A A A A A
हिंदी बाइबिल Mizo Bible

श्रेष्ठगीत 7



1

  Pheikhawk bun chunga i pen mawizia; aw mi ropui fanu! I mal mumin lunghlu iang e, thawktu themthiam tak kut chhuak hnu chu.

2

  I laibu lah berhbu hun, uain pawlhsa kiamna ngai lo ang hian. I pum chuan a iang e, buh vum, lili par hmuna chhun chu.

3

  I hnute pahnih hian a ang, no pahnih, sazain phir a neih kha.

4

  I nghawngin a iang a ni, saingho kulhbing sang; I mitte'n Hesbon-a dilte, Bath-rabbim luhna kianga mi ang e; i hnarin a iang a ni, Lebanon kulhbing, Damaska lam zuk hawi chu.

5

  I thlungluin a iang, Karmel tlang, i lubahsam pawh a dum ziar e, a thlai mawi lalin a tuar zo lo.

6

  I mawizia leh lung i tihawizia, aw hmangaih, lawmnate zingah!

7

  I tlawntlai hian, tum thing a iang e, i hnutete'n a rah bawr a ang.

8

  Tum thingah chuan ka lawn chho ang a, a kau ka vuan ang, ka lo ti a: I hnutein grep bawr ang se, i thaw rimin apple ang bawk se.

9

  I kam uain tha mi ang mai chu, ka duhtak tan luang thla del del se, muhilte hmuiah luang lut rawh se.

10

  Ka duhtak ta chu ka ni a, keima lamah a thinlai a cham reng e.

11

  Hawh teh, ka duhtak, ramah chhuak i la, thingtlang khuaahte i riak teh ang.

12

  Zingah grep huanah kal i la, i en dun ang grep, kuhmumin a vul emaw, theibuhfai pawh a par emaw, tah chuan ka pe ang che, ka hmangaihna.Zawlaidi hloin rimtui a chhuah a, kan kawngka bulah thei tha tinreng a awm rui e, a hlui leh thar. I tan ka khekkhal aw ka duhtak.

13

  Zawlaidi hloin rimtui a chhuah a, kan kawngka bulah thei tha tinreng a awm rui e, a hlui leh thar. I tan ka khekkhal aw ka duhtak.

Mizo Bible
Copyright: Mizo ?