chu a siam leh ang a, ant lanna man duh vang ni loin, lawmman duh vang ni hek loin,ka salte chu a chhuahtir ang, sipaihote LALPA'n a ti,"tiin.
14
LALPA chuan heti hian a ti, "Aigupta thawkrimho leh Thiopia sumdawng mi leh Seba-ho mi sang takte chu in hnen lamah an lo kal ang a, in taah an awm tawh ang; namgmahni an zui ang che u; khaidiat bunin a ni an lo kal dawn ni: tichuan bawkkhupin chibai an buk ang che u a, 'Pathian chu nangmahniah a awm ngei mai; a dang reng reng an awm lo, Pathian dang reng reng an awm lo,' tiin.
15
Aw Israel-ho Pathian, Chhandamtu, Pathian inthu thina chu i ni ngei mai.
16
Mualpho takin an awm ang, a ni, an zain zak takin an awm ang: milem siamtute chu zahnaah chuan an lut tlang ang.
17
Israel-ho erawh chu kumkhaw chhandamnaa LALPA Chhandamin an awm ang: chatuan thleng pawhin in mualphoin in zak hek lo ang.
18
LALPA, van siamtu chuan, (ani chu Pathian, leilung hi dina siamtu chu a ni; ani chuan leilung hi a tinghet a, engmah loah a siam lo a, mihring awmna'n a din zawk a ni) heti hian a ti si a: "Kei hi LALPA chu ka ni; a dang reng reng an awm lo.
19
A rukin, ram thim hmunah thu ka sawi ngai lo a; Jakoba thlante hnenah, 'Engmah lovah mi zawng rawh u,' ka ti ngai lo: kei LALPA hian felna thu ka sawi thin a, thu dik takte chu ka hril thin.
20
"Inkhawm u la, lo kal rawh u; hnam tin zinga hremna pumpelhote u, lo hnai tlang rawh u: an thing mile siam chawp keng thina, mi chhanhim thei hlei lo pathian hnena tawngtai thintute chuan hriatna reng reng an nei lo.
21
Sawi u la, rawn tichhuak rawh u; a ni, inberawn hlawm rawh se: hmasang ata tuin nge hriattir? Hman lai ata tuin nge sawi? Kei LALPA hian ka tih a ni law ni? Keimah lo chu Pathian dang reng reng an awm lo; Pathian fel leh chhandamtu ka ni; keimah lo chu a dang reng reng an awm lo.
22
Kawlkila mi zawng zawngte u, ka lam lo hawi u la, chhandamin awm rawh u: kei hi Pathian ka ni si a, a dang reng reng an awm lo.
23
Khup tinreng chu ka hmaah a thingthi tawh ang a, lei tinreng pawhin ka hnenah chhechham in thu a tiam tawh ang,' tiin mahni leh mahni inchhalin chhia ka chham ta, thu chu felna hlirin ka ka atangin a chhuak tawh a, a lo let leh tawh lo ang.
24
Miin 'LALPA-ah chauh felna leh chakna a awm,' tiin, ka hnenah an la sawi ang: ama hnen ngeiah mi an lo kal ang a, a chunga lungni lo zawng zawngte chu mualpho takin an awm tawh ang.Israela thlahte zawng zawng chu LALPA-ah chuan a ni, thiam chantira an awm a, LALPA chu an chhuan dawn ni," tiin.
25
Israela thlahte zawng zawng chu LALPA-ah chuan a ni, thiam chantira an awm a, LALPA chu an chhuan dawn ni," tiin.











Isaiah 45:1

Isaiah 45:2

Isaiah 45:3

Isaiah 45:4

Isaiah 45:5

Isaiah 45:6

Isaiah 45:7

Isaiah 45:8

Isaiah 45:9

Isaiah 45:10

Isaiah 45:11

Isaiah 45:12

Isaiah 45:13

Isaiah 45:14

Isaiah 45:15

Isaiah 45:16

Isaiah 45:17

Isaiah 45:18

Isaiah 45:19

Isaiah 45:20

Isaiah 45:21

Isaiah 45:22

Isaiah 45:23

Isaiah 45:24

Isaiah 45:25







Isaiah 1 / Isa 1

Isaiah 2 / Isa 2

Isaiah 3 / Isa 3

Isaiah 4 / Isa 4

Isaiah 5 / Isa 5

Isaiah 6 / Isa 6

Isaiah 7 / Isa 7

Isaiah 8 / Isa 8

Isaiah 9 / Isa 9

Isaiah 10 / Isa 10

Isaiah 11 / Isa 11

Isaiah 12 / Isa 12

Isaiah 13 / Isa 13

Isaiah 14 / Isa 14

Isaiah 15 / Isa 15

Isaiah 16 / Isa 16

Isaiah 17 / Isa 17

Isaiah 18 / Isa 18

Isaiah 19 / Isa 19

Isaiah 20 / Isa 20

Isaiah 21 / Isa 21

Isaiah 22 / Isa 22

Isaiah 23 / Isa 23

Isaiah 24 / Isa 24

Isaiah 25 / Isa 25

Isaiah 26 / Isa 26

Isaiah 27 / Isa 27

Isaiah 28 / Isa 28

Isaiah 29 / Isa 29

Isaiah 30 / Isa 30

Isaiah 31 / Isa 31

Isaiah 32 / Isa 32

Isaiah 33 / Isa 33

Isaiah 34 / Isa 34

Isaiah 35 / Isa 35

Isaiah 36 / Isa 36

Isaiah 37 / Isa 37

Isaiah 38 / Isa 38

Isaiah 39 / Isa 39

Isaiah 40 / Isa 40

Isaiah 41 / Isa 41

Isaiah 42 / Isa 42

Isaiah 43 / Isa 43

Isaiah 44 / Isa 44

Isaiah 45 / Isa 45

Isaiah 46 / Isa 46

Isaiah 47 / Isa 47

Isaiah 48 / Isa 48

Isaiah 49 / Isa 49

Isaiah 50 / Isa 50

Isaiah 51 / Isa 51

Isaiah 52 / Isa 52

Isaiah 53 / Isa 53

Isaiah 54 / Isa 54

Isaiah 55 / Isa 55

Isaiah 56 / Isa 56

Isaiah 57 / Isa 57

Isaiah 58 / Isa 58

Isaiah 59 / Isa 59

Isaiah 60 / Isa 60

Isaiah 61 / Isa 61

Isaiah 62 / Isa 62

Isaiah 63 / Isa 63

Isaiah 64 / Isa 64

Isaiah 65 / Isa 65

Isaiah 66 / Isa 66