A A A A A
हिंदी बाइबिल Mizo Bible

यशायाह 23



1

  Tura khaw phur rit chu. Tarsis lawng liante u, chiau vak vak rawh u; in reng reng awm lo khawpa tura chu tihchhiata a awm tak hi; chu chu Kupra ram atangin in lo hira a.

2

  Tuipui kama chengte u, ngawi rawh u, Sidon khaw sumdawngte u,

3

  tuipui chunga kalin Aigupta ram Nile lui buh in chaw a, ram tinah in hralh a, in help chu in sum hnar ber a ni.

4

  Aw Zidon, zak rawhL tuifinriat, tuifinriat kulhpui chuan, thu a sawi ta si a, "Nau ka vei ngai lo a, ka hring ngai hek lo a, nula pawh ka tiseilian ngai hek lo," tiin.

5

  Thuthang chu Aigupta ram a thlen hun chuan tura thuthang chu nasa takin an vei ang.

6

  Tarsis-ah va kai u la; thliarkara awmte u, chiau vak vak rawh u.

7

  Hei hi maw in khaw hlim tak, a hlunzia murakeka mi tawh, a kein hla taka awm tura a hruai thina chu?

8

  Lallukhum khumtirtu khua tura chungah hian tuin nge hei hi thleng turin ruat? Chuta sumdawngtute chu mi liante an ni a, chuta sumdawng mite chu leia mi zahawmte an ni si a.

9

  Sipaihote LALPA chuan chapote ropuina tih tlawm leh khawvel mi zahawmte tihmualpho a tum tlat a ni.

10

  Aw Tarsis fanu, Nile lui angin i ramah chuan luang liam rawh; i kawnghrenna reng reng a tawm tawh loh hi.

11

  Tuifinriat chungah a kut a phar a, ramte chu a tinghing a: LALPA chuan Kanaan ram chungchang thu-ah thu a pe a, a kulhbingte tichhe turin.

12

  Tin, anni chuan, "Aw Zidon fanu nula, mi hnehchhiah, i hlim leh tawh lo ang: tho la, Kitim ramah kai rawh; chutah pawh chuan chawlhna reng reng i hmu chuang lo ang," a ti a.

13

  En teh, Kaldai-ho ram hi; he'ng mite hi an awm tawh lo: Assuria mi chuan thlalera ram sate tan a ruat tawh a ni: an in sangte chu an sa a, chuta lal inte chu an tiboral a, inchhiaah a siam ta.

14

  Tarsis lawng liante u, chiau vak vak rawh u: in kulhbing chu tihchhiatin a awm tak hi.

15

  Tin, chu mi niah chuan heti hi a ni ang a, tura khua chu, lal pakhat kum chhiara, kum sawmsarih chhung chu theihnghilhin a awm ang: kum sawmsarih ral hnuah chuan nawhchizuar hlaa an sawi angin tura khaw chungah chuan a la thlang ang.

16

  nang nawhchizuar, mite theihnghilh tawh hnu, tingang la la, tual fang rawh; tingrang kai la, hla tam tak sa rawh, hriata i awm leh theihna turin.

17

  Tin, kum sawmsarih a ral hnu chuan LALPA chuan tura khua chu a tlawh ang a, a sumdawnna a chhunzawm leh ang; khawvel ram tinah a inzuar leh ang.Tin, a sum deh chhuah leh a hlawh chu LALPA hmaa awmte tan a ni dawn si a, hnianghnara an eiah leh, silhfen ropui tak an neih theihna'n.

18

  Tin, a sum deh chhuah leh a hlawh chu LALPA hmaa awmte tan a ni dawn si a, hnianghnara an eiah leh, silhfen ropui tak an neih theihna'n.

Mizo Bible
Copyright: Mizo ?