A A A A A
हिंदी बाइबिल Mizo Bible

यशायाह 42



1

  Ka chhiahhlawh, ka chelh reng, ka thlan, ka rilruin a lawm em ema hi en teh u: a chungah ka thlaru ka dah ta; Jentailte hnena pek turin rorelna thu a la chhuak ang.

2

  A au lo ang a, aw a chhuah hek lo ang a, kawtthlerah a awm a chhuah hek lo vang a, kawtthlerah a aw chu ahriattir hek lo ang.

3

  Luang sawp a titliak fithla lo ang a, la khu pawh a timit lo ang: rorelna chu thutakin a la chhuak ang.

4

  Leiah hian rorelna a awmtir hma loh chuan ani chu a chau lo ang a, a beidawng hek lo ang; tin, thliarkarte chuan a dan thu chu an nghak reng dawn.

5

  Pathian, LALPA, van siamtu leh kai pharhtu, lei leh a chhung ata chhuak zawng zawng tizautu, a chunga mite hnena thawkna petu leh a chung kalte hnena thlarau petu chuan heti hian a ti:

6

  ,7 "Kei LALPA hian felnain ka ko a che, i kut ka chelh ang a, ka humhim ang chia, mitdelte mit tivar tur leh, mi tangte rip chhung ata hruai chhuak tur leh, thim zinga thute tan in ata hruai chhuak turin, mite thuthlung atan leh Jentailte tiengtu atan ka ruat ang che.

7

  ,6 "Kei LALPA hian felnain ka ko a che, i kut ka chelh ang a, ka humhim ang chia, mitdelte mit tivar tur leh, mi tangte rip chhung ata hruai chhuak tur leh, thim zinga thute tan in ata hruai chhuak turin, mite thuthlung atan leh Jentailte tiengtu atan ka ruat ang che.

8

  LALPA chu ka ni; chu chu ka hming a ni: ka rpuina hi mi dang hnenah ka pe lo vang a, fak ka hlawhna hi milem siam chawpte hnenah ka pe hek lo ang.

9

  Ngai teh u, tun hma thilte chu a lo thleng ta, thil tharte ka sawi a nih hi: a tiah hmain a chanchin ka hrilh che u a nih hi.

10

  Tuifinriata zuk kalte leh, a chhunga awm zawng zawngte leh, thliarkarte leh, a chunga awm zawng zawngte u, LALPA chawimawiin hla thar sa u la, kawlkil atang pawhin amah fakna hla sa rawh u.

11

  Thlaler leh a khawpuite chuan an aw chhuah rawh se, Kedar-ho awmna khuate chuan; Sela khuaa awmte chu hlim takin zai se la, tlang chhip atangte chuan au rawh se.

12

  LALPA chu tiropui se la, thliarkarahte chuan a fakna thu hirl rawh se.

13

  LALPA chu mi chak tak angin a chhuak ang a, indo mi angin thinurna a chawk tho vang: a au vang a, a ni, ring takin a au vang; amah dotute chungah chuan chak takin a che ang.

14

  Rei tak ka ngawi reng tawh a; ka awm hle hlein ka insum hram hram thin: tunah erawh chuan hmeichhe nau vei angin ka au tuar tuar ang a; ka thaw huam huamin ka thaw hlawp hlawp bawk ang.

15

  Tlangte leh mual pawngte chu ka tichhia ang a, a hnim zawng zawngte chu ka tiro vek ang; luite chu thliarkarh te ka siam ang a, dilte chu ka tikang ang.

16

  Mitdelte chu an hriat ngai loh kawngah ka rawn hruai ang a; an hriat ngai loh kalkawngahte chuan ka hruai ang: an hmaah chuan thim chu engah ka siam ang a, kawng kawi laite chu ka tingil bawk ang. Chung thil chu ka ti ang a, anni pawh ka thlahthlam lo ang.

17

  Milem siam chawpte ring a, milem chhunte hnena, "Kan pathian in ni," titute chu hawi kirtirin an awm ang a, nasa takin an mualpho ang.

18

  Bengngawngte u, bengin hre rawh u; mitdelte u, in hmuh theihna'n en rawh u.

19

  Ka chhiahhlawh lo chu tu mit nge del:? A nih loh leh, ka tirhkoh tirh angin tu beng nge ngawng? Mi remtu angin tu mit nge dela, LALPA chhiahhlawh angin tu mit nge del?

20

  Thil tam tak i hmu a, nimahsela i rilruah i vawng reng thin lo; a bengte chu a awng a, nimahsela a hre thin lo.

21

  Dan chu a felna avanga tihlena tihzahawm chu LALPA chuan a tha a ti a.

22

  Nimahsela he'ng mite hian rawk leh suam an tawk a, humah an tla a, tan inah an tang bo a; sal atan man an ni a, chhantu tumah an awm lo.

23

  In zingah hian chungah chuan tu nge beng chhi tur awm che u? Hun lo la thleng tur atan ngaithlaa hre tur tu nge awm che u?

24

  Tuin nge Jakob-ho rallaka lak tura pea, Israel-ho rukrute hnenah pe ni? LALPA, a chunga thil kan tihsualna chuan a pek a ni lo'm ni? A kawngahte an kal duh si lo a, a dan thu lah an awih hek lo.Chuvangin a thinur nasa tak chu an chungah a leih a, indo ralthlak an chungah a thlentir a, chu chuan anmahni chu a kang a.

25

  Chuvangin a thinur nasa tak chu an chungah a leih a, indo ralthlak an chungah a thlentir a, chu chuan anmahni chu a kang a.

Mizo Bible
Copyright: Mizo ?